🔹Երկու խոշոր նավեր փորձել են անցնել Հորմուզի նեղուցով՝ դեպի Պարսից ծոց, սակայն հետ են վերադարձել, հաղորդում է Bloomberg-ը

📌Երթուղու փոփոխությունները տեղի են ունեցել ԱՄՆ-Իրան բանակցությունների ձախողումից հետո։

🔹Ազգին ամբոխից տարբերողը հավաքական հիշողությունն է, գրել է Սուրբ Աթոռում ՀՀ նախկին արտակարգ և լիազոր դեսպան Միքայել Մինասյանը

📌«Ուղիղ 11 տարի առաջ Սուրբ Պետրոսի տաճարում Ֆրանցիսկոս Պապը մատուցեց պատմական պատարագ՝ Հայոց ցեղասպանությունը հռչակելով որպես 20-րդ դարի առաջին ցեղասպանություն։ Այդ օրը ցեղասպանության արհավիրքով անցած մեր ժողովուրդը ի լուր աշխարհի հայտարարեց, որ ընկնել ու բարձրանալ գիտի, տառապել ու վերապրել գիտի»,-գրել է Մինասյանը։

🔹Ռուսաստանի և Ուկրաինայի միջև տարածքային վեճերը սահմանափակվում են «ընդամենը մի քանի կիլոմետրով», ասել է Պեսկովը՝ «Վեստի»-ին տված հարցազրույցում

📌Նա նշել է, որ կայուն խաղաղության կարելի է հասնել այսօր, բայց դրա համար Զելենսկին պետք է էական որոշումներ կայացնի։

🔷ԱՄՆ-Իրան բանակցությունների ձախողումից հետո Իսրայելի պաշտպանության բանակն անցնում է մարտական բարձր պատրաստության վիճակի, հայտնել է բանակի շտաբի պետը

📌«Հրամայվել է պատրաստվել մոտ ժամանակներս զինված հակամարտության վերսկսման հնարավորությանը»,- ասված է հաղորդագրության մեջ։

🔷ԱԺ պատգամավոր, «Հայաստան» խմբակցության անդամ Արթուր Սարգսյանը կմնա տնային կալանքի տակ։ Վերաքննիչ քրեական դատարանը մերժել է նրա նկատմամբ տնային կալանքի ժամկետը երկարաձգելու որոշման դեմ պաշտպանության կողմի ներկայացրած հատուկ վերանայման բողոքը, հայտնում է փաստաբան Էմին Խաչատրյանը

📌Հիշեցնենք, որ «Սրբազան պայքար» շարժման մասնակիցները և ղեկավարներ, այդ թվում՝ Արթուր Սարգսյանը մեղադրվում են ՀՀ-ում ահաբեկչություն պլանավորելու և իշխանությունը զավթելուն ուղղված գործողությունների մեջ։

🔷Պուտինը և Փեզեշքիանը հեռախոսազրույց են ունեցել։ Իրանի նախագահը շնորհակալություն է հայտնել ՌԴ սկզբունքային դիրքորոշման համար, այդ թվում՝ միջազգային հարթակներում, որն ուղղված է իրավիճակի լիցքաթափմանը: Պուտինը պատրաստակամություն է հայտնել շարունակել միջնորդական ջանքերը՝ Մերձավոր Արևելքում երկարատև խաղաղություն հաստատելու շահերից ելնելով, հայտնում է Կրեմլը

🔷ԱՄՆ ռազմածովային ուժերը կսկսեն Հորմուզի նեղուցի շրջափակումը։ Կարգելվի ցանկացած նավի մուտքը կամ ելքը նեղուց, ամերիկյան ուժերը նաև կփնտրեն և կկալանավորեն այն նավերը, որոնք վճարել են Իրանին նեղուցով անցնելու համար, հայտարարել է Թրամփը

🔷Իրանը կվերադառնա բանակցությունների սեղանի շուրջ և կտա մեզ ամեն ինչ, Fox News-ին ասել է Դոնալդ Թրամփը

📌«Եվ ես բանակցությունների մեկնող իմ մարդկանց ասացի՝ ես ամեն ինչ եմ ուզում։ Ես 90% չեմ ուզում, 95% չեմ ուզում։ Ես ամեն ինչ եմ ուզում, իսկ իրանցիները որևէ հաղթաթուղթ չունեն»,- նշել է ԱՄՆ նախագահը։