ტრამპი:
„არა მგონია, უკრაინა ოდესმე ნატოში გაწევრიანდეს“

ჟურნალ TIME-თან ინტერვიუში აშშ-ს პრეზიდენტმა გაიმეორა კრემლის ნარატივი, რომლის მიხედვითაც, ომის დაწყების მიზეზი ის იყო, რომ უკრაინამ ნატოში გაწევრიანებაზე საუბარი დაიწყო და, თითქოს, ამის გარეშე, გაცილებით დიდი შანსი იქნებოდა, რომ რუსეთი ომს არ დაიწყებდა.

ტრამპმა ასევე განაცხადა, რომ ომის დარეგულირების შეთანხმების ფარგლებში, ყირიმი რუსეთის ფედერაციასთან დარჩება და ზელენსკი ამას შესანიშნავად ხვდება.

„კარგი, ყირიმი რუსებს გადაეცა. ის მათ ბარაკ ობამამ მისცა და არა მე. ამის გათვალისწინებით, შეუძლიათ თუ არა უკრაინელებს მისი დაბრუნება? მათ იქ რუსები ჰყავდათ. მათ იქ წყალქვეშა ნავები ჰყავდათ ნებისმიერ პერიოდამდე დიდი ხნით ადრე, მრავალი წლის განმავლობაში. ყირიმის მოსახლეობა, უპირატესად, რუსულად საუბრობს. მაგრამ ეს ობამამ გააკეთა. ეს ტრამპს არ გაუკეთებია. ყირიმს წამართმევდნენ თუ არა, როგორც ობამას? არა, ეს არ მოხდებოდა. ყირიმი, მე რომ პრეზიდენტი ვყოფილიყავი, არ წაერთმეოდათ.“ - თქვა აშშ-ს პრეზიდენტმა.

ჟურნალისტმა ტრამპს ჰკითხა, თუ რატომ თქვა მან, რომ უკრაინაში ომს პირველივე დღეს დაასრულებდა, რაზეც ტრამპმა უპასუხა, რომ ეს გადატანითი მნიშვნელობით განაცხადა.

„და ეს ვთქვი, როგორც გაზვიადებული, რათა ხაზი გამესვა და, რა თქმა უნდა, ეს ყალბმა ამბებმა აიტაცა. ცხადია, ხალხმა იცის, რომ როდესაც ეს ვთქვი, ამას სერიოზულად არ ვამბობდი, მაგრამ იქვე ითქვა, რომ ეს (რედ: ომი უკრაინაში) დასრულდებოდა.“ - თქვა ტრამპმა.

🔴 „ნაციონალურ მოძრაობა” „სალომე ზურაბიშვილის გარშემო არსებულ შეკრებებში მონაწილეობის აზრს ვერ ხედავს”

🔴 მოსკოვის ოლქში რუსი სამხედრო მაღალჩინოსანი ააფეთქეს

🔴 საქართველოს წყალბურთელთა ეროვნული ნაკრების წევრები ევროთასის ფინალში ითამაშებენ

👉ახალ ამბებს ნატალია მეგუთნიშვილი გაგაცნობთ👇

https://heretifm.com/akhali-ambebi-15-00-saathze-666/

#ახალიამბები

🔴 ,,წადით!” – თბილისში ხვალ დაანონსებულ მსვლელობას სინდისის პატიმრების ოჯახებიც შუერთდებიან

🔴 შეხვდება თუ არა ურსულა ფონ დერ ლაიენი რომის პაპის დაკრძალვის ცერემონიის დროს დონალდ ტრამპს

🔴 აღმოჩენილია 113 მილიონი წლის წინანდელი „ჯოჯოხეთის ჭიანჭველის“ ნამარხი

👉ახალ ამბებს ნატალია მეგუთნიშვილი გაგაცნობთ👇

https://heretifm.com/akhali-ambebi-16-00-saathze-667/

#ახალიამბები

‼️🚨 ხაშურთან სამგზავრო მატარებელში ცეცხლი გაჩნდა — მიმდინარეობს მგზავრების ევაკუაცია

📍 არსებული ინფორმაციით, ხაშურის მახლობლად სამგზავრო მატარებელს ცეცხლი გაუჩნდა.

📹 სოციალურ ქსელებში ვრცელდება შემთხვევის ამსახველი ვიდეოკადრები, სადაც ჩანს, როგორ მიმდინარეობს მგზავრების ევაკუაცია წვით დაზარალებული მატარებლიდან.

🚒 შესაბამისი სამაშველო და საგანგებო სამსახურები ადგილზე უკვე მობილიზებული არიან.

საქართველოს რკინიგზა კი წერს, რომ მატარებელში დაკვამლიანება მოხდა

"გომი-აგარას გადასარბენზე, ოზურგეთი-თბილისის მიმართულებით მოძრავი მატარებლის ერთ-ერთ ვაგონში, მოხდა დაკვამლიანება. შემთხვევის შედეგად არავინ დაშავებულა, მგზავრების ევაკუაცია განხორციელდა დროულად და ამ წუთებში საქართველოს რკინიგზა მგზავრების ალტერნატიული ტრანსპორტით გადაყვანაზე მუშაობს, გზაშია დამატებითი მატარებელი. გამომწვევი მიზეზის დადგენის მიზნით მიმდინარეობს მოკვლევა.მგზავრებს ბილეთის საფასური სრულად აუნაზღაურდებათ." - წერია საქართველოს რკინიგზის განცხადებაში

#ხაშური #მატარებელი #შემთხვევა #ევაკუაცია #საგანგებოსიტუაცია #სამაშველოსამსახური #საქართველოსრკინიგზა #გადაუდებელიმდგომარეობა #ახალიკადრები

ღაზას სექტორის ათასობით ადგილობრივი მცხოვრები, "რაფაჰ"-ის გადასასვლელისა და ისრაელის გავლით, ტერიტორიის დატოვებას ცდილობს. ამავდროულად, "ჰამას"-ი და სხვა დაჯგუფებები ამის თავიდან აცილებას ცდილობენ.

ღაზას სექტორში მოქმედი ტერორისტული ორგანიზაციები ადგილობრივთა ანკლავიდან გადინების კატეგორიული წინააღმდეგნი არიან და ცდილობენ, ღაზას სექტორის მოსახლეობა დაარწმუნონ, რომ ადგილი აქვს „გამოსახლებას“, „გაძევებას“, „ნაკბა"-ს და ა.შ. ისინი ყველაფერს აკეთებენ იმისთვის, რომ ხალხი დარჩეს. მაგრამ რთული საცხოვრებელი პირობების გათვალისწინებით, ტერორისტებისთვის ადგილობრივთა დარწმუნება სულ უფრო შეუძლებელი ხდება.

ამ დროისთვის, ღაზას სექტორის დატოვების ოფიციალურად უფლება მხოლოდ მოქალაქეთა შეზღუდულ კატეგორიას აქვს. მათ შორის არიან:

პაციენტები, რომლებიც საჭიროებენ ისეთ სამედიცინო მომსახურებას, რომელიც ღაზას სექტორში და არ არის ხელმისაწვდომი ამ პაციენტთა თანმხლები პირები;

სექტორის ორმაგი მოქალაქეობის მქონე მცხოვრებლები, რომელთა ევაკუაციაზე მეორე მოქალაქეობის ქვეყნები მუშაობენ;

პირები, რომლებმაც სხვა ქვეყნებში შესასვლელად, ვიზების მიღება მოახერხეს.

გასვლის მთავარი პირობაა მესამე ქვეყნის არსებობა, რომელიც მზად იქნება, ოფიციალურად მიიღოს ეს ადამიანები და მათ გარკვეული სტატუსი მიანიჭოს.

ღაზადან გამოსვლის მასშტაბები განსაცვიფრებელია: ომის დაწყებიდან, 36 000 ადამიანი წავიდა, რაც უპრეცედენტო რიცხვია და მზარდ ტენდენციაზე მიუთითებს. მათგან 2000-ზე მეტი ისრაელის გავლით გაემგზავრა, ზოგიერთმა ქვეყნის სამხრეთით მდებარე რამონის აეროპორტი გამოიყენა, ზოგმა კი, საზღვარი ალენბის საკონტროლო-გამშვები პუნქტის გავლით გადაკვეთა და იორდანიისა და სხვა ქვეყნებისკენ განაგრძო გზა. თუმცა, წასულთა აბსოლუტურმა უმრავლესობამ სექტორი ეგვიპტის საზღვარზე მდებარე "რაფაჰ"-ის საკონტროლო-გამშვები პუნქტის გავლით დატოვა. ცეცხლის შეწყვეტის გამოცხადების შემდეგ, ის მოძრაობისთვის ხელახლა გაიხსნა (მოძრაობა მხოლოდ ერთი მიმართულებით - ეგვიპტის მიმართულებით).

მასპინძელი ქვეყნები ღაზელებს განსხვავებულ პირობებს სთავაზობენ: ზოგი დროებით თავშესაფარს იღებს, ზოგისთვის კი, ეს მათი საბოლოო დანიშნულების ადგილი ხდება. ღაზადან ადამიანების მიმღებ ძირითად ქვეყნებს შორისაა ეგვიპტე, იორდანია, არაბთა გაერთიანებული საამიროები, დასავლეთ ევროპის ქვეყნები და რუმინეთი, რომელიც ამ სიაში თვალსაჩინო ადგილს იკავებს.

"ჰამას"-ი ამას საკუთარი არსებობისთვის საფრთხედ აღიქვამს და ამიტომ უკომპრომისო ბრძოლას აწარმოებს წასულების წინააღმდეგ. ჯგუფის წარმომადგენლების თქმით, საქმე ეხება აშშ-ის პრეზიდენტ დონალდ ტრამპის გეგმის განხორციელებას სექტორის განსახლების შესახებ. მაგრამ ეს ხალხს არ აჩერებს და გამგზავრების მაჩვენებელი იზრდება.

მასობრივი გადასახლების მიზეზები აშკარაა: როდესაც ღაზის მოსახლეობას არანაირი პერსპექტივა არ აქვს, როდესაც ფართომასშტაბიანი ომის საფრთხე რეალობად იქცევა და საომარი მოქმედებების განახლება გარდაუვალი ჩანს; როდესაც ისრაელი საკონტროლო პუნქტებს ხურავს და საკვები პროდუქტები თაროებიდან ქრება; როდესაც ადამიანები რეალურ შიმშილს აწყდებიან და სექტორის დიდი ნაწილი ნანგრევებად არის ქცეული, ძალიან რთულია ბევრის დარწმუნება, დარჩეს ისეთ ადგილას, რომელიც მათ მომავლის არანაირ იმედს არ აძლევს.

🔴თაღლითური ქოლ-ცენტრის ჯგუფის ნაწილი კვლავ მუშაობას აგრძელებს,- ჟურნალისტური გამოძიება

🔴NATO-ს 2024 წლის ანგარიშში უკრაინისა და საქართველოს შესახებ წინა წლის მსგავსი ჩანაწერი აღარ მოხვდა

🔴7 ქვეყნის პარლამენტის საგარეო კომიტეტების თავმჯდომარეები აშშ-ს მოუწოდებენ, არ წავიდეს კომპრომისზე რუსეთთან უკრაინის სუვერენიტეტის ხარჯზე

👉ახალ ამბებს ნატალია მეგუთნიშვილი გაგაცნობთ👇
https://heretifm.com/akhali-ambebi-17-00-saathze-668/

#ახალიამბები

პაკისტანში აფეთქების შედეგად, 4 ადამიანი დაიღუპა, 3 კი, დაშავდა.

პაკისტანის სამხრეთ-დასავლეთით მდებარე ბელუჯისტანის პროვინციაში, უსაფრთხოების სამსახურის თანამშრომლების გადამყვან ავტომობილთან ახლოს აფეთქება მოხდა. პოლიციის ცნობით, ინციდენტის შედეგად, ოთხი ადამიანი დაიღუპა და სამი დაშავდა.

თავდასხმაზე პასუხისმგებლობა ჯერ არცერთ დაჯგუფებას არ აუღია, თუმცა სამართალდამცავი ორგანოები იძიებენ, უკავშირდება თუ არა აფეთქება ბელუჯისტანის განმათავისუფლებელ არმიას (BLA). - ინფორმაციას "ასოშიეითედ პრეს"-ი ავრცელებს.

ბელუჯისტანის განმათავისუფლებელი არმია (BLA) ირანის სისტანისა და ბელუჯისტანის პროვინციაში მოქმედი შეიარაღებული დაჯგუფებაა. BLA ბელუჯისტანის დამოუკიდებლობის მომხრეა და ირანის ხელისუფლების წინააღმდეგ იბრძვის. ორგანიზაციამ აიღო პასუხისმგებლობა არაერთ თავდასხმაზე, მათ შორის ისეთებზე, რომლებიც სამხედრო პერსონალსა და მშვიდობიან მოქალაქეებს ეხებოდათ, რომლებიც, მისი აზრით, სამთავრობო სტრუქტურებთან არიან დაკავშირებული. BLA პაკისტანის, აშშ-სა და დიდი ბრიტანეთის მიერ ტერორისტულ ორგანიზაციად არის გამოცხადებული.

ჩინეთმა ზოგიერთ ამერიკულ ნახევარგამტარზე საიდუმლოდ გააუქმა 125%-იანი საპასუხო ტარიფები, რათა სავაჭრო ომის მიერ მის ტექნოლოგიურ ინდუსტრიაზე მიყენებული დარტყმა შეემსუბუქებინა. - ინფორმაციას CNN-ი ავრცელებს.

ტელეარხი, წყაროებზე დაყრდნობით, იუწყება, რომ შემსუბუქება ეხება ინტეგრირებულ სქემებს, რომლებიც კრიტიკულად მნიშვნელოვანია ელექტრონიკის წარმოებისთვის. საკუთარი ინდუსტრიის განვითარების მცდელობის მიუხედავად, პეკინი კვლავ დამოკიდებულია ჩიპების იმპორტზე, განსაკუთრებით, - შეერთებული შტატებიდან.

აშშ-ის სახელმწიფო დეპარტამენტი:
"ის, ვინც ტურისტულ ვიზას გამოიყენებს იმისთვის, რომ ბავშვი აშშ-ში გააჩინოს, მომავალში ვიზას და აშშ-ში მოგზაურობის უფლებას ვეღარ მიიღებს"

აშშ-ის სახელმწიფო დეპარტამენტი „სამშობიარო ტურიზმის“ პრაქტიკის წინააღმდეგ ზომებს ამკაცრებს.

„მიუღებელია, რომ უცხოელმა მშობლებმა აშშ-ის ტურისტული ვიზა მხოლოდ იმისთვის გამოიყენონ, რომ ბავშვი აშშ-ში გააჩინონ და მისთვის მოქალაქეობა მიიღონ, რამაც შეიძლება, ამერიკელი გადასახადის გადამხდელების მიერ სამედიცინო ხარჯების გადახდა გამოიწვიოს. ამას „სამშობიარო ტურიზმი“ ეწოდება და აშშ-ის საკონსულოს თანამშრომლები, აშშ-ის საიმიგრაციო კანონმდებლობის თანახმად, ყველა მსგავს ვიზაზე განაცხადს უარყოფენ.“ - ნათქვამია აშშ-ის სახელმწიფო დეპარტამენტის საკონსულო საქმეთა ბიუროს განცხადებაში.

განცხადების თანახმად, „ყველამ, ვინც „სამშობიარო ტურიზმის“ მეშვეობით აშშ-ის საიმიგრაციო სისტემას ბოროტად იყენებს, შესაძლოა, მომავალში ვიზა და აშშ-ში მოგზაურობის უფლება ვერ მიიღოს“.

„ეს კიდევ ერთი გზაა, რომლითაც აშშ-ის სახელმწიფო დეპარტამენტი ამერიკელ გადასახადის გადამხდელებსა და საზოგადოებას იცავს.“ - აღნიშნულია განცხადებაში.

მოსკოვის ოლქის ყოფილმა ვაჭრობის მინისტრმა, ზუგდიდში დაბადებულმა მიხეილ ხუბუტიამ ყოფილი მეგობარი ქალი ცივი იარაღით დაჭრა. ამის შესახებ რუსული მედია წერს.

ხუბუტიამ ყოფილ შეყვარებულს დაზიანებები მაშინ მიაყენა, როდესაც მათ მცირეწლოვან შვილს მეზობელ ოთახში ეძინა.

არსებული ინფორმაციით, ხუბუტია ოდინცოვოს რაიონის სოფელ ტრეხგორკაში ჩავიდა, სადაც Van Tea-ს ჩაის სახლის მფლობელი, იულია ვანი ცხოვრობს. ისინი ურთიერთობაში 2024 წლის დეკემბრამდე იყვნენ და წყვილს შვილიც შეეძინა.

ქალის ნათესავების თქმით, მას შემდეგ, რაც იულია ვანმა დაშორება გადაწყვიტა, ხუბუტიამ მის მიმართ მუქარები დაიწყო და დაჰპირდა, რომ ბავშვს და ქონებას წაართმევდა, თავად ქალს კი, ფსიქიატრიულ საავადმყოფოში გამოკეტავდა.

პარასკევს, გასულ ღამეს ის იულიასთან მივიდა, სახლში შეიჭრა და ქალს თავს დაესხა. იულიამ დახმარებითვის ძიძას მიმართა, რომელმაც პოლიციას და იულიას ნათესავებს შეატყობინა. პოლიციის მისვლამდე, ხუბუტია ადგილიდან მიმალა. ქალი, მრავლობითი დაზიანებით, საავადმყოფოში გადაიყვანეს. წინასწარი მონაცემებით, თავდასხმისას,
ხუბუტიამ ჩაქუჩი ან ნაჯახი გამოიყენა.

დანაშაულის შესახებ იულია ვანი ინსტაგრამზე გავრცელებულ ვიდეოში ყვება.

"გუშინ ღამით იყო ჩემი მკვლელობის მცდელობა. დაახლოებით, 23:00 საათზე მიხეილ ხუბუტია ნაჯახით შემოიჭრა ჩემს სახლში, კიდურებში დამჭრა და თავში დამარტყა. ამ დროს, ჩვენ ქალიშვილსა და ძიძას მეზობელ ოთახში ეძინათ.

2018 წლიდან ურთიერთობაში ვიყავით, გვყავს საერთო ქალიშვილი, 2024 წლის დეკემბერში დავშორდით, რის შემდეგაც ის განუწყვეტლივ მემუქრებოდა, რომ ბავშვს წამართმევდა, ყველა ქონებას ჩამომართმევდა, ფსიქიატრიულ საავადმყოფოში გამომკეტავდა.

ახლა ექიმების მეთვალყურეობის ქვეშ ვარ, ხელებსა და ფეხებზე ღრმა ჭრილობებზე ნაკერი დამადეს.

მაქსიმალურად გაავრცელეთ ეს ამბავი. მხოლოდ ამ გზითაა შესაძლებელი, რომ ეს დაუსჯელი არ დარჩეს." - აცხადებს იულია ვანი.