რუსეთი უკრაინისგან „სიგნალს“ ელოდება, რათა ომის დასრულების მიზნით, პირდაპირი მოლაპარაკებები განაახლოს. ამის შესახებ პუტინის პრეს-მდივანმა, დმიტრი პესკოვმა, პროპაგანდისტულ სააგენტო TASS-თან ინტერვიუში განაცხადა.

„„სპეციალური სამხედრო ოპერაცია“ გრძელდება. აშშ-ის ძალისხმევა პროცესის მშვიდობიანი მიმართულებით გადასაყვანად, გრძელდება. რუსული მხარის, პრეზიდენტის, მზადყოფნა, უკრაინასთან ყოველგვარი პირობების გარეშე მოლაპარაკებების პროცესი დაიწყოს, არაერთხელ დადასტურდა.“ - განაცხადა პესკოვმა.

პუტინის პრეს-მდივანმა ხაზგასმით აღნიშნა, რომ მოსკოვი კიევისგან პირდაპირი მოლაპარაკებების განახლებისთვის სიგნალს ელოდება და დასძინა, რომ უკრაინის მთავრობას, სავარაუდოდ, ასეთი ქმედებების „იურიდიული აკრძალვა“ აქვს.

„კიევმა ამასთან დაკავშირებით (რედ: პირდაპირი მოლაპარაკებები) გარკვეული ზომები უნდა მიიღოს. მათ ამის შესახებ კანონით აკრძალული აქვთ. ჯერჯერობით, ჩვენ არანაირი ქმედება არ გვინახავს.“ - თქვა მან.

ამავდროულად, კრემლის პრეს-სპიკერმა განაცხადა, რომ პუტინსა და აშშ-ის პრეზიდენტ დონალდ ტრამპს შორის ახალი საუბარი ჯერ არ არის დაგეგმილი. თუმცა, საჭიროების შემთხვევაში, ასეთი საუბრის სწრაფად დაგეგმვა შესაძლებელია.

პესკოვმა ასევე კომენტარი გააკეთა ზელენსკის განცხადებებზე, რომ უკრაინის შეიარაღებული ძალების დანაყოფები კვლავ იმყოფებიან კურსკის რეგიონში, რუსეთის მიერ რეგიონის „განთავისუფლების“ შესახებ გაკეთებული განცხადებების მიუხედავად. მან განაცხადა, რომ ამ საკითხთან დაკავშირებით, პუტინის მონაცემებზე ორიენტირებაა საჭირო.

რუსეთმა უკრაინაში ომის დარეგულირების პირობები გააჟღერა.

ბრაზილიურ გამოცემა O Globo-სთან ინტერვიუში რუსეთის საგარეო საქმეთა მინისტრმა სერგეი ლავროვმა მოსკოვის მოთხოვნები ჩამოთვალა:

▪️ კიევმა უარი უნდა თქვას ნატოში გაწევრიანებაზე, რითაც უზრუნველყოფილი იქნება ნეიტრალური, არაბლოკის სტატუსი.
▪️ „ყირიმი“, „დსრ“, „ლსრ“, ხერსონისა და ზაპოროჟიეს ოლქები საერთაშორისოდ უნდა იყოს აღიარებული, როგორც რუსული.
▪️ უკრაინამ უნდა მოხსნას აკრძალვა რუსეთის ფედერაციასთან მოლაპარაკებებზე.
▪️ უკრაინის „დემილიტარიზაცია“ და „დენაციფიკაცია“.
▪️ რუსეთის ფედერაციის წინააღმდეგ ყველა სანქცია უნდა მოიხსნას და გაყინული აქტივები უნდა დაბრუნდეს.
▪️ უკრაინამ უნდა გააუქმოს კანონები, რომლებიც ზღუდავს რუსული ენის, კულტურისა და ეკლესიის გამოყენებას.
▪️ რუსეთი უარყოფს აშშ-ის წინადადებას ზაპოროჟიეს ატომური ელექტროსადგურის კონტროლის ვაშინგტონისა და კიევისთვის გადაცემის შესახებ.

გერმანია უკრაინის მხარდაჭერას გააგრძელებს მაშინაც კი, თუ აშშ იარაღის მიწოდებას შეწყვეტს. ამის შესახებ თავდაცვის მინისტრმა ბორის პისტორიუსმა განაცხადა.

გერმანიის თავდაცვის მინისტრის თქმით, უკრაინის მხარდაჭერა ახალი მთავრობის კოალიციურ შეთანხმებაშია გათვალისწინებული.

მან ხაზგასმით აღნიშნა, რომ უკრაინის დამარცხება და პუტინის გამარჯვება სერიოზულ საფრთხეს შეუქმნის ნატო-ს და მეზობელ ქვეყნებს, როგორებიცაა მოლდოვა და საქართველო.

პისტორიუსის თქმით, საქმე არა მხოლოდ კიევისადმი სოლიდარობას, არამედ მთელი ევროპის უსაფრთხოებასაც ეხება.

ჩინეთს შეუძლია აშშ-ს გადაასწროს და მსოფლიო ბირთვული ლიდერი გახდეს. - ინფორმაციას Bloomberg-ი ავრცელებს.

ჩინეთმა დაამტკიცა კიდევ 10 ახალი რეაქტორის მშენებლობა, რომელთა ღირებულება 27 მილიარდი დოლარია. უკვე ზედიზედ მეოთხე წელია, რაც ქვეყანამ, მინიმუმ, 10 პროექტი დაამტკიცა.

ამჟამად, ჩინეთში 30 ატომური ელექტროსადგური შენდება და ქვეყანა გეგმავს, რომ ათწლეულის ბოლოსთვის, ბირთვული ენერგიის მოცულობით, მსოფლიოში პირველი ადგილი დაიკავოს.

დადგმული სიმძლავრე, სავარაუდოდ, 2025 წლისთვის 65 გიგავატს, ხოლო 2040 წლისთვის, დაახლოებით, 200 გიგავატს მიაღწევს.

პუტინმა მადლობა გადაუხადა ჩრდილოეთ კორეის არმიის დანაყოფებს, რომლებმაც მონაწილეობა მიიღეს კურსკის ოლქში უკრაინელი ჯარისკაცების წინააღმდეგ ბრძოლაში.

„მათ აქტიური როლი ითამაშეს ბრძოლაში, რამაც გამოიწვია კიევის რეჟიმის ნეონაცისტური ფორმირებების დამარცხება, რომლებიც ჩვენს ტერიტორიაზე შემოიჭრნენ.“ - აღნიშნულია პუტინის განცხადებაში.

მისი მტკიცებით, ჩრდილოეთ კორეელი ჯარისკაცები მოქმედებდნენ საერთაშორისო სამართლის სრული დაცვით და რუსეთის ფედერაციასა და კორეის სახალხო დემოკრატიულ რესპუბლიკას შორის 2024 წლის 19 ივნისს გაფორმებული ყოვლისმომცველი სტრატეგიული პარტნიორობის შესახებ ხელშეკრულების შესაბამისად.

„ჩვენი კორეელი მეგობრების ეს ნაბიჯი სოლიდარობის, სამართლიანობისა და გულწრფელი თანამებრძოლობის გრძნობით იყო განპირობებული. ჩვენ ამას ძალიან ვაფასებთ და გულწრფელად მადლიერები ვართ, პირადად სახელმწიფო საქმეთა თავმჯდომარის, ამხანაგ კიმ ჩენ ინის, ასევე მთელი ხელმძღვანელობის და ჩრდილოეთ კორეელი ხალხის მიმართ. ვაფასებთ ჩრდილოეთ კორეის სახალხო რესპუბლიკის ჯარისკაცების გმირობას, შესანიშნავ წვრთნას და თავდადებას, რომელიც გამოიჩინეს რუს ჯარისკაცებთან ერთად მხარდამხარ ბრძოლის დროს, ჩვენი სამშობლოს, როგორც საკუთარის, დაცვისას. მათ პატივითა და მამაცობით შეასრულეს თავიანთი მოვალეობა და თავი უჭკნობი დიდებით შეიმოსეს.“ - აღნიშნულია პუტინის განცხადებაში.

მისი თქმით, რუსი ხალხი არასდროს დაივიწყებს ჩრდილოეთ კორეის სპეციალური დანიშნულების რაზმების „გმირობას“.

„რუსი ხალხი არასდროს დაივიწყებს ჩრდილოეთ კორეის სპეციალური დანიშნულების რაზმების გმირობას. ყოველთვის პატივს მივაგებთ იმ გმირებს, რომლებმაც თავი გაწირეს რუსეთისთვის, ჩვენი საერთო თავისუფლებისთვის, იბრძოდნენ თავიანთი რუსი თანამებრძოლების მხარდამხარ.
დარწმუნებულები ვართ, რომ ჩვენს ქვეყნებს შორის მეგობრობის, კეთილმეზობლური ურთიერთობებისა და თანამშრომლობის მტკიცე კავშირი, რომელიც ბრძოლის ველზე განმტკიცდა, გააგრძელებს ზრდას და გაფართოებას ყველა ასპექტში.“ - აღნიშნულია პუტინის განცხადებაში.

მისი მტკიცებით, 2025 წლის 26 აპრილს, რუსეთის ფედერაციის შეიარაღებულმა ძალებმა საბოლოოდ დაამარცხეს კურსკის ოლქში შეჭრილი „უკრაინელი ბოევიკების ჯგუფი, რითაც ბოლო მოეღო უკრაინის ხელისუფლების მიერ რუსეთის ფედერაციის ტერიტორიის ნაწილის მიტაცების მცდელობისას განხორციელებულ დანაშაულებრივ პროვოკაციას“.

🔴 ნიკა მელიას, წულუკიანის კომისიაზე გამოუცხადებლობის გამო, ბრალი წარუდგინეს

🔴 “ქართული ოცნების” დამფუძნებელი, ბიძინა ივანიშვილი Bloomberg-ის მილიარდერთა სიაში აღარ იძებნება

🔴 ჰააგის სასამართლომ პალესტინელების მიმართ ისრაელის ვალდებულებების საკითხზე მოსმენა დაიწყო

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-14-00-saathze-672/

#ახალიამბები

🔴რესტორანი „მეგობრები“ – გვემეგობრე და დააგემოვნე გამორჩეული და დახვეწილი გემოები – ინტერვიუ რესტორან „მეგობრები“-ს მენეჯერთან ნათია არჩვაძესთან

🔴სავალუტო რეზერვების მონაცემები აპრილში გაცილებით შთამბეჭდავი იქნება – ეროვნული ბანკის პრეზიდენტი

🔴ტრამპის გადაწყვეტილებით ამერიკულ სკოლებში ხელოვნურ ინტელექტს შეასწავლიან

👉 “ბიზნესრევიუ” თამუნა მჭედლიშვილთან ერთად 👇
https://heretifm.com/biznesreviu-gadatsema-28-04-2025/

#ბიზნესრევიუ

🔴 ყურადღების ცენტრში ‼️„მთავარი არხი“ მაუწყებლობას საბოლოოდ წყვეტს — 1 მაისიდან ეთერში აღარ დაბრუნდება

📍 სოციალურ ქსელებში არხის თანამშრომლების ინფორმაციით,
ტელეკომპანია „მთავარი არხი“ საბოლოოდ წყვეტს მაუწყებლობას და ახალი არხის შექმნის მცდელობაც ჩაიშალა.

📣 თანამშრომლებს უკვე ოფიციალურად განუცხადეს:
▪️ „მთავარი არხის“ მაუწყებლობა 1 მაისიდან სრულად შეწყდება,
▪️ არხის პროფესიონალ გუნდს, რომელიც მოქალაქეობრივი პასუხისმგებლობით და მედიასივრცეში აქტიური მონაწილეობით გამოირჩეოდა, დროებით უმუშევრად დარჩენა მოუწევს.

📺 „მთავარი არხის“ მაუწყებლობის შეჩერების ისტორია:

▪️ მაუწყებლობა შეჩერდა 15 თებერვლის დილიდან, თუმცა ფეისბუქის გვერდი და ვებგვერდი ამ დრომდე ფუნქციონირებდა.
▪️ არხის ინფორმაციით, მაუწყებლობის შეწყვეტის მიზეზი გახდა თანადამფუძნებელ ზაზა ოქუაშვილის მიერ შექმნილი ფინანსური კრიზისი.

▪️ 2024 წლის იანვარში „მთავარმა არხმა“ ოფიციალურად გაავრცელა განცხადება, სადაც ოქუაშვილი დაადანაშაულა იმაში, რომ იგი „გეგმაზომიერად მიყვება რუსული რეჟიმისთვის დამახასიათებელ გზას“ და „მთავარი არხის“ დახურვის პროცესს ეტაპობრივად ახორციელებს.

▪️ იანვრის ბოლოს არხის მაუწყებლობა შეწყდა რეგიონებისა და საზღვარგარეთის სატელიტური მომხმარებლებისთვის.

▪️ არხის გენერალურმა დირექტორმა გიორგი გაბუნიამ 11 დეკემბერს საჯაროდ განაცხადა, რომ„ზაზა ოქუაშვილმა გადაწყვიტა გააკეთოს ის, რაც დღეს ბიძინა ივანიშვილს ძალიან სჭირდება — დახუროს 'მთავარი არხი'“.

ზაზა ოქუაშვილის პასუხი გიორგი გაბუნიას ბრალდებებზე:

▪️ ოქუაშვილმა განაცხადა, რომ ბიძინა ივანიშვილის წინააღმდეგ რამდენიმე საერთაშორისო დავას აწარმოებს,
▪️ და გაბუნიას ბრალდებებს „კომიკურ და ლოგიკას მოკლებულ“ უწოდა.
▪️ მისი თქმით, სურს, რომ „მთავარი არხი“ შეუფერხებლად განაგრძოს მუშაობა იმ მენეჯმენტით, რომელიც არ ეცდება არხის ხარჯზე პირადი სიმდიდრის დაგროვებას.

📜 ტელეკომპანია "მთავარი არხი" დაარსდა 2019 წლის 9 სექტემბერს, მას შემდეგ, რაც ნიკა გვარამია გათავისუფლდა „რუსთავი 2“-დან.
▪️ მისი დამფუძნებლები იყვნენ ნიკა გვარამია და კახაბერ ანჯაფარიძე.

▪️ 2020 წლის მაისში არხის წილის 40% გადაეცა ზაზა ოქუაშვილის მიერ დაფუძნებულ კომპანიებს.
▪️ მოგვიანებით, 2024 წლის თებერვალში, ნიკა გვარამიამ 12%-იანი წილი თავის ცოლს გადასცა და გათიშა არხის მართვაში მონაწილეობა.

▪️ არხის ახალ გენერალურ დირექტორად დაინიშნა გიორგი გაბუნია.

▪️ 2024 წლის მარტში ნიკა გვარამიამ „ნაციონალური მოძრაობის“ ყოფილ თავმჯდომარე ნიკა მელიასთან ერთად შექმნა პოლიტიკური გაერთიანება "ახალი".

#მთავარიარხი #ტელევიზიადახურვა #მედიისთავისუფლება #საინფორმაციოსამყარო #გიორგიგაბუნია #ნიკაგვარამია #ზაზაოქუაშვილი #ნიკამელია #საქართველოსმედია #დემოკრატიულიგამოწვევები

ნიუ-იორკში შეტაკებები მოხდა პრო-პალესტინელ აქტივისტებსა და „ებრაული ძლიერების“ პარტიის ლიდერის, ეროვნული უსაფრთხოების მინისტრის, იტამარ ბენ-გვირის მხარდამჭერებს შორის, რომელიც შეერთებულ შტატებში ოფიციალური ვიზიტით იმყოფება. შეტაკებები გასულ ხუთშაბათს ბრუკლინში მოხდა, უბანში, სადაც დიდი ებრაული თემი ცხოვრობს. ნიუ-იორკის მერმა ერიკ ადამსმა განაცხადა, რომ პოლიცია შეტაკებების შედეგად წარმოშობილ რამდენიმე ინციდენტს იძიებს.

„შეტაკებები მაშინ დაიწყო, როდესაც ისრაელის საწინააღმდეგო მომიტინგეების ჯგუფმა ბრუკლინში, ლუბავიჩერ რებეს თაყვანისცემის ადგილის, ხაბადის მსოფლიო შტაბ-ბინა ალყაში მოაქცია.“ - განაცხადა ადამსმა სოციალურ ქსელ X-ში. მისი თქმით, ბენ-გვირის მხარდამჭერები ორ ქალს თავს დაესხნენ და ერთ-ერთი მათგანი დაჭრეს.

„ნიუ-იორკ ტაიმსის“ ცნობით, ხაბადის შტაბ-ბინასთან ახლოს, სადაც ასობით პრო-პალესტინელი და პრო-ისრაელელი აქტივისტი იყო შეკრებილი, ბენ-გვირი სიტყვით უნდა გამოსულიყო.

„ერთ მომენტში, მამაკაცებმა, რომელთა უმეტესობა ებრაელი იყო, 29 წლის ქალს ალყა შემოარტყეს. გაურკვეველია, რამ აიძულა ისინი, მისთვის ალყა შემოერტყათ ან საერთოდ მონაწილეობდა თუ არა ის პრო-პალესტინურ პროტესტებში... ბრბომ ებრაულად დაიწყო სკანდირება „სიკვდილი არაბებს“ და ქალსა და პოლიციელს გაჰყვა, რომელიც მას უსაფრთხო ადგილამდე მიაცილებდა. ბევრი ასევე რასისტულ და სექსისტურ შეურაცხყოფას ყვიროდა, ზოგი კი, ქალს უბიძგებდა. სანამ პოლიციელი პოლიციის მანქანაში ჩასვამდა, ერთ-ერთმა მათგანმა თავში ნარინჯისფერი სამშენებლო კონუსი ესროლა.“ - აღწერს ინციდენტს The New York Times-ი.

კიდევ ერთი ინციდენტის დროს, ისრაელის მომხრე დემონსტრანტებმა კიდევ ერთი ქალი დაჭრეს, რომელიც პრო-პალესტინელი აქტივისტების ბრბოს გაეცალა. შედეგად, ექვსი ადამიანი დააკავეს. პოლიციის ცნობით, ხუთი მათგანი სასამართლოში გამოიძახეს და გაათავისუფლეს, ხოლო ერთს, 28 წლის ოსკარ ვიდალს ნიუ-ჯერსიდან, ბრალი წაუყენეს „თავდასხმისთვის, შევიწროებისა და დანაშაულებრივი ქმედებებისთვის“.

„გაურკვეველია, დაკავებულები პრო-პალესტინელი მომიტინგეები იყვნენ, ისრაელის მხარდამჭერები თუ ორივე ერთად.“ - აღნიშნავს The New York Times-ი.

ვატიკანის კონკლავი ახალ პაპს 7 მაისს აირჩევს. - ინფორმაციას Reuters-ი ავრცელებს.

სააგენტოს ცნობით, კენჭისყრაში მონაწილეობას მსოფლიოს სხვადასხვა კუთხიდან 80 წლამდე ასაკის 135 კარდინალი მიიღებს. ისინი კათოლიკური ეკლესიის ახალ მეთაურს აირჩევენ, რომელიც 1.4 მილიარდ მორწმუნეს აერთიანებს. თარიღის ოფიციალური გამოცხადება მალე უნდა მოხდეს.

‼️ნიკა გვარამია: „დაიხურება 'მთავარი არხი', გაიხსნება ახალი“👇

📍 "მთავარი არხის" ყოფილი დამფუძნებელი ნიკა გვარამია სოციალურ ქსელში "მთავარი არხის" დახურვის თემას ეხმიანება:

💬 ნიკა გვარამია წერს:„დაიხურება 'მთავარი არხი', გაიხსნება ახალი. სხვანაირად არ და ვერ იქნება, მჯერა და ვიცი.მთავარია ქვეყანა არ დაიხუროს, თორემ მერე გინდა დახურე, გინდა გახსენი, აზრი არ ექნება არაფერს.“

▪️ "მთავარი არხის" მაუწყებლობა 1 მაისიდან საბოლოოდ წყდება,
▪️ არხის თანამშრომლები და საზოგადოება ელოდება, როგორ გაგრძელდება დამოუკიდებელი მედიის ბრძოლა ქვეყანაში.

#ნიკაგვარამია #მთავარიარხი #მედიისთავისუფლება #ახალიარხი #დამოუკიდებელიმედია #სოციალურიქმედებები #საქართველოსმედია

🔴 მზია ამაღლობელის ადვოკატები ირაკლი კობახიძის გამოკითხვას ითხოვენ

🔴 ჭიათურაში პროტესტის მე-60-ე დღეა – რას აპირებენ მაღაროელები?

🔴 „ბიბისის“ ცნობით, ჩინეთმა სამხრეთ ჩინეთის ზღვაში სადავო კუნძული დაიკავა

👉ახალ ამბებს ქეთი გაბრიაძე გაგაცნობთ👇

https://heretifm.com/akhali-ambebi-15-00-saathze-667/

#ახალიამბები

პუტინმა „გამარჯვების 80 წლისთავის“ აღსანიშნავ დღეებში სამხედრო ზავი გამოაცხადა, რომელიც 8 მაისის 00:00 საათიდან 11 მაისის 00:00 საათამდე გაგრძელდება. ამ პერიოდში ყველა სამხედრო ოპერაცია შეწყდება.

რუსეთის პრეზიდენტმა განაცხადა, რომ უკრაინული მხარეც „ასევე უნდა მიჰყვეს ამ მაგალითს“.