🔹ԱՄՆ-ի և Իրանի միջև գործող հրադադարը դեռևս փխրուն է, հայտարարել է ԱՄՆ փոխնախագահ Ջեյ Դի Վենսը

📌«Կան մարդիկ, ովքեր ակնհայտորեն ցանկանում են նստել բանակցությունների սեղանի շուրջ և աշխատել մեզ հետ՝ շահավետ համաձայնություն գտնելու համար։ Սակայն կան նաև նրանք, ովքեր ստում են նույնիսկ այն փխրուն հրադադարի մասին, որը մենք արդեն կնքել ենք»,- ասել է Վենսը։

🔹Ապրիլի 8-ին Իլհամ Ալիևը հեռախոսազրույց է ունեցել Մասուդ Փեզեշքիանի հետ։ Ադրբեջանի նախագահը շնորհավորել է Իրանի և ԱՄՆ-ի միջև հայտարարված հրադադարի կապակցությամբ

📌Մասուդ Փեզեշքիանը շնորհակալություն է հայտնել Ադրբեջանի նախագահին շնորհավորանքների և Ադրբեջանի կողմից Իրանին ցուցաբերված հումանիտար օգնության համար։ Հեռախոսազրույցի ընթացքում մտքեր են փոխանակվել երկկողմ համագործակցության հարցերի շուրջ։

🔹Մոսկվան չի կարող անտեսել ՀՀ-ում տեղի ունեցող գործընթացները, ինչպիսիք են Ընտրական օրենսգրքում փոփոխությունների ընդունումը, հայտարարել է ՌԴ ԱԳՆ ներկայացուցիչ Մարիա Զախարովան

📌«Այս փոփոխությունները կարող են զգալի սահմանափակումներ դնել ընտրություններին մասնակցող քաղաքական ուժերի անվանումների վրա։ Կարևոր է, որ դա չարվի ընդդիմության ընտրական հնարավորությունները միտումնավոր սահմանափակելու համար։ Մենք հիշում ենք, թե ինչպես Նիկոլ Փաշինյանը վերջերս ՌԴ նախագահի հետ հանդիպման ժամանակ, խոսելով առաջիկա ընտրությունների մասին, ասաց, որ «Հայաստանը ժողովրդավարական երկիր է»»,-նշել է նա։

🔹Իրանը պաշտոնապես հայտարարել է, որ Իսրայելը խախտում է հրադադարը

📌Իրանի ԱԳ նախարարը քննարկել է այս հարցը Պակիստանի բանակի հրամանատարի հետ։ RT-ն հայտնել է, որ Բեյրութում այրված մեքենաներ և ավերված շենքեր կան Իսրայելի հարձակումներից հետո։