🔹Լիբանանի տարածքին իսրայելական բանակի հարվածները սպառնում են ձախողել ԱՄՆ-ի և Իրանի միջև հրադադարը, հայտարարել է ՄԱԿ-ի գլխավոր քարտուղար Անտոնիու Գուտերեշը

📌«Գլխավոր քարտուղարը վճռականորեն դատապարտում է Իսրայելի կողմից Լիբանանի տարածքին հասցված զանգվածային հարվածները, որոնք հանգեցրել են հարյուրավոր խաղաղ բնակիչների, այդ թվում՝ երեխաների զոհվելուն և վիրավորվելուն, ինչպես նաև քաղաքացիական ենթակառուցվածքների վնասմանը»,- գրված է հաղորդագրության մեջ։

🔹ԱՄՆ-ը պետք է ընտրություն կատարի խաղաղության և պատերազմի միջև Մերձավոր Արևելքում, հայտարարել է Իրանի ԱԳ փոխնախարար Սաիդ Խաթիբզադեն

📌«Դուք չեք կարող ունենալ և՛ մեկը, և՛ մյուսը միաժամանակ։ Դրանք փոխբացառող են, դա բավականին ակնհայտ է։Դուք չեք կարող հրադադար խնդրել, ընդունել դրա պայմանները, այն տարածքները, որոնց վրա այն տարածվում է, այնտեղ հիշատակել Լիբանանը և հետո սկսել սպանդը»,- հայտնել է Խաթիբզադեն։

🔹Մենք ՌԴ-ի թիկունքում որևէ բան չենք պատրաստվում անել և ի հեճուկս ՌԴ-ի, ասել է Փաշինյանը

📌«Ղազախստանը օգոստոսից ի վեր չի թաքցրել իր հետաքրքրությունը ԹՐԻՓՓ-ի վերաբերյալ։ Ղազախստանը միակ երկիրը չի որ հետաքրքված է, բազմաթիվ երկրներ հետաքրքված են։ Եվ մենք, այդ թվում Ղազախստանին, պիտի հրավիրենք՝ պատրաստ լինել ՀՀ-ով անցնող տարանցիկ ուղիները օգտագործել իրենց արտահանումների, ներկրումների և իրենց կողմից մատուցվող տրանսպորտային ծառայությունների շղթայի մեջ»,-ասել է նա։

🔹Իրանի հակառակորդները երբեք չեն հասնի Թեհրանի կողմից ուրանի հարստացման դադարեցմանը, ասել է Իրանի փոխնախագահ Մոհամմադ Էսլամին

📌«Իրանի հարստացման ծրագիրը սահմանափակելուն ուղղված հակառակորդների պնդումներն ու պահանջները լոկ երազանքներ են, որոնք գերեզման կգնան»,- ասել է նա։

🔹Հեզբոլլահը ներքաշել է Լիբանանին հակամարտության մեջ, սակայն Իսրայելի ինքնապաշտպանության իրավունքը չի արդարացնում նման մասշտաբային ավերածությունները, գրել է Եվրադիվանագիտության ղեկավար Կայա Կալլասը

📌«Իսրայելի գործողությունները լուրջ լարվածության տակ են դնում Իրանի և ԱՄՆ-ի միջև հրադադարը, որը պետք է տարածվի նաև Լիբանանի վրա։ Հեզբոլլահը պետք է զինաթափվի, ինչպես որ համաձայնել է անել։ ԵՄ-ն աջակցում է Լիբանանի ջանքերին՝ ուղղված Հեզբոլլահի զինաթափմանը»,- գրել է Կալլասը։

🔹Ես իմ կյանքում բոլոր հնարավոր տեղերում եղել եմ, ինձ ոչ մի բանով չեք զարմացնի, գործազուրկ էլ եմ եղել, բանտում էլ եմ եղել, ասել է Փաշինյանը՝ պատասխանելով լրագրողի հարցին՝ եթե չընտրվեք վարչապետ, որտե՞ղ եք հայտնվելու, բանտո՞ւմ

🔹35 տարեկանում մահացել է դերասան Մայքլ Պատրիկը, որ հայտնի էր «Գահերի խաղը» սերիալում իր դերակատարմամբ

📌2023 թվականի փետրվարին արտիստի մոտ ախտորոշվել էր շարժողական նեյրոնների անբուժելի հիվանդություն, որը հանգեցնում է շարժումների նկատմամբ վերահսկողության աստիճանական կորստի։