🔴“ვიზალიბერალიზაცია კი არა, საქართველოს ინტერესია მთავარი” – რას ამბობს კახა კალაძე?

🔴იდენტიფიცირებულია კიდევ ერთი პოლიციელი, რომელსაც აქციაზე ქალზე ძალადობაში ამხელენ

🔴ირანის საგარეო საქმეთა მინისტრი ჩინეთს ეწვევა

👉ახალ ამბებს ქეთი გაბრიაძე გაგაცნობთ👇
https://heretifm.com/akhali-ambebi-15-00-saathze-663/

#ახალიამბები

სამოქალაქო ობიექტებზე დარტყმების შეწყვეტის შესახებ უკრაინასთან მოლაპარაკებები არ იგეგმება. ეს განცხადება კრემლის პრეს-სპიკერმა, დმიტრი პესკოვმა ბრიფინგზე გააკეთა.

„კონკრეტული გეგმები არ არის, მაგრამ პრეზიდენტმა პუტინმა დაადასტურა, რომ მზად არის, ეს საკითხი განიხილოს, სააღდგომო ზავის გამოცდილების გათვალისწინებით. პირველ რიგში, ჩვენ უნდა გავიგოთ, არის თუ არა უკრაინული მხარე მზად ამისთვის. პრეზიდენტმა პუტინმა ამ საკითხის სირთულის შესახებ ისაუბრა. მკაფიოდ უნდა განვასხვაოთ, რა სიტუაციებში შეიძლება იყოს ეს ობიექტები სამხედრო სამიზნე და რა სიტუაციებში არა.“ - განაცხადა დიმიტრი პესკოვმა.

მისი თქმით, რუსეთის პრეზიდენტმა, ვლადიმირ პუტინმა მოლაპარაკებების შესახებ მზადყოფნა უკვე არაერთხელ გამოხატა.

ცნობისთვის, გუშინ პუტინმა ჟურნალისტებს განუცხადა, რომ სამოქალაქო ინფრასტრუქტურულ ობიექტებზე დარტყმების შეწყვეტა „გულდასმით შესწავლის საგანს წარმოადგენს, შესაძლოა, ორმხრივი დიალოგის შედეგად“.

აშშ-ს ტარიფების თავიდან აცილების მიზნით, ჩინური კომპანიები თავიანთ პროდუქტებს სამხრეთ კორეის სახელით ფუთავენ. - ინფორმაციას Reuters-ი ავრცელებს.

შეერთებულ შტატებში იმპორტირებულ საქონელს შორის წარმოშობის ქვეყნების ყალბი დასახელებით იყო 3,3 მილიარდი ვონის (2 მილიონ დოლარზე მეტი) ღირებულების კათოდური მასალები, რომელიც ბატარეების დასამზადებლად გამოიყენება.

სამხრეთ კორეის საბაჟო მოხელეებმა ასევე აღმოაჩინეს 19,3 მილიარდი ვონის (13 მილიონ დოლარზე მეტი) ღირებულების სათვალთვალო კამერები, რომლებიც ჩინეთიდან ნაწილებად იყო შემოტანილი და აშშ-ს შეზღუდვების გვერდის ავლით, სამხრეთ კორეაში ხელახლა აწყობილი.

აშშ 3521%-მდე ტარიფების დაწესებას გეგმავს მზის პანელებზე ტაილანდიდან, კამბოჯადან, ვიეტნამიდან და მალაიზიიდან. - ინფორმაციას Bloomberg-ი ავრცელებს.

გამოცემის ცნობით, ამ ქვეყნების მწარმოებლები, მათი მთავრობების მხარდაჭერით, პანელებს შეერთებულ შტატებში შემცირებულ ფასებში ყოდდნენ.

ზომები მიზნად ისახავს ამერიკელი მწარმოებლების დაცვას, მაგრამ შეიძლება დარტყმა მიაყენოს "მწვანე" ენერგიის განვითარებას შეერთებულ შტატებში, სადაც იაფი იმპორტი აქტიურად გამოიყენება.

მინიმუმ, ხუთი ტურისტი დაიღუპა და რვა დაშავდა მას შემდეგ, რაც ბოევიკებმა მათ ქაშმირში ცეცხლი გაუხსნეს. - ინფორმაციას Reuters-ი ავრცელებს.

აღნიშნულია, რომ ეს არის ყველაზე მასშტაბური თავდასხმა ამ ტერიტორიაზე, თითქმის, ერთი წლის განმავლობაში.

ინციდენტი მუსლიმებით დასახლებულ უბანში მოხდა, რომელიც ხშირად, ათასობით ტურისტს იზიდავს. ადგილობრივი პოლიცია მომხდარს ტერორისტულ თავდასხმად განიხილავს.

დმიტრი პესკოვმა განაცხადა, რომ რუსეთის ფედერაციას სურს, უკრაინამ გააუქმოს პუტინთან მოლაპარაკებების აკრძალვა, რათა განიხილოს ზელენსკის წინადადება სამოქალაქო ობიექტებზე თავდასხმების შეჩერების შესახებ.

კრემლის წარმომადგენლის თქმით, მოსკოვს სურს, გაიგოს კიევის მზადყოფნა, "არ განახორციელოს შესაბამისი დარტყმები", მაგრამ ასეთი ინიციატივის განსახილველად, პირველ რიგში, აუცილებელია პირდაპირი კონტაქტების "სამართლებრივი დაბრკოლებების გარკვევა".

🔴ხმაური და სიტყვიერი დაპირისპირება საბა სხვიტარიძის სასამართლო პროცესზე

🔴ცესკო ევროპის საბჭოს საპარლამენტო ასამბლეას ღია წერილით მიმართავს

🔴ნიდერლანდების დაზვერვის ცნობით, რუსეთი ევროპის წინააღმდეგ ჰიბრიდულ თავდასხმებს აძლიერებს

👉ახალ ამბებს ქეთი გაბრიაძე გაგაცნობთ👇
https://heretifm.com/akhali-ambebi-16-00-saathze-664/

#ახალიამბები

აშშ-ს მთავრობის თანამშრომლები ბოიკოტირებენ მასკის მოთხოვნას, რომლის მიხედვითაც მის უწყებას, - მთავრობის ეფექტურობის დეპარტამენტს, ყოველკვირეული სამუშაოს ანგარიშები უნდა გაუგზავნონ. ისინი ანგარიშებს რუსულად წერენ ან ChatGPT-ს დახმარებით. - ინფორმაციას The Washington Post-ი ავრცელებს.

ბრძანების მიხედვით, თითოეულმა უწყებამ კვირაში ხუთი მიღწევა უნდა წარადგინოს. თუმცა, ბევრი მათგანი ამ ვალდებულებას სარკაზმით მიუდგა. ზოგიერთი სააგენტო, უბრალოდ, იგივე ტექსტს აკოპირებს, ზოგი კი, 10-20 გვერდიანი „სიტყვის სალათის“ შესაქმნელად, ChatGPT-ს იყენებს. ზოგი ხუმრობით, რუსულადაც აგზავნის მოხსენებებს, ხოლო ერთი საჯარო მოხელე უხამსობის გამო დაისაჯა.

აშშ-ის ყოფილი ვიცე-პრეზიდენტი ალბერტ გორი ტრამპის ადმინისტრაციის ქმედებებს ნაცისტური გერმანიის მეთოდებს ადარებს. - ინფორმაციას Politico ავრცელებს.

სან-ფრანცისკოში კლიმატის კვირეულის ღონისძიებაზე საუბრისას, გორმა თქვა, რომ თავისი მიზნების მისაღწევად, ტრამპის გუნდი „საკუთარ ალტერნატიულ რეალობას ქმნის“.

მისი თქმით, 1930-იან და 1940-იან წლებში ნაცისტები ანალოგიურად მოქმედებდნენ.

"ჯოჯოხეთისკენ პირველი ნაბიჯი იყო სიმართლის ძალაუფლების საკითხად გადაქცევა. მათ გაანადგურეს განსხვავება სიმართლესა და ტყუილს შორის." - ამბობს გორი.

მან ასევე გააკრიტიკა ტრამპის ადმინისტრაციის მიერ გარემოსდაცვით ინიციატივებზე უარის თქმა და დასცინა რესპუბლიკელების რიტორიკას, რომლებიც, მისი თქმით, კლიმატის კრიზისს ჩინურ გამოგონებას უწოდებენ და აცხადებენ, რომ ქვანახშირი "სუფთაა" და ქარის ტურბინები კიბოს იწვევს.

🔴სასამართლოში მისული პოლიციელი ამტკიცებს, რომ ნიკა კაციამ “დაწყევლა”

🔴აფხაზეთის ე.წ. საგარეო საქმეთა მინისტრი თბილისს მიმართავს, „ოკუპირებული ტერიტორიების კანონი გააუქმოს

🔴შვეიცარიამ რვა რუსული მედიასაშუალების მიმართ სანქციები დააწესა

👉ახალ ამბებს ქეთი გაბრიაძე გაგაცნობთ👇
https://heretifm.com/akhali-ambebi-17-00-saathze-665/

#ახალიამბები

"სომეხთა მფარველის" ცოლი დამნაშავედ ცნეს.

"სომეხთა მფარველის", ბობ მენენდესის ცოლი, სომხური წარმოშობის ნადინ მენენდესი (არსლანიანი) დამნაშავედ იქნა ცნობილი ბრალდების 15-ვე მუხლით, მათ შორის, ქრთამის აღების, თაღლითობისა და უცხოურ აგენტად მოქმედების მიზნით შეთქმულების გამო. განაჩენის თანახმად, ქმრის პოლიტიკური მხარდაჭერის სანაცვლოდ, რაც მათ შორის, ეგვიპტის სამხედრო დახმარებასა და სასამართლო საქმეებში ჩარევასაც ითვალისწინებდა, მან თანხები, საჩუქრები და სხვა შეღავათები მიიღო.

განაჩენის გამოტანა 12 ივნისს არის ჩანიშნული.

29 იანვარს ნიუ-იორკის სასამართლომ ყოფილ სენატორ ბობ მენენდესს 11 წლით თავისუფლების აღკვეთა მიუსაჯა კორუფციის ბრალდებით, მათ შორის, ქრთამის აღების, გამოძალვის, თაღლითობისა და უცხო ქვეყნის აგენტად მუშაობისთვის.

მენენდესი 20 წელზე მეტია არის ერთ-ერთი ყველაზე აქტიური პროსომხური ლობისტი კონგრესში. ზემოაღნიშნულ ბრალდებებთან დაკავშირებით, 23 სექტემბერს მან დატოვა სენატის საგარეო ურთიერთობათა კომიტეტის თავმჯდომარის თანამდებობა, რომელიც კონგრესში ერთ-ერთი ყველაზე სტრატეგიულად მნიშვნელოვანი პოსტია.

ჩვენი წინადადება სამოქალაქო სამიზნეების წინააღმდეგ ცეცხლის შეწყვეტის შესახებ, ძალაში რჩება. ეს განცხადება ვოლოდიმირ ზელენსკიმ გააკეთა.

"რუსეთი სერიოზულად უნდა იყოს მზად ამ თემაზე სასაუბროდ. უკრაინის მხრიდან არანაირი დაბრკოლება არ არსებობს და არც იქნება." - ხაზგასმით აღნიშნა უკრაინის პრეზიდენტმა.

შეგახსენებთ, კრემლის პრეს-სპიკერის, დმიტრი პესკოვის თქმით, რუსეთის ფედერაციას სურს, უკრაინამ გააუქმოს პუტინთან მოლაპარაკებების აკრძალვა, რათა განიხილოს ზელენსკის წინადადება სამოქალაქო ობიექტებზე თავდასხმების შეჩერების შესახებ.