أطرافُ الشُّعور
205 subscribers
1 photo
ذَائِقَة وَأَثَر
Download Telegram
ما يكفي الآدمي .. شربه ولا قوته
دام المشاعر ما تلقى من يقدرها

وش حيلة الهايم اللي فضّل سكوته؟
لا مرّته ذكرياتٍ غاب حاضرها

يافرصة اللي مايبغى الفرصة تفوته
أنا وصلت لـ مراحل .. ما آتصورها

سوالف عيوني .. من العام مكبوته
معالم الشوق فـ أولها و فـ آخرها

والشاعر اللي يبين الجرح من صوته
محبوبته .. ما يبي يجرح مشاعرها

لو يكسر لـ عينها .. بيتٍ ، من بيوته
أهون على خاطره من كسر خاطرها

تستاهل اللي على الاحجار ، منحوته
قصايدٍ .. ما تموت بـ موت شاعرها

في وجهٍ يلوذ ثلجه .. في ذرى توته
و نواعسٍ يشّر الموت بـ محاجرها

يامخيّرين الشجاع .. بـ سالفة موته
هذي هي الموته اللي كنت أدورها

- عبدالله السراهيد
‏واصلٍ لي مرحله ماهي مثل باقِ المراحل
‏تعترض قدامي الفرصه .. وأخلّيها تعدَّى

‏- عناد الشيباني
اول ايام المحبه مثل لُطف الملوك
واخر أيام المحبّين مثل سيـوفها

- حشان ابن مصلح
تسعدني بالحكي وترجع تغيب
كأنك تجازيني بثمن فرحتي
كم تمنيتك تجي فالحلم مره
جعل جنات الوليّ داري ودارك

عاد بيتك فيه من ماطاك جره
وعادني ببقى على حلم انتظارك

ما دفنتك بالرمل مثقال ذره
يوم كلٍ عند قبرك جا مشارك

كن به صوتٍ من القبر يتشرّه
كيف تدفن من يحبّك يامبارك
وإن حصل في يوم بلّت دربي الغابر سحابة
كيف بشرح للمطر إن الضما هذا بروحي؟

- معاذ عبدالعزيز
«يا شين غربة غريب الدار في داره
إيه والله الكيّه اللي نارها حيّه»

- زامل السبيعي
مدام قلبي لك شفوقٍ وميلاف
وراك يا خلّي قليل المروفه؟

قلي عسى مابه على الخاطر خلاف؟
عسى حبيبي ما قصّر دون شوفه

لا، لا تعسّر القلب في كل محراف
واحذر يجي عقب المودّة حسوفه

دوك الدموع بحاجر العين وقّاف
لا انت بماسحها ولا هي ذروفه

علّقتها يا معلّق القلب بإتلاف
ولخاطرك راحت حياتي كلوفه

لى قيل حبك به جنون وإسراف
قلت آه من يملك لقلبه نكوفه

عزّ الله إني للمخاليق عيّاف
إلا انت يا اللي هيمت بي طيوفه

الله كريم يبدّل الجور بأنصاف
يجبر فوادٍ موجعاته ظروفه

- خالد الفيصل
البوح يجتاحني والصمت يطويني
والحزن في خطوتي والدمع بظلالي

والجرح، لولا غلاتك مابقى فيني
زهدت فالحب لين انكسرت آمالي
يقولون مابه قمّةٍ تستوي .. بالقاع
وأنا أقول تحت القاع ودّعت لي قمه

- محمد ال شواي
أطرافُ الشُّعور
يقولون مابه قمّةٍ تستوي .. بالقاع وأنا أقول تحت القاع ودّعت لي قمه - محمد ال شواي
ما كنتُ أعلمُ قبلَ دفنك في الثرى
أنَّ الكواكبَ في التراب .. تغورُ

- المتنبيّ
كنت لك موطن وأمان وكنت غربة وإحتلال
كنت باني لك حياة وكنت تبني لي ضريح

- فيصل القاضي
صحيح إن الموادع حطّ في قلب الشقي مخلاب
لكن يفداك قلبي، يا أوّل وآخر معازيبه

أعرف إن الجروح جروح ما فيها جروح عذاب
لكن شيء بيبقى منك، لو هو جرح ودّي به

- شفيع القصير
ياما على الجاهل يفوتن الأفوات
وياما على العاقل تصير البلاوي

لا صار ماتاخذ امورك بحيلات
يصير عقلك والهبال متساوي

راع الحساني مايجازى بسيات
وراع الصخا حبله طويلٍ رهاوي

ورفيقك اللي دايم الدوم شمات
بيعه برجوى الله وثيق العراوي

- صالح بن سند
أنا واقف على آخر حدود الصمت
أخاف ان مرّت أيامك بتنساني
على مفرق طريقين الرجوع و سكّة الغيّاب
تخيّرت الطريق اللي عسى ما يشبه الرجعه

تبعتك لين ما جفّ الحنين و ماتت الاسباب
ولا باقي سبب مقنع يحرّصني على الرجعه

تعبت من الوعود من الكلام اللي يجي جذّاب
عرفت آميّز الواضح من المبني على خدعه

تعدّيت الشروق اللي يصوّر لي أمل كذّاب
قدرت اوصل للحظات الغروب بلا أثر دمعه

- فيصل القاضي
إحذر تغش الناس لوكان غشوك
غادر بصمت وخل خاطرك صافي

والدرب خله سمح لاتزرعه شوك
يمكن يجيبك يوم وتمر حافي

- عبدالله الطلحي
وسيع الطرف من ساعة عرفتك ما هدى لي بال
عساني ما خلا من عودك و من وجهك البدري

لقيتك شفّ مكنون الشعور و غاية الترحال
و قال القلب وش يمنع هوانا و العمر بدري

ما كان لخطوتي عذر ولا كان لسلوتي مدخال
كثر ما شفتك بعيني حياة و شلتك بصدري

أعيشك حلم و أحيابك طواري عابرة و وصال
و أموت بكل كلمة من شفاهك ، و أنت ما تدري

أخذ وجهي مناديلٍ تْداري دمعك الهمال
وَلا تْكذب لسان الوقت لا علّمْك عن ندري

عليك الروح يشعفها مسيلٍ من سرابك سال
و يوقف دونها خوفي و مشروهي على قدري

تدانى لك معَ باب الولع و الشوق قلب و بال
و حنّت لك مواريف الشجر و الغصن و الكدري

لا تستسهل مطيحي لا تثنى عودك ولا مال
و أنا رجال ما فوقي حدٍ غيري ولا حدري

- عبيد فهيد
Forwarded from الرّوض
‏يلومون الصبور إن ملّ من صبره و أنا ما ألوم
‏من اشقاه الثبات و هدّت ظروف الزمن حيله

‏سواءًا منتصر في معركة الأيام أو مهزوم
‏لا زال بحاجة الإنسان لـ أي إنسان يشكي له

‏و لكن لا لقيت الناس حمّالة حطب و هموم
‏لا يقرب سرك من البير و ارشاه و محاحيله

‏متاهة صدرك أولى و الليالي غيبها معلوم
‏مع اللي بـ أمره يساق السحاب و يندرج سيله

‏عن أسرار العباد تضج الألسن و العزيز يشوم
‏و أنا أكثر ما ابغضه فـ الحكي تحريفه و تأويله

‏ما عرّضنا مغاليق الضماير بيعة أول سوم
‏لها الله لا أستضاقت من غثا الوقت و غرابيله

‏لو إن أحيان تصعب وقفة الخاطر على الحلقوم
‏عسى ما فات من عمرٍ مضى فدوة مقابيله .
🔒 هذه همسة سرية لاول شخص يقوم بروئيتها