🔹Այսօր մեր երկրին անհրաժեշտ է երաշխավորված խաղաղություն, 4-5 հզոր պետություն պետք է երաշխավոր լինի, որ պատերազմը մեր ժողովուրդը մոռանա և սկսի տնտեսությունը զարգացնել, ԲՀԿ համագումարի ժամանակ ասել է Գագիկ Ծառուկյանը

📌«Ասում են՝ սեպտեմբերին պատերազմ է լինելու, կամ ինչ-որ պարտավորություն չկատարելու դեպքում պատերազմ է լինելու, սա դուք համարու՞մ եք խաղաղություն, խաղաղությունը պետք է երաշխավորված լինի, որ մարդիկ պատերազմը մոռանան»,-նշել է նա։

🔹Թրամփը հայտարարել է, որ «շատ լավատես» է Իրանի հետ կնքված համաձայնագրի հարցում

📌«Նրանք շատ ավելի զգուշավոր են դարձել, համաձայնվում են այն ամենին, ինչի հետ պետք է համաձայնվեն։ Եթե նրանք համաձայնության չգան, դա շատ ցավոտ կլինի։ Ես խոսել եմ Նեթանյահուի հետ։ Մենք պետք է մի փոքր ավելի զուսպ լինենք», - ասել է ԱՄՆ նախագահը, գրում է NBC-ն։

🔹Իրանը կանգնած է մեծ տերություն դառնալու շեմին, գրել է գերագույն առաջնորդ Մոջթաբա Խամենեին իր ուղերձում, որը հրապարակվել է ԱՄՆ-ի հետ հրադադարից հետո

📌Նա երկրի բնակիչներին կոչ է արել շարունակել փողոց դուրս գալ՝ ցույց տալու իրենց աջակցությունը իշխանություններին՝ նշելով, որ այդ աջակցությունը կարևոր է նաև ռազմական գործողությունների ավարտից հետո։ «Թեհրանը պահանջելու է փոխհատուցում պատճառված վնասների և նահատակների արյան համար, մենք կմտնենք Հորմուզի նեղուցի կառավարման նոր փուլ»,-նշել է նա:

🔹Լիբանանում հրադադար չկա, ասել է Նեթանյահուն

📌«Մենք շարունակում ենք ամբողջ ուժով հարվածել «Հեզբոլլահին» և չենք դադարի, մինչև չվերականգնենք մեր երկրի անվտանգությունը»,- ասել է Իսրայելի վարչապետը։

🔹Պուտինը հայտարարել է Զատկի զինադադար, հայտնել են Կրեմլի մամուլի ծառայությունից

📌Այն ուժի մեջ կմտնի ապրիլի 11-ի ժամը 16:00-ից մինչև ապրիլի 12-ի ավարտը։

🔹Ժամը 22:44-ին Բավրա գյուղից 17 կմ հյուսիս-արևելք 3.3 մագնիտուդ ուժգնությամբ երկրաշարժ է գրանցվել

📌Էպիկենտրոնային գոտում ստորգետնյա ցնցման ուժգնությունը կազմել է 4-5 բալ: Երկրաշարժն զգացվել է Շիրակի մարզի Բավրա, Սարագյուղ, Ղազանչի, Աշոցք գյուղերում, ինչպես նաև Լոռու մարզի՝ Պաղաղբյուր և Նորամուտ գյուղերում 3 բալ ուժգնությամբ:

🔹Ես երբեք Էփշտեյնի զոհը չեմ եղել և տեղյակ չեմ եղել նրա հանցավոր գործունեության մասին, հայտարարել է ԱՄՆ առաջին տիկին Մելանյա Թրամփը և կտրականապես հերքել սեռական թրաֆիքինգի մեջ մեղադրվող ֆինանսիստ Ջեֆրի Էփշտեյնի հետ անձնական կապերի մասին լուրերը՝ նման մեղադրանքները անվանելով իր հեղինակությունը վարկաբեկելու չարամիտ փորձ

📌«Ինձ անպարկեշտ Ջեֆրի Էփշտեյնի հետ կապող ստերը պետք է դադարեցվեն։ Նրանք, ովքեր ստում են իմ մասին, զուրկ են էթիկական չափանիշներից և հարգանքից։ Ես երբեք ընկեր չեմ եղել Էփշտեյնի հետ», - ասել է առաջին տիկինը։

🔹Ձեզ համար առանձնացրել ենք մամուլում այսօր հրապարակված մի քանի ուշագրավ լուր👇

📌Իշխանությունների նոր թեկնածու՞ ՀՖՖ-ում. ո՞վ է նախագահը և ինչու է դժգոհությունը հասել գագաթնակետին. «Ժողովուրդ»

📌49 մլն դրամ եկամուտ, 37 մլն դրամ պարտք․ ինչ ունեցվածք ունի Տավուշի մարզպետ Հայկ Ղալումյանը. «Ժողովուրդ»

📌Արցախի թեմի առաջնորդ Վրթանես եպիսկոպոս Աբրահամյանը փոշմանել է. «Հրապարակ»

📌Որտեղ են տեղավորել Արցախից վերադարձած վերջին հայերին. «Հրապարակ»

🔹Որոշ լրատվամիջոցների հաղորդումներն այն մասին, թե իրանական բանակցային խումբը ժամանել է Իսլամաբադ՝ ամերիկացիների հետ բանակցելու համար, լիովին կեղծ են, հայտնում է Tasnim-ը

📌«Քանի դեռ ԱՄՆ-ը չի կատարել Լիբանանում հրադադարի վերաբերյալ իր հանձնառությունը, և սիոնիստական ռեժիմը շարունակում է իր հարձակումները, բանակցությունները մնում են կասեցված»,- գրված է հաղորդագրության մեջ: