პუტინმა „გამარჯვების 80 წლისთავის“ აღსანიშნავ დღეებში სამხედრო ზავი გამოაცხადა, რომელიც 8 მაისის 00:00 საათიდან 11 მაისის 00:00 საათამდე გაგრძელდება. ამ პერიოდში ყველა სამხედრო ოპერაცია შეწყდება.

რუსეთის პრეზიდენტმა განაცხადა, რომ უკრაინული მხარეც „ასევე უნდა მიჰყვეს ამ მაგალითს“.

‼️ბიძინა ივანიშვილი Bloomberg-ის მილიარდერების სიიდან ამოიღეს — ქონება $3.6 მლრდ-მდე შემცირდა👇

📍 Bloomberg-ის ინფორმაციით,
"ქართული ოცნების" დამფუძნებელი და ბიზნესმენი ბიძინა ივანიშვილი
აღარ იძებნება Bloomberg-ის 500 მილიარდერის სიაში,

თუმცა Bloomberg Terminal-ზე მისი ქონება კვლავ აღირიცხება და შეფასებულია $3.6 მილიარდად.

📉 მთავარი დეტალები:

▪️ აპრილის სამი კვირის განმავლობაში ივანიშვილმა დაკარგა $3.2 მილიარდი,
▪️ სიიდან ამოსაღებად ქონების ზღვარი 6.3 მილიარდ დოლარს შეადგენს.

⚖️ სანქციების გავლენა:

▪️ 2024 წლის 27 დეკემბერს აშშ-ის სახაზინო დეპარტამენტმა ბიძინა ივანიშვილს სანქციები დაუწესა,
▪️ მიმდინარეობს გარკვევა, უკავშირდება თუ არა ქონების მკვეთრი შემცირება სწორედ სანქციებს.

📊 Forbes-ის ინფორმაციით:

▪️ ივანიშვილის ქონება ასევე შემცირდა $2.7 მილიარდამდე,
▪️ შესაბამისად, ის Forbes-ის სიაში 1299-ე ადგილზე გადავიდა,
▪️ 2024 წლის დასაწყისში მისი ქონება შეადგენდა $4.9 მილიარდს.

🗓️ აპრილის დასაწყისში Bloomberg-ის შეფასებით, ივანიშვილის კაპიტალი იყო $6.83 მილიარდი და ის იკავებდა 418-ე ადგილს მსოფლიოში.

#ბიძინაივანიშვილი #Bloomberg #Forbes #მილიარდერებისსია #ქონებისშემცირება #სანქციები #საერთაშორისოეკონომიკა #ქართულიოცნება

„მინერალებზე შეთანხმება“ უკრაინის ყველა ბუნებრივ რესურსს მოიცავს, მათ შორის, ნავთობს, გაზს და ძირითად ენერგეტიკულ აქტივებს ქვეყნის მთელ ტერიტორიაზე. - ინფორმაციას FT-ი ავრცელებს.

გამოცემის ცნობით, შესაძლოა, აშშ-მ და უკრაინამ შეთანხმებას უკვე ამ კვირაში მოაწერონ ხელი.

ხელმოწერა ადრე უთანხმოების გამო ჩაიშალა: ტრამპმა მოითხოვა, რომ ბუნებრივი რესურსებიდან მიღებული შემოსავლები უკრაინას აშშ-ის დახმარების დასაფარად გამოეყენებინა. კიევმა უარი თქვა. როგორც მასალაშია აღნიშნული, მხარეები შეთანხმდნენ, რომ ადრე გაწეული სამხედრო დახმარება გარიგების ფარგლებში არ იქნება გათვალისწინებული.

სტატიაში ნათქვამია, რომ გარღვევა ტრამპსა და ზელენსკის შორის ვატიკანში გამართული შეხვედრის შემდეგ მოხდა, რომელსაც ტრამპმა „შესანიშნავი“ უწოდა და უკრაინის პრეზიდენტი შეთანხმების მიღწევის სურვილისთვის შეაქო.

FT-ის ცნობით, კიევს ეშინოდა, რომ ვაშინგტონის საწყისი პირობები უკრაინის სუვერენიტეტსა და მის ევროპულ ინტეგრაციას საფრთხეს შეუქმნიდა. შეთანხმების ახალი ვერსია უკრაინის „წითელ ხაზებს“ უნდა ითვალისწინებდეს და ქვეყნის კონსტიტუციას შეესაბამებოდეს.

🔴 ჯგუფ “ფარის“ წევრმა, დავით გუნაშვილმა საპატიმრო დატოვა

🔴 რამ გამოიწვია ბიძინა ივანიშვილის ქონების შემცირება? – ეკონომისტების შეფასებები

🔴 ახალი რომის პაპის ასარჩევად კონკლავი ვატიკანში 7 მაისს შეიკრიბება

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-16-00-saathze-668/

#ახალიამბები

🔴 სამოქალაქო აქტივისტის პროცესი -კინწურაშვილი მოსამართლე ცაგარეიშვილმა 2500 ლარით დააჯარიმა

🔴 ჭიათურაში ხუთმა მაღაროელმა დღეს შიმშილობა დაიწყო

🔴 9 მაისის აღსანიშნავად, პუტინმა დროებით “ცეცხლის შეწყვეტა“ გამოაცხადა

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-17-00-saathze-669/

#ახალიამბები

ინდოეთის სამხედრო შემოჭრა გარდაუვალია. ამის შესახებ პაკისტანის თავდაცვის მინისტრმა განაცხადა.

ამასთან, მისი თქმით, „ჩვეულებრივი“ შეიარაღებული კონფლიქტის დროს მხარეებმა თავი უნდა შეიკავონ ბირთვული იარაღის გამოყენებისგან.

The Economist-ი:
"რუსეთის ეკონომიკა სტაგნაციაშია, ნაწილობრივ, ტრამპის ქმედებების გამო"

გამოცემა „ეკონომისტი“ წერს, რომ გასული წლის ბოლოდან რუსეთის ეკონომიკური ზრდა 5%-დან ნულამდე შემცირდა, რასაც გოლდმან საქსისა და რუსული VEB-ის მონაცემებიც ადასტურებს. ცენტრალურმა ბანკმა ასევე დააფიქსირა მოთხოვნის შემცირება რიგ სექტორებში.

კლების მიზეზები:

🔸ეკონომიკის სამხედრო ეკონომიკად გარდაქმნის დასრულება, რამაც შეაჩერა მსხვილი ინვესტიციები;

🔸მაღალი ინფლაცია სამხედრო ხარჯებისა და მუშახელის დეფიციტის გამო;

🔸დონალდ ტრამპის მიერ წამოწყებული სავაჭრო ომის ფონზე, ნავთობის ფასების ვარდნა, რამაც რუსეთის საფონდო ბაზარსა და ბიუჯეტს დაარტყა.

„შესაძლოა, ტრამპი პუტინს თანაუგრძნობდეს, მაგრამ სავაჭრო ომით, მას მუცელში დაარტყა.“ - ასკვნის გამოცემა.

ესპანეთში ელექტროქსელის აღდგენას 10 საათამდე დასჭირდება. ამის შესახებ El País-ი ოპერატორ Red Eléctrica-ზე დაყრდნობით იუწყება.

ვიდეოში ნაჩვენებია მადრიდის ერთ-ერთი მეტროსადგური, სადაც ელექტროენერგიის გათიშვის გამო, მატარებლები არ მოძრაობს.

არაკომპეტენტურობის 100 დღე

The New Yorker-ი ტრამპის მეორე ვადის დასაწყისს აკრიტიკებს.

ამერიკული ყოველკვირეული გამოცემა აღნიშნავს, რომ ტრამპის წარუმატებლობები ბოლო ასი დღის განმავლობაში გასაოცარია, თუმცა ისინი მოსალოდნელი იყო. მთავარ „მიღწევებს“ შორისაა:

🔸 მან ევროპა, იაპონია, მექსიკა და კანადა შეერთებული შტატებისგან გააუცხოა, ჩრდილო-ატლანტიკური ალიანსის პოზიცია შეარყია და პუტინის მიმართ სიმპათია ღიად გამოხატა;
🔸 ქაოსი შექმნა მოქალაქეების უსაფრთხოებაზე პასუხისმგებელი სამთავრობო უწყებების მუშაობაში;
🔸 „აშკარა სიამოვნებით“, 200-ზე მეტი ადამიანი (უმეტესობას ნასამართლეობის გარეშე) სალვადორის ბანაკებში გადაასახლა;
🔸 თავისი ტარიფებით, გლობალური ეკონომიკის დესტაბილიზაცია მოახდინა;
🔸 დაიწყო დაშინების კამპანია ათობით სამეცნიერო, კომერციული და იურიდიული ორგანიზაციის წინააღმდეგ;
🔸 კორუფცია პრეზიდენტის დონემდე ნორმალიზებული გახადა.

„ნიუ-იორკერ"-მა თეთრ სახლში გამართული ორი შეხვედრა გამოყო: უკრაინის პრეზიდენტთან და ექვსი კვირის შემდეგ, - სალვადორის პრეზიდენტთან. გამოცემის ცნობით, პირველ შემთხვევაში, ტრამპი გმირს მტერივით მოეპყრო, ხოლო მეორე შემთხვევაში, დიქტატორს თანამოაზრესავით მიესალმა.

ასტრონომებმა აღმოაჩინეს „ზომბი ვარსკვლავი“, რომელიც ირმის ნახტომში საათში 177 ათას კილომეტრზე მეტი სიჩქარით დაფრინავს. ჟურნალ „Live Science“-ის ცნობით, მას აქვს უკიდურესად ძლიერი მაგნიტური ველი, რომელსაც ადამიანების ატომებად დაშლა შეუძლია.

საუბარია მაგნეტარ SGR 0501+4516-ზე, ნეიტრონულ ვარსკვლავზე, რომელიც 2008 წელს აღმოაჩინეს. აღმოჩენის დროს, ის დედამიწიდან, დაახლოებით, 15 ათასი სინათლის წლის მანძილზე მდებარეობდა. თუმცა, 15 აპრილს გამოქვეყნდა "ჰაბლ"-ის კოსმოსური ტელესკოპიდან და აპარატ Gaia-დან მიღებული SGR 0501+4516-ის მოძრაობის ანალიზის შედეგები. მათ აჩვენეს, რომ „ზომბი ვარსკვლავი“ ჩვენს გალაქტიკაში მოსალოდნელზე გაცილებით სწრაფად მოძრაობს.

წინასწარი გათვლებით, SGR 0501+4516-ის სიმძლავრე, დაახლოებით, 100 ტრილიონჯერ აღემატება დედამიწის დამცავი ველის სიმძლავრეს. NASA-ს წარმომადგენლებმა განცხადებაში აღნიშნეს, რომ თუ აღნიშნული მაგნეტარი დედამიწას მთვარემდე მანძილის ნახევრის ტოლ მანძილზე ჩაუფრენს, ეს კატასტროფულ შედეგებს გამოიწვევს: ყველა ელექტრონული მოწყობილობა გაფუჭდება, საბანკო ბარათები დემაგნეტიზებული იქნება და რაც მთავარია, ცოცხალ ორგანიზმებში ატომების სტრუქტურა განადგურდება.

„ადამიანი 600 მილის (965 კმ) დაშორებით რომ იყოს, მაგნეტარი სამეცნიერო ფანტასტიკის ჟანრის სასიკვდილო სხივად გადაიქცეოდა, რომელიც სხეულში არსებულ ყველა ატომს შლის.“ - დასძინეს ექსპერტებმა.

ამავდროულად, SGR 0501+4516-ის წარმოშობა ასტრონომებში ბევრ კითხვას ბადებს. ადრე ითვლებოდა, რომ მაგნეტარები მხოლოდ ვარსკვლავური აფეთქებების შედეგად ჩნდებოდნენ. თუმცა, მეცნიერები ჯერ კიდევ არ არიან დარწმუნებულნი, თუ როგორ ჩამოყალიბდა ზუსტად ეს მაგნეტარი. მათ ვერ შეძლეს ისეთი მკვდარი ვარსკვლავების ან ვარსკვლავური გროვების პოვნა, რომლებთანაც ეს ობიექტი შეიძლება ასოცირდებოდეს. გარდა ამისა, ახალმა კვლევამ აჩვენა, რომ კოსმოსური ობიექტი ძალიან სწრაფად და არასწორი მიმართულებით მოძრაობს იმისთვის, რომ მომაკვდავი ვარსკვლავების აფეთქების შედეგად დაბადებულიყო.

„მაგნეტარების წარმოქმნის ტემპები და ფორმირების სცენარები მაღალი ენერგიების ასტროფიზიკის ერთ-ერთი ყველაზე აქტუალური საკითხია, რაც გავლენას ახდენს სამყაროში არსებული მრავალი ყველაზე ძლიერი მოკლევადიანი მოვლენის განვითარებაზე.“ - განმარტავს კვლევის თანაავტორი ნანდა რეა, ბარსელონას კოსმოსური მეცნიერებების ინსტიტუტის ასტროფიზიკოსი. მისი თქმით, SGR 0501+4516-ზე დაკვირვებები გაგრძელდება.

Sky News-ი პუტინის მიერ სამდღიანი ცეცხლის შეწყვეტის გამოცხადების შესაძლო მიზეზებს ასახელებს.

◾️ პუტინმა სამდღიანი საომარი მოქმედებების შეჩერება გამოაცხადა აშშ-ს მიერ რუსეთის ლიდერის მიმართ პოზიციის გამკაცრების საპასუხოდ, ვატიკანში ტრამპისა და ზელენსკის შორის დადებითი შეხვედრის შემდეგ. „ზელენსკის და ტრამპს შორის ატმოსფეროს ცვლილება, - რა თქმა უნდა, პრეზიდენტმა ტრამპმა რუსების მიმართ მეტი გაღიზიანება გამოხატა. და მე ვფიქრობ, რომ რუსები გრძნობენ, რომ რაღაც უნდა თქვან.“ - თქვა სამხედრო ანალიტიკოსმა კლარკმა.

◾️ პუტინს სურს, რომ მოსკოვი უკრაინული დრონებისგან დაიცვას წითელ მოედანზე გამარჯვების აღლუმის დროს. 9 მაისს, დაახლოებით, 20 უცხოელი ლიდერი შეიკრიბება მოსკოვში ღონისძიებაზე, რომელიც წელს ნაცისტურ გერმანიაზე გამარჯვების 80 წლისთავს აღნიშნავს.

◾️ ცეცხლის შეწყვეტა შეიძლება მოსკოვისთვის შესანიშნავი შესაძლებლობა იყოს, გააძლიეროს თავისი საომარი მანქანა და გამოიყენოს საომარი მოქმედებების შეწყვეტა ფრონტზე თავისი ჯარების გადასაადგილებლად სხვა მიმართულებით ყურადღების გაფანტვის გარეშე.

ტრამპმა კანადელებს ვადამდელი საპარლამენტო არჩევნების დღეს მიმართა და სთხოვა, აერჩიათ ის ადამიანი, რომელიც უზრუნველყოფს, რომ კანადა „შეერთებული შტატების სასურველ 51-ე შტატად“ იქცეს.

„აღარ იქნება მრავალი წლის წინ გავლებული ხელოვნური საზღვარი. შეხედეთ, რა ლამაზი იქნებოდა ეს მიწის მასივი. თავისუფალი წვდომა საზღვრების გარეშე. ყველა დადებითი მხარე უარყოფითი მხარეების გარეშე. ასეც უნდა იყოს!“ - დაწერა აშშ-ის პრეზიდენტმა Truth Social-ში.