🇺🇿🇺🇿🇺🇿
Bugun ilk bor tashkil etilgan “Bandlik va ijtimoiy himoyani uygʼunlashtirish orqali Oʼzbekistonda ijtimoiy adolat tamoyillarini mustahkamlash” mavzusidagi xalqaro konferentsiyada ishtirok etdik.

Ushbu xalqaro anjuman Oʼzbekistonda oʼtkazilishining biz uchun ahamiyati katta. Chunki mamlakatimiz tarixda birinchi marta Xalqaro mehnat tashkiloti Maʼmuriy kengashi tarkibiga qabul qilindi.

Yurtimizda ish oʼrinlari yaratish va aholini ijtimoiy himoya qilishga qaratilgan Global akselerator va Global koalitsiya doirasida milliy “yoʼl xaritasi” ishlab chiqildi.

Bu esa, mamlakatimizda investitsiyalar uchun qoʼshimcha shart-sharoitlar yaratish va aholimiz daromadi oʼrtachadan yuqori boʼlgan davlatlar qatoridan joy olishiga xizmat qiladi.

Mazkur konferentsiya ijtimoiy adolatni mustahkamlash, aholi bandligi, ijtimoiy himoyasini taʼminlash, tengsizlik va kambagʼallikni qisqartirish sohasidagi siyosatimizni takomillashtirish yoʼlidagi navbatdagi qadam boʼladi deb oʼylayman.

#senat #hamkorlik #XMT

@tanzilanarbaeva

🇺🇿🇺🇿🇺🇿
Xalqaro mehnat tashkiloti bosh direktori Jilber Ungbo bilan uchrashuv oʼtkazdik.

Bosh direktor mamlakatimizda majburiy mehnat va bolalar mehnatiga toʼliq barham berilganini, sohaga oid xalqaro standartlarni joriy etishga qaratilgan muhim islohotlarni alohida e’tirof etdi.

Suhbatimiz davomida Xalqaro mehnat tashkilotining mehnat va ijtimoiy sohalardagi ratifikatsiya qilingan Konventsiyalarining amalga oshirilishi holati, ushbu yoʼnalishlarda davlatimiz tomonidan kelgusida tegishli xalqaro hujjatlarga qoʼshilish masalalarini muhokama qildik.

Shuningdek, yaratilayotgan ish oʼrinlarining mehnat standartlariga mos boʼlishi, ayniqsa xotin-qizlar va yoshlar bandligiga koʼmaklashish, nogironligi boʼlgan hamyurtlarimizning ijtimoiy himoyasini ta’minlash yoʼnalishlarida hamkorlikda amalga oshiradigan ishlarda ustuvorliklarni belgilab oldik.

#Senat #XMT #hamkorlik

@tanzilanarbaeva

🇺🇿🇺🇿🇺🇿

Navbatdagi yalpi majlisda aholimiz bandligini taʼminlashda muhim ijtimoiy ahamiyatga ega boʼlgan qonunni muhokama qildik.

Unga koʼra, ish qidiruvchilarni roʼyxatga olish tartibini soddalashtirish hamda raqamlashtirish tizimini kuchaytirish boʼyicha normalar kiritilmoqda.

Ishsizlik nafaqasini belgilash, jamoat ishlariga jalb etilgan shaxslar bilan mehant shartnomasini tuzish hamda kasbga tayyorlash, qayta oʼqitish va malakasini oshirish mezonlari aniq belgilanmoqda.

Shuningdek, oʼzgartirish kiritilayotgan qonunga koʼra
oilaviy (maishiy) zoʼravonlikdan jabrlangan shaxslar ham kafolatli tarzda ishga joylashtiriladiganlar toifasiga kiritilmoqda.

Bu esa, yordamga muxtoj shaxslar aksariyat holatda xotin-qizlarimizni tezroq oyoqqa turib olishlari, muammolariga mustaqil tarzda yechim topishlari uchun amaliy koʼmak boʼladi.

#yalpimajlis54

@tanzilanarbaeva

🇺🇿🇺🇿🇺🇿

Senatorlar bilan pirotexnika buyumlarining qonunga xilof muomalasi uchun javobgarlikni kuchaytirishga qaratilgan Qonunni muhokama qildik.

Unga ko‘ra, pirotexnika buyumlaridan qonunga xilof ravishda foydalanish, ishlab chiqarish, tayyorlash, saqlash, tashish kabi qonunbuzarliklar uchun BHMning besh baravaridan o‘ttiz baravarigacha miqdorda jarima qo‘llash nazarda tutilmoqda.

Albatta, bu vositalarni qo‘llash qanday og‘ir oqibatlarga olib kelishi mumkinligi haqida yetarlicha misollar bor.

Shu bois, qonundagi javobgarlikni kuchaytirish barobarida, jamoatchilikni ham farzandlarimizni pirotexnikadan asrash bo‘yicha mas’uliyatlarini oshirishlari muhim hisoblanadi.

#yalpimajlis54

@tanzilanarbaeva