🔹Ձեզ համար առանձնացրել ենք մամուլում այսօր հրապարակված մի քանի ուշագրավ լուր👇

📌Գեղարքունիքից Սյունիք գնացած մարզպետն ու նրա ունեցվածքը. «Ժողովուրդ»

📌Էդմոն Մարուքյանի ղեկավարած ԼՀԿ-ի և Հովիկ Աղազարյանի ՄԱՍԿ-ի միջև նախընտրական բանակցությունները ձախողվել են. «Հրապարակ»

📌Արա Աբրահամյանի փոփոխության հարցն է դիտարկվում. «Հրապարակ»

📌«Պոդքաստի» գործընկերը՝ նախընտրական ցուցակի երկրորդ համար. «Փաստ»

📌ՌԴ-ն անցնում է կոշտ սցենարի. կարգելվի նաև «Ջերմուկի» արտահանումը Ռուսաստան. «Փաստ»

📌Փոփոխություններ` վարորդական վկայական ստանալու քննությունների գործընթացում. «Փաստ»

🔹Նախագահը պարզապես կատակ էր անում, և, իհարկե, նա հեռացրեց այն, քանի որ հասկացավ, որ շատերը չընկալեցին իր հումորը տվյալ դեպքում, ասել է Ջեյ Դի Վենսը

📌«ԱՄՆ-ի նախագահը սիրում է բազմազանություն մտցնել սոցիալական ցանցերում։ Եվ ես իրականում կարծում եմ, որ սա նախագահի լավ կողմերից մեկն է: Նա իրականում անմիջականորեն դիմում է մարդկանց»,- ասել է ԱՄՆ փոխնախագահը:

🔹Մարկո Ռուբիոն կմասնակցի ԱՄՆ միջնորդությամբ կազմակերպված Իսրայելի և Լիբանանի միջև բանակցություններին, որոնք պետք է սկսվեն ապրիլի 14-ին Վաշինգտոնում գրում է Axios-ը

📌«Բանակցությունները կենտրոնացած կլինեն հրադադարի հնարավորության, «Հեզբոլլահի» երկարաժամկետ զինաթափման, ինչպես նաև երկրների միջև խաղաղության համաձայնագրի վրա»,- գրված է հաղորդագրության մեջ:

🔹Չինաստանը պահանջում է վերականգնել բնականոն նավագնացությունը Հորմուզի նեղուցում, հայտարարել է ՉԺՀ ԱԳՆ պաշտոնական ներկայացուցիչը

📌«Այն պայմաններում, երբ շահագրգիռ կողմերն արդեն հասել են ժամանակավոր հրադադարի մասին պայմանավորվածության, ԱՄՆ-ի կողմից ռազմական ներկայության ուժեղացումը և նպատակաուղղված շրջափակող գործողությունների իրականացումը միայն կհանգեցնեն հակասությունների սրմանը և լարվածության մեծացմանը»,- ընդգծել է Գո Ցզյակունը։

🔹Մրգաշենում ապրիլի 13-ին տեղի ունեցած սպանության դեպքի առթիվ նախաձեռնված քրեական վարույթի նախաքննության ընթացքում կատարված քննչական և օպերատիվ-հետախուզական գործողությունների և միջոցառումների արդյունքում պարզվել է, որ արարքը կատարել են եղբայրներ, որոնցից մեկն անչափահաս է, հայտնում են ՔԿ-ից

📌Ա.Ա.-ին կյանքից ապօրինաբար զրկելու ուղղակի դիտավորությամբ, փոխլրացնելով միմյանց գործողությունները՝ սուր կտրող-ծակող գործիքներով բազմաթիվ հարվածներ են հասցրել վերջինիս մարմնի տարբեր հատվածներին՝ սպանելով նրան:

🎯«TUMO» ստեղծարար տեխնոլոգիաների կենտրոնը շարունակում է ընդլայնել իր աշխարհագրությունը։ Օրեր առաջ Ուրուգվայում կայացավ կենտրոնի պաշտոնական բացումը, որին մասնակցում էին բարձրաստիճան պաշտոնյաներ, ներառյալ Ուրուգվայի նախագահը և «Google» ընկերության հանրային քաղաքականության և պետական հարցերի մենեջերը

📌Կարասկոյի միջազգային օդանավակայանի մոտ տեղակայված ժամանակակից կենտրոնը մուտք է գործում Ուրուգվայ «Aeropuertos Uruguay» և «Corporación América Airports» ընկերությունների միջոցով և ռազմավարական համագործակցություն ունի «Ceibal» ընկերության հետ:

🔹Ապրիլի 13-ին տեղի է ունեցել ՌԴ ԱԳ նախարար Սերգեյ Լավրովի հեռախոսազրույցը Թուրքիայի ԱԳ նախարար Հաքան Ֆիդանի հետ

📌Քննարկվել են հարցեր, որոնք վերաբերում են Իրանի վրա ԱՄՆ-ի և Իսրայելի հարձակման հետևանքով ստեղծված ճգնաժամային իրավիճակից դուրս գալու ուղիների որոնմանը: Ֆիդանը անդրադարձել է Ուկրաինայի շուրջ իրադարձությունների վերջին զարգացումներին և առաջարկել է Ստամբուլի հարթակը՝ Ուկրաինայի հարցով բանակցությունների համար:

🔹Վլադիմիր Զելենսկին ժամանել է Բեռլին՝ Ֆրիդրիխ Մերցի հետ հանդիպելու և ուկրաինա-գերմանական միջկառավարական խորհրդակցություններին մասնակցելու համար

📌Հանդիպման արդյունքներով նախատեսված է համատեղ մամուլի ասուլիս, փաստաթղթերի ստորագրում և միջկառավարական խորհրդակցությունների լիագումար նիստ՝ Ուկրաինայի նախագահի և Գերմանիայի կանցլերի մասնակցությամբ: