🔹Հայաստանի ֆուտբոլի ֆեդերացիան դիմել է ՈւԵՖԱ-ին՝ ներկայացնելով Հայաստան-Ուկրաինա հանդիպումից առաջ և խաղի ընթացքում տեղի ունեցածը: ՀՖՖ-ն ներկայացրել է դիտարկումներ՝ ըստ որի ուկրաինական կողմի բողոքն անհիմն է, այս մասին հայտնում են ՀՖՖ-ից

📌Նշենք, որ Ուկրաինայի ֆուտբոլի ասոցիացիան պաշտոնապես դիմել է ՈւԵՖԱ-ի Վերահսկիչ, էթիկայի և կարգապահական մարմնին՝ կապված ֆուտզալի Եվրո-2026-ի որակավորման փուլի Հայաստան-Ուկրաինա հանդիպումից հետո տեղի ունեցած միջադեպի հետ։ Ավելին՝ այստեղ։

🔹Եթե նահանգապետ Քարնին (Կանադայի վարչապետ Մարկ Քարնի) կարծում է, որ Կանադան վերածում է Չինաստանի համար «ներմուծման նավահանգստի»՝ ապրանքներ ԱՄՆ տեղափոխելու համար, նա սխալվում է, գրել է Թրամփը

📌«Չինաստանն ամբողջությամբ կուլ կտա Կանադան, ամբողջությամբ կոչնչացնի այն, ներառյալ նրա տնտեսությունը։ Եթե Կանադան համաձայնության գա Չինաստանի հետ, ապա անմիջապես կբախվի ԱՄՆ մտնող բոլոր կանադական ապրանքների վրա 100% մաքսատուրքի»,-գրել է ԱՄՆ նախագահը։

🔹Աբու Դաբիում կայացած բանակցությունների հիմնական թեման պատերազմի ավարտի պարամետրերն էին, հայտարարել է Ուկրաինայի նախագահ Վլադիմիր Զելենսկին

📌«Ես մեծապես կարևորում եմ պատերազմի ավարտի և անվտանգության պահպանման գործընթացի նկատմամբ ամերիկյան վերահսկողության անհրաժեշտությունը։ Եթե պատրաստ լինենք առաջ շարժվել, իսկ Ուկրաինան պատրաստ է, մյուս հանդիպումը տեղի կունենա հաջորդ շաբաթ», - գրել է Զելենսկին։

🔹Սա ոչ արդարադատության, ոչ էլ հումանիզմի բացակայություն է․ սա դանդաղ մարդասպանություն է, գրել է Գյումրու քաղաքապետ Վարդան Ղուկասյանը՝ ԱԱԾ մեկուսարանից

📌«Միջազգային հանրությունը բավականին երկար ժամանակ բաց աչքերով հանդուրժում է Հայաստանում տեղի ունեցող քաղաքական հալածանքները, հաշվեհարդարը, խոսքի, խղճի և հայ քրիստոնյաների կրոնական ազատությունների սահմանափակումներն ու արգելքները», - գրել է նա, ավելին՝ այստեղ։

🔹Սիրիայի ՊՆ-ն հայտարարել է քրդերի գլխավորած «Սիրիայի դեմոկրատական ուժեր» կոալիցիայի հետ հրադադարի 15-օրյա երկարաձգման մասին, հաղորդել է SANA-ն

📌Հիշեցնենք, որ Հունվարի 18-ին Սիրիայի ժամանակավոր նախագահ Ահմեդ ալ-Շարաան հաստատել է քրդական ուժերի հետ կնքված նոր հրադադարի համաձայնագիրը։

🔹Հունվարի 25-ին՝ ժամը 10:00-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են, հաղորդել է Ճանապարհային դեպարտամենտը

📌Ջերմուկի խաչմերուկից մինչև Կապան ավտոճանապարհները և Վարդենյաց լեռնանցքը փակ են կցորդով տրանսպորտային միջոցների համար։

🔹Մինեապոլիսում դաշնային գործակալը կրակել է մի տղամարդու վրա, հաղորդում է Associated Press-ը

📌ԱՄՆ-ի ներքին անվտանգության նախարարությունը հայտարարել է, որ սահմանապահ պարեկային ծառայության աշխատակիցները կրակ են բացել տղամարդու վրա ինքնապաշտպանության նպատակով, քանի որ տղամարդն իրենց մոտեցել է ատրճանակով։

🔹Մենք արգելելու ենք սոցիալական ցանցերի հասանելիությունը 15 տարեկանից ցածր երեխաների համար, ինչպես նաև հեռախոսները միջնակարգ դպրոցներում, հայտարարել է Ֆրանսիայի նախագահը

📌«Մեր երեխաների ուղեղները և հույզերը չեն վաճառվում և չեն մանիպուլացվի ամերիկական հարթակների և չինական ալգորիթմների կողմից», - նշել է Էմանուել Մակրոնը: