🔹Հակամարտության գոտու մի քանի վայրերում գրանցվել են հրադադարի խախտումներ, որոնք խաթարում են խաղաղության գործընթացի ոգին, գրել է Շահբազ Շարիֆը

📌«Ես անհապաղ կոչ եմ անում բոլոր կողմերին զսպվածություն ցուցաբերել և պահպանել համաձայնեցված երկշաբաթյա հրադադարը, որպեսզի դիվանագիտությունը կարողանա առաջատար դեր խաղալ հակամարտության խաղաղ կարգավորման գործում», - գրել է Պակիստանի վարչապետը։

🔹Համոզված եմ՝ Փաշինյանի նպատակն այն էր, որ բոլորին ցույց տար, որ ինքը այն մարդն է, որին բոլորն ընդունում են՝ Ռուսաստանն է ընդունում, Եվրոպան է ընդունում, ԱՄՆ-ն է ընդունում, բայց այս անգամ տեսանք՝ Ռուսաստանի համբերությունը անվերջ չէ, «Մեծ քաղաքականություն» փոդքասթի ժամանակ ասել է Ռոբերտ Քոչարյանը՝ խոսելով Փաշինյան-Պուտին հանդիպման մասին

📌«Հսկա պետության մոտ աքլորանալը վնասելու է քո երկրին։ Քեզ դաս չեղա՞վ, որ քաղաքականության մեջ աքլորանալը լավ բան չէ»,–ասել է երկրորդ նախագահը։

🔹Վարդան Ղուկասյանն ու Ստեփան Դեմիրճյանը կհամագործակցեն, հայտարարել է ԴՕԿ Կուսակցության շտաբի պետ, փաստաբան Լևոն Բաղդասարյանը

📌«Համագործակցության առաջարկությունն ընդունված է։ Կարևորվում է, որ բացառապես միասնական ջանքերով, անկախ կուսակցական պատկանելիությունից, պետք է վեր դասել պետական շահը։ Միայն այդ ճանապարհով է հնարավոր կերտել օրենքի դիկտատուրայի ուժով, իրավունքի գերակայությամբ, ազգային արժանապատվությամբ առաջնորդվող Արևային Հայաստան»,- նշված է Բաղդասարյանի հայտարարության մեջ։

🔹Որևէ երկիր Արցախի անկախությունը չէր ճանաչել, Արցախը ինքնորոշման ճանապարհին էր, «Մեծ քաղաքականություն» փոդքասթի ժամանակ ասել է Ռոբերտ Քոչարյանը՝ խոսելով Փաշինյանի հայտարարությունների մասին

📌«Ռուսաստանը, Ֆրանսիան, ԱՄՆ-ն կասկածի տակ չեն դրել Ադրբեջանի տարածքային ամբողջականությունը, բայց իրենք, Մինսկի խմբի համանախագահ լինելով, ճանաչում էին Արցախի ժողովրդի ինքնորոշման իրավունքը, և ասել Ռուսաստանին՝ դու ճանաչել ես, ես էլ եմ ճանաչել, լռիվ աբսուրդային իրավիճակ է, սա սեփական մեղքերը ուրիշների գրպանը գցել է, նույնը կարող է ասել Ֆրանսիայի մասին»,-նշել է նա։

🔹Իրանի նախագահ Մասուդ Փեզեշքիանը նշել է, որ Լիբանանում հրադադարը Իրանի հետ կնքված հրադադարի համաձայնագրի կետերից մեկն է

📌Հրադադարից հետո Իսրայելը շարունակում է հարվածել Լիբանանին։ Բեյրութի վրա Իսրայելի կողմից հասցված հարվածների հետևանքով զոհերի թիվը հասել է 112-ի, իսկ վիրավորների թիվը՝ ավելի քան 800-ի։

🔹Իրանի և ԱՄՆ-ի միջև հրադադարի պայմանները հստակ և միանշանակ են. Ամերիկան ​​պետք է ընտրի հրադադարի կամ Իսրայելի միջոցով պատերազմը շարունակելու միջև, երկուսի համատեղումն անհնար է, հայտարարել է Իրանի ԱԳ նախարար Աբբաս Արաղչին

📌«Աշխարհը հետևում է Լիբանանում տեղի ունեցող սպանություններին։ Գնդակն այժմ ԱՄՆ-ի դաշտում է»,-նշել է նա։

🔹Իրանը սկզբում առաջարկեց 10 կետից բաղկացած ծրագիր, որն անընդունելի էր։ Ապա առաջարկեցին ավելի ողջամիտ, բոլորովին այլ և հակիրճ ծրագիր, հայտնել է Սպիտակ տան խոսնակը

📌«Նախագահ Թրամփի կարմիր գծերը, մասնավորապես՝ Իրանում ուրանի հարստացման դադարեցումը, չեն փոխվել»,-նշել է Քերոլայն Լևիթը։

🔹Իսլամաբադում ԱՄՆ-Իրան բանակցություններից առաջ սահմանափակվել է այսպես կոչված «Կարմիր գոտի» մուտքը, որտեղ գտնվում են կառավարական շենքերը

📌Պակիստանի իշխանությունները բանակցությունների կապակցությամբ ապրիլի 9 և 10 հայտարարել են ոչ աշխատանքային օրեր։

🔹Ֆրանսիայի և Իրանի նախագահները հեռախոսազրույց են ունեցել

📌Մակրոնն ընդգծել է Լիբանանում մարտական ​​գործողությունները դադարեցնելու անհրաժեշտությունը։ Փեզեշքիանը նշել է, որ Ֆրանսիայի դերն այս փուլում կարևորագույն նշանակություն ունի։