ወራዙት(Orthodox Youth)

🎙ዝማሬ🎙
የኤልሳቤጥ ሀሴት

@tewahdo_haymanotae

1.2K views06:40

በዚህ ግራ በተጋባ አገር ውስጥ በክርስትናህ ጸንተህ መኖር አለመኖርህን ለመመዘን የሚከተሉትን ጥያቄዎች ለራስህ መልስ፡-
(1) በቋሚነት ማታና ጠዋትን ጨምሮ ተጸልያለህ?
(2) ሳታቋርጥ በቤተክርስቲያን ቀኖና መሠረት፣ በመምሕረ ንሥሐ ምሪት ሥር ሆነህ በቤተክርስቲያን የጋራ ጸሎት፣ በሌሎች የቤተክርቲያን ምሥጢራትና በቅዱስ ቁርባን ትሳተፋለህ?
(3) በየዓመቱ የቤተክርስቲያን ግፃዌ ዑደት (ካሌንደር) መሠረት መጾም፣ በዓላቱን በተሠራው ቀኖና መሠረት ማክበር፣ በአጥቢያ ዓመታዊ የአገልግሎት ውሳኔዎች በመታዘዝ ትሳተፋለህ?
(4) እኔ ኃጢአተኛው እገሌ ብለህ ራስህን በመርመር ለጸሎት በቆምክበትና በሁሉ ቦታ የአምላክን ምህረት ትጠይቃለህ? በዚህም በሌሎች ከመፍረድ ራስህን ትገታለህ?
(5)   ዘመኑ ካመጣው ሩጫ፣ የተጨናነቀ ሥራ፣ አልጠግብ ባይነት፣ ያጡትን እያሰቡ ባገኙት ባለማመስገን በጭንቀት ውስጥ ከሚኖሩት ኢአማኒያን የሚለይህ እርጋታ አለህ?
(6) በእጅህ ላይ ባለውና እግዚአበሔርን በሚያስደስተው ሥራህ ላይ ታተከራለህ ወይንስ ሩቅና ምኞታዊ በሆነ ዐሳብ ትዋልላለህ?
(7) በተፈጥሮ ከተሰጡን ፍላጎቶች ለምሳሌ መብላት፣ የተቃራኒ ፆታ ፍላጎት፣ ፍቅር ማግኘት፣ ክብር መፈለግ፣ መጠለያ ማግኘት፣ ወዘተ በተጨማሪ በሰብአዊ ትምህርትና መገናኛ ብዙሀን ጫና የሚመጡ በአካላዊ ገፅታ                መደነቅ፣ ዝሙት፣ ውዳሴ ከንቱ፣ አሸናፊነት (የበላይነት) መሻት የመሳሰሉ ፍትወታትን   --- በቃለ እግዚአብሔርና በቅዱሳን ሕይወት ምሳሌነት መግራትና ራስን መግዛት ወይስ ፍትወታትን እያዳመጡ ለማርካት መሥራት ላይ ትጠመዳለህ?
(8)    ከራስህ በማስቀደም ሌሎችን በመርዳት ትደሰታለህ ወይስ በራስ ወዳድነት ለመብለጥ በምታደርገው ሩጫ አሸናፊና የበለጥክ ሆነህ መታየት ያስደስትሀል?
(9) ከሌሎች ኦርቶዶክሳዊያን ጋር በመሆን መንፈሳዊ ትምህርት በመማማር እምነትህን ታጸናለህ፣ የግብረ ሠናይና መልካም ስነምግባር አርአያነት እንዲሁም በመረዳዳት ውስጥ ትሳተፋለህ ወይስ ከዓለማዊያን ጋር ሳምንቱን በጭፈራና በዋዛ ፈዛዛ በማሳለፍ ነገረ-እግዚአበሔርን በሰንበት ዕለት ብቻ ታስታውሳለህ?
(10) መጽሐፍ ቅዱስን፣ ስንክሳርና የአባቶች ሕይወትን ለማንበብ ቋሚ ጊዜ አለህ ወይስ በወቅታዊ መረጃ ንባብ ብቻ ትጠመዳለህ?
(11) ከዘረኝነት ደዌ አምልጠህ የሰው ልጅን ሁሉ ባለማበላለጥ እኩል የሚወድ ልብ አለህ ወይንስ በአራዊት አምሳል በጎራ ተሰልፈው ከሚናከሱት ጋር አንዱን ጥግ መርጠህ ትተራመሳለህ?
(12) የሕግ ሁሉ ፍጻሜ ሰውንና እግዚአብሔርን መውደድ ነውና በዚህ ፍቅር ውስጥ ትኖለህ? ወይስ ለአንተ የሚስማማ የግል አምላክ ፈጥረህና ከሚመስሉህ ጋር የሀሰት እምነት መሥርተህ ከአንዲት ቤተክርስቲያን ተለይተህ ይሆን?
(13) የክርስቲያን መሠረታዊ የሕይወት ትርጉሙ ምንጭ የሆነውን ፍቅር፣ ተስፋ፣ እምነት መያዝ አለመያዝህን ጠይቅ? በአእምሮህ የሰው ጠላት፣ ተስፋቢስነት፣ ኑፋቄና ክህደት ወርሰውህ በቁሳዊ ሀብትና የቡድን ዋስትና የምትተማመን ከሆንህ ፈትነህ ወደ ቤተክርስቲያን መምህራን ካህናት መጥተህ ሕክምና አግኝ፡፡

©መምህር ፋንታሁን ዋቄ

1.7K viewsedited 07:16