🇮🇹🇺🇿 XALQARO HAMKORLIKDA QADIMIY TAMADDUN SIRLARI OCHILMOQDA!

Miloddan avvalgi II ming yillik qa’ridan bizgacha yetib kelgan buyuk meros — Oks sivilizatsiyasining ajralmas qismi bo‘lgan Sopolli madaniyati bugun yana bir bor ilmiy jamoatchilik diqqat markazida!

Surxondaryo zaminidagi noyob arxeologik maskan — Jarqo‘ton yodgorligida ayni damda O‘zbekiston–Italiya qo‘shma xalqaro ekspeditsiyasi faol izlanishlar olib bormoqda. Ushbu tarixiy loyiha doirasida:
🟢 Termiz davlat universiteti;
🟢 Italiyaning Salento universiteti;
🟢 O‘zbekiston Fanlar akademiyasi Samarqand arxeologiya instituti;

Mazkur loyiha o‘zining multidisiplinar yondashuvi bilan alohida ahamiyat kasb etadi. Tadqiqotlarga antropologlar, arxeobotaniklar, zooarxeologlar hamda topograflar jalb etilib, qadimgi sivilizatsiyaning turli qirralari chuqur va kompleks o‘rganilmoqda.

Ekspeditsiya ishlari 10-may sanasiga qadar davom etadi.

Bizni kuzating

Telegram | Instagram | Facebook | You tube | Sayt

Termiz davlat universitetida xalqaro darajadagi mutaxassis bilan uchrashuv o‘tkazildi

Termiz davlat universitetida “O‘zbekistonlik” loyihasining 1-epizodi bosh qahramoni, xalqaro miqyosda tan olingan muhandis, vatandoshimiz Asqarali Karimov bilan uchrashuv tashkil etildi.

Uchrashuvda universitet professor-o‘qituvchilari, talabalar, magistrantlar va doktorantlar faol ishtirok etdi.

Asqarali Karimov —
🟢 Amerika suv xo‘jaligi assotsiatsiyasi;
🟢 Milliy professional muhandislar jamiyati;
🟢 Amerika qurilish muhandislari jamiyati;
🟢 Amerika biologik va qishloq xo‘jaligi muhandislari jamiyati;
🟢 AQSh irrigatsiya va drenaj qo‘mitasi kabi nufuzli tashkilotlarning faol a’zosi hisoblanadi.

🎥 Uning hayot yo‘li aks etgan video:
👉 https://youtu.be/xfCFnOcXebw

Hozirda AQShda faoliyat yuritayotgan, “KPA Engineers” kompaniyasida texnik suv xo‘jaliklari direktori, texnika fanlari doktori Asqarali Karimov o‘zining hayot yo‘li, erishgan yutuqlari va duch kelgan qiyinchiliklari haqida ham samimiy fikrlar bildirdi.

Mutaxassis suv va oqava suvlarni tozalash, gidrologik va gidravlik modellashtirish, loyihalash va boshqarish yo‘nalishlarida katta tajribaga ega bo‘lib, bir qator davlatlarda (O‘zbekiston, Turkmaniston, Ukraina, Rossiya) muhim loyihalarda ishtirok etgan.

Shuningdek, u Texas A&M Universityda ilmiy faoliyat olib borib, talabalarga suyuqliklar mexanikasi va atrof-muhit muhandisligi fanlaridan dars bergan.

Uchrashuv ochiq va ko‘tarinki ruhda o‘tdi. Ishtirokchilar o‘zlarini qiziqtirgan savollarga javob oldilar.

Bizni kuzating

Telegram | Instagram | Facebook | You tube | Sayt