🔴 ყურადღების ცენტრში ‼️გავრცელებული კადრების რეალობა — ტრამპმა უბრალოდ ჩაიარა მიხეილ ყაველაშვილთან

📹 სოციალურ ქსელებში გავრცელდა ვიდეო, სადაც ჩანს, რომ რომის პაპ ფრანცისკეს დაკრძალვის ცერემონიაზე,
აშშ-ის პრეზიდენტმა დონალდ ტრამპმა უბრალოდ ჩაუარა "ქართული ოცნების" პრეზიდენტს მიხეილ ყაველაშვილს.

ℹ️ დეტალები:

▪️ ტრამპის მისალმების ჟესტი არის საერთო ჟესტი, რომელიც არ იყო პერსონალურად მიმართული მიხეილ ყაველაშვილისადმი

▪️ სააგენტო AP-ს ფოტო, რომელიც მანამდე სოციალურ ქსელებში გავრცელდა (სადაც ჩანს თითქოს ტრამპი ყაველაშვილს ესალმება), ნამდვილია, მაგრამ სხვა რაკურსით გადაღებული და კონტექსტიდან ამოვარდნილი.

🛑 გავრცელებული ვერსია, თითქოს ტრამპი განსაკუთრებულად მიესალმა მიხეილ ყაველაშვილს, არ შეესაბამება რეალობას.

#ფაქტჩეკინგი #დონალდტრამპი #მიხეილყაველაშვილი #ვატიკანი #პაპიფრანცისკე #დაკრძალვაცერემონია #სოციალურიქსელები #დეზინფორმაცია #ქართულიოცნება #მედიაკრიტიკა #რეალობასთანდაბრუნება

ტრამპს უძლიერდება ეჭვი, რომ პუტინს არ სურს უკრაინის წინააღმდეგ წარმოებული ომის დასრულება.

„ბოლო რამდენიმე დღის განმავლობაში პუტინს არ ჰქონდა არანაირი მიზეზი, რომ სამოქალაქო პირების, ქალაქებისა და დაბების მიმართულებით რაკეტები გაესროლა. ეს მაფიქრებინებს, რომ იქნებ, მას არ სურს ომის შეჩერება, არამედ უბრალოდ, მამხნევებს და მასთან სხვაგვარად მოპყრობაა საჭირო, „საბანკო“ თუ „მეორადი სანქციების“ მეშვეობით?“ - დაწერა აშშ-ის პრეზიდენტმა.

ტრამპმა ასევე სასაცილო უწოდა მედიის მიერ გავრცელებულ ინფორმაციას, რომ „უკრაინამ ტერიტორიები, მათ შორის, ყირიმი უნდა დაიბრუნოს მკვლელობების შესაჩერებლად“.

ამავდროულად, კრემლის პრეს-სპიკერმა დმიტრი პესკოვმა განაცხადა, რომ პუტინმა სტივ უიტკოფთან შეხვედრაზე „დაადასტურა რუსეთის მზადყოფნა უკრაინასთან ყოველგვარი წინაპირობების გარეშე მოლაპარაკებებისთვის“.

ემანუელ მაკრონის თქმით კი, პუტინმა უნდა დაამტკიცოს, რომ მას ნამდვილად სურს მშვიდობა.

„უკრაინა მზადაა უპირობო ცეცხლის შეწყვეტისთვის. პრეზიდენტმა ზელენსკიმ ეს დღეს დამიდასტურა. მას სურს, ამერიკელებთან და ევროპელებთან ერთად იმუშაოს ამის მისაღწევად. ახლა პრეზიდენტ პუტინზეა დამოკიდებული, დაამტკიცოს, რომ მას ნამდვილად სურს მშვიდობა.“ - დაწერა საფრანგეთის პრეზიდენტმა სოციალურ ქსელ X-ში.

სოციალურ ქსელში აქტიურად განიხილება, შეხვდა თუ არა დონალდ ტრამპს მიხეილ ყაველაშვილი, რომელიც რომის პაპ ფრანცისკეს გამოსამშვიდობებელ სამგლოვიარო ცერემონიალს დაესწრო.

წინამდებარე ვიდეოში, რომელიც ტრამპის ღონისძიების სტუმრებთან მისალმებას ასახავს, 2 წუთსა და 44 წამზე ჩანს, რომ ერთ-ერთმა სტუმარმა მიხეილ ყაველაშვილი აშშ-ს პრეზიდენტს წარუდგინა, რის შემდეგაც ტრამპმა მას ხელი ჩამოართვა.

პაპი ფრანცისკე სანტა მარია მაჯორეს ბაზილიკაში დაკრძალეს. ამის შესახებ ვატიკანი იუწყება.

იტალიის შინაგან საქმეთა მინისტრის ცნობით, წმინდა პეტრეს მოედანზე და დაკრძალვის მსვლელობის მარშრუტზე, სულ მცირე, 400 000 ადამიანი იმყოფებოდა.

ირანში, ქალაქ ბანდარ-აბასთან მიმდებარედ, შაჰიდ რაჯაის პორტში მომხდარი აფეთქების შედეგად დაშავებულთა რიცხვი 750-მდე გაიზარდა. ხანძარი გრძელდება.

შინაგან საქმეთა სამინისტრომ 8 ადამიანის გარდაცვალების შესახებ განაცხადა.

შეგახსენებთ, მედიის ცნობით, შაჰიდ რაჯაის პორტში საწვავის ავზი აფეთქდა, თუმცა აფეთქების მიზეზი, ჯერჯერობით, უცნობია. ასევე აღნიშნულია, რომ ირანში საქონლის 90%-ის იმპორტი აღნიშნული პორტის გავლით ხორციელდება, მათ შორის, - ტვირთი რუსეთიდან, ავღანეთიდან და ცენტრალური აზიიდან.

პრეზიდენტ ზელენსკისთან ნაბიჯები განვიხილეთ, რომლებსაც უკრაინა დგამს, რათა თავისი ადგილი დაიმსახუროს ჩვენს ოჯახში. ამის შესახებ ევროკომისიის პრეზიდენტი ურსულა ფონ დერ ლაიენი X-ის საკუთარ გვერდზე წერს.

“ძვირფასო ვოლოდიმირ ზელენსკი, ევროპა ყოველთვის უკრაინის გვერდით იდგება მშვიდობის მიღწევაში.

სამართლიანი და ხანგრძლივი მშვიდობის მისაღწევად, მოლაპარაკებების მაგიდასთან ჩვენი მხარდაჭერის იმედი შეგიძლიათ გქონდეთ.

დღეს ასევე განვიხილეთ ნაბიჯები, რომლებსაც უკრაინას დგამს, რათა თავისი ადგილი დაიმსახუროს ჩვენს ოჯახში.” - წერს ფონ დერ ლაიენი.

ცნობისთვის, ვოლოდიმირ ზელენსკი ევროკომისიის პრეზიდენტ ურსულა ფონ დერ ლაიენს ვატიკანში ვიზიტის დროს შეხვდა.

იემენის სანაპიროსთან ათასობით ცხვრის გადამყვანი გემი ჩაიძირა.

ადგილობრივმა მეთევზეებმა მაშველების როლი შეასრულეს და ეკიპაჟის წევრებისა და ცხოველების ევაკუაცია განახორციელეს.

წინასწარი ინფორმაციით, გემი სომალიდან მიცურავდა.

ირანში მომხდარი აფეთქების შემდეგ, ისრაელი ექსტრემალური სცენარისთვის ემზადება.

ისრაელი უარს ამბობს პირდაპირ კომენტარზე სამხრეთ ირანში, ქალაქ ბანდარ-აბასის მახლობლად მდებარე პორტში მომხდარ ძლიერ აფეთქებაზე. როდესაც ჰკითხეს, ცვლიდა თუ არა ისრაელი სიფხიზლის დონეს ინციდენტის გათვალისწინებით, ერთ-ერთმა მაღალჩინოსანმა განაცხადა: „ჩვენ გავდივართ პერიოდს, როდესაც რეგიონის გადაწყობა მომდინარეობს. ჩვენ მზად ვართ თავდაცვისა და ნებისმიერი განვითარებისთვის.“ - ინფორმაციას Maariv-ი ავრცელებს.

ირანში კი, საგანგებო მდგომარეობა გამოცხადდა. ხანძარი განახლებული ენერგიით გაჩნდა და ახალი აფეთქებები მოხდა. გავრცელებული ინფორმაციით, შაჰიდ რაჯაის პორტში მომხდარმა აფეთქებამ ჰაერის საშიში დამაბინძურებლების გავრცელების რისკი გაზარდა.

შეგახსენებთ, ირანში, ქალაქ ბანდარ-აბასთან მიმდებარედ, შაჰიდ რაჯაის პორტში საწვავის ავზი აფეთქდა, რის შედეგადაც 8 ადამიანი დაიღუპა და 750 დაშავდა. აფეთქების მიზეზი, ჯერჯერობით, უცნობია. ირანში საქონლის 90%-ის იმპორტი აღნიშნული პორტის გავლით ხორციელდება, მათ შორის, - ტვირთი რუსეთიდან, ავღანეთიდან და ცენტრალური აზიიდან.

მედიის ინფორმაციით, თურქეთში სტამბოლის მუნიციპალიტეტის 47 თანამშრომელი, კორუფციის ბრალდებით დააკავეს. დაკავებულთა შორისაა სტამბოლის დაპატიმრებული მერის, ექრემ იმამოღლუს თანაშემწის მეუღლეც.

შეგახსენებთ, სტამბოლის ოპოზიციონერი მერი მარტში დააკავეს. მას ბრალად ედება კორუფცია და ტერორისტული ორგანიზაციის ხელშეწყობა.

იმამოღლუ ბრალდებებს უარყოფს და მის წინააღმდეგ მიმდინარე საქმეებს პოლიტიკურად მოტივირებულად მიიჩნევს. იმამოღლუს დაკავებას თურქეთში მასობრივი საპროტესტო გამოსვლები მოჰყვა.

რუსეთის ფედერალური უსაფრთხოების სამსახური აცხადებს, რომ დააკავეს პირი, რომელმაც გენერალ-ლეიტენანტ იაროსლავ მოსკალიკის მანქანა დანაღმა. "ეფესბე"-ს ცნობით, დაკავებული 1983 წელს დაბადებული იგნატ კუზინია. უწყება ამტკიცებს, რომ ის უკრაინის სპეცსამსახურების აგენტია და უკრაინაში ბინადრობის ნებართვა ჰქონდა.

რუსეთის დაზვერვის სამსახურის ცნობით, ასაფეთქებელი მოწყობილობა უკრაინის ტერიტორიიდან დისტანციურად ამოქმედდა.

სისხლის სამართლის საქმეზე გამოძიება „ტერორისტული აქტის მომზადებისა“ და „ასაფეთქებელი ნივთიერებების უკანონო შენახვის“ მუხლებით მიმდინარეობს.

შეგახსენებთ, 25 აპრილს, მოსკოვის ოლქის ქალაქ ბალაშიხაში, რუსი გენერალი, 59 წლის იაროსლავ მოსკალიკი ააფეთქეს. მოსკალიკი რუსეთის გენერალური შტაბის დაზვერვის ოპერატიული სამმართველოს უფროსის მოადგილე იყო. 2021 წელს პუტინმა მას გენერალ-ლეიტენანტის წოდება მიანიჭა.

დიდ ბრიტანეთში, ChatGPT-მ ქალის სიცოცხლე გადაარჩინა კიბოს აღმოჩენით, რომელიც ექიმებმა ვერ შენიშნეს.

Kennedy News and Media-ს ცნობით, 40 წლის ლორენ ბენონმა დიდი ბრიტანეთიდან განაცხადა, რომ ChatGPT-ის წყალობით, მისი კიბო ადრეულ ეტაპზე აღმოაჩინეს. ექიმებმა თავდაპირველად მას არასწორი დიაგნოზი დაუსვეს და წონის დაკლება და კუჭის ტკივილი მჟავა რეფლუქსის სიმპტომებს მიაწერეს.

შემდეგ ბენონმა რჩევისთვის ჩატბოტს მიმართა, რომელმაც ჰაშიმოტოს დაავადება ივარაუდა. ქალი გამოკვლევა მოითხოვა. ტესტმა დაადასტურა დაავადება და მოგვიანებით, ექიმებმა ფარისებრ ჯირკვალში სიმსივნეები აღმოაჩინეს.

ლორენს ოპერაცია 2025 წლის იანვარში ჩაუტარდა და დარწმუნებულია, რომ ChatGPT-ის გარეშე, კიბო შეუმჩნეველი დარჩებოდა.