🔹ԱՄՆ-ի և Իրանի միջև հրադադարի մասին համաձայնագիրը հետքայլ է անդունդի եզրից՝ շաբաթներ տևած լարվածության սրումից հետո, գրել է Եվրոպական դիվանագիտության ղեկավար Կայա Կալլասը

📌«Զինադադարը ստեղծում է խիստ անհրաժեշտ հնարավորություն՝ մեղմելու սպառնալիքները, դադարեցնելու հրթիռակոծությունները, վերսկսելու նավագնացությունը և տարածություն ստեղծելու դիվանագիտության համար՝ ուղղված տևական համաձայնագրի ձեռքբերմանը: Հորմուզի նեղուցը պետք է կրկին բաց լինի անցման համար»,- նշել է Կալլասը։

🔹ՀՀ-ին պետք է երկարաժամկետ խաղաղություն, որը կախված չէ դատարկ խոսքերից կամ հակառակորդի կամքից։ Մեզ պետք է պատերազմի դուռը վերջնականապես փակել։ ՀՀ-ին երաշխավորված խաղաղություն է պետք, այս մասին 168. am-ի հետ զրույցում ասել է Գագիկ Ծառուկյանը

📌«Մեր ապրանքների մեծ մասը ԵԱՏՄ շուկա է արտահանվում։ Որ դուրս եք գալիս, բա որտե՞ղ է վաճառելու, ո՞ւր է արտահանվելու։ ԵՄ-ն մեր լավ գործընկերն է ու ավելի լավը դեռ պիտի դառնա, բայց մեզ անդամակցելու ո´չ հրավիրել են, ո´չ էլ սպասում են»,-ասել է Ծառուկյանը: Ավելին՝ այստեղ:

🔹Հայաստանը ողջունում է ԱՄՆ-ի և Իրանի միջև կայացված կարևորագույն որոշումը՝ դադարեցնել բոլոր ռազմական գործողությունները, գրել է Նիկոլ Փաշինյանը

📌«Մենք նաև բարձր ենք գնահատում միջնորդական ջանքերը, այդ թվում՝ Պակիստանի կողմից գործադրված, և հաստատակամորեն հավատում ենք, որ դիվանագիտությունը պետք է գերակայի՝ բոլոր չլուծված հարցերը կարգավորելու և Մերձավոր Արևելքում խաղաղությունը պահպանելու համար»,- հավելել է Փաշինյանը։

🔹Ձերբակալվել է նաև ՀՀ աշխատանքի և սոցիալական հարցերի նախկին նախարար Արտեմ Ասատրյանը

📌«Հակակոռուպցիոն կոմիտեում քննվող քրեական վարույթի շրջանակներում ՀՀ քրեական օրենսգրքի տարբեր հոդվածներով նախատեսված հանցավոր արարքներ կատարելու մեղադրանքներով ձերբակալվել են մի շարք անձինք, այդ թվում՝ Պետական գույքի կառավարման վարչության պետի պաշտոնը զբաղեցրած անձը և այլ նախկին բարձրաստիճան պաշտոնյաներ»,-հայտնել են Հակակոռուպցիոն կոմիտեից:

🔹ԱՄՆ-ի և Իրանի միջև գործող հրադադարը դեռևս փխրուն է, հայտարարել է ԱՄՆ փոխնախագահ Ջեյ Դի Վենսը

📌«Կան մարդիկ, ովքեր ակնհայտորեն ցանկանում են նստել բանակցությունների սեղանի շուրջ և աշխատել մեզ հետ՝ շահավետ համաձայնություն գտնելու համար։ Սակայն կան նաև նրանք, ովքեր ստում են նույնիսկ այն փխրուն հրադադարի մասին, որը մենք արդեն կնքել ենք»,- ասել է Վենսը։