“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 29 МАЙ (1446ҳ -2 ЗУЛҲИЖЖА) ПАЙШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:46
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:06 |   | 03:56
☪️ Пешин       ⏰ 12:40 |   | 12:50
☪️ Аср             ⏰ 17:22 |   | 17:32
☪️ Шом           ⏰ 19:39 |   | 19:39
☪️ Хуфтон     ⏰ 21:16 |   | 21:26

@Tahmid_uz

#ОЧИҚ ИЙМОН...

Имом Муслим роҳимаҳуллоҳ ўзининг “Саҳиҳ”ида Абу Ҳурайра розияллоҳу анҳудан ҳадис келтиради:
“Кишилар Набий саллоллоҳу алайҳи ва салламдан сўрашди:
-Эй Аллоҳнинг Расули! Қалбимизда шунақанги хаёллар келадики, ҳатто бутун дунёнинг эвазига ҳам уларни кимсага айтишни истамаймиз!
Набий саллоллоҳу алайҳи ва саллам сўрадилар:
-Қалбингизда шуларни топаяпсизми?
-Ҳа!
Шунда Набий саллоллоҳу алайҳи ва саллам дедилар:
-Очиқ иймон мана шу!”.

#Мўъмин киши зулмни кўради. Шайтон унга: “Аллоҳ қаерда? Нега золимлардан интиқом олмаяпти?!”, деб васваса қилади…

#Агар Аллоҳ ҳар бир зулмдан интиқом олаверганида бу дунёнинг синов дунёси эканлиги бекор бўлар эди.
#Агар ҳақиқат доим ғалаба қозонаверганида унинг сафи натижа қуллари билан тўлиб кетар эди.
#Қолаверса дунё ҳамма нарса дегани эмас. Ҳали охират ҳам бор!
#Бугун Абу Жаҳл қани?! Бугун Ёсир оиласи қани?! Бугун Фиръавн ва оқсоч аёл қани?!
#Аллоҳ таоло ҳар нарсанинг, ҳодисанинг вақтини белгилаб аниқ қилиб қўйибди.
#Агар тушунган бўлсангиз маҳкам тутинг. Мана шу очиқ иймон...

@Tahmid_uz

#Жума куни салавот айтиш суннатдир...

Жума куни ва кечаси Расулуллоҳ соллаллоҳу алайҳи васалламга кўп салавот айтиш суннатдир.
Имом Табароний келтирган ривоятда Расулуллоҳ соллаллоҳу алайҳи васаллам шундай дедилар:

“Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга у юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади".

Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн!

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 31 МАЙ (1446ҳ -04 ЗУЛҲИЖЖА) ШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:45
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:04 |   | 03:55
☪️ Пешин       ⏰ 12:40 |   | 12:50
☪️ Аср             ⏰ 17:22 |   | 17:32
☪️ Шом           ⏰ 19:40 |   | 19:40
☪️ Хуфтон     ⏰ 21:17 |   | 21:27

@Tahmid_uz

#КИШИЛАР КЎРИШДИ…

Ибн Абид Дунёнинг “Аз-зуҳд” номли китобида келади:
“Ҳасан Басрий роҳимаҳуллоҳ айтади:
“Бир куни иссиқда халифа Умар ибн Хаттоб розияллоҳу анҳу ридосини бошига қўйиб юриб бораётган эди. Шу пайт олдидан бир бола эшак минган ҳолда ўтиб қолди. Умар розияллоҳу анҳу унга деди:
-Ҳой болакай! Мени ҳам эшагингга миндириб ол!
Болакай эшакдан сакраб тушди ва деди:
-Мининг эй мўъминлар амири!
Умар розияллоҳу деди:
-Ўзинг қаттиқ жойга ўтиб мени юмшоқ жойга миндиришни истаяпсанми?! Жойингга ўтиравер, мен сенинг ортингда ўтираман!
Улар шу ҳолатда Мадинага кириб келишди. Кишилар уларни шу ҳолда кўришди!”.

#Ўзига катта ҳиссани истайдиган худбин бўлмаслигимиз керак.
#Барча ишлаб турганида энг осон ишни танлаб оладиган разил бўлмаслигимиз лозим.
#Меросда энг яхши улушни танлаб оладиган таъмагир бўлмаслигимиз керак.
#Навбатда турганда ўзгаларнинг навбатини эгаллаб оладиган зўравон бўлмаслигимиз лозим.
#Кишиларни ўзимиздан афзал билсак нима қилади?! Ахир Аллоҳ таоло ийсор қилган бандаларини яхши кўради-ку!
#Энг хуник кўзлар фақат ўзинигина кўрадиган оч кўзлардир...

@Tahmid_uz

ЎТГАНЛАРНИ НОМИДАН ҚУРБОНЛИК
#қурбонлик

Ўтганларни номидан қурбонлик қилинадими?

💬 ЖАВОБ: Бисмиллаҳир Роҳманир Роҳим.
Жумҳур уламолар – ҳанафийлар, моликийлар ва ҳанбалийларга кўра вафот этиб кетган кишилар номидан, гарчи васият қилишмаган бўлса ҳам қурбонлик қилиш жоиз эканини, қурбонликнинг савоби уларга етишини айтишган.

Жумҳур уламолар ўзларининг айтган сўзларига ҳадисдан, қиёсдан бир қанча далилларни келтирадилар. Жумладан:

عَنْ عَائِشَةَ رضي الله عنها أَنَّ رَسُولَ اللهِ صَلَّى اللهُ عَلَيْهِ وَسَلَّمَ أُتِيَ بِكبش لِيُضَحِّيَ بِهِ، فأَضْجَعَهُ، ثُمَّ ذَبَحَهُ، ثُمَّ قَالَ: "بِاسْمِ اللهِ، اللهُمَّ تَقَبَّلْ مِنْ مُحَمَّدٍ، وَآلِ مُحَمَّدٍ، وَمِنْ أُمَّةِ مُحَمَّدٍ، ثُمَّ ضَحَّى بِهِ" (رواه الامام مسلم).

Оиша разияллоҳу анҳодан ривоят қилинади: “Расулуллоҳ саллаллоҳу алайҳи васалламнинг ҳузурларига қурбонлик қилиш учун бир қўчқор олиб келинди. У зот уни ётқизиб, сўйдилар. У зот: “Бисмиллаҳ, эй Аллоҳ, Муҳаммаддан, Муҳаммаднинг оиласидан ва Муҳаммаднинг умматидан қабул қилгин”, деб қурбонлик қилдилар” (Имом Муслим ривояти).

Бошқа бир ривоятда Пайғамбаримиз алайҳиссалом иккита қўчқор сўйиб, бирини ўзларининг номларидан бошқасини эса, қурбонлик қила олмаган умматларининг номидан қурбонлик қилганлари зикр қилинган.

عَنْ أَبِي رَافِعٍ رضي الله عنه أَنَّ رَسُولَ اللهِ صلى الله عليه وسلم كَانَ إِذَا ضَحَّى إشْتَرَى كَبَشَيْنِ سَمِيْنَيْنِ أَقْرَنَيْنِ أَمْلَحَيْنِ، فَإِذَا صَلَّى وَخَطَبَ النَّاسَ أُتِىَ بِأَحَدِهِمَا وَهُوَ قَائِمٌ فِي مُصَلاَّهُ، فَذَبَحَهُ بِنَفْسِهِ بِالْمُدْيَةِ، ثُمَّ يَقُولُ: "اللَّهُمَّ هَذَا عَنْ أُمَّتِي جَمِيعًا، مِمَّنْ شَهِدَ لَكَ بِالتَّوْحِيدِ، وَشَهِدَ لِي بِالْبَلَاغِ..." (رَوَاهُ الإِمَامُ أَحْمَدُ).

Абу Рофеъ разияллоҳу анҳудан ривоят қилинади: “Расулуллоҳ саллаллоҳу алайҳи васаллам қурбонлик қилганларида иккита семиз, шохдор, оқ-қора рангли қўчқорни сотиб олган эдилар. Намозни ўқиб, одамларга хутба қилиб, намозгоҳда турганларида қўйлардан бири олиб келинди. Шунда у зот уни пичоқ билан сўйдилар ва “Эй Аллоҳ, бу Сенинг ягоналигинг ва мени (Сен тарафингдан нозил бўлган нарсаларни) етказганимга гувоҳлик берган барча умматим номидан”, дедилар” (Имом Аҳмад ривояти).

Демак, Расули акрам алайҳиссалом барча умматлари номидан қурбонлик қилганлари очиқ ойдин зикр қилинмоқда. Маълумки, ўша пайтда вафот этиб кетган бир қанча саҳобалар ҳам бор эди. Улар ҳам умматлари қаторида ҳисобланишади. Расулуллоҳ умматлари номидан қурбонлик қилсалар, уларнинг номидан ҳам қурбонликни адо этган бўладилар. Демак, бундан васият қилмаган бўлса ҳам вафот этган кишининг номидан қурбонлик қилиш жоизлиги келиб чиқади.

Шунингдек, кўплаб ҳадиси шарифларда вафот этган кишининг номидан ҳаж қилиш, садақа қилиш жоизлиги айтилган. Ҳаж баданий ибодат, садақа эса молиявий ибодат бўла туриб, ўтганлар номидан адо этиш жоиз экан – молиявий ибодат саналмиш қурбонлик ҳам батариқи авло жоиз бўлиши керак (Аллома Алоуддин Косоний, “Бадоиъус саноиъ” китоби).

Бир киши вафот этган кишининг номидан қурбонлик қилса, худди ўзи учун қурбонлик қилгани каби унинг гўштидан ўзи истеъмол қилиши ва садақа қилиши мумкин. Бунда қурбонликнинг савоби вафот этган киши учун, гўшти эса, сўйган киши учун бўлади.

Агар вафот этган киши қурбонлик қилишни васият қилган бўлса, унинг ворислари бутун бир ёки еттидан бир ҳиссани қурбонлик қилишлари вожиб бўлади. Бунда қурбонлик гўштини барчасини фақир, мискинларга садақа қилиб юборишлари лозим бўлади (Аллома Ибн Обидин “Раддул муҳтор” китоби).

Хулоса қилиб айтганда, нисобга етарли мол-мулкка эга бўлган киши қурбонлик қилиши вожиб бўлади. Шу билан бирга киши қодир бўлса, бир неча киши номидан ҳам қурбонлик қилиши мумкин бўлади. Масалан: ўтган ота-оналари, аждодлари ва ёру биродарлари номидан. Баъзи уламолар жанобимиз Расулуллоҳ саллаллоҳу алайҳи васаллам номларидан қурбонлик қилишни ҳам яхши санашган. Чунки бунда У Зотга бўлган муҳаббатни ифода этиш бор (Зафар Аҳмад Усмоний, “Эълоус сунан” китоби). Валлоҳу аълам.

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 01 ИЮНЬ (1446ҳ -05 ЗУЛҲИЖЖА) ЯКШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:45
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:03 |   | 03:55
☪️ Пешин       ⏰ 12:40 |   | 12:50
☪️ Аср             ⏰ 17:22 |   | 17:32
☪️ Шом           ⏰ 19:41 |   | 19:41
☪️ Хуфтон     ⏰ 21:18 |   | 21:28

@Tahmid_uz

#ТАВОЗУ...

Ибн Абид Дунё ўзининг “Ат-тавозуъ” номли китобида Иброҳим ибн Аби Абла розияллоҳу анҳудан ҳадис келтиради:
“Умму Дардони Байтул Мақдисда мискина аёллар билан бирга суҳбатлашиб, овқатланиб ўтирганини кўрдим!”.

#Ёшлигимизда мактабда донга тўла бошоқнинг эгилишини ўргатишган эди. Донсиз бошоқлар эса қаддини тик тутиб туришини айтишган эди.
#Катта бўлиб англадикки, устозларнинг мақсади бошоқ эмас, инсонлар экан.

#Қуйидагини ўзингизга қоида қилиб олинг:
“Кибрланишга аслида мингта сабаби бор бўлган катта инсонларгина тавозули бўла олишади. Аслида тавозули бўлиш учун мингта сабаби бор бўлган кичик инсонларгина кибр қилишади. …!”.

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 02 ИЮНЬ (1446ҳ -06 ЗУЛҲИЖЖА) ДУШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:45
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:02 |   | 03:55
☪️ Пешин       ⏰ 12:40 |   | 12:50
☪️ Аср             ⏰ 17:23 |   | 17:33
☪️ Шом           ⏰ 19:41 |   | 19:41
☪️ Хуфтон     ⏰ 21:19 |   | 21:29

@Tahmid_uz

#Қурбонлик қилувчи киши соч ва тирноқларини оладими?

Ҳар йили зулҳижжа ойининг кириши арафасида бир масала оғиздан оғизга кўчиб юради. Бу “Қурбонликни қасд қилган киши соч ва тирноқларини оладими, йўқми?” деган масаладир. Бу борада уламолар ўртасида уч хил қараш бор:

#Биринчиси, қурбонлик қилувчига зулҳижжа ойи кириши билан то наҳр (қурбонлик) кунигача, яъни қурбонликни адо қилгунигача тирноқ ва сочини олиш ҳаром бўлади. Имом Аҳмад ибн Ҳанбал раҳимаҳуллоҳ шуни ихтиёр қилган. Бунга далил сифатида Умму Салама онамиз розияллоҳу анҳо Набий соллаллоҳу алайҳи ва салламдан ривоят қилган ҳадиси келтирилади. Расулуллоҳ соллаллоҳу алайҳи ва саллам: “Кимнинг қурбонликка аталган жонлиғи бўлса, зулҳижжа ойи кириши билан то қурбонлик қил(иб қон чиқар)магунича, сочидан ва тирноқларидан бирор нарсани олмасин”, дедилар (Имом Муслим ривояти). Бошқа ривоятда: “танасидан (бирор нарсани)” дейилган. Улар: “Бу ердаги наҳий-қайтариқ вожибни тақозо қилади. Шунга кўра, мазкур нарса (соч, тирноқ, тук)ларни тарк қилиш вожиб. Акс ҳолда, тақиқланган ишни қилган бўлади”, дейишади.

#Иккинчи қараш имом Молик ва имом Шофеъий раҳимаҳумаллоҳга тегишли бўлиб, унга кўра, қурбонлик қилувчига соч олиб, тирноқларни қисқартириш макруҳ ҳисобланади. Улар ҳам юқоридаги Умму Салама онамизнинг ҳадисларини далил қилиб келтиришади:

“Кимнинг қурбонликка аталган жонлиғи бўлса, зулҳижжа ойи кириши билан то қурбонлик қил(иб қон чиқар)магунича, сочидан ва тирноқларидан бирор нарсани олмасин”, дедилар (Имом Муслим ривояти). Бироқ, улар бу ердаги наҳий-қайтариқни таҳримий эмас, танзиҳий деб эътибор қилишган.

#Имом Суютий раҳимаҳуллоҳ айтади: “Ким қурбонлик қилмоқчи бўлса, у зулҳижжанинг аввалги ўн кунида соч ва тирноқларини олмайди. Бу тақиқ жумҳур уламолар наздида танзиҳни ифода этади. Бундай дейилишининг ҳикмати қурбонлиги эвазига дўзах ўтидан комил суратда (соч-тирноқларигача) озод бўлиши учундир”.

#Учинчиси, қурбонлик қилувчига сочини олиш, тирноқларни қисқартиришнинг ҳеч қандай кароҳати йўқ, жоиздир. Савоб умидида уларни тарк қилиш мустаҳаб саналади. Бу имом Абу Ҳанифа раҳимаҳуллоҳ қарашлари бўлиб, қуйидаги ҳадисни далил қиладилар:

#Ойша розияллоҳу анҳо айтади: “Расулуллоҳ соллаллоҳу алайҳи ва салламнинг ҳадий (Ҳарамда қурбонлик қилишга аталган жонлиқ)ларига (махсус) белги-аломатларни боғлаганимдан кейин ҳадийларини (Абу Бакр розияллоҳу анҳуга қўшиб) Каъбага юбордилар. Одамлар (ҳаждан) қайтгунларича эркаклар учун ўз уйлари (муқимлик)да ҳалол бўлган ишлар (бадандаги туклар ва тирноқларни олиш, хушбўйликлар ишлатиш, тикилган кийим кийиш, аёлларга яқинлашиш ва ҳоказо)дан бирор нарса(дан Расулуллоҳ ўзларини тийиб турмадилар, яъни) у зотга ҳаром қилинмади” (Имом Бухорий ривояти). Бу ерда Умму Салама онамиз розияллоҳу анҳонинг ҳадисларидаги ман қилинган ишларнинг мубоҳ эканига далил бор. Қолаверса, ҳадис уламоларининг таржиҳига кўра, Ойша онамиздан қилинган ривоятнинг санади Умму Салама онамиз ривоятларидаги санаддан қувватли ва ишончли саналади.

#Имом Таҳонавий раҳимаҳуллоҳ “Иълоус-сунан”да қуйидагиларни келтиради: “Расулуллоҳ соллаллоҳу алайҳи ва саллам қурбонликни ирода қилган кишини зулҳижжанинг аввалги ўн кунида соч ва тирноқларини олишдан қайтардилар. Бу қайтариқ бизнинг наздимизда авло (қилса яхши бўлади)нинг зиддига (яъни макруҳи танзиҳийга) ҳамл қилинади (йўйилади). Чунки Ойша розияллоҳу анҳонинг ҳадислари ҳам буни қўллаб-қувватлайди.

#Имом Таҳовий раҳимаҳуллоҳ айтади: “Уламолардан бир гуруҳи Умму Салама розияллоҳу анҳонинг ҳадисларини олиб, унга эргашди ва уни асл, деб ҳисоблашди. Бошқа гуруҳи эса уларга хилоф қилиб, шундай дейишди: “(Зулҳижжанинг аввалги ўн кунида) соч ва тирноқларни олиш қурбонлик қилишни қасд қилганга ҳам, қилмаганга ҳам зарари йўқ”. Бу Абу Ҳанифа, Абу Юсуф ва Имом Муҳаммад раҳимаҳумуллоҳнинг қавлларидир”.

#Хулоса қиладиган бўлсак, қурбонлик қилмоқчи бўлган кишилар зулҳижжанинг аввалги ўн кунида соч ва тирноқларини олмай туришлари мустаҳаб экан. Аммо оладиган бўлсалар ҳам уларга ҳеч қандай гуноҳ бўлмайди. Расулуллоҳ соллаллоҳу алайҳи ва салламнинг ҳадисларига амал қилиш ниятида мазкур ишларни кечга суриб туриш қурбонликнинг ажрини зиёда қилади.

Аллоҳ таоло яқинлашиб келаётган Қурбон ҳайитини барчамиз учун хайрли қилсин ва қилинадиган қурбонликларимизни Ўз даргоҳида қабул этсин!"