🔹Ռուսաստանը Չինաստանի հետ միասին առաջարկում է ՄԱԿ-ի Անվտանգության խորհրդին քննարկել Մերձավոր Արևելքում ստեղծված իրավիճակի վերաբերյալ այլընտրանքային բանաձևի նախագիծ, հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան

📌Պետությունները կոչ են արել արաբական երկրներին ձեռնպահ մնալ ՄԱԿ-ի Անվտանգության խորհրդի բանաձևի նախագծի ընդունումից։ Նեբենզյան իր ելույթում նշել է, որ ԱՄՆ-ն դավաճանել է արաբական երկրներին, և այդ երկրները դարձել են տարածաշրջանում տեղի ունեցած ողբերգության զոհերը։

🔹ԱԺ-ի դիմաց այսօրվա ակցիայի ժամանակ Factor TV-ի նկարահանած տեսանյութը և կարճ հարցումներն ԱԺ նախագահ Ալեն Սիմոնյանը ներկայացրել է հատվածական, գրում է Factor. am-ը

📌Մոնտաժված տեսանյութում Սիմոնյանը թողել է միայն այն քաղաքացիների խոսքերը, որոնք հրաժարվել են պատասխանել հարցերին կամ ասել են, թե չեն մասնակցում ակցիային, ավելին՝ այստեղ։

🔹Մահացել է ֆուտբոլի հայտնի մարզիչ Միրչա Լուչեսկուն։ Ռումինացի մարզիչը 80 տարեկան էր։ Նրա մահվան մասին հայտարարել է լրագրող Էմանուել Ռոսուն

📌Նրա կենսագրության մեջ առանձնահատուկ տեղ է զբաղեցնում աշխատանքը Դոնեցկի «Շախտյոր»-ում, որը նա մարզել է 2004-ից 2016 թվականներին։ Հենց «Շախտյոր»-ում է երկար տարիներ խաղացել Հայաստանի հավաքականի նախկին ավագ Հենրիխ Մխիթարյանը։

🔹ՄԱԿ-ի գլխավոր քարտուղար Գուտերեշը հայտարարել է, որ մտահոգված է Թրամփի սպառնալիքներով՝ ոչնչացնել իրանական քաղաքակրթությունը

📌«Չկա որևէ ռազմական նպատակ, որը կարդարացնի հասարակության ոչնչացումը կամ քաղաքացիական բնակչությանը միտումնավոր տառապանքներ պատճառելը»,-նշել է նա։

🔹Ըստ իրանական ԶԼՄ-ների՝ Իրանը կպատասխանի ԱՄՆ հարձակումներին՝ հարվածելով Սաուդյան Արաբիայում, ԱՄԷ-ում և Բահրեյնում գտնվող թիրախներին

📌Թիրախների թվում կարող են լինել Saudi Aramco նավթային ընկերության օբյեկտները, Յանբու նավահանգիստը, Հաբշան-Ֆուջեյրա խողովակաշարը և մի շարք երկաթուղային կամուրջներ։

🔹Ես դեռ լիովին տեղեկացված չեմ առաջարկի մասին։ Կարող եմ ասել հետևյալը՝ ես նրան շատ լավ եմ ճանաչում։ Նա ամենուրեք մեծ հարգանք վայելող մարդ է, ասել է Թրամփը՝ Պակիստանի վարչապետի առաջարկի մասին, գրում է Fox News-ը

📌Սպիտակ տան մամուլի քարտուղարը հայտարարել է, որ նախագահը տեղեկացված է առաջարկի մասին, և շուտով կպատասխանի։

🔹Թրամփը հայտարարել է Իրանի ռմբակոծությունները երկու շաբաթով դադարեցնելու իր համաձայնության մասին

📌ԱՄՆ նախագահը վստահեցրել է, որ հրադադարը կլինի փոխադարձ։«Հիմք ընդունելով Շարիֆի և Մունիրի հետ ունեցած զրույցները և նրանց խնդրանքը՝ հետաձգել Իրանի նկատմամբ ոչնչացնող ուժի կիրառումը՝ պայմանով, որ Իրանը պատրաստ է լիովին, անմիջապես և անվտանգ բացել Հորմուզի նեղուցը, համաձայն եմ 2 շաբաթով դադարեցնել Իրանի ռմբակոծությունը»,-գրել է նա։

🔹Իսրայելը աջակցում է Թրամփի՝ Իրանին հարվածները դադարեցնելու որոշումը, հաղորդում է The Times of Israel-ը՝ հղում անելով Նեթանյահուի հայտարարությանը

📌ԱՄՆ-Իրան երկշաբաթյա հրադադարը չի տարածվում Լիբանանի վրա, հաղորդում է The Times of Israel-ը՝ հղում անելով Նեթանյահուի հայտարարությանը։

🔹Մեծ օր է համաշխարհային խաղաղության համար։ Իրանը ցանկանում է, որ դա տեղի ունենա։ Նույնը վերաբերում է նաև մյուս բոլորին, գրել է Թրամփը

📌«ԱՄՆ-ն կօգնի Հորմուզի նեղուցում երթևեկության ավելացմանը։ Կլինեն բազմաթիվ դրական գործողություններ։ Մեծ գումարներ կաշխատեն։ Իրանը կարող է սկսել վերակառուցման գործընթացը։ Մենք կբեռնվենք բոլոր տեսակի պաշարներով և պարզապես «կսպասենք», որպեսզի համոզվենք, որ ամեն ինչ լավ կընթանա։ Ես վստահ եմ, որ դա կլինի։ Ինչպես մենք ապրում ենք ԱՄՆ-ում, սա կարող է լինել Մերձավոր Արևելքի Ոսկեդարը»,-գրել է նա։

🔹Ձեզ համար առանձնացրել ենք մամուլում այսօր հրապարակված մի քանի ուշագրավ լուր👇

📌6 մլն եկամուտ, անշարժ գույք, խոշոր չափի փոխառություններ. ինչ է հայտարարագրել Քաղաքաշինության կոմիտեի նախագահը. «Ժողովուրդ»

📌Պուտին-Փաշինյան ապրիլմեկյան հանդիպումից և կոշտ զրույցից հետո էլ ավելի կոշտ զրույց է ընթացել փակ դռների հետևում․ «Հրապարակ»

📌Կալանքից ազատվել է քրեական աշխարհում հայտնի «օրենքով գող» Գևորգ Մելիքյանը՝ Օշականցի Գևորիկը․ «Հրապարակ»

📌Տիգրան Ավինյանի հոր բողոքը բավարարվել է․ «Հրապարակ»

🔹Սա ԱՄՆ-ի հաղթանակն է, որը իրականացրին նախագահ Թրամփը և մեր անհավանական զինվորականները, գրել է Սպիտակ տան մամուլի քարտուղար Քերոլայն Լևիթը

📌««Էպիկական կատաղություն» գործողության հենց սկզբից Թրամփը գնահատել էր, որ սա 4-6 շաբաթ տևողությամբ գործողություն կլինի։ Երբեք մի թերագնահատեք Թրամփի կարողությունը՝ հաջողությամբ առաջ տանելու Ամերիկայի շահերը և նպաստելու խաղաղության հաստատմանը»,-գրել է նա։

🔹Պենտագոնի ղեկավար Փիթ Հեգսեթը ԱՄՆ նախագահ Դոնալդ Թրամփին կեղծ տեղեկություններ է փոխանցել Իրանի դեմ գործողության ընթացքի վերաբերյալ, հայտնում է The Washington Post-ը

📌«Հեգսեթը պնդում էր, թե ԱՄՆ-ն լիակատար վերահսկողություն է հաստատել իրանական երկնքի նկատմամբ, սակայն վերջերս Իրանում ամերիկյան F-15E կործանիչի խոցման միջադեպը ցույց տվեց, որ Իրանը դեռևս ի վիճակի է սպառնալ ԱՄՆ զինծառայողներին և կասկածի տակ դրեց նրա խոսքերը»,- նշել են թերթի աղբյուրները։