✅“Baxtli yashash uchun 1001 sabab” — TerDUda ma’naviy–ma’rifiy tong!

TerDU psixolog o‘qituvchilari va talaba-yoshlar tomonidan erta tongdan “Baxtli yashash uchun 1001 sabab” shiori ostida ma’naviy-ma’rifiy va psixologik tadbirlar o‘tkazilishi davom etmoqda.

Tadbir jarayonida talabalar bilan:
🟢hayotga ijobiy qarash,
🟢psixologik farovonlikni mustahkamlash,
🟢baxtni anglash va uni qadrlash
🟢ruhiy muvozanatni saqlash kabi mavzularda qiziqarli suhbatlar va interaktiv mashg‘ulotlar tashkil etildi.

Bunday psixologik uchrashuvlar talabalarning kayfiyati va o‘zini anglash jarayoniga sezilarli darajada ijobiy ta’sir ko‘rsatmoqda.

Bizni kuzating

Telegram | Instagram | Facebook | You tube | Sayt

🏛Termiz davlat universiteti Axborot-resurs markazida yangi kelgan badiiy adabiyotlar taqdimoti bo‘lib o‘tdi.

🟢Tadbir davomida talabalarga zamonaviy va klassik adabiyot namunalari, yangi nashr etilgan romanlar hamda adabiy to‘plamlar haqida ma’lumotlar berildi.

🟢Тalabalar sevimli adiblarining asarlari bilan yaqindan tanishishdi, yangi kitoblar bilan ishlash bo‘yicha tavsiyalar olishdi. Tadbir yakunida esa har bir talaba o‘z qiziqishiga mos kitobni tanlab, uni mutolaa uchun olib ketishdi.

🟢Mazkur taqdimot talabalar orasida kitobxonlik madaniyatini yanada rivojlantirish, ularning badiiy tafakkurini boyitish va bo‘sh vaqtlarini mazmunli o‘tkazishga xizmat qiladi.

Bizni kuzating

Telegram | Instagram | Facebook | You tube | Sayt

#tanlov #natija

🇺🇿 “Islohotlar bilimdoni” respublika ko‘rik-tanlovining 2025-yilgi respublika bosqichi g‘oliblari aniqlandi!

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazida 27-28-noyabr kunlari “Islohotlar bilimdoni” keng tarmoqli respublika ilmiy-maʼrifiy ko‘rik-tanlovi final bosqichining yakuniy 2-sharti bo‘lib o‘tdi. Unda saralangan 50 nafar ishtirokchi o‘z taqdimotlarini o‘tkazdilar.

☝️Nomzodlarni baholashda ularning notiqlik mahorati, islohotlar mohiyatini izchil tushuntira olishi, ma’naviy-ma’rifiy sohadagi amaliy ishlari va shaxsiy tashabbuslari, shuningdek, berilgan savollarga to‘g‘ri va asosli javob berishi asosiy mezon bo‘ldi.

Har bir nominatsiya bo‘yicha taqdimotlar yakunlanishi bilanoq Hakamlar hayʼati tomonidan yakuniy natijalar hamda g‘oliblar e‘lon qilindi (g‘oliblar ro‘yxati yuqoridagi rasmda ko‘rsatilgan). Final bosqichida qatnashgan barcha ishtirokchilariga Vazirlikning tashakkurnomalari topshirildi.

✅Tanlov g‘oliblari Oliy ta’lim, fan va innovatsiyalar vazirligi tomonidan I, II va III darajali diplom hamda mos ravishda bazaviy hisoblash miqdorining 45, 40 da 35 barobari miqdorida pul mukofoti bilan taqdirlanadi.

Bizni kuzating

Facebook | Instagram | YouTube | Telegram