O‘zbek filologiyasi fakulteti faoliyati bo‘yicha tanqidiy-tahliliy yig‘ilish o‘tkazildi

Bugun rektorimiz O‘zbek filologiyasi fakultetida bo‘lib, talaba va professor-o‘qituvchilar uchun yaratilgan sharoitlar, o‘quv moddiy-texnik baza bilan tanishdi hamda fakultet faoliyatini atroflicha muhokama qilishga bag‘ishlangan tanqidiy-tahliliy yig‘ilish o‘tkazdi. Tadbirda prorektorlar, boshqarma boshliqlari, fakultet dekanlari hamda professor-o‘qituvchilar ishtirok etishdi.

Yig‘ilishning asosiy maqsadi — fakultetning ilmiy salohiyati, o‘quv jarayonlari, talabalar bilan ishlash, xalqaro hamkorlik, KPI natijalari va tashabbuskorlik darajasini amaliy tahlil qilish hamda keyingi vazifalarni belgilashdan iborat bo‘ldi.

A.Toshqulov ayrim ko‘rsatkichlar bo‘yicha e’tirozlarni bildirar ekan, mavjud natijalar fakultet imkoniyatlari va bugungi tezkor davr talablariga mutlaqo mos kelmasligini misollar asosida ta’kidlab o‘tdi.

Jumladan:
— Kafedralardagi ilmiy ishlar samaradorligi va KPI natijalarining pastligi;
— Scopus maqolalari, patentlar, xalqaro loyihalarda ishtirok etish ko‘rsatkichlarining yetarli emasligi;
— O‘quv jarayoni monitoringi va HEMISdagi kamchiliklar;
— Tadbirkorlik, tashabbuskorlik va yoshlar bilan ishlashda sustkashlik;
— Ijodkor talabalar salohiyatini namoyish etuvchi loyihalarning kamligi;
— TTJlarda navbatchilikda mas’uliyatning yetishmasligi;
— Kafedralarda yangilanish, zamonaviy kontent va metodik ta’minot muammolari.

Yakunda bir oy muddatda fakultet oldidagi ustuvor vazifalar belgilab berildi.

Ma’lumot uchun, joriy yil yakuniga qadar har bir fakultetda shunday tanqidiy-tahliliy yig‘ilishlar bosqichma-bosqich o‘tkazilishi rejalashtirilgan.

Bizni kuzating

Telegram | Instagram | Facebook | You tube | Sayt

TerDUda talabalarning bo‘sh vaqti mazmunli tashkil etilmoqda.

Termiz davlat universitetida talabalarning bo‘sh vaqtini mazmunli, foydali va qiziqarli o‘tkazishga qaratilgan tashabbuslar izchil ravishda kengaymoqda. Shulardan biri — fakultetlar kesimida o‘tkazilayotgan “Osh chempionati” ayniqsa talaba-qizlarimizning kelajakda mustahkam oila qurishiga tayyorgarlik ko‘rishida muhim o‘rin tutmoqda.

Mazkur chempionatda qizlarimiz nafaqat palov pishirish bo‘yicha mahoratini namoyish etmoqda, balki jamoaviy ishlash, mas’uliyat, oila qadriyatlariga hurmat kabi fazilatlarni ham o‘zida mustahkamlamoqda.

Tadbir doirasidagi sport musobaqalari esa talaba-qizlarimizning kundalik hayotida sog‘lom turmush tarzini qaror toptirishga, faol va ijobiy kayfiyatda bo‘lishiga xizmat qilmoqda.

Fayzli dasturxonga tortilgan palovning mazasi va ko‘rinishini baholagan ustozlarimizning iliq fikr-mulohazalari qizlarimizga qo‘shimcha ruh va ishonch baxsh etmoqda.

Bizni kuzating

Telegram | Instagram | Facebook | You tube | Sayt

#ichki_turizm

Ichki turizmni rivojlantirishga qaratilgan tashabbuslar yosh avlod qalbida vatanparvarlik tuyg‘usini mustahkamlashga xizmat qilmoqda

Xabaringiz bor, davlatimiz rahbarining ko‘rsatmasiga asosan har oyning bir shanbasi yoki yakshanbasi “Oila va mehnat jamoasi bilan sayohatga chiqish kuni” sifatida belgilangan.

Termiz davlat universiteti professor-o‘qituvchilari talaba-yoshlarni hamrohligida viloyatimizning qadimiy va bebaho tarixiy maskanlari boylab sayohatlar uyushtirishmoqda.

“Yosh arxeologlar” to'garagi a'zolari va 1-kurs talabalari “Sulton Saodat” majmuasi, “Qirqqiz” qalasi hamda Al Hakim At-Termiziy ziyoratgohiga tashrif buyurishib, ushbu yodgorliklarning tarixiy ahamiyati, meʼmoriy uslubi, ular bilan bogʻliq afsona va rivoyatlar hamda ajdodlarimizning ilm-fan rivojiga qoʻshgan ulkan hissasi haqida batafsil ma’lumotlarga ega bo‘lishdi.

Bizni kuzating

Telegram | Instagram | Facebook | You tube | Sayt