كلما اكول اتشافيت ارجع اتمرض
السبب الي يخليني ارجع لنقطة الصفر:

تذكرت اقتباس
العيش مع الأهل ليس بالمجان
تدفع ثمنهُ نفسياً..

احس اني بحلقه مقفلة انفرضت عليه ويوميه تخنگني
بس خايفه ع روحي هواية والله
خايفه ارجع لذيج الفترة من حياتي

اللهم إني لا أريد ما دعوت به، فاغفر لي، واحفظ بيتي وأهلي من كل سوء

ونبدي من جِده وجديّد بواهس سنيّن الصغُر ولو وازانّه الكَبر ♥️
للراحل جبار رشيد
ذكرى وفاته 9/1

الرزق أنواع
بعمره الرزق مجان منحسر بالفلوس والماديات وبس ..
ممكن يكون رزقك صحتك
ممكن يكون رزقك اخوانك
ممكن يكون رزقك اصدقائك
وممكن يكون بيتك الهادئ
وممكن يكون اهلك
وممكن يكون نجاحك وحب الناس
ممكن يكون عقليتك
ممكن يكون نفسيتك المرتاحه
وممكن قربك من ربك
وهوايه أمور أحنا مامنتبهين عليها وهيَّ موجوده بحياتنا بعدين نكول هو الله سبحانه شنو رازقنه شنو منطينه بس من تصفن حتشوف الرزق حتى بالنفس الي تتنفسه ♥️

-من تكبرين راح تعرفين شكد عيشتكم صعبه !
:بس اني ماراح اجيب أطفال للدنيا حتى يتحسرون عليها

انتِ ماتسحقين تفرحين أخذي فرحة غيرج فرحي بيها ورجعيلهيا (بس اني هم اريد افرح )لا حتى الفرحة الي تجي مره بالعمر لازم تتعبين يلا تحصليها

انشوف يادنيا وين تصفى وياج

أحب ايات هواية الله لاينسينياها بدعاء ♥️.

بس يارب عينك ع هالبنية وساعدها بحربها ويا هالدنيا يارب هوّن عليها كل صعب ويسر أمورها بكل خير وعوضها عوض يليق بعظمتك ..

كانت الوحيدة التي تحفظ كلّ كلمة وكل إشارة وكلّ إساءة كانت منذُ طفولتها قد وهبت نفسها لتكون مؤرشفّة مسجّلةً ذكريات أليمة كانت تنظر إلى ذاكرتها على انها واجب ومسؤوليّة يُحتم عليها أن تتشرّف بهما الى النهاية على الرغم من إحساسها بأن مثل هذا العبء سوف يجعلها تنهار يومًا ما.

ونرجع للسؤال هم يجي يوم وأكدر اسامحهم من كل گلبي ؟

طفلة عمرها 7 سنين بس الموقف جان عمره 70 سنة !

لا والله يعني شنو استفادوا من خلوني اكعدهم واكومهم بدعوة لحدما احتركت حياتهم وخسروا ملاييين شكراً ياربي لأن حسيت خاطري غالي عندك شكراً يارب لأن شوفتني بيهم يوم اسود مثل سواد گلوبهم ونواياهم..

يُمهل ولا يُهمل
اليوم عرفت معناها من سمعت أخبارهم ووين أخذتهم الدنيا

التقيت بدودي وجانت جلسة فضفضة ويا ضحكات وأحضان وروح حلوة ونقاوة ايام قبل
هاليوم الحلو لازم يتوثق 🫂♥️.

♥️ 9/20

لابسة دشداشتي البيضة ام قلوب الحُمر وسوارتي ام اللولو ومسويه ضفيرتين وحده منا وحده منا ومخلية تنت وعطر بالفانيلا والقهوة ومرطبة نفسي وصابغة اظافيري أحمرر..
داعيش أنوثتي بكامل تفاصيلها
شكراً يارب لأن خلقتني أنثى ♥️.