🔹ՀԱԿ-ը լուրջ բանակցություններ է վարել Սամվել Կարապետյանի ղեկավարած «Ուժեղ Հայաստան»-ի հետ, և արդեն մոտ են եղել դաշինք կազմելուն, բայց շրջադարձ է տեղի ունեցել, հայտարարել է Լևոն Զուրաբյանը

📌«Շրջադարձն այն է, որ մենք տարբեր պատկերացումներ ունեինք հաջողության հասնելու ուղիների մասին։ Եթե ստեղծվեր «Ուժեղ Հայաստանի» հետ այդ դաշինքը, ապա Հայաստանում տեղի կունենար մի կարևոր էֆեկտ, որը ես կանվանեի հեղափոխական էֆեկտի վերելք, և դա կարևոր ազդակ կլիներ հատկապես չկողմնորոշված մարդկանց համար»,- նշել է Զուրաբյանը։

🔹Պարզվել է Շիրակի մարզում «BMW»-ի ու «Opel»-ի մասնակցությամբ ողբերգական ավտովթարից մահացածների և վիրավորների ինքնությունը, հայտնում է Shamshyan. com-ը

📌«BMW»-ի ուղևոր՝ Շիրակի մարզի բնակիչ 64-ամյա Լիա Հ.-ն, «Opel»-ի վարորդ Էլամիր Խ.-ն, վերջինիս ուղևորներ՝ Շիրակի մարզի բնակիչներ 56-ամյա Լեյլի Խ.-ն, 20-ամյա Արման Տ.-ն, 5-ամյա Ռուզաննա Խ.-ն և 1-ամյա Միհրան Խ.-ն մահացել են, իսկ «BMW»-ի վարորդ Կառլեն Ա.-ն, «Opel»-ի ուղևորներ՝ Շիրակի մարզի բնակիչներ 27-ամյա Մարիամ Թ.-ն, 8-ամյա Լեյլի Խ.-ն, 3-ամյա Տիգրան Խ.-ն և 1-ամյա Դավիթ Խ.-ն տեղափոխվել են Գյումրու բժշկական կենտրոն, որտեղից մի քանիսին սանավիացիայով տեղափոխել են Երևանի մասնագիտացված հիվանդանոցներ։

🔹Երևան քաղաքի ընդհանուր իրավասության առաջին ատյանի քրեական դատարանը որոշում է կայացրել Ամենայն Հայոց Կաթողիկոսի պաշտպանի բողոքը բավարարելու մասին: Դատարանի որոշման հիման վրա Ամենայն Հայոց Կաթողիկոսի նկատմամբ կիրառված խափանման միջոցը ենթակա է վերացման, գրել է փաստաբան Արա Զոհրաբյանը

📌ՀՀ քննչական կոմիտեն (քննիչ Արա Ավագյան) 14.02.2026թ. որոշում էր կայացրել և Ամենայն Հայոց Կաթողիկոսի նկատմամբ որպես խափանման միջոց կիրառել էր բացակայելու արգելքը:

🔹Մենք չպետք է թույլ տանք, որ Լիբանանում կրկնվի Գազայի սցենարը, հայտարարել է Իսպանիայի վարչապետը

📌«Մենք չպետք է թույլ տանք, որ Լիբանանը դառնա ևս մեկ Գազա։ Եվրամիությունը պետք է կասեցնի Իսրայելի հետ առևտրային համաձայնագիրը», - ասել է Պեդրո Սանչեսը։

🔹1 և 3 տարեկան տղաների վիճակը ծայրահեղ ծանր է, միացված են արհեստական շնչառական ապարատին, «Ազատությանը» ասել է Առողջապահության նախարարի խոսնակ Մարիամ Ծատրյանը

📌Նա հայտնել է, որ 8-ամյա աղջկա առողջական վիճակը ևս ծանր է, 28-ամյա կնոջ վիճակը՝ ծայրահեղ ծանր: Բոլոր տուժածները վերակենդանացման բաժանմունքում են:

🔹Թրամփ հայտնել է, որ 24 ժամվա ընթացքում կիմանա, թե որքանով հաջող կլինեն Իրանի հետ բանակցությունները։ Սպիտակ տան ղեկավարը նշել է, որ ԱՄՆ-ն նավերը բեռնում է նոր զինամթերքով, եթե բանակցությունները ձախողվեն։

📌«Մենք գործ ունենք մարդկանց հետ, որոնց մասին ոչինչ չգիտենք։ Մեզ դեմ առ դեմ ասում են, որ հրաժարվում են ամբողջ միջուկային զենքից, իսկ հետո դուրս են գալիս մամուլի առաջ և ասում․ «Ոչ, մենք ցանկանում ենք հարստացնել ուրանը»»,-ասել է նա։

🔹Մեր տեղեկություններով` Շիրակի մարզի Ախուրյան համայնքի ՔՊ-ական համայնքապետ Զավեն Մանուկյանն օրերս, առանց որևէ պատճառի ու հիմնավորման, աշխատանքից ազատել է իր տեղակալին՝ ԲՀԿ-ական Կարեն Սերգոյանին

📌Վերջինս դիմում է ներկայացրել արձակուրդ ձևակերպելու համար, քանի որ ԲՀԿ պատգամավորության թեկնածու է։ Դրանից հետո, համայնքի ղեկավարը որոշում է կայացրել նրան պաշտոնից ազատելու վերաբերյալ՝ աշխատակազմի ղեկավարի միջոցով այդ մասին տեղեկացնելով Սերգոյանին։

🎯70-ից ավելի տեխնիկայի և սարքավորման, 25-ից ավելի ավտոմոբիլային բրենդ, մինչև 4% ֆինանսավորման բացառիկ հնարավորություններ և այս ամենը՝ LEASING EXPO 2026-ում՝ ապրիլի 10-ին, 11-ին և 12-ին

📌LEASING EXPO 2026-ը մասնագիտացված հարթակ է, որտեղ գործարարները գտնում են անհրաժեշտ բոլոր առաջարկները՝ բիզնեսի արտադրական ծավալների բարելավման և մեծացման համար, հանդիպում ոլորտի նորարարություններին և հատուկ էքսպոյի երեք օրերի համար մշակված շահավետ առաջարկներին։

🔹ԱՄՆ-ի և Իրանի միջև բանակցությունները կսկսվեն շաբաթ օրը՝ Իսլամաբադում, հայտարարել է Պակիստանի վարչապետ Շահբազ Շարիֆը

📌Իրանը և ԱՄՆ-ն պատրաստ են բանակցել և լուծել իրենց տարաձայնությունները դիվանագիտական ​​ճանապարհով։