Mutasaddilar o‘zlariga biriktirilgan yoshlar bilan navbatdagi uchrashuvini o‘tkazdi

Ichki ishlar vazirligining farmoyishiga asosan joriy yil 23-iyuldan 23-avgustgacha Respublikamiz hududida keng qamrovli “Probatsiya oyligi” o‘tkazilmoqda. Oylik doirasida yoshlar bilan turli tadbirlar, uchrashuvlar hamda konsert dasturlari tashkil etilmoqda.

Xususan, bugun Termiz tumani Ichki ishlar bo‘limida tuman prokurorining o‘rinbosari Sherzod To‘raqulov va tuman soliq inspeksiyasi boshlig‘i vazifasini bajaruvchi, 4-Sektor rahbari Sodiq Safarqulov o‘zlariga biriktirilgan, probatsiya hisobida turgan, muammosi borlar yoshlar bilan uchrashuv o‘tkazdi.

Navbatdagi muloqotda ham yoshlarning muammo va murojaatlari tinglandi. Avvalgi uchrashuvlarda ko‘tarilgan masalalarning hal etilishi yuzasidan suhbat qilindi. Bugungi uchrashuvda kelib tushgan murojaatlarni hal etish yuzasidan tegishli chora-tadbirlar belgilab olindi.

Termiz tumani hokimligi Axborot xizmati

Telegram | Facebook | Instagram | YouTube | Web-site | Twitter

Yoshlar uchun sayohat tadbiri tashkil etildi

Bugun tuman prokuraturasi tashabbusi bilan yoshlarning bo‘sh vaqtini mazmunli o‘tkazish, ularni turli yod g‘oyalar ta’siridan asrash, yuzaga kelishi mumkin bo‘lgan salbiy holatlarning oldini olish maqsadida otaliqqa olingan, uyushmagan va toifadagi yoshlar bilan tuman IIB binosida o‘tkazilgan uchrashuvdan so‘ng diqqatga sazovor joylarga sayohat o‘tkazildi.

Jumladan, yoshlar tuman prokurorining o‘rinbosari Sherzod To‘raqulov va boshqa mutasaddilar hamroxligida “Al Hakim At-Termiziy” majmuasini ziyorat qilishdi. Majmua hududida joylashgan Termiz o‘lkashunoslik muzeyidagi eksponatlar hamda arxeologik topilmalar bilan tanishishdi.

Shundan so‘ng yoshlar "Qorabayir otlari" maxorat maktabida bo‘lishdi. Maktab faoliyati, ot sporti mashg‘ulotlari bilan tanishuvdan so‘ng yoshlar bilan davra suhbati qilindi.

Termiz tumani hokimligi Axborot xizmati

Telegram | Facebook | Instagram | YouTube | Web-site | Twitter

Sayyor qabulda aholi murojaatlari tinglandi va yoshlar bilan muloqot qilindi

Bugun Termiz tumani hokimi, 1-Sektor rahbari Shuxrat Nazarov “Muhiddin Eshtemirov” mahallasida navbatdagi sayyor qabulini o‘tkazdi. Unda aloqador korxona va tashkilotlar rahbarlari, mahalla “yettiligi” a’zolari hamda yigirmadan ortiq fuqarolar va yoshlar ishtirok etishdi.

Qabul davomida fuqarolarning ichki yo‘llarni ta’mirlash, tibbiy yordam, ichimlik suvi, yoshlar masalasi, kredit olish, elektr energiyasi, ish bilan ta’minlash hamda uy joy ta’miri kabi murojaatlari tinglandi. Ularning yechimi yuzasidan mas’ullarga vazifalar belgilab berildi.

Shuningdek, mahallaning bir guruh faol yoshlari bilan ham muloqot qilindi hamda otaliqqa olingan yoshlar o‘rtasida harbiy qismda tashkil etilgan musobaqada g‘olib bo‘lgan mahalla yoshlar jamoasiga diplom va sovg‘alar topshirildi.

Termiz tumani hokimligi Axborot xizmati

Telegram | Facebook | Instagram | YouTube | Web-site | Twitter