აშშ-ის ყოფილი ვიცე-პრეზიდენტი ალბერტ გორი ტრამპის ადმინისტრაციის ქმედებებს ნაცისტური გერმანიის მეთოდებს ადარებს. - ინფორმაციას Politico ავრცელებს.

სან-ფრანცისკოში კლიმატის კვირეულის ღონისძიებაზე საუბრისას, გორმა თქვა, რომ თავისი მიზნების მისაღწევად, ტრამპის გუნდი „საკუთარ ალტერნატიულ რეალობას ქმნის“.

მისი თქმით, 1930-იან და 1940-იან წლებში ნაცისტები ანალოგიურად მოქმედებდნენ.

"ჯოჯოხეთისკენ პირველი ნაბიჯი იყო სიმართლის ძალაუფლების საკითხად გადაქცევა. მათ გაანადგურეს განსხვავება სიმართლესა და ტყუილს შორის." - ამბობს გორი.

მან ასევე გააკრიტიკა ტრამპის ადმინისტრაციის მიერ გარემოსდაცვით ინიციატივებზე უარის თქმა და დასცინა რესპუბლიკელების რიტორიკას, რომლებიც, მისი თქმით, კლიმატის კრიზისს ჩინურ გამოგონებას უწოდებენ და აცხადებენ, რომ ქვანახშირი "სუფთაა" და ქარის ტურბინები კიბოს იწვევს.

🔴სასამართლოში მისული პოლიციელი ამტკიცებს, რომ ნიკა კაციამ “დაწყევლა”

🔴აფხაზეთის ე.წ. საგარეო საქმეთა მინისტრი თბილისს მიმართავს, „ოკუპირებული ტერიტორიების კანონი გააუქმოს

🔴შვეიცარიამ რვა რუსული მედიასაშუალების მიმართ სანქციები დააწესა

👉ახალ ამბებს ქეთი გაბრიაძე გაგაცნობთ👇
https://heretifm.com/akhali-ambebi-17-00-saathze-665/

#ახალიამბები

"სომეხთა მფარველის" ცოლი დამნაშავედ ცნეს.

"სომეხთა მფარველის", ბობ მენენდესის ცოლი, სომხური წარმოშობის ნადინ მენენდესი (არსლანიანი) დამნაშავედ იქნა ცნობილი ბრალდების 15-ვე მუხლით, მათ შორის, ქრთამის აღების, თაღლითობისა და უცხოურ აგენტად მოქმედების მიზნით შეთქმულების გამო. განაჩენის თანახმად, ქმრის პოლიტიკური მხარდაჭერის სანაცვლოდ, რაც მათ შორის, ეგვიპტის სამხედრო დახმარებასა და სასამართლო საქმეებში ჩარევასაც ითვალისწინებდა, მან თანხები, საჩუქრები და სხვა შეღავათები მიიღო.

განაჩენის გამოტანა 12 ივნისს არის ჩანიშნული.

29 იანვარს ნიუ-იორკის სასამართლომ ყოფილ სენატორ ბობ მენენდესს 11 წლით თავისუფლების აღკვეთა მიუსაჯა კორუფციის ბრალდებით, მათ შორის, ქრთამის აღების, გამოძალვის, თაღლითობისა და უცხო ქვეყნის აგენტად მუშაობისთვის.

მენენდესი 20 წელზე მეტია არის ერთ-ერთი ყველაზე აქტიური პროსომხური ლობისტი კონგრესში. ზემოაღნიშნულ ბრალდებებთან დაკავშირებით, 23 სექტემბერს მან დატოვა სენატის საგარეო ურთიერთობათა კომიტეტის თავმჯდომარის თანამდებობა, რომელიც კონგრესში ერთ-ერთი ყველაზე სტრატეგიულად მნიშვნელოვანი პოსტია.

ჩვენი წინადადება სამოქალაქო სამიზნეების წინააღმდეგ ცეცხლის შეწყვეტის შესახებ, ძალაში რჩება. ეს განცხადება ვოლოდიმირ ზელენსკიმ გააკეთა.

"რუსეთი სერიოზულად უნდა იყოს მზად ამ თემაზე სასაუბროდ. უკრაინის მხრიდან არანაირი დაბრკოლება არ არსებობს და არც იქნება." - ხაზგასმით აღნიშნა უკრაინის პრეზიდენტმა.

შეგახსენებთ, კრემლის პრეს-სპიკერის, დმიტრი პესკოვის თქმით, რუსეთის ფედერაციას სურს, უკრაინამ გააუქმოს პუტინთან მოლაპარაკებების აკრძალვა, რათა განიხილოს ზელენსკის წინადადება სამოქალაქო ობიექტებზე თავდასხმების შეჩერების შესახებ.

ქაშმირში სროლის შედეგად, სულ მცირე, 25 ტურისტი დაიღუპა და დაახლოებით, 2 ათეული დაშავდა. ამის შესახებ ინდური გამოცემა The Print-ი თავდაცვის უწყებასა და ძალოვან სტრუქტურებში მყოფ წყაროებზე დაყრდნობით იტყობინება.

შეგახსენებთ, დღეს ადრე Reuters-მა გაავრცელა ინფორმაცია, რომ სროლის შედეგად, ხუთი ტურისტი დაიღუპა. უცნობმა შეიარაღებულმა მამაკაცებმა ცეცხლი გაუხსნეს ტურისტებს, რომლებიც ბაისარანის ველზე, ბილიკზე ადიოდნენ.

ჯამუ და ქაშმირის შტატი არის ქაშმირის რეგიონის ინდოეთის ნაწილის სახელი (ჰინდუსტანის ნახევარკუნძულის ჩრდილო-დასავლეთით), რომლის 45% ეკუთვნის ინდოეთს, 35% - პაკისტანს და 20% - ჩინეთს. 2019 წელს, ქაშმირის ინდური ნაწილის ავტონომიის გაუქმების გამო, შტატში მასობრივი საპროტესტო აქციები გაიმართა. სწორედ ქაშმირის კუთვნილებასთან დაკავშირებულმა დავამ გამოიწვია ომები (1965 და 1999 წლებში) ინდოეთსა და პაკისტანს შორის.

CNN-მა გამოაქვეყნა ტრამპის პორტრეტი, რომელიც პუტინმა აშშ-ს პრეზიდენტს მარტში აჩუქა.

ავტორი პუტინის მხატვარი ნიკას საფრონოვია. მისი თქმით, ნამუშევრისთვის ფულს არ აუღია, რადგან „მაშინვე მიხვდა, რა როლი შეიძლება ეთამაშა ამ პორტრეტს შეერთებული შტატებისა და რუსეთის დაახლოებაში“.

საქართველომ „ოკუპირებული ტერიტორიების შესახებ კანონი“ უნდა გააუქმოს. ამის შესახებ ოკუპირებული აფხაზეთის ე.წ. საგარეო საქმეთა მინისტრმა, ოლეგ ბარციცმა რუსულ მედიასთან ინტერვიუში განაცხადა.

„საქართველოს ხელმძღვანელობის განცხადებები, რომ მათ მთავარ მეზობლებთან, - აფხაზეთთან, სამხრეთ ოსეთთან და რუსეთის ფედერაციასთან, ურთიერთობების გაუმჯობესება სურთ, ჩვენს ყურადღების მიღმა არ რჩება, მაგრამ საჭიროა ამის პრაქტიკული დადასტურება და რეალური ნაბიჯები.“ - განაცხადა ბარციცმა.

მისი თქმით, საქართველომ ძალის გამოუყენებლობის შესახებ დოკუმენტზე ხელი უნდა მოაწეროს.

„ჩემი აზრით, რამდენიმე ნაბიჯი შეიძლება გადაიდგას ამისთვის, მათ შორის, „ოკუპირებული ტერიტორიების შესახებ კანონის“ გაუქმება, რომელიც ვერანაირ კრიტიკასა და ვერც დროის გამოცდას უძლებს. ჩვენ დღეს არსებული რეალობა უნდა გავითვალისწინოთ. მეორე, რაც ძალიან მნიშვნელოვანია და ჩვენ ჟენევის ფორმატის მოლაპარაკებებში ამაზე კოლეგების ყურადღებას გავამახვილებთ, არის სამხედრო ძალის გამოყენებაზე უარის თქმის შესახებ შეთანხმებაზე ხელმოწერა. ამის შემდეგ სხვა საკითხების შესახებ საუბარი შეგვიძლია.“ - აღნიშნა ბარციცმა.

ამავდროულად, ცნობილი გახდა, რომ ოკუპირებული აფხაზეთის ე.წ. პრეზიდენტი, ბადრა გუნბა მეორე მსოფლიო ომში გამარჯვების დღის აღსანიშნავ ღონისძიებებში მონაწილეობის მისაღებად, მოსკოვს ეწვევა. ინფორმაციას რუსული მედია ე.წ. აფხაზეთის ელჩზე, ალხას კვიცინიაზე დაყრდნობით ავრცელებს.

მისი თქმით, ბადრა გუნბამ მიწვევა პუტინისგან მიიღო.

„აფხაზეთის პრეზიდენტმა პუტინისგან 9 მაისის აღლუმზე მოწვევა მიიღო და სადღესასწაულო ღონისძიებებში მონაწილეობის მისაღებად, აუცილებლად ეწვევა მოსკოვს.“ - აღნიშნა ალხას კვიცინიამ.

ბრი­ტა­ნე­ლი მა­მა­კა­ცი ეკ­ვა­დორ­ში ლინ­ჩის წე­სით გა­ა­სა­მარ­თლეს და ცო­ცხლად დაწ­ვეს.

რო­გორც The telegraph-ი წერს, ბრი­ტა­ნე­ლი მა­მა­კა­ცი, რო­მელ­საც ად­გი­ლობ­რი­ვი კა­ცის მკვლე­ლო­ბა­ში ედებოდა ბრალი, მო­სახ­ლე­ო­ბამ პო­ლი­ცი­ის გან­ყო­ფი­ლე­ბი­დან ძა­ლის გა­მო­ყე­ნე­ბით გა­მო­იყ­ვა­ნა და პო­ლი­ცი­ე­ლე­ბის თვალ­წინ, ცე­ცხლი წა­უ­კი­და.

ფაქ­ტი ეკ­ვა­დო­რის კუთვნილ ამა­ზო­ნის ტრო­პი­კულ ტყე­ში მოხ­და.

მე­დია იტყო­ბი­ნე­ბა, რომ მკვლელობაში ეჭვმიტანილი უც­ნო­ბი მა­მა­კა­ცი პო­ლი­ცი­ის გან­ყო­ფი­ლე­ბა­ში გა­და­იყ­ვა­ნეს. და­კა­ვე­ბუ­ლი გან­ყო­ფი­ლე­ბა­ში 6 სა­ა­თის გან­მავ­ლო­ბა­ში იმ­ყო­ფე­ბო­და, მაგრამ შემ­დეგ სა­მარ­თალ­დამ­ცვე­ლებ­მა მისი უსაფრ­თხო­ე­ბის უზ­რუნ­ველ­ყო­ფა ვერ შეძ­ლეს.

ეკ­ვა­დო­რის სა­ინ­ფორ­მა­ციო სა­ა­გენ­ტო Ecuavisa იტყო­ბი­ნე­ბა, რომ მა­ნამ­დე მკვლე­ლო­ბა ამა­ზო­ნის რე­გი­ონ­ში, კუ­ია­ბე­ნოს ვე­ლუ­რი ბუ­ნე­ბის თავ­შე­სა­ფარ­ში მოხ­და.

ად­გი­ლობ­რივ­ი ტე­ლე­ვი­ზი­ის ინ­ფორ­მა­ცი­ით, 20 აპ­რილს ეკ­ვა­დო­რე­ლი როდ­რი­გო ჩა­ვე­სი მოკ­ლუ­ლი იპო­ვეს.

🔴 ყურადღების ცენტრში 📣 26 აპრილს, თბილისში მთავრობის გადადგომის მოთხოვნით მასშტაბური აქცია გაიმართება

🕑 დრო: 14:00 საათი

📍 ადგილი: მარში დაიწყება დიდუბის მოედნიდან და დასრულდება თბილისის პროკურატურასთან

ორგანიზატორების განცხადებით:

✊ „უწყვეტი ბრძოლის 150-ე დღეს ვმართავთ თავისუფლების მარშს!“

„150 დღეა, რაც ვდგავართ ქუჩაში — პროტესტით, მარშებით, სიტყვით და სიმართლით. ამ ბრძოლამ გვაჩვენა, რომ ეს ხელისუფლება არ უსმენს ხალხს. იგი აგრძელებს რეპრესიებს, არღვევს თავისუფლებას და გვართმევს საქართველოს მომავალს.

ამ მარშზე პირველად ვაყალიბებთ ახალ და აუცილებელ მოთხოვნას — დაუყოვნებლივ გადადგეს არალეგიტიმური მთავრობა!

ამ პროტესტით იბადება „ერთობა“, რომლის მიზანია ქვეყნის დაბრუნება და რუსული რეჟიმისგან გათავისუფლება.

მარში იწყება დიდუბის მოედნიდან და მიემართება თბილისის პროკურატურისკენ — იქ, სადაც იწყება სამართლის გაყალბება.“

📢 შემოურთდით მარშს და გაწევრიანდით ერთობაში! - აცხადებენ ორგანიზატორები.

#თავისუფლებისმარში #26აპრილი #აქცია #ერთობა #თბილისი #გადადგომისმოთხოვნა #თავისუფლებაშიქართველოსთვის #პოლიტიკურიაქცია #პროტესტი #სინდისისპატიმრები

ემანუელ მაკრონი პარლამენტის დათხოვნისა და 2025 წლის შემოდგომაზე ვადამდელი არჩევნების გამართვის შესაძლებლობას განიხილავს. - ინფორმაციას Bloomberg-ი ავრცელებს.

საფრანგეთში შემდეგი საკანონმდებლო არჩევნები 2029 წელს არის დაგეგმილი.