🔴უცნობმა პირებმა გორში ევროკავშირის დროშის დაწვა სცადეს

🔴გავა თუ არა აშშ უკრაინა- რუსეთის მოლაპარაკებების პროცესიდან? – ჯეი დი ვენსის მუქარა

🔴ვინისიუსმა საუდის არაბეთში გადასვლაზე უარი თქვა

👉ახალ ამბებს ნატალია მეგუთნიშვილი გაგაცნობთ👇
https://heretifm.com/akhali-ambebi-15-00-saathze-664/

#ახალიამბები

უკრაინა მზად არის მოლაპარაკებებისთვის, მაგრამ არა დანებებისთვის. ჩვენი ხალხი არ მიიღებს გაყინულ კონფლიქტს, რომელიც შენიღბულია მშვიდობით. ამის შესახებ უკრაინის ეკონომიკის მინისტრმა, იულია სვირიდენკომ ლონდონში ჩაშლილ მოლაპარაკებებთან დაკავშირებით განაცხადა.

"არ იქნება შეთანხმება, რომელიც რუსეთს უფრო ძლიერ საფუძველს მისცემს გადაჯგუფებისთვის და მეტი ძალადობით დაბრუნებისთვის. თუ რუსეთი შეზღუდულ პაუზას აირჩევს, უკრაინა იგივეთი უპასუხებს. ჩვენ არასოდეს ვაღიარებთ ყირიმის ოკუპაციას. და თუ ნატოში გაწევრიანება არ მიიღება, უკრაინას დასჭირდება უსაფრთხოების სავალდებულო გარანტიები, - საკმარისად ძლიერი, რათა შეაჩეროს მომავალი აგრესია და საკმარისად ნათელი, რათა უზრუნველყოს ხანგრძლივი მშვიდობა." - თქვა სვირიდენკომ.

‼️ სალომე ზურაბიშვილი: "ქართული ოცნების" მიზანი საქართველოს ვიზალიბერალიზაციის შეწყვეტაა👇

📍 საქართველოს მეხუთე პრეზიდენტმა სალომე ზურაბიშვილმა 23 აპრილს გამართულ ბრიფინგზე გააკეთა ხმამაღალი განცხადება:

„ეს არ არის ის გადაწყვეტილება, რომლის შეჩერება სურთ — ეს არის მათი მიზანი!“

🔻 ზურაბიშვილის თქმით, ხელისუფლება მიზანმიმართულად ცდილობს ევროპასთან დაპირისპირებას, რათა ქვეყანას შეუწყდეს ვიზალიბერალიზაცია და საქართველო იზოლაციაში მოაქციოს.

🔻 მისი განცხადებით:

▪️ კამპანია ვიზალიბერალიზაციის საფრთხეზე არ მოდის ბრიუსელიდან, არამედ თბილისიდან – "ქართული ოცნების" რეჟიმიდან
▪️ მიზანია საზოგადოებაზე დაშინების და წნეხის მოხდენა
▪️ ევროკავშირმა საქართველოს კანდიდატის სტატუსი საზოგადოებას მიანიჭა და არა რეჟიმს
▪️ თუ ასე გაგრძელდა, პასუხისმგებლობა ბიძინა ივანიშვილსა და კლანურ მმართველობას ეკისრება
▪️ „რუსეთის მიზანია საქართველოს იზოლაცია ევროპისა და აშშ-ისგან“

„თუ არსებობს რეალური გზა, რომლითაც ხვალ შემოვიერთებთ აფხაზეთს და ცხინვალის რეგიონს — ეს არის ევროპაში შესვლა და არა ევროპისგან ჩამოშორება“ — აღნიშნა პრეზიდენტმა.

#სალომეზურაბიშვილი #ვიზალიბერალიზაცია #ქართულიოცნება #ევროპასთანინტეგრაცია #იზოლაცია #რუსულიპოლიტიკა #ევროკავშირი #საქართველოსმომავალი #პოლიტიკა2025 #ბიძინაივანიშვილი #დემოკრატია #საზოგადოება

🔴ლევან ზაზაძეს 12-დღიანი პატიმრობა მიესაჯა,- ფიზიკური დაპირისპირება სასამართლოში

🔴ლონდონში უკრაინისა და ბრიტანეთის წარმომადგენლებს შორის მოლაპარაკებები მიმდინარეობს

🔴თურქეთში ძლიერი მიწისძვრა მოხდა

👉ახალ ამბებს ნატალია მეგუთნიშვილი გაგაცნობთ👇
https://heretifm.com/akhali-ambebi-16-00-saathze-665/

#ახალიამბები

‼️ რუსეთში იწყება "ნატახტარის" ლიმონათის ადგილობრივი წარმოება — გადაწყვეტილება AB InBev Efes-ს ეკუთვნის

📌 რუსეთში მოქმედი ლუდსახარში კომპანია AB InBev Efes ოფიციალურად აცხადებს, რომ საქართველოში წარმოებული "ნატახტარის" ლიმონათის რუსული წარმოება უკვე დაწყებულია. ინფორმაცია გაავრცელა რუსეთის სახელმწიფო მედია — TASS.

კომპანიის გენერალურმა დირექტორმა ნიკოლაი ტიურნიკოვმა განაცხადა:
„ეს არის ახალი ეტაპი ლეგენდარული ბრენდების პორტფელის განვითარებაში… „ნატახტარის“ ლოკალიზაცია სტრატეგიული ნაბიჯია რუსი მომხმარებლისთვის“

📈 მისი თქმით, უალკოჰოლო გაზიან სასმელებზე რუსეთის ბაზარზე მოთხოვნა იზრდება —
▪️ მოცულობით ზრდა: +7%
▪️ ფულად გამოხატულებაში ზრდა: +30%

🏭 ლიმონათის წარმოება დაიწყება ივანოვოსა და ომსკის ქარხნებში
🧃 გემოები: მსხალი, ტარხუნა, საფერავი, ფეიხოა
🧴 შეფუთვა: 0.5 ლ შუშის ბოთლი, 1 ლ და 1.5 ლ პლასტმასის ბოთლები

🔇 ამ დროისთვის, "ქართული ლუდის კომპანიისგან", რომლის ბრენდიც არის „ნატახტარი“, არ გაკეთებულა განცხადება რუსულ ბაზარზე წარმოების დაწყებასთან დაკავშირებით.

#ნატახტარი #ABInBevEfes #რუსულიაწარმოება #ლიმონათი #რუსეთისბაზარი #ქართულიბრენდი #ქართულიპროდუქტი #რუსეთიშეიძინებს #რუსულიმარკეტი #რუსეთიშენიშენს #ქარხნებირუსეთში #ტარხუნა #ლუდისკომპანია

Tesla-ს გაყიდვების შემცირების შემდეგ, მასკი DOGE-ს თავის მუშაობას შეამცირებს. - ინფორმაციას Reuters-ი ავრცელებს.

სააგენტო წერს, რომ ბიზნესმენი უფრო მეტად, თავისი კომპანიების მართვაზე გაამახვილებს ყურადღებას. თავად მასკმა კონფერენციის დროს განაცხადა, რომ სამუშაოების ძირითადი ნაწილი, რომელიც DOGE-ს გუნდის შესაქმნელად და მთავრობასთან ფინანსური სექტორის დასუფთავების მიზნით მუშაობისთვის იყო საჭირო, ძირითადად, დასრულდა.

ამასთან, მან აღნიშნა, რომ გეგმავს, თავისი დროის, დაახლოებით, 40% DOGE-ს დაუთმოს.

‼️ თბილისში, საჯარო რეესტრმა საბოლოოდ დაარეგისტრირა „ალტ-ინფოს“ ახალი პარტია — „კონსერვატორები საქართველოსთვის“

📌 ხანგრძლივი ბიუროკრატიული და სამართლებრივი დაბრკოლებების შემდეგ, საჯარო რეესტრმა დაარეგისტრირა მოქალაქეთა პოლიტიკური გაერთიანება — „კონსერვატორები საქართველოსთვის“, რომელიც მედიაპლატფორმა ალტ-ინფოს პოლიტიკური ფრთის ქვეშაა.

📄 რეგისტრაციის მოწმობის მიხედვით, პარტიის თავმჯდომარეა გიორგი ქარდავა.

პარტიის ლიდერი შოთა მარტინენკო წერს:

„ბევრს აღარ სჯეროდა, რომ მივაღწევდით რეგისტრაციას… მაგრამ ბრძოლა არჩევნებზე გრძელდება. ეს გზა მარტივი არ იქნება.“

📆 ამბავს წინ უძღოდა:

▪️ 2024 წლის 8 აპრილს გაუქმდა პარტია „კონსერვატიული მოძრაობა“

▪️ საჯარო რეესტრმა ანტიკორუფციული ბიუროს მიმართვის საფუძველზე აღნიშნა, რომ დოკუმენტაცია ხარვეზებით იყო წარდგენილი

▪️ მოგვიანებით, დაიგეგმა არჩევნებში მონაწილეობა „ქართული იდეის“ სახელით, თუმცა რეესტრმა ამ პარტიის გაუქმების პროცესიც დაიწყო

🔁 საბოლოოდ, „ალტ-ინფოს“ ლიდერები 2024 წლის 26 ოქტომბრის არჩევნებში მონაწილეობდნენ „პატრიოტთა ალიანსის“ სიით.

🧾 ახალი პარტიის რეგისტრაციის მცდელობები კვლავ რამდენჯერმე ხარვეზდებოდა, თუმცა ახლა საჯარო რეესტრმა პარტია ოფიციალურად დაარეგისტრირა.

„ალტ-ინფო“ არის ჰომოფობიური და პრორუსული პოლიტიკური პარტია „კონსერვატიული მოძრობის“ ლიდერების მიერ დაფუძნებული არხი, რომელიც ფინანსდებოდა ერთ-ერთი ლიდერის, კოკა მორგოშიას მამიდის სახელით.

ამ ჯგუფის ორგანიზებით თბილისში გაიმართა არაერთი აქცია, რომლებიც შემდეგ ძალადობაში გადაიზარდა.

მათ შორის 2021 წლის 5 ივლისს, როცა „თბილისი პრაიდის“ ორგანიზებით „ღირსების მარში“ უნდა გამართულიყო, „ალტ-ინფოს“ ლიდერებმა და სასულიერო პირებმა მოქალაქეებს ქუჩაში გასვლისკენ მოუწოდეს. იმ დღეს 50-ზე მეტი ჟურნალისტი დაშავდა.

#კონსერვატორები #ალტინფო #პოლიტიკურიპარტია #საჯარორეესტრი #ქართულიიდეა #პატრიოტთაალიანსი #შოთამარტინენკო #ზურაბმახარაძე #გიორგიქარდავა #პარტიებისრეგისტრაცია #პოლიტიკა2025 #არჩევნები2025

🔴 ქართული ოცნების მიერ არჩეული პრეზიდენტი მიხეილ ყაველაშვილი 26 აპრილს, ვატიკანში, რომის პაპ ფრანცისკეს დაკრძალვის ცერემონიას დაესწრება

📍 როგორც ყაველაშვილის პრესსამსახურის მიერ გავრცელებულ განცხადებაშია ნათქვამი, ის ვატიკანში ოფიციალურ დელეგაციასთან ერთად გაემგზავრება.

დელეგაციის შემადგენლობა:

▪️ მაკა ბოჭორიშვილი – საგარეო საქმეთა მინისტრი
▪️ ქეთევან კვინიკაძე – პრეზიდენტის ადმინისტრაციის უფროსი
▪️ მიტროპოლიტი გერასიმე – ზუგდიდისა და ცაიშის ეპარქიის მმართველი, საქართველოს საპატრიარქოს საგარეო ურთიერთობების განყოფილების თავმჯდომარე
▪️ პროტოპრესვიტერი გიორგი ზვიადაძე – სიონის საკათედრო ტაძრის წინამძღვრის მოადგილე, თბილისის სასულიერო აკადემიისა და სემინარიის რექტორი

🕊️ არსებული ინფორმაციით, ცერემონიაზე მსოფლიოს მრავალი ქვეყნის ლიდერები და სასულიერო პირები დაესწრებიან — პატივი მიაგებენ პაპ ფრანცისკეს, რომელიც ისტორიულად გამოირჩეოდა შერიგებისა და მშვიდობის გზავნილებით.

#პაპიფრანცისკე #ვატიკანი #მიხეილყაველაშვილი #ქართულიოცნება #დელეგაცია #დაკრძალვისცერემონია #გერასიმე #მაკაბოჭორიშვილი #ქეთევანკვინიკაძე #გიორგიზვიადაძე #საქართველოსპრეზიდენტი #პოლიტიკა2025 #სასულიეროპირსები

🔴ჯგუფ ,,ფარის” წევრს, დავით გუნაშვილს, 7-დღიანი ადმინისტრაციული პატიმრობა მიესაჯა

🔴მიხეილ ყაველაშვილი და მაკა ბოჭორიშვილი ვატიკანში რომის პაპის დაკრძალვას დაესწრებიან

🔴დავოსის მსოფლიო ეკონომიკური ფორუმის დამფუძნებლის წინააღმდეგ გამოძიება დაიწყო

👉ახალ ამბებს ნატალია მეგუთნიშვილი გაგაცნობთ👇
https://heretifm.com/akhali-ambebi-17-00-saathze-666/

#ახალიამბები

რუსეთის სახვითი ხელოვნების აკადემიის პრეზიდენტს, მხატვარს, მოქანდაკესა და არქიტექტორ ზურაბ წერეთელს საქართველოში 23 აპრილს ჩამოასვენებენ, სამოქალაქო პანაშვიდი კი, 24-25 აპრილს გაიმართება.

ზურაბ წერეთელს 26 აპრილს დიდუბის პანთეონში მეუღლის, ინესა ანდრონიკაშვილის გვერდით დაკრძალავენ.

რუსული მედიის ცნობით, მას მოსკოვში 23 აპრილს გამოემშვიდობებიან, ცერემონია კი, მაცხოვრის ტაძარში შედგება.

ზურაბ წერეთელი 91 წლის ასაკში, 22 აპრილს, საკუთარ ბინაში გარდაიცვალა. ამის შესახებ რუსული მედია წერს.

წერეთელი ხუთიათასზე მეტი ნამუშევრის ავტორია. მათ შორის, მისი შექმნილია 35-მეტრიანი, ბრინჯაოს მოოქრული წმინდა გიორგის მონუმენტი, რომელიც 2006 წლის 23 ნოემბერს თავისუფლების მოედანზე აღმართეს და მონუმენტი "საქართველოს მატიანე" თბილისის ზღვასთან.

ზურაბ წერეთლის ნამუშევრებს შორის არის ასევე, მისი ახლო მეგობრისა და მოსკოვის ყოფილი მერის ქანდაკება "იური ლუჟკოვი, როგორც სპორტსმენი"; ასევე, ვლადიმირ პუტინის სკულპტურა, რომელიც წლების განმავლობაში, მისი სახლის ეზოში იდგა. თუმცა, თავად ავტორი ჯიუტად ამბობდა, რომ ეს არა პუტინის ქანდაკება, არამედ არის სკულპტურა, სახელწოდებით "ჯანსაღ სხეულში ჯანსაღი სულია".

სტამბოლში მომხდარი მიწისძვრის შედეგად, 151 ადამიანი დაშავდა. ამის შესახებ მედია რეგიონულ ხელისუფლებაზე დაყრდნობით იუწყება.

საუბარია შემთხვევებზე, როდესაც პანიკაში მყოფი ადამიანები დიდი სიმაღლიდან ხტებოდნენ. ისინი საავადმყოფოში გადაიყვანეს, მათ სიცოცხლეს საფრთხე არ ემუქრება. მსხვერპლი არ ყოფილა.

ამავდროულად, დღევანდელი მიწისძვრების შემდეგ, თურქმა სეისმოლოგმა ნაჯი გერურმა განაცხადა, რომ მოსალოდნელია განმეორებითი ბიძგები, რომელმაც შეიძლება, 7.0 მაგნიტუდას მიაღწიოს.

"მიწისძვრა მოხდა კუმბურგაზის რღვევის ზონაში. ეს ნაპრალი იბლოკება და ენერგიას აგროვებს. დროდადრო, მცირე მიწისძვრებს იწვევს... ფრთხილად უნდა ვიყოთ. კუმბურგაზის რღვევა სტრესის ქვეშაა.“ - წერს ის თავის X-ანგარიშში.

სტამბოლში მოსალოდნელი მიწისძვრების შესახებ, გერური ჯერ კიდევ 2023 წლის თებერვალში აცხადებდა, მას შემდეგ, რაც ქვეყნის სამხრეთში სეისმურმა კატასტროფამ 50 000-ზე მეტი ადამიანის დაღუპვა გამოიწვია.