***روشتة الاستعداد لرمضان 💌
👈رمضان مش عصا سحرية ما تفتكرش نفسك ان لما تدخل رمضان من غير الاستعداد لرمضان هتقضيها صيام وقيام وعنيك هتنهمر من الدموع دا وهم ✋️
👈انت لو مستعدتش يبقي مش هتعمل اي حاجة

📌قيمة الاستعداد لرمضان 📌

👈النيه انت لو فيه اعمال كنت هتعملها في رمضان ومت قبل رمضان
كل الأعمال دي في ميزانك 👍
👈رمضان فرصة للقضاء علي معاصي السر 👌
👈رمضان نقلة لك وللأمه كلها نقلة في مكانك عند ربنا
نقلة لحالك كله 😄

👈فرصة انك تعيش رمضان حقيقي
الذي بعد رمضان هو الذي كان قبل رمضان
👈ابدأ من دلوقتي استعد من دلوقتي
صم من دلوقتي
قم الليل من دلوقتي
صلح نفسك وقلبك من دلوقتي ❤️
قم واقع من دلوقتي
علشان تدخل رمضان جاهز ☺️

الوقت اللى هيمر عليك فى اليوم من غير ما تذكر ربنا هتتحسر عليه يوم القيامة ولو ساعة واحدة😔
فما بالك بقي ساعة في رمضان 👌
الحسرة مش بعد رمضان
الحسرة الحقيقية يوم القيامة لما تشوف انت ضاع منك قد ايه ؟

رمضان طوق نجاة رمضان زلزال التغيير
لحد امتى هنفضل كدا لحد امتى

👈العبادة في رجب وشعبان هى السبيل الوحيد للفوز برمضان 😃
👈ربنا هيحرق ذنوب قلبك 💔

واخيرا 💌روشتة الاستعداد لرمضان 💌
1_اشحن نفسك
2_طهر نفسك من الذنوب (ب التوبة )
3_امشي علي خط سير
4_الصيام
5_القران
6_قيام الليل

قال تعالي (وَالَّذِينَ يَبِيتُونَ لِرَبِّهِمْ سُجَّدًا وَقِيَامًا (64)
وقال تعالي (تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ (16)

👈يلا نكسر القيود المانعة عن طريق الوصول إلي الله 👍
الموضوع مش صعب قرب والفتح هييجي
👈ركز بقي اغتنم عمرك 🕐

https://youtu.be/j7oUh7KtsgU
#رجب_شهر_البذر
#الاستعداد_لرمضان
#الشيخ_حازم_شومان
#تفريغ_بتصرف

بأي قلب ستدخل رمضان ❓

عايز تدخل رمضان بقلب عليه 11 شهر نكت
سودا من الذنوب ❕

إحنا مرضى قلوب ومرضى عزائم وأحوالنا القلبية و عبادتنا مش تمام
إحنا بينا وبين الجنة حواجز من فتور وشبهات
وشهوات👎

عايز تعيش رمضان صح لازم تبدأ من دلوقتي

لازم تفصل وتدخل رجب وشعبان وأنت فاصل لعبادة ربنا ومركز في العبادة

لازم يبقى في خط سير⬇️

خط السير 👈العبادة والصيام والقيام
والمجاهدة فيهم آناء الليل وآناء النهار

ابدأ من دلوقتي امسك مصحفك و أقرأ
المطلوب اليومين دول إقبال على القرآن وتلاوته وابكي وبكي نفسك في آيات كتاب ربنا

ابدأ صوم و اتعود على الصيام

ابدأ اهتم بإصلاح قلبك و شحنه

كسر القيود اللي منعاك عن الطريق إلى الله سبحانه و تعالى🔗

لازم تفوق و تلين عضلاتك الإيمانية من دلوقتي

قال رسول الله صلى الله عليه وسلم

(إذا جاء رمضانُ فُتِحَتْ أبوابُ الجنةِ ، وغُلِّقَتْ أبوابُ النارِ ، وصُفِّدَتْ الشياطينُ)
صحيح مسلم

إحنا دلوقتي وظيفتنا نجري نبقى واقفين على باب الجنة ..

رمضان يبدأ و إحنا على الباب يتفتح الباب
ندخل رمضان ونعيش رمضان جوا الجنة

إحنا بنضيع عمرنا وبنحرق عمرنا

العمر غالي والوقت غالي واللي راح مننا كتير

والفرصة أهي جات

👈 شهر البذر جاء فاغتنمه .👌

درس :

#رجب_شهر_البذر
#الشيخ_حازم_شومان

اللي معتقد إن أول ما ييجي رمضان هتنقلب عزيمته و همته و إرادته ده واااهم

رمضان مش عصا سحرية أول ما يبدأ قلبك
هيفيض بالإيمان و عينك تنهمر منها الدموع ورجليك هينبعث فيها قوة مكانتش موجودة طول السنة

⭕️ده وهم 👆

رمضان بيضيع مننا كل سنة بين المجاهدة والفتور
وفصل الشحن ◀️رمضان ليس شهر مجاهدة و ليس شهر بداية

⭐️رمضان شهر حصاد لما قبله⭐️

الكلمة الخطيرة اللي قالها السلف : ((رجب شهر البذر وشعبان شهر السقيا ورمضان شهر الحصاد ))

أنت بترمي في رجب بذور الطاعات اللي أنت عايزتحصدها في رمضان وهترويها في شعبان🌱

لو أنت شايف إن الاستعداد من رجب ده بدري
يبقى أنت مش مقتدي بالسلف اللي كانوا بيستعدوا قبلها ب 6 شهور بالدعاء و الإستعداد العملي

⭕️مينفعش تقفز مرة واحدة في رمضان

لازم تطلع السلم في رجب
وشعبان عشان في رمضان تبقى جاهز

درس :
#رجب_شهر_البذر
#الشيخ_حازم_شومان

⭕️احذر خسائر عدم الاستعداد لرمضان :-

خسائر عدم الاستعداد لرمضان⬇️ فادحة :-

▪️هتدخل رمضان وأنت مفزوع من فصل الشحن اللي أنت عارف أنه 99% هيحصلك

في مواقف لا تحتمل 👎إنك تفصل شحن فيها

▪️ مع أول يوم في رمضان تصوم تلاقي نفسك هتموت من الجوع.

تفطر تلاقي نفسك تقلت ...نازل تصلي التراويح وأنت فاصل❗️

تلاقي نفسك مصدوم من القرآن ومش عارف تعيش مع المعاني المهولة اللي في كتاب ربنا سبحانه وتعالي

تلاقي اللي على يمينك قاعد يعيط واللي على شمالك ييعيط و أنت قاعد وا خيبتاااه و بتسأل نفسك إيه اللي انا فيه ده ❔

▪️وبعد كده للأسف الشديد تيجي صدمات آخر رمضان بعد ما بدأ القلب يلين والدموع بدأت تنزل وبدأت تستمتع بالتراويح و تستلذ بيها

وبدأت تمسك المصحف ساعتين /تلاتة مش عايز تسيبه

و بدأت تقعد في المسجد

و بدأ قلبك يألف العبادة تتفاجئ بفضيلة المفتي بيستطلع هلال شوال !!

▪️ صدمة ما بعد رمضان ويوم 1 شوال تلاقي نفسك مبتصليش الوتر حتى ❗️ ...

تلاقي نفسك نايم بعد صلاة العيد تصحى على العصر

ﻷنك بتبني و تعلي في رمضان من غير أساس
أصلاً

و الأساس👈 بيترمي في رجب وشعبان

بعد رمضان بتلاقي كل حاجة كانت على غير أساس بتروح للأسف الشديد

انتبه ◀️الذي بعد رمضان هو الذي كان قبل رمضان

◀️استعد لرمضان من دلوقتي 👍

و بيت النية إنك هتموت نفسك في العبادة

في رمضان فلو موت قبل رمضان يبقى أنت

موت على النية وثواب رمضان في ميزانك و

أُجرت بيه بنيتك إن شاء الله

درس :
#رجب_شهر_البذر
#الشيخ_حازم_شومان

رمضان لا يحتمل التقصير والفتور
والكسل 🚫
علشان كده لازم نستعد في رجب وشعبان. 👌

مش مشكلة لو وقعت وحصلك فتور
وفصل شحن في رجب وشعبان، بس لازم تفضل تُجاهد وتصلَّح من نفسك وتقاوم. 💪💪
علشان تدخل رمضان وأنت جاهز ومستعد..
لازم تلين عضلاتك الإيمانية قبل رمضان بسماع الدروس وشحن الهمة. 🌱

#رجب_شهر_البذر
#قبس

الخسارات إللي بتدفع تمنها نتيجة عدم الاستعداد لرمضان خسارات صادمة. 💔

📌صدمة أول رمضان:
إن في ناس جاهزة وأنت مش جاهز.

📌صدمة آخر رمضان:
إنك أول ما بدأت تستشعر الإيمانيات وقلبك بدأ يعيش تلاقي رمضان بيودعنا.

لأن إللي بيبني بُرج عالي من غير أساس؛ أكيد البرج هيقع. ⚠️

طيب إيه الحل❓️
الحل إنك تعمل أساس متين من دلوقتي 👌

تتعود علىٰ جلسة الضحى اليومية.
تتعود علىٰ الاجتهاد في قيام الليل،
تتعود علىٰ الصيام.🌸

واجعل شعارك:
{ لا أَبْرَحُ حَتَّى أَبْلُغَ }. 💪⚘️

#رجب_شهر_البذر
#قبس
https://t.me/drhazemshouman