42 km

Bugun umrimda birinchi bor 42 km ya’ni to’liq marafon masofani yugurdim. Bunaqa qiyin bo’lishini o’ylab ham ko’rmagan ekanman. )

Yugurishni bundan bir yil oldin boshlagandim, 1km’dan boshlangan masofa Allohning fazli bilan bugun 42km’gacha yetdi.

Meni bu yo’lda qo’llab-quvvatlagan barcha yaqinlarimga, jumladan, ota-onam, oilam, do’stlarim, jamoadoshlarimga, shu bilan birgalikda, murabbiylarim, Shoxruh aka va Doniyorxo’ja akalarga chuqur minnatdorchilik bildiraman!

Bu yil yana ikki marta to’liq marafon masofani bosib o’tishni maqsad qildim )

Biz bu kunlarni uzoq kutgan edik.
Robbitdagi har bir harakatimiz aslida shu sahna sari eltardi. Shu sahna, o‘sha maydon — bu nafaqat bolalar uchun, balki biz uchun ham orzu edi.

15–16 aprel. “Kelajak Muhandislari” xalqaro festivali bo’lib o’tdi. 600 dan ortiq bolalar — har biri qalbida o‘z g‘oyasi, ko‘zida olov bilan keldi.
Robototexnika bo‘yicha 5 ta yo‘nalish va ulkan raqobat bor edi. Bolalar o‘z g‘oyalarini nafaqat sinovdan o‘tkazdi, balki ular amaliyotda qanday ishlashini ko‘rsatdi. Ular fikrlarni amalga oshirishdi, harakatga keltirishdi.

Biz natijani emas, maydonning o‘zini kutgan edik. Muhandislikni nazariy emas, amaliy ko‘rish uchun kutgan edik. Bolalar savollarga javob emas, masalalarga yechim topishi uchun kutgan edik.
G‘oliblik emas — imkoniyat muhim edi.

Festivalda 18 nafar g‘olib bo‘ldi, ulardan 3 nafari — Robbit o‘quvchilari.
Bu g‘alaba emas, bu bor-yo‘g‘i biz kutgan kunlarning isboti.

Biz uchun bu natija, aslida, boshlanish. Harakatlarimiz — o‘zini namoyon qilish, o‘ziga ishonchni qozonish va o‘z yurtimizda muhandislik sohasiga bo‘lgan haqiqiy e’tiborni ko’rishga qaratilgan.

Kelajakda bizni juda katta musoboqalar va xalqaro maydonlar kutib turadi.
Bu bolalar nafaqat g‘olib, balki kelajakda texnologiya va muhandislik sohasini rivojlantiruvchi yetakchilar bo‘lishadi. Biz ishonamiz, ular nafaqat O‘zbekistonni, balki butun dunyoni o‘z g‘oyalari bilan o‘zgartiradi.

Bu yo’lda bizni qo’llab-quvvatlagan Yoshlar ishlari agentligi va Oliy ta’lim, fan va innavatsiyalar vazirligiga minnatdorchilik bildiramiz.