🇺🇿🇺🇿🇺🇿

Hududlarning ijtimoiy-iqtisodiy rivojlanish masalalari bilan tanishish maqsadida navbatdagi tashrif manzilimiz Buxoro viloyati bo‘ldi.

Viloyatda aholi bandligiga ko‘maklashish, bu borada tadbirkorlarni, ayniqsa, oilaviy tadbirkorlikni qo'llab- quvvatlash ishlari holatini tegishli ijro organlari va tijorat banklari ishtirokida muhokama qildik.

Davlatimiz tomonidan yaratilgan imkoniyatlardan unumli foydalanish borasida aniq vazifalar belgilab olindi.

Joylarda aholi muammolarining hal etilishida mahallalar yettiligi va mahalliy Kengash deputatlarining hamkorlik masalalari ko‘rib chiqildi.

Buxorolik hamyurtlarimiz, sohalar vakillari bilan suhbatlarimiz davomida ularni qiziqtirgan masalalar bo‘yicha samimiy muloqotlar o‘tkazdik, bir qator takliflarning ustida ishlashga kelishib oldik.

#senat

@tanzilanarbaeva

🇺🇿🇺🇿🇺🇿
Islom hamkorlik tashkiloti Bosh kotibi Husayn Ibrohim Toha bilan uchrashdik.

Suhbatimiz davomida Xiva shahri 2024 yilda “Islom dunyosining turizm poytaxti” deb eʼlon qilinganligi va shu doirada amalga oshirilayotgan loyihalar haqida fikr almashdik.

Ikki tomonlama aloqalarning bugungi holati hamda ularni barcha yoʼnalishlarda yanada kengaytirish masalalarini muhokama qildik.

Shuningdek, islom sivilizatsiyasi uchun munosib hissa qoʼshgan buyuk allomalarimizning maʼnaviy-maʼrifiy boy merosini hamkorlikda oʼrganish va targʼib etishga ham kelishib oldik.

#hamkorlik

@tanzilanarbaeva

🇺🇿🇺🇿🇺🇿

Bugun - Xalqaro bolalarni himoya qilish kuni.

Ushbu bayram barchamizga oilalarimiz, davlatimiz gʼururi va iftixori - farzandlarimiz ekanligini eslatib turadi.

Hammamizga ayonki, zamonaviy bilimga ega, ma’naviyatli, oʼz qadrini anglagan insonlar yashaydigan davlat boshqa mamlakatlar bilan raqobatdosh boʼla oladi.

Oila institutini mustahkamlash, onalik va bolalikni muhofaza qilish, bolalarni har tomonlama komil inson qilib tarbiyalash - mamlakatimiz ijtimoiy siyosatining oʼzgarmas tarkibiy qismidir.

Lekin davlatimiz tomonidan koʼrsatilayotgan har qanday yordam va qoʼllovdan ham koʼra, har bir bola haqiqiy mehrni oilada, oʼz yaqin insonlaridan oladi.

Oilaviy bolalar uylarida tarbiyalanayotgan bolalarimiz, ularni bagʼriga olgan fidoyi insonlar bilan oʼtkazgan suhbatimiz buning yorqin isbotini koʼrsatdi.

Аzizlar!
Sizlarni bugungi bayram bilan tabriklab, farzandlarimizga barkamollik va baxt-saodat tilayman!

#bolalarkuni

@tanzilanarbaeva