Газеталар ҳақида 5 факт
1.«Газета» сўзи «чақа», «танга» деган маънони билдиради. Илк газета 1605 йил Германияда нашр этилган.

2.1990 йилда Россиянинг «Aргументи факти» газетаси 33 миллион 431 минг 100 нусхада чоп этилган. Газетанинг бу адади ҳаттоки Гиннес рекордлар китобига киритилган.

3. «New York Times» газетаси ҳажмининг қалинлиги, реклама сони ниҳоятда кўплиги билан дунё газеталари орасида рекорд ўрнатган.

4.Германиянинг «Koln Zaytun»газетаси ўзининг 1817 йил 4 майдаги сондаги биринчи саҳифасини бутунлай бўш ҳолатда чоп этади. Бу орқали газета бошлиғи Маркус Дюмон цензурага жиддий норози эканлигини билдиради.

5. Aёллар учун дунёдаги биринчи газета «Frauenzimmer Zeiteng» газетаси бўлиб, у Германияда 1789 йилда чоп этилган.
👇БИЗНИ КУЗАТИБ БОРИНГ👇
@janubquyoshi

Халқ таълими вазирлиги мактаблар масофавий шаклга ўтишига оид гап-сўзларга аниқлик киритди.

Коронавирус кенг тарқалишининг олдини олиш мақсадида Тошкентдаги айрим мактабларда ўқиш босқичма-босқич масофавий шаклга ўтказилмоқда

Берилган маълумотларга кўра, ҳудудлар раҳбариятининг коронавирус тарқалишининг олдини олишга қаратилган чораларни жорий этиш бўйича ваколатини инобатга олиб коронавируснинг кенг тарқалишини олдини олиш мақсадида Тошкент шаҳрининг айрим мактабларида ўқиш босқичма-босқич масофавий шаклга ўтказилмоқда.

Масофавий шаклга ўтадиган мактаблар тўғрисидаги маълумотлар мактаб раҳбарияти томонидан ота-оналарга синф раҳбарлари томонидан етказиб борилади.

Халқ таълими вазирлиги ота-оналардан фарзандларини уйдаги хавфсизлиги ва соғлигини таъминлаган ҳолда уларни "Онлайн мактаб" лойиҳаси доирасида эфирга узатиладиган дарсларни кузатиб боришида амалий ёрдам беришини сўраган.

Каналга уланиш👇
@termiztumanhokimligi

Сурхондарёда Наврўз байрами очиқ жойларда, яъни боғлар, хиёбонлар ва ўйингоҳларда ўтказилади

Республика махсус комиссиясининг коронавирус пандемиясини инобатга олган ҳолда мамлакатимизда Наврўз умумхалқ байрами тадбирларини ташкиллаштириш масалаларига бағишланган кенгайтирилган йиғилиши бўлиб ўтди.

Йиғилишда сўнгги кунларда аҳоли ўртасида коронавирус инфекцияси билан касалланиш ҳолатлари бироз ортганлиги таъкидлаб ўтилди. Шу боис мутассадди вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига:

🔸 байрам тадбирларини об-ҳаво шароитини инобатга олган ҳолда очиқ жойларда, яъни боғлар, хиёбонлар ва ўйингоҳларда ўтказиш;

🔸 байрам тадбирларида аҳолини кўп тўпламаслик ва ташриф буюрувчилар ниқобда бўлишлари ҳамда ижтимоий масофани сақлашлари устидан назоратни ўрнатиш;

🔸 аҳоли гавжумлигининг олдини олиш мақсадида тадбирларни кичик ҳажмда маҳаллаларда ташкил этиш чораларни кўриш;

🔸 байрам тадбирларини юқори бадиий савияда ўтказиш, бунинг учун эстрада хонандалари ва театр актёрларини жалб этиш;

🔸байрам тадбирларида жамоат тартибини сақлаш ва хавфсизлик чораларини кўриш вазифалари топширилди.

Шунга мувофиқ, Сурхондарё вилоятида ўтказилиши белгиланган Наврўз байрами тадбирлари очиқ жойларда, яъни боғлар, хиёбонлар ва ўйингоҳларда бўлиб ўтади.

Хусусан, вилоятнинг асосий байрам тантаналари жорий йилнинг 19 март куни карантин талабларига қатъий рио қилган ҳолда Термиз туманидаги Отчопар мавзесида ўтказилади.

Байрам тадбирларига ташриф буюрувчилардан карантин талабларига риоя қилишларини, ниқобда бўлишлари ҳамда ижтимоий масофани сақлашларини сўраймиз.

Термиз туман ҳокимлиги Ахборот хизмати

Азиз воҳадошлар!

Мамлакатимизда 2020 йилда жорий этилган карантин чекловлари босқичма-босқич юмшатилган бўлса-да, жамоат жойларида ниқоб тақиб юриш, ўзаро масофа сақлаш тартиби шу пайтгача расман бекор қилингани йўқ.

Ҳудудларда яна коронавирус билан касалланиш кўрсаткичлари кўпая бошлагани сабабли 16 мартдан бошлаб аҳоли ўртасида карантин қоидаларига риоя қилишни кучайтириш мақсадида тарғибот ишлари қайта йўлга қўйилди.

Карантин қоидаларига қатъий амал қилиш бугунги вазиятда коронавирус инфекциясига қарши курашишнинг энг самарали йўлидир. Шу сабабли, барчангизни карантин қоидаларига эътиборли бўлишга, ниқоб тақиб юришга ва шу орқали санитария-эпидемиологик вазият барқарорлигига ҳисса қўшишга чақирамиз!

Маълумот учун, Маъмурий жавобгарлик тўғрисидаги кодексга асосан, эпидемия тарқалган вақтда жамоат жойларида ниқобсиз бўлиш БҲМнинг 5 бараваригача (1 млн 225 минг сўм) жарима солинишига сабаб бўлади.

Сурхондарё вилояти ҳокимлиги матбуот хизмати

#Қонунчиликдаги_янгиликлар

Президент Фармони (ПФ–6188-сон 17.03.2021 й.) билан бир қатор Президент ҳужжатларига ўзгартириш ва қўшимчалар киритилди ҳамда айримлари ўз кучини йўқотган деб топилди.

☑️ Жумладан, эндиликда Зулфия номидаги Давлат мукофоти комиссияси Маҳалла ва оилани қўллаб-қувватлаш вазирлиги қошида жамоатчилик асосида фаолият кўрсатади ҳамда унга маҳалла ва оилани қўллаб-қувватлаш вазирининг биринчи ўринбосари раҳбарлик қилади.

(Илгари мазкур комиссия Ўзбекистон Хотин-қизлар қўмитаси қошида фаолият юритган)

🧑🏻‍✈️Шунингдек, Президентнинг тегишли қарорига киритилган ўзгартиришларга кўра, профилактика инспекторини лавозимга тайинлаш ва лавозимидан озод этиш ички ишлар вазирининг жамоат тартибини сақлаш бўйича ўринбосари томонидан амалга оширилади.

(Илгари тегишлича вилоят бош бошқармалари бошлиқлари томонидан амалга оширилган)

💼 Бундан ташқари, профилактика катта инспектори (ушбу лавозим мавжуд бўлмаганда профилактика инспектори) фуқаролар йиғини раисининг ҳуқуқ-тартибот масалалари бўйича ўринбосари вазифасини бажаради.

Термиз туман ҳокимлиги Ахборот хизмати