🔴 დაბლოკილი საბანკო ბარათები, შეზღუდული გადაადგილება და შელახული რეპუტაცია – ვინ გაასწრებს სანქციებს?

🔴 რას გეგმავს “ოცნება” ღარიბაშვილის წასვლის შემდეგ – დეტალები რამდენიმე წუთში

🔴 ესპანეთში ელექტროენერგიის ავარიული გათიშვის გამო საგანგებო მდგომარეობა გამოცხადდა

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-09-00-saathze-641/

#ახალიამბები

🔴 ნანუკა ჟორჟოლიანის, ალეკო ცქიტიშვილისა და მარიამ ბაჯელიძის ბინებში ამ წუთებში ჩხრეკა მიმდინარეობს

,🔴 ,შეიძლება, ივანიშვილის გარემოცვაში რღვევა დაიწყოს“ – როგორია პოლიტოლოგების შეფასებები?

🔴 ვიქტორ ორბანი და რობერტ ფიცო აცხადებენ, რომ ევროკავშირის გადაწყვეტილებებზე ვეტოს უფლების გაუქმება მიუღებელია

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-10-00-saathze-669/

#ახალიამბები

🔴 ნანუკა ჟორჟოლიანის ინფორმაციით, მასთან სახლში პროკურატურის გარდა სუს-ის თანამშრომლებიც იმყოფებიან

🔴 ,,შეიძლება უკან წავიღოთ სავიზო ლიბერალიზაცია“ – ინტერვიუ ევროკომისართან

🔴 რუსებმა უკრაინას სხვადასხვა ტიპის 100 დრონით შეუტიეს

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-11-00-saathze-676

#ახალიამბები

კანადის საპარლამენტო არჩევნებში „ლიბერალურმა პარტიამ“ გაიმარჯვა.

„მაქვს კითხვა, ვინ არის მზად ჩემთან ერთად კანადის დასაცავად? ვინ არის მზად ძლიერი კანადის ასაშენებლად?“ - ასე მიმართა ამომრჩევლებს პარტიის ლიდერმა, კანადის პრემიერ-მინისტრმა, მარკ კარნიმ.

კარნიმ სიტყვით გამოსვლის დროს ყურადღება გაამახვილა კანადის მიმართ აშშ-ის პოლიტიკაზე და ხაზი გაუსვა, რომ შეერთებულ შტატებს სურს კანადის მიწა და რესურსები.

„ამერიკას სურს ჩვენი მიწა, ჩვენი რესურსები, ჩვენი ქვეყანა. პრეზიდენტი ტრამპი ცდილობს ჩვენს გატეხას, რათა ამერიკამ ჩვენი მისაკუთრება შეძლოს. ეს არასდროს მოხდება.“ - აღნიშნა კარნიმ.

მისი თქმით, კანადა ახლა ისტორიის გარდამტეხ მომენტში იმყოფება.

„ჩვენი ძველი ურთიერთობა, რომელიც აშშ-სთან ინტეგრაციას გულისხმობდა, დასრულდა. ჩვენ გადავლახეთ ამერიკული ღალატის შოკი, ერთმანეთზე უნდა ვიზრუნოთ.“ - აღნიშნა კანადის პრემიერ-მინისტრმა.

მისი თქმით, ის და დონალდ ტრამპი უახლოეს დღეებში ორი სუვერენული და დამოუკიდებელი ერის მომავალს განიხილავენ.

„ლიბერალური მთავრობა გააძლიერებს პარტნიორობას ევროპისა და სხვა ქვეყნებთან. თუ აშშ-ს აღარ სურს მსოფლიო ლიდერობის წინა პლანზე ყოფნა, კანადა იქნება.“ - განუცხადა კარნიმ შეკრებილ აუდიტორიას.

მისი თქმით, იმუშავებს იმისთვის, რომ კანადას დამოუკიდებელი მომავალი ჰქონდეს.

„ერთად ჩვენ ავაშენებთ კანადას, რომელიც ჩვენი ღირებულებების ღირსია. ძლიერ კანადას, თავისუფალ კანადას, გაუმარჯოს კანადას!“ - აღნიშნა მარკ კარნიმ.

ბიტკოინი ახალ რეკორდს დაამყარებს. მეორე კვარტალში მიკსი ღირებულება 120 ათასი დოლარია, ხოლო 2025 წლის ბოლოსთვის, 200 ათასი დოლარია მოსალოდნელი. - ინფორმაციას The Block-ი ავრცელებს.

გამოცემის ცნობით, ამერიკული აქტივებიდან ინვესტიციების გადანაწილების ფონზე, Standard Chartered-ის ციფრული აქტივების მთავარი ანალიტიკოსი ჯეფრი კენდრიკი ბიტკოინის მკვეთრ ზრდას პროგნოზირებს.

კენდრიკი აღნიშნავს, რომ:

🔸აშშ-ის სახაზინო ობლიგაციების შემოსავლიანობის პრემიამ, რომელიც მჭიდრო კავშირშია ბიტკოინთან, 12-წლიან მაქსიმუმს მიაღწია.

🔸გაიზარდა ბიტკოინის მსხვილი მფლობელების („ვეშაპების“) მიერ შესყიდვები, განსაკუთრებით მას შემდეგ, რაც ტრამპმა გამოაცხადა 90-დღიანი ტარიფების გადავადების შესახებ ყველა ქვეყნისთვის, ჩინეთის გარდა.

🔸არსებობს ინვესტიციების გადინების ნიშნები ოქროს ETF-ებიდან ბიტკოინის ETF-ებზე, რაც ასევე მიუთითებს ბიტკოინის, როგორც უსაფრთხო თავშესაფრის აქტივის მიმართ ინტერესის ზრდაზე.

🔸ამერიკელი და აზიელი ინვესტორები ბიტკოინს უფრო აქტიურად ყიდულობენ, რაც ზრდის ტენდენციას აძლიერებს.

ტრამპის მრჩევლები მისი ბრძანებების შესრულებას მხოლოდ გამეორების შემდეგ ამჯობინებენ, - იმპულსური და აბსურდული განცხადებებისადმი მისი მიდრეკილების გამო. - ინფორმაციას The Atlantic-ი ავრცელებს.

გამოცემის ცნობით, აშშ-ის ადმინისტრაციაში არსებობს უთქმელი წესი: თუ პრეზიდენტმა რამე მხოლოდ ერთხელ თქვა, დიდი ალბათობით, ეს ცხელ გულზე თქვა და მოქმედებას არ საჭიროებს.

მაგალითად, ტრამპმა განაცხადა, რომ სურს კენედის კოსმოსური ცენტრის ხელმძღვანელობა ან „60 Minutes“-ისა და CBS News-ისთვის ლიცენზიების ჩამორთმევა, - თუმცა, ამ გეგმებიდან არცერთი არ განხორციელებულა.

ბერძენმა ქალმა განქორწინება მოითხოვა მას შემდეგ, რაც ChatGPT-მ მისი ქმრის ღალატი „იწინასწარმეტყველა“.

მედიის ცნობით, ქალმა ხელოვნურ ინტელექტში ყავის ნალექის სურათი ატვირთა და პასუხად, მიიღო ინფორმაცია ქმრის სავარაუდო ურთიერთობის შესახებ ახალგაზრდა გოგონასთან, რომლის სახელიც „E“-ზე იწყება.

ქმრის უარყოფის მიუხედავად, ქალმა ის სახლიდან გააგდო და განქორწინების პროცესი დაიწყო. წყვილი 12 წელია ერთად ცხოვრობს და ორ შვილს ზრდის.

‼️🎙️მარიამის სახლშიც შევიდნენ.
ოღონდ იქ ჩემი ძმა, რძალი და მცირეწლოვანი შვილი ცხოვრობენ.

ტელეფონები გამოურთეს.

არ უშვებენ არც მარიამს, არც ადვოკატს. - წერს ნანუკა ჟორჟოლიანი.

პროკურატურა ჩხრეკას ნანუკა ჟორჟოლიანის შვილის, მარიამ გეგუჩაძის საკუთრებაში არსებულ სახლშიც ატარებს.

გეგუჩაძის განმარტებით, ბინა მის სახელზეა, თუმცა ამჟამად იქ ბიძამისი ცხოვრობს. ამასთან, პოლიცია გეგუჩაძეს სახლში შესვლის უფლებას არ აძლევს.

„მიმდინარეობს საგამოძიებო მოქმედებები, ვერ შეგიშვებთ," - მიმართა პოლიციელმა მარიამ გეგუჩაძეს.

გეგუჩაძე ამბობს, რომ ჩხრეკა, სავარაუდოდ, ორგანიზაცია "სირცხვილიას" უკავშირდება, თუმცა, მისივე თქმით, გამომდინარე იქიდან, რომ ეს ორგანიზაცია აღარ ფუნქციონირებს, გაუგებარია, რას იძიებენ.

🔴 კოლეგები არ გამორიცხავენ, რომ ნანუკა ჟორჟოლიანი დააკავონ – ადგილზე პოლიციის დიდი მობილიზებაა

🔴 მარიამ ბაჯელიძის ბინაში ჩხრეკა დასრულდა – წაიღეს მობილური ტელეფონი

🔴 პორტუგალიაში ელექტროენერგიის მიწოდება სრულად აღდგა

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-12-00-saathze-672/

#ახალიამბები

🔴 BREAKING ‼️პროკურატურა ფონდის ხელმძღვანელების წინააღმდეგ დაწყებულ გამოძიებასთან დაკავშირებით განცხადებას ავრცელებს

საქართველოს პროკურატურის ინფორმაციით, მიმდინარეობს გამოძიება საბოტაჟის, დამამძიმებელ გარემოებაში საბოტაჟის მცდელობის, უცხოეთის ორგანიზაციისთვის და უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარების, ასევე საქართველოს კონსტიტუციური წყობილებისა და ეროვნული უშიშროების წინააღმდეგ მიმართული საქმიანობისთვის ფინანსების მობილიზების ფაქტებზე.

პროკურატურის განცხადებით, გამოძიება უკავშირდება იმ ე.წ. „ფონდების“ საქმიანობას, რომლებიც მონაწილეობდნენ საზოგადოებრივი წესრიგის წინააღმდეგ ჩადენილი მძიმე დანაშაულებისთვის ბრალდებული პირების და მათი ოჯახის წევრების ფინანსურ უზრუნველყოფაში, ასევე სამართალდამრღვევი პირებისთვის დაკისრებული ადმინისტრაციული ჯარიმების გადახდაში.

მიმდინარე გამოძიების ფარგლებში, 2025 წლის 17 მარტს ყადაღა დაედო "ნანუკას ფონდს", "ფროსფერითს", "ფონდი ერთმანეთისთვის 24/7"-ს, "სირცხვილია"-ს და "თბილისის ადამიანის უფლებათა სახლს". პროკურატურა ამ ორგანიზაციების საბანკო ანგარიშების გაყინვას საჭირო ნაბიჯად მიიჩნევს მტკიცებულებების ხელმისაწვდომობის უზრუნველსაყოფად.

საქართველოს პროკურატურის საგამოძიებო დანაყოფების ინფორმაციით, თბილისის საქალაქო სასამართლოს მიერ გაცემული განჩინებების საფუძველზე, ჩხრეკა ჩატარდა ნანა ჟორჟოლიანის, ალექსანდრე ცქიტიშვილის, ლაშა არველაძის, გუგა ხელაიას და მარიამ ბაჯელიძის საცხოვრებელ სახლებში და რეგისტრაციის მისამართებზე.

უწყების განცხადებით, ჩხრეკის მიზანია გამოძიებისთვის მნიშვნელოვანი დოკუმენტაციისა და მტკიცებულებების მოპოვება.

#პროკურატურა #გამოძიება #ფონდები #საბოტაჟი #ნანუკასფონდი #სირცხვილია #ადამიანისუფლებები #სამართალი

‼️ პოლიცია ამ წუთებში ჩხრეკას ახორციელებს ადამიანის უფლებათა ცენტრის აღმასრულებელი დირექტორის ალეკო ცქიტიშვილის სახლშიც

ჩატარდა 2 საგამოძიებო მოქმედება, ერთი პირადი ჩხრეკა, ქუჩაში გამჩხრიკეს, ძირითადად კარგად იქცეოდნენ. გამოძიება ეხება უკანონო საქმიანობას ე.წ. სახელმწიფოს წინააღმდეგ მიმართულ დანაშაულს.

პროკურატურისა და ბიძინა ივანიშვილის რუსული რეჟიმის საქმიანობა არის უკანონო. დევნა მიმდინარეობს უფლებადამცველი ორგანიზაციების მიმართ.

პირადი ჩხრეკის შემდეგ მეორე განჩინება გამაცნეს და საცხოვრებელი სახლი გაჩხრიკეს, ამოიღეს სამსახურის ლეპტოპი და ტელეფონი. გამოკითხვაზე, ალბათ, დამიბარებენ და შემდეგ შესაძლოა, მოხდეს დაპატიმრებაც. მე ყველაფრისთვის მზად ვარ, ბრძოლა რუსული რეჟიმის წინააღმდეგ გრძელდება, არავის ეშინია“, - განაცხადა ალეკო ცქიტიშვილმა.

🔴 „ადამიანის უფლებათა ცენტრის“ დირექტორის სახლში ჩხრეკა დასრულდა – ცქიტიშვილი დაკავებას არ გამორიცხავს

🔴 პატიმრობაში მყოფი გიორგი ჩიკვაიძის დედა ამბობს, რომ მისი შვილი მოწამლეს

🔴 კალიფორნიაში, 47 წლის ალექსანდრე მოდებაძის მკვლელობის ბრალდებით სამი ქართველი დააკავეს

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-13-00-saathze-667

#ახალიამბები

🔴 მარიამ გეგუჩაძის სახლში ჩხრეკა დასრულდა - პროკურატურის წარმომადგენლებმა მისი სახლიდან ბიძის ტელეფონი წაიღეს

🔴 საკონსტიტუციო სასამართლოს ყოფილი თავმჯდომარე, "ოცნების" იუსტიციის მინისტრის მოადგილედ დაინიშნა

🔴 ჰამბურგში ცნობილი მწერალი და ჟურნალისტი მოკლეს

ახალ ამბებს ქეთი გაბრიაძე გაგაცნობთ
https://heretifm.com/akhali-ambebi-14-00-saathze-673/

#ახალიამბები

რუსეთი უკრაინაში შეტევის დასაჩქარებლად ემზადება, რადგან ამინდი თბება და მცენარეულობა მის პოზიციებს მალავს, განსაკუთრებით, - ჩრდილო-აღმოსავლეთში. - ინფორმაციას WSJ-ი ავრცელებს.

უკრაინის შეიარაღებული ძალები აქტიურად იყენებენ დრონებს დაზვერვისა და დარტყმებისთვის, თუმცა ხშირი მცენარეულობა მათ ეფექტურობას ამცირებს. ტალახის სეზონის დასრულების შემდეგ, რუს ჯარებს მძიმე ტექნიკის უფრო აქტიურად გამოყენება შეეძლებათ. ამავდროულად, როგორც სტატიაშია ნათქვამი, აშშ-დან მომავალი არტილერიის მარაგი მალე ამოიწურება და ევროპა დეფიციტის სრულად დაფარვას ვერ შეძლებს.

ანალიტიკოსი ფრანც-შტეფან გადი აღნიშნავს, რომ უკრაინაში სიტუაციის გაუარესების შესაჩერებლად, მხოლოდ დრონები საკმარისი არ იქნება, თუმცა ფრონტის მასშტაბური გარღვევა უახლოეს მომავალში მოსალოდნელი არ არის.

უნგრეთის პარლამენტმა საერთაშორისო სისხლის სამართლის სასამართლოდან გასვლას მხარი დაუჭირა. ამის შესახებ ქვეყნის საგარეო საქმეთა მინისტრმა განაცხადა.

„უნგრეთის პარლამენტმა ახლახან მისცა ხმა სისხლის სამართლის საერთაშორისო სასამართლოდან გასვლას. ამ გადაწყვეტილებით, ჩვენ უარს ვამბობთ, ვიყოთ პოლიტიზებული ინსტიტუტის ნაწილი, რომელმაც დაკარგა მიუკერძოებლობა და სანდოობა.“ - განაცხადა პიტერ სიიარტომ.

საერთაშორისო სამართლის თანახმად, გადაწყვეტილება ძალაში ერთ წელიწადში შევა.

უკრაინამ არ უპასუხა პუტინის წინადადებას გამარჯვების 80 წლის აღსანიშნავი იუბილეს დროს ცეცხლის შეწყვეტის შესახებ. ამის შესახებ რუსეთის პრეზიდენტის პრეს-მდივანმა, დმიტრი პესკოვმა განაცხადა. მან ხაზგასმით აღნიშნა, რომ მოსკოვს წარმოდგენა არ აქვს, შეუერთდება თუ არა კიევი ცეცხლის შეწყვეტის შეთანხმებას.

პესკოვმა ასევე კომენტარი გააკეთა ზელენსკის წინადადებაზე 30 დღით ცეცხლის შეწყვეტის შესახებ: „ყველა ნიუანსის მოგვარების გარეშე, ეს შეუძლებელია“.

მანამდე უკრაინის პრეზიდენტმა მოუწოდა რუსეთს, არ დაელოდოს 8 მაისამდე და დაუყოვნებლივ შეწყვიტოს ცეცხლი. მან აღნიშნა, რომ 11 მარტიდან უკრაინა მხარს უჭერს აშშ-ის წინადადებას 30-დღიანი სრული ცეცხლის შეწყვეტის შესახებ.