“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 17 МАЙ (1446ҳ - 19 ЗУЛҚАЪДА) ШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:54
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:19 |   | 04:04
☪️ Пешин       ⏰ 12:40 |   | 12:50
☪️ Аср             ⏰ 17:16 |   | 17:26
☪️ Шом           ⏰ 19:29 |   | 19:29
☪️ Хуфтон     ⏰ 21:00 |   | 21:10

@Tahmid_uz

#ТАФАККУР...

Қуръони карим бизга:
Қари ва туғмас аёл ҳомиладор бўлганини…
Эрсиз, турмушга чиқмаган покиза қиз Марям фарзанд кўрганини…
Пичоқ Исмоил алайҳис саломни кесмаганини…
Олов Иброҳим алайҳис саломни ёқмаганини…
Балиқ Юнус алайҳис саломни ютиб, ҳазм қилмаганини…
Тошнинг ичидан туя чиққанини…
Ойнинг ёрилиб иккига бўлинганини…
Чақалоқ гапирганини…
Денгиз ёрилиб йўл очилганини…гапиради!!!

#Бу билан Аллоҳ таоло бизга Ўзини имконсизликларнинг Роббиси эканлигини англатмоқда...

Хайрли тонг!

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 18 МАЙ (1446ҳ - 20 ЗУЛҚАЪДА) ЯКШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:53
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:17 |   | 04:02
☪️ Пешин       ⏰ 12:40 |   | 12:50
☪️ Аср             ⏰ 17:16 |   | 17:26
☪️ Шом           ⏰ 19:30 |   | 19:30
☪️ Хуфтон     ⏰ 21:01 |   | 21:11

@Tahmid_uz

#ҚАДР, ҚИММАТ...

Ажиб бир воқеа1956 йилда Ироқда содир бўлган.

Унда бир профессор докторлик босқичидаги иқтидорли бир талабасининг дарсларга келмаётганини сезиб қолади. У талабасининг бемор бўлгандир деб ўйлаб, уни уйига бориб кўришга қарор қилди. Профессор шогирдини университетга келишдан фақат беморлик ман қилган бўлса керак, деб ўйлар эди…

Профессор талабасининг уйига етиб борганда, у ерда фақатгина битта хароб хона борлигини кўрди. Талабанинг бу даражада фақирлигини устоз тасаввур ҳам қилмаган эди.

Шогирд устозига чой узатар экан, профессор ундан сўради:
-Нега университетга келмаяпсан?
Шунда талаба афсус билан шундай жавоб беради:
-Илм билан бир боғлам редиска ҳам сотиб олиб бўлмайди!

Профессор шогирдининг бу сўзларидан ҳайратга тушди. Савол беришга улгурмай, талаба сўзини давом эттирди:
-Устоз! Мен бир ҳафтадан бери очман. Ёнимда бор-йўғи бир ярим фулс бор эди. Бир фулсга нон сотиб олдим. Қолган ярим фулсга эса бир боғ редиска олиш учун сабзавотчининг олдига бордим. Лекин сабзавотчи менга шундай деди:
-Бир боғ редиска бир фулс!
Мен унга:
-Сенга бир наҳвга оид қоида ўргатишим ёки бир адабий ҳикоя айтиб беришим мумкин. Шунинг эвазига бир боғ редискани ярим фулсга берасанми?, дедим.
У эса кулиб шундай жавоб берди:
-Сенинг илминг бир боғ редискага ҳам арзимайди!
Мен унинг ҳақ эканини англадим. Шу боис ўқишни ташлашга ва менга нон ҳамда редиска сотиб олиш имконини берадиган бирор иш топишга қарор қилдим!

Профессор талабанинг сўзларини эшитгач, бирор-бир изоҳ бермай, бармоғидаги узукни чиқариб унга беради ва шундай дейди:
-Буни сотиб эртага университетга кел. Ўша ерда гаплашамиз!

Эртаси куни талаба келиб узукнинг пулларини устозига берди. Профессор ундан сўради:
-Бу жуда катта пул-ку, уни қаерда сотдинг?
Талаба жавоб берди:
-Уни заргарлик бозорида сотдим!
Профессор яна сўради:
-Нега уни сабзавотчига сотмадинг?
Талаба:
-Чунки у тилланинг қадрини билмайди!
Шунда профессор шундай дейди:
-Худди шундай, сабзавотчи илмнинг ҳам қадрини билмайди!!!

#Баъзан қилган ишларимиз жавобсиз қолади. Муаммо илмингизнинг қийматсизлигида эмас, балки уни илмни қадрламайдиганларга сарфлаганингиздадир!
Бунақа воқеалар доим такрор бўлиб туради. Гоҳида тасарруфларимизнинг садосини эшитмаймиз. Бунинг сабаби қадрламайдиганлар билан қилган муомаламиз бўлади.

#Агар севги бериб, эвазига дард олсангиз, бу дегани севги қийматсиз дегани эмас, балки уни нотўғри одамга тақдим қилганингизни англатади.
#Агар яхшилик қилсангиз-у, эвазига ёмонлик олсангиз, бу дегани яхшилик самарасиз дегани эмас. Фақат баъзи инсонлар яхшиликка лойиқ эмас деганидир.
#Аввало, ўзингизни қаерга қўяётганингизга қаранг. Кейин эса қилган ишларингизнинг натижасини сўранг.

#Баъзан катта боғда биттагина гул ҳеч қандай аҳамиятга эга эмасдек туюлади. Лекин уни ошиқ узиб олиб, севгилисига тақдим қилса, у гул дунёдаги энг чиройли гулга айланади.

#Ҳаммасининг қандайлиги эмас, қаерда экани, қачонлиги эмас, ким билан экани муҳим...

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 19 МАЙ (1446ҳ - 21 ЗУЛҚАЪДА) ДУШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:53
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:16 |   | 04:01
☪️ Пешин       ⏰ 12:40 |   | 12:50
☪️ Аср             ⏰ 17:17 |   | 17:27
☪️ Шом           ⏰ 19:31 |   | 19:31
☪️ Хуфтон     ⏰ 21:03 |   | 21:13

@Tahmid_uz

#БУЮКЛАР ШУНАҚА БЎЛАДИ...

Имом Бағавий роҳимаҳуллоҳ ўзининг "Шарҳус сунна" китобида келтиради:
"Зайд ибн Собит розияллоҳу анҳу уйида энг қувноқ кишилардан эди. Кўчага чиққанида ҳақиқий рижолга айланар эди!".

#Буюклар шунақа бўлади. Энг гўзал муомаласига аввал уйидагиларни муносиб деб билишади.
#Бугунги дардлардан бири шуки, баъзилар кўчада очиқ юзли ва қувноқ юради. Уйига кириши билан жиддий бўлиб олиб қовоғидан қор ёғилади. Гўё мотамда дейсиз уни.
#Баъзилар уйидан ташқарида қўли очиқ, уйига кириши билан қўли қаттиқ бахилга айланади.
#Баъзилар кўчада кечиримли ва бағрикенг, уйда эса аҳлининг юрагини сиқиб юборадиган даражада мижғов.
#Жуда ҳам қизиқ бир тафовут. Қандай тушунтиришни ҳам билмайсиз, буни оқлаб ҳам бўлмайди.
#Уйида хулқи гўзал бўлмаганларнинг кўчадаги ахлоқи ниқобдир...


@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 20 МАЙ (1446ҳ - 22 ЗУЛҚАЪДА) СЕШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:53
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:16 |   | 04:01
☪️ Пешин       ⏰ 12:40 |   | 12:50
☪️ Аср             ⏰ 17:17 |   | 17:27
☪️ Шом           ⏰ 19:32 |   | 19:32
☪️ Хуфтон     ⏰ 21:04 |   | 21:14

@Tahmid_uz

#ЖОЙ ҚОЛДИРИНГ...

Имом Бухорий роҳимаҳуллоҳнинг "Адабул муфрад" китобида келади:
"Умар ибн Хаттоб розиёллоҳу анҳу айтади:
"Муҳаббатинг ҳаддан ортиқ бўлмасин. Нафратинг нариги томонни ҳалок қиладиган даражада қаттиқ бўлмасин!".

#Севсангиз ақлингиздан воз кечар даражада севманг. Чунки қалб ўзгарувчандир.
Эҳтиёт бўлинг! Кўпчилик кўпинча ишонган ва кафолатланган жойларидан зарба ейди.
#Ўнта бармоғини ўзгалар учун шам ўлароқ куйдирганлар келажакда афсусдан тишлаш учун битта ҳам бармоқ топа олмай қолишлари мумкин!
#Бировни ёмон кўрсангиз сулҳ учун жой қолдиринг. Чунки ҳолат ўзгарувчандир.
#Жанжаллашганда рақибининг йўлларига тикан сочганлар куни келиб ўша йўлдан ялангоёқ ўтишларига тўғри келиб қолади.
#Ҳамма кўприкни бузиб ташламанг. Куни келиб ўтишга йўл топа олмай қолишингиз мумкин.
#Деворни баланд кўтариб юборманг. Куни келиб унинг тепасига чиқишга мажбур бўлиб қолишингиз мумкин...

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 21 МАЙ (1446ҳ - 23 ЗУЛҚАЪДА) ЧОРШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:52
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:15 |   | 04:00
☪️ Пешин       ⏰ 12:40 |   | 12:50
☪️ Аср             ⏰ 17:18 |   | 17:28
☪️ Шом           ⏰ 19:32 |   | 19:32
☪️ Хуфтон     ⏰ 21:06 |   | 21:16

@Tahmid_uz

#НЕЪМАТЛАР ИЧИДАМИЗ...

Имом Аҳмад роҳимаҳуллоҳнинг "Муснад"ида Ҳориса ибн Мағрибдан ривоят келади:
"Хаббоб розияллоҳу анҳунинг ҳузурига кирдим. Унга кафани келтирилди. Хаббоб кафанини кўриб йиғлаб туриб деди:
"Ҳамзага кафан топа олмасдан чопонига ўраб кўмган эдик. Оёғини ёпсак боши очилиб қолди. Бошини ёпсак оёғи очилиб қолди. Чопон билан бошини ўрадик, оёғини эса изхир номли ўсимлик билан ўраб дафн қилдик!".

#Шунга ўхшаш ривоят Абдурраҳмон ибн Авф розияллоҳу анҳудан ҳам келган. У Мусъаб ибн Умайр розияллоҳу анҳу ҳақида шундай деган.

#Ўзгаларнинг маҳрумлигини эслаб турсангиз ўзингиздаги неъматнининг қадрига ета бошлайсиз.
#Тушликдаги иссиқ овқатингиз ёқмаса ҳар куни нон ва сув билан кунини ўтказаётганларни эсланг.
#Фарзандингизнинг баҳолари сизни қониқтирмаётган бўлса фарзанди ногиронларни ёдингизга олинг.
#Қийналмасдан уйланган бўлсангиз ёдингиздан чиқмасин, уйланишни орзу қилиб уйлана олмасдан юрган йигитлар минглаб топилади.
#Биз неъматлар ичидамиз. Ортиқчаси керак эмас. Бизга етмайдигани Аллоҳга нисбатан одоб холос...

@Tahmid_uz

#Мусофирга қурбонлик қилиш вожибми?

❓Савол: Мусофир кишига қурбонлик қилиш вожиб бўладими?

📥Жавоб: Бисмиллаҳир Роҳманир Роҳим. Мусофир киши гарчи бой бўлса-да, унинг зиммасига қурбонлик сўйиш вожиб бўлмайди (“Фатавои Оламгирия” китоби).
Демак, қурбонлик сўйиш вожиб бўлган кунларда бой одам мусофир бўлса-да, қурбонлик қилиши вожиб эмас. Мусофирлиги сабаб қурбонлик қилмагани учун гуноҳкор бўлмайди.
Мабодо, мусофирлигига қарамасдан қурбонлик сўяверса, қурбонликнинг савобига эришади. Шуни ҳам таъкидлаш керакки, мусофир кишига қурбонлик сўйиш вожиб бўлмаслиги учун шаръан мусофир бўлиши керак. Яъни, бир киши уч кеча-кундузлик (≈90 км) масофани ният қилиб, ўз шаҳридан чиқса ва 15 кундан оз муддатда уйига қайтиш режаси бўлса ёки қачон қайтиши номаълум бўлса, шаръий мусофир бўлади ва бундай кишига қурбонлик сўйиш вожиб бўлмайди. Аммо мусофир юртда 15 кун ёки ундан ортиқ муддат туришни ният қилган киши шаръий мусофир бўлмайди, балки муқим (мусофир бўлмаган киши) бўлади. Бундай киши бой бўлса, албатта, қурбонлик сўйиши вожиб бўлади. Валлоҳу аълам.

“Фатволар тўплами”дан.

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 22 МАЙ (1446ҳ - 24 ЗУЛҚАЪДА) ПАЙШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 04:51
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:14 |   | 04:00
☪️ Пешин       ⏰ 12:40 |   | 12:50
☪️ Аср             ⏰ 17:18 |   | 17:28
☪️ Шом           ⏰ 19:33 |   | 19:33
☪️ Хуфтон     ⏰ 21:07 |   | 21:17

@Tahmid_uz

#ЁРДАМЛАШИНГ...

Рабийъа ибн Каъб Асламий розияллоҳу анҳу айтади:
"Бир кеча Набий саллоллоҳу алайҳи ва саллам билан тунадим. У зотга таҳоратга сув бердим ва бошқа хизматларини қилдим. Шунда менга дедилар:
- Эй Каъб! Сўра!
Мен дедим:
- Жаннатда сизга ҳамроҳ бўлишни сўрайман!
- Балки бошқа нарса сўрарсан?
- Йўқ, ўшани сўрайман!
- Ундай бўлса кўпроқ сажда қилишинг билан менга ёрдамлаш!".

#Ҳеч ким жаннатга амали билан кира олмайди. Ҳатто Набий саллоллоҳу алайҳи ва саллам ҳам. Иншааллоҳ Роббимизнинг изни, фазли ва раҳмати билан кирамиз!
#Аммо ибодатлар раҳматни жалб қилувчидир.

#Агар қуръонингизни тарк қилсангиз, устини узоқ вақт чанг босиб ётса, намозга дангасалик қилсангиз, вақтидан кечиктирсангиз, тунги намозларга туришга нафсингиз йўл бермаса, садақа берсам молим камаяди деб ўйласангиз, тилингиз зикр билан эмас, дунё билан банд бўлса қанақа қилиб Аллоҳнинг раҳматини умид қиласиз...

@Tahmid_uz

#ҚУРБОНЛИК ҚИЛИНАДИГАН ЖОНИВОРЛАР

#Масала: Агар фақир ва мискин кишилар кўп бўлса, кўп гўшт қиладиган жониворни қурбонлик қилиш афзалдир. Агар заруратманд кишилар оз бўлса, қиммат ва гўшти ширинини сўйиши афзалдир (30 бет).

#Масала: Битта семиз жониворни сўйиш икки озғин ҳайвонни сўйишдан афзалдир. Агар мол ёки туяни еттидан бир қисмининг гўшти битта қўйнинг гўштини қийматидан ёки гўштидан озроқ бўлса, еттидан бир ҳиссани қурбонлик қилиш афзалдир. Агар иккиси ҳам баробар бўлса, бир бутун қўйни қурбонлик қилиш афзалдир(30 бет).

#Масала: Урғочи жониворни қурбонлик қилиш жоиз, эркагини қурбонлик қилиш эса афзалдир. Бировни омонатга қўйган маблағига жонлиқ олиб қурбонлик қилиш жоиз бўлмайди. Аввал ижозат олиб, кейин сотиб олса, жоиз бўлади (32 бет).

#Масала: Қурбонликка деб сотиб олинган қўйни юнгини олиш жоиз эмас. Агар юнгини олиб қўйса, юнгини қийматича садақа қилиши вожиб бўлади. Қари сигир ва солиқ қўйларни қурбонлик қилиш жоиз (39).

#Масала: Гангир қўйни гангирбошлиги ўт-ўланни ейишдан ман қилмаса, уларни қурбонлик қилиш жоиз бўлади (39).

#Масала: Мол тўлиқ икки ёшга тўлмаган бўлса ёки икки ёшга тўлишига икки кун қолган бўлса, уни қурбонлик қилиш жоиз бўлмайди (45).

#Масала: Насияга олинган жониворни қурбонлик қилиш жоиз бўлади (54).

#Масала: Қурбонлик қилинадиган жониворни олдин сотиб олиб боқиб туриши афзал. Токи, унга муҳаббат қилиб қолади ва яхши кўрган нарсасини қурбонлик қилишда савоб кўпроқ бўлади (58).

#Масала: Қурбонлик қилинадиган жониворларни ёши мол ва қўтосларда тўлиқ икки ёш, туя беш ёш, қўй ва эчки бир ёшдир. Агар булардан бир кун ҳам кам бўлса, қурбонлик қилиш жоиз бўлмайди. Лекин, бир ёшга кирмаган қўйнинг жуссаси бир ёш қўй жуссасичалик бўлса, яъни олти ойлик қўзи бир ёшлик қўй жуссасичалик гавдаси бўлса, уни қурбонлик қилиш жоиз бўлади. Лекин, олти ойга тўлмаган қўзини жуссаси бир ёшлик қўй каби бўлса, уни қурбонлик қилиш жоиз бўлмайди (61)."