تم فتح التقديم على الدراسات العليا لذوي الشهداء والعامة
رابط التقديم
https://adm.rdd.edu.iq
الية التقديم لذوي الشهداء من بعد ما كملتوا بالمؤسسة و صدقتوا استمارة 700 او 502 بمؤسسة الشهداء و سلموها الكم ويا الباركود
هسه تجون تكملون باقي الخطوات بهذا الرابط تسوون حساب بي ع ايميلكم و تملون معلوماتكم
و تختارون قناة الامتيازات نفس هاي الصورة 👇
موضحها الكم كل متقدم و الفئة مالته ( فئة تعويض المتضررين ) يعني فئة ضحايا الارهاب
من تكملون المعلومات وبالخطوة الاخيرة يطلب ارفاق مستندات ترفقون الاستمارة 700 او 502 الي انطوها الكم من المؤسسة ومن بعدها تضغطون ارسال و تنتظرون يومين ثلاثة لحد اسبوع و تشوفون حسابكم تصادق من الكلية او لا و اذا اكو نقص يكتبون الكم النقص بالحساب في حال ماكو نقص يصادقون الكم مصادقة الكترونية عاد تروحون للكلية تسلمون الهم ملف التقديم لغرض المصادقة الورقية وهاي هي تنتظرون الامتحان التنافسي يوم 2025/6/30
و كذلك نشرت الكم نماذج استمارات التقديم بهذا الرابط تملوهن ملئ يد و ترفقوهن بالتقديم ايضا عددهم 4 استمارات https://t.me/talabatalshohda/2921

الدكتور عبدالاله النائلي رئيس مؤسسة الشهداء للمره الثانية يطلب من مجلس النواب العراقي لجنة الشهداء النيابية بإرجاع شهداء القوات الامنية الى قاعدة بيانات المؤسسة الذين استشهدوا اثناء الخدمة والذين تم الغاء اسماء شهدائهم سابقا من مؤسسة الشهداء ،
بالتعديل الثالث القادم لقانون ضحايا الارهاب

لكن مجلس النواب حاليا ينهي فصله التشريعي الاول من عامه الرابع وحاليا عطلة للمجلس
و تستأنف الجلسات بالفصل التشريعي الثاني بعد 40 يوم اذا مو اكثر

ذوي الشهداء الي كملوا تقديم على الدراسات العليا موعد الامتحان التنافسي الاثنين المصادف 2025/6/30 ،
الية التقديم نشرتها الكم و الي عنده مشكلة بالتقديم يذكرها بالتعليقات ،

و شرط النجاح بالامتحاني التنافسي انتم ذوي الشهداء مستثنين منه 🤚يعني حتى لو ترسبون بالامتحان هم عادي وتدخلون منافسة على القبول بالدرجة الي حصلتوها و القبول يعتمد على المعدل التفاضلي و المعدل التفاضلي يتكون من
(معدل الطالب +معدل الطالب الأول + درجة الامتحان التنافسي) ،
تدخل هذه الدرجات الثلاثة ضمن معادلة معدة لهذا الغرض في المنظومة الالكترونية ويطلع المعدل التفاضلي و انتم لكل فئة شهيد مقعد واحد و عدد المقاعد 4 هالسنة مع وجود تدوير مقاعد بين فئاتكم

النائب الاول لرئيس مجلس النواب يوجه لجنة الشهداء النيابية بشمول ذوي شهداء الاجهزة الامنية بقاعدة بيانات المؤسسة ( المستبعدين سابقا من قاعدة بيانات المؤسسة ) ،
و كذلك يوجه بتمديد رواتب ضحايا الارهاب من 10 سنة الى 25 سنة اسوةً بفئة الحـش.د والبائد

هسه حاليا الشغلة بمجلس النواب و هاي القرارات تحتاج قراءة اولى و ثانية و تصويت من النواب ،

و النواب حاليا عدهم عطلة لان انتهى الفصل التشريعي و اكثر النواب حاليا بالحج 🤲
ف من يبدي الفصل التشريعي الاخر تبدأ إجراءات قانون التعديل الثالث لضحايا الارهاب حتى ينفذون هاي القرارات

بخصوص احتساب الشهادة
تذكرون التفسير مالتي القانوني الي نشرته الكم
بهذا المنشور
https://t.me/talabatalshohda/2905

اليوم وزارة النفط أكدت كلامي حول احتساب الشهادة و ذوي الشهداء مستثنين من قرار مجلس الوزراء الي جان ينص على عدم احتساب الشهادة و الزام كافة الدوائر والتشكيلات باحتساب الشهادة لذوي الشهداء استثناء من القوانين كافة ،
و هذا الكتاب اليوم صدر يأكد نشري تماما
يعني احتساب الشهادة ماشي و قرار مجلس الوزراء الاخير ما يمشي ع ذوي الشهداء مستثنين منه و هالشي يخص كافة الوزارات 🤚

لكثرة الاستفسارات عن استيراد سيارة لذوي الشهداء معفيه من رسوم الكمرك و الرقم
بالنسبة للتقديم يكون بالنت فقط
من هذا الرابط
https://ur.gov.iq/index/show-eservice/51595/10021/org
و شخصيا اني كوني من ذوي الشهداء ف قدمت و هذا الوصل مالتي و التقديم كلش سهل بس مهم يكون عدكم ماستر كارد صادرة من مؤسسة الشهداء والماستر الي ما عنده يسوها بالمؤسسة فورية نص ساعة و تكمل لان باستمارة التقديم اكو دفع جباية 50 الف من الماستر ،
بالنسبة للسيارات المشمولة (صالون /ستيشن/حمل ) سواء امريكي او خليجي من دبي يحق (ضرر او كلين ) بس بشرط الموديل 2023 فما فوق و كل منافذ الكمارك مشمولة جنوبية و شمالية و من تكمل المعاملة الكترونيا ببوابة اور يطلع الك كتاب بي باركود بهذا الكتاب يحقلك شخصي تستورد او عن طريق معرض سيارات او شركة انت بكيفك يعني مو اجباري شركة والتقديم هذا يكملك المعاملة ب 3 جهات (مالية الكمارك/الداخلية المرور/ومؤسسة الشهداء ) وفرق السعر يفرق الكم حسب نوع السيارة و موديلها يعني مو اقل من 3000 دولار للكمرك و رقم ف معفيين منه

طلبة ذوي الشهداء خريجين (السادس الابتدائي) امتياز جديد يضاف لكم
هاي السنة بالتعديل الجديد لقانون مؤسسة الشهداء تم تخصيص لكم نسبة مقاعد بمدارس المُتميزين و مدارس المتفوقين بوزارة التربية ،
-مدارس المتميزين تقبل معدل 95
-مدارس المتفوقين تقبل معدل 90
هذه المدارس تكون لخريجين الابتدائية الي نجحوا هالسنة ،
و التقديم يكون باستمارة الكترونية تنطلق شهر تموز المُقبل ...

انطلاق التقديم على قناة المعلمين المجازين دراسيا لذوي الشهداء
هذا التقديم يخص المعلمين الي مكملين معهد و يريدون يدرسون كلية
الدراسة تكون صباحية ومجانية مع طلبة السادس الجدد شهر العاشر الدوام ،
امتياز ذوي الشهداء الاستثناء من شرط العمر و الخدمة الوظيفية و 7 درجات على المعدل فارق قبول من القناة العامة ،
الدراسة تكون 4 سنوات باجازه دراسية كاملة و راتب كامل بس تنقطع منه اجور النقل شي بسيط،
التقديم يكون اول شي عن طريق مراجعة مؤسسة الشهداء وعمل كتاب ترشيح و من ثم دائرة الموظف

اليوم صدر كتاب اعفاء ذوي الشهداء من الرسوم الكمركية للسيارات و التقديم مفتوح حاليا عبر الانترنيت

توجيه من قِبل الاستاذ حيدر موفق الشريفي مدير مديرية الشؤون التعليمية و الثقافية المركزية بمؤسسة الشهداء حول تحديث بيانات شهداء فئة ضحايا الارهاب وخصوصًا للطلبة المُقبلين على التقديم للدراسات الاولية و العليا و الجميع من فئة ضحايا الارهاب مُلزمين بالتحديث ،
و التحديث يكون عبر الانترنيت من خلال هذا الرابط
https://martyrinfo.alshuhadaa.gov.iq/