🔹Աբու Դաբիում երեկվա հանդիպման ժամանակ փոխզիջման որևէ նշան չի ձեռք բերվել: Այս մասին հաղորդում է Reuters-ը՝ եզրակացություն անելով Ուկրաինայի դեմ այսօրվա օդային հարվածներից

📌«Կիևը գտնվում է ԱՄՆ-ի կողմից աճող ճնշման տակ՝ խաղաղության համաձայնագրի հասնելու համար»,-հավելում է գործակալությունը:

🔹Խորացվում է երեխայի մեկուսացումը, երեխան կորցնում է շփման և հաղորդակցման ցանկությունը, այս մասին Tert.am-ի հետ զրույցում ասել է հոգեբան Լիլիթ Խաչատրյանը՝ խոսելով Տիկտոկ հավելվածի ազդեցության մասին

📌«Եթե ծնողը խելացի լինի, չի թողնի երեխաներին ՏիկՏոկ նայել, բայց քանի որ դա շատ գրավիչ հարթակ է, երեխաներին ու նույնիսկ մեծասահակներին գրավում է: Այս պարագայում ցանկալի է, որ նայեն գոնե հետաքրքիր ինֆորմացիա, ինչը շատ քիչ է, բայց չես կարող արգելել ու ասել, որ չնայի, որովհետև շրջապատի մյուս երեխաներն էլ են նայում»,-Tert.am-հետ զրույցում ասել է լոգոպեդ Շուշան Ավագյանը։ Ավելին՝ այստեղ։

🔹Շտապեմ ուրախությունս կիսել Ձեզ հետ։ 2025 թվականին 8,660 ՀՀ քաղաքացի ավել է մուտք գործել մեր երկրի տարածք, քան ելք է գործել ՀՀ-ից, հայտնել է Նիկոլ Փաշինյանը

📌Առաջին անգամ է, որ Հայաստան քաղաքացիները ավելի շատ մուտք են գործել, քան հեռացել են։

🔹Պուտինի հրթիռները հարվածում են ոչ միայն մեր ժողովրդին, այլև բանակցային սեղանին, հայտարարել է Ուկրաինայի արտաքին գործերի նախարար Անդրեյ Սիբիգան՝ խոսելով Ռուսաստանի գիշերային հարձակման մասին

📌Նա ընդգծել է, որ մինչ ԱՄՆ-ն և Ուկրաինան աշխատում են Աբու Դաբիում խաղաղության համար, Ռուսաստանն ահաբեկում է ուկրաինացիներին։ «Այս բարբարոսական հարձակումը ևս մեկ անգամ ցույց է տալիս, որ Պուտինի տեղը բանակցային սեղանի շուրջ չէ, այլ հատուկ դատարանի ամբիոնում»,-նշել է նա։

🔹Հայաստանի ֆուտբոլի ֆեդերացիան դիմել է ՈւԵՖԱ-ին՝ ներկայացնելով Հայաստան-Ուկրաինա հանդիպումից առաջ և խաղի ընթացքում տեղի ունեցածը: ՀՖՖ-ն ներկայացրել է դիտարկումներ՝ ըստ որի ուկրաինական կողմի բողոքն անհիմն է, այս մասին հայտնում են ՀՖՖ-ից

📌Նշենք, որ Ուկրաինայի ֆուտբոլի ասոցիացիան պաշտոնապես դիմել է ՈւԵՖԱ-ի Վերահսկիչ, էթիկայի և կարգապահական մարմնին՝ կապված ֆուտզալի Եվրո-2026-ի որակավորման փուլի Հայաստան-Ուկրաինա հանդիպումից հետո տեղի ունեցած միջադեպի հետ։ Ավելին՝ այստեղ։

🔹Եթե նահանգապետ Քարնին (Կանադայի վարչապետ Մարկ Քարնի) կարծում է, որ Կանադան վերածում է Չինաստանի համար «ներմուծման նավահանգստի»՝ ապրանքներ ԱՄՆ տեղափոխելու համար, նա սխալվում է, գրել է Թրամփը

📌«Չինաստանն ամբողջությամբ կուլ կտա Կանադան, ամբողջությամբ կոչնչացնի այն, ներառյալ նրա տնտեսությունը։ Եթե Կանադան համաձայնության գա Չինաստանի հետ, ապա անմիջապես կբախվի ԱՄՆ մտնող բոլոր կանադական ապրանքների վրա 100% մաքսատուրքի»,-գրել է ԱՄՆ նախագահը։

🔹Աբու Դաբիում կայացած բանակցությունների հիմնական թեման պատերազմի ավարտի պարամետրերն էին, հայտարարել է Ուկրաինայի նախագահ Վլադիմիր Զելենսկին

📌«Ես մեծապես կարևորում եմ պատերազմի ավարտի և անվտանգության պահպանման գործընթացի նկատմամբ ամերիկյան վերահսկողության անհրաժեշտությունը։ Եթե պատրաստ լինենք առաջ շարժվել, իսկ Ուկրաինան պատրաստ է, մյուս հանդիպումը տեղի կունենա հաջորդ շաբաթ», - գրել է Զելենսկին։

🔹Սա ոչ արդարադատության, ոչ էլ հումանիզմի բացակայություն է․ սա դանդաղ մարդասպանություն է, գրել է Գյումրու քաղաքապետ Վարդան Ղուկասյանը՝ ԱԱԾ մեկուսարանից

📌«Միջազգային հանրությունը բավականին երկար ժամանակ բաց աչքերով հանդուրժում է Հայաստանում տեղի ունեցող քաղաքական հալածանքները, հաշվեհարդարը, խոսքի, խղճի և հայ քրիստոնյաների կրոնական ազատությունների սահմանափակումներն ու արգելքները», - գրել է նա, ավելին՝ այստեղ։