#ТАЪНА...

Бир киши масжид набавий олдидан ўтди. Унинг ёнида камон ўқлари бор эди. Уни кўрган Набий саллоллоҳу алайҳи ва саллам унга шундай дедилар:
- Камон ўқларининг тиғидан ушлаб ол!

#Кишиларга жароҳат етказиши мумкин бўлган ҳар қандай тиғли нарсани тиғидан ушлаб кишиларга озор етказмайдиган ҳолатда юриш Пайғамбарлар тарбиясидир.
#Шу нарсани унутмаслигимиз лозимки, тилимизнинг тиғи камонникидан ўткирроқдир. Аммо кўпчилик бундан ғофилдир.
#Бир киши айтади, бундан ўттиз йиллар олдин бир дўстим мени "фақир" деб кўпчилик ичида камситган эди. Сўнгра келиб ўзимдан кечирим ҳам сўраган. Мен кечирдим деганман. Аммо қалбимдан ҳали ҳам қон томчилайди...
#Гоҳида тилдан етган жароҳат тиғникидан ҳам ёмонроқ бўлади. Тиғнинг жароҳати вақт ўтиб битиб тузалиб кетади. Аммо тилнинг жароҳатидан қалбдан доим қон оқиб туради.

#Нега ҳалигача уйланмадинг. Бу саволми ёки таъна?
#Нега ҳалигача турмушга чиқмадинг. Бу сўроқми ёки шапалоқми?
#Нега ҳалигача уй жиҳозларингиз эски. Бу уларга ачинишми ёки уларнинг сабрини вайрон қилишми?
#Нега фақат эски кийим кийиб юрасан. Бу муҳаббатми ёки ғаламисликми?!
#Нега ҳамма умрага борди, сен бормаяпсан. Бу меҳрибонликми ёки бефаҳмлик?

#Таънанинг шакли кўп. Аҳмоқона савол шулардан биридир...

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 04 МАЙ (1446ҳ - 06 ЗУЛҚАЪДА) ЯКШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 05:08
🌆 Қиём вақти   ⏰ 12:15

                                Азон       Такбир
☪️ Бомдод     ⏰ 03:38 |   | 04:23
☪️ Пешин       ⏰ 12:40 |   | 12:50
☪️ Аср             ⏰ 17:08 |   | 17:18
☪️ Шом           ⏰ 19:15 |   | 19:15
☪️ Хуфтон     ⏰ 20:41 |  | 20:51

@Tahmid_uz

#БИР ОЯТ...

كُلُّ نَفْسٍ ذَائِقَةُ الْمَوْتِ ۗ وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ

Анбиё сураси 35-оят.

Яъни, "Ҳар бир жон ўлимни тотиб кўргувчидир. Биз сизларни ёмонлик ва яхшилик ила имтиҳон ўлароқ синаймиз ҳамда Бизгагина қайтариласиз!".

#Ўлим қадаҳидан барча ичади.
Мўъмин ҳам, фожир ҳам, Пайғамбар ҳам, золим ҳам, жин ҳам, фаришта ҳам...
Фақат Аллоҳнинг Ўзи қолади!

#Ўлим ҳикоянинг охири эмас, аксинча ҳикоянинг бошланишидир. Ўлим энг кучли воиздир.
#Машҳур шоир Абу Нувоснинг солиҳ бир қўшниси бор эди. Абу Нувос шароб ичишга берилган эди. Солиҳ қўшниси уни Аллоҳ томон даъват қилар, ароқни ташлашга чақирар эди.
Ўша солиҳ қўшни вафот қилди. Абу Нувос унинг жанозасига борди. Уни қабрга қўйилгандан сўнг Абу Нувос деди:
"Сенинг бугунги ваъзинг олдингиларидан таъсирлироқ бўлди!".
Яъни, сенинг тириклигингда қилган барча ваъзларинг мана бу қабрда туриб қилган ваъзинг олдида ҳеч нарса бўлиб қолди, демоқчи бўлди...

@Tahmid_uz

#ЯХШИЛИК...

Ушбу ажойиб қисса Аҳмад ибн Мискиндан ривоят қилинади. У зот тобеинларнинг улуғларидан бўлган.
Бир шаҳарда Абу Наср Саййод исмли киши яшар эди. Унинг аёли ва бир ўғли бўлиб, улар фақирликда ҳаёт кечирар эдилар. Кунларнинг бирида, Абу Наср, оиласининг очликдан қаттиқ қийналаётганлиги сабабли ғамгин бўлиб кўчада кетаётганида, мусулмонлар олимларидан бири - Шайх Аҳмад ибн Мискиннинг олдидан ўтиб қолди. У шайхга зорланиб: “Мен қийналиб кетдим,” – деди.
Шайх:
- Мен билан денгизга юр – деди. Улар денгизга боришгач, Шайх унга икки ракъат намоз ўқишни буюрди. Абу Наср намоз ўқиди. Шайх:
- “Бисмиллоҳ” дегин – деди. У шайхнинг айтганини қилиб, қармоқни сувга ташлаган эди шу заҳотиёқ катта балиқ илинди.
Шайх:
- Бу балиқни сотиб, аҳли оиланг учун егулик олгин – деди.
Абу Наср бозорга бориб, балиқни сотди ва пулига иккита қатлама харид қилди – бири гўштли, бири ҳолвали. У қатламаларнинг бирини Шайхга олиб борди. Шайх: “Бу билан нафсимизни қондирганимизда, балиқ илинмаган бўлар эди,”- деди. Яъни Шайх яхшилик қилар ва бунинг учун мукофот кутмас эди. У зот қатламани қайтариб берди ва: “Буни ўзинг ва оиланг учун олиб кет,” – деди.
Абу Наср уйига қараб йўл олди. Йўлда кетаётиб бола кўтарган бир аёлни учратди. Улар очликдан қийналиб йиғлаб ўтирган экан, Абу Насрнинг қўлидаги қатламаларга қараб қолишди. Абу Наср ўзига-ўзи: “Бу аёл билан боласи менинг хотиним ва болам каби қийналяпти, нима қилсам экан?”- деб ўйланиб қолди. Аёлга қаради-ю кўзидаги ёшига чидолмай: “Мана бу қатламаларни олинг,” – деди. Аёл ва унинг ўғли хурсанд бўлиб кетишди...
Абу Насрнинг бошига яна ғам тушди, энди ўғли ва хотинини қандай қилиб тўйдиради? У ўйга ботиб келаётган пайтда бир киши: “Менга Абу Наср Саййоднинг уйини ким кўрсатиб бера олади?”-деб сўраётганини эшитиб қолди. Одамлар у кишига Абу Насрни кўрсатиб юборишди...
“Менга отангиз йигирма йил аввал қарз бериб, ўзи вафот этибди. Мен уни роса қидирибман. Мана бу отангизнинг пули, ўттиз минг дирҳам, шуни олиб қўйинг,”- деди нотаниш киши. Абу Наср Саййод ўзининг кейинги ҳаётини гапириб шундай деди: Шундан кейин мен бойиб кетдим. Уйлар олдим, тижорат қила бошладим. Бунинг шукронасига ҳар сафар минг дирҳамдан садақа берар эдим. Шу зайлда кунлар ўтди.
Мен шунақа кўп садақалар берар эдимки, ўзим ҳам ҳайрон қолар эдим. Бир куни туш кўрдим. Тушимда тарозига амалларим тортилаётган экан. Гуноҳларим яхшиликларимдан оғир бўлиб кетди. Мен: “Берган садақаларим қани?”- дедим. Шунда, садақаларим тарозига қўйилди. Қарасам, ҳар минг дирҳамга шаҳвоний нафс ёки манмансираш аралашган бўлиб, садақаларим пахта толаларидай бирор қийматга эга бўлмади. Гуноҳларим тарозида устун бўлиб қолаверди. Мен йиғлаб, энди нажотни қаердан топаман, деб турганимда, бир овоз:
- Унинг бирор нарсаси қолдими? – деб сўради. Бир фаришта:
- Ҳа, унинг иккитагина нони қолди, - деди. Шунда тарозига иккита нон (қатлама) қўйилди. Яхшиликлар палласи оғирлашиб гуноҳлар палласи билан тенглашди. Мен хавотирга тушиб қолдим. Яна овоз келди:
- Яна бирор нарса қолдими?
- Яна бир нарса қолди.
- Нима экан у?
- Нонни олган аёлнинг хурсанд бўлганидан тўккан кўз ёшлари.
Кўз ёшлар тарозига қўйилган эди, улар тошдай оғир бўлиб яхшиликлар палласини босиб кетди. Мен эса бениҳоя хурсанд бўлиб кетдим. Яна овоз келди:
- Яна бирор нарса қолдими?
- Ҳа, нонни олган болакайнинг табассуми...
Яхшиликлар палласи янада оғирлашиб кетди. Шунда овоз келди:
- Нажотга эришди, нажотга.
Шу заҳоти мен уйғониб кетдим-у: “Бу билан нафсимизни қондирганимизда, балиқ илинмаган бўлар эди,” – дедим.
Яхшилик қил ва уни кўпайтир, лекин амалингни доим Аллоҳ таоло учун холис бажар. Албатта амаллар ниятга боғлиқдир, албатта ҳар бир киши ниятига етади. Аллоҳдан гўзал амал ва гўзал хотима сўраб қоламиз...

@Tahmid_uz

ТОИФ ВА ЖИДДА ШАҲАРЛАРИ МИЙҚОТ ИЧИДАМИ?
#Ҳаж_умра

Тоиф ва Жидда шаҳарлари мийқот ичидами ёки ташқарисида?

💬 ЖАВОБ: Бисмиллаҳир Роҳманир Роҳим.
Тоиф шаҳри Маккаи мукаррамадан тақрибан 75 км узоқликда жойлашган бўлиб, у жойга борган одам ҳарам ҳудудидан чиқиб, мийқотдан ҳам ўтиб кетган бўлади. Бу киши яна Макка шаҳрига қайтиб кирмоқчи бўлса, албатта “Қорнул-манозил” (“Сайлул-кабир” деб ҳам номланади) мийқотидан умра учун эҳром боғлаб кириши вожиб бўлади ва акс ҳолда бир қўй сўйиши вожиб бўлади.

Бу борада “Ғунятун носик” китобида шундай дейилган:

المكي إذا خرج إلى الحل لحاجة له أن يدخل مكة بغير إحرام بشرط أن لا يكون جاوز الميقات
الأفاقي، فإن جاوزه فليس له أن يدخل مكة بغير إحرام؛ لأنه صار آفاقيا (بحر)

Яъни: “Маккалик киши (жумладан, Маккада турган ҳожилар) ҳарамнинг ташқариси лекин мийқотнинг ичидаги ҳудудга бирор бир ҳожати учун чиқадиган бўлса ва модомики, офоқийларнинг (ташқаридан келувчилар) мийқотини чегарасидан ўтиб кетмаса, унга Макка шаҳрига эҳромсиз қайтиб кириши жоиздир. Агар, мийқотдан ўтиб кетса, у ҳолда Маккага эҳромсиз қайтиб кириши жоиз эмас” ("Баҳрур-роиқ". 2/559-560 б.) ("Ғунятун-носик"/110-бет).

Бу борада “Анворул-маносик” китобида қуйидагича баён қилинган: “Жидда шаҳри Маккадан тахминан 79 км масофада жойлашган бўлиб, унинг мийқот ичидалиги ҳақида эса, уламоларимизнинг икки хил сўзлари мавжуд.

Биринчи фикрга кўра, Жидда шаҳри мийқотнинг ичида жойлашган.

Иккинчи фикрга кўра эса, Жидда шаҳрининг ўзи мийқот ҳисобланади. Зеро, у икки мийқот яъни “Яламлам” ва “Жуҳфа” мийқотларининг орасида жойлашган бўлиб, ҳазрати Умар розияллоҳу анҳунинг чиқарган ҳукмларига кўра, икки мийқот оралиғида жойлашган маконлар ҳам мийқот ҳисобланади. Шунга кўра, Жиддага денгиз йўли орқали келувчилар ҳамда ғарб мамлакатларидан самолётлар билан келувчилар учун Жиддадан эҳром боғлаш ҳеч бир кароҳатсиз жоиздир. Чунки, булар бирор-бир мийқотга кирмай, тўғри Жиддага борадилар. Лекин шимоли-шарқий ва жануби-шарқий мамлакатлардан, масалан Ўрта Осиёдан самолёт билан Жиддага борувчи ҳожилар аввалроқдан эҳром боғлашлари лозим бўлади. Чунки улар “Қорнул-манозил” ёки “Зоти Ирқ” ёки “Зул-Ҳулайфа” мийқотлари тепасидан учиб ўтиб, сўнг Жидда аэропортига қўнадилар” ("Анворул-маносик", 118-бет).

Демак, ҳар икки фатвога кўра ҳам Жидда шаҳрининг ўзи мийқот ёки мийқотнинг ичида бўлиб, мийқотнинг ташқарисида ҳисобланмайди ва у жойга Маккадан борган кишиларга яна қайтиб Макка шаҳрига киришларида эҳромга киришлари шарт эмас. Зеро, улар мийқот ҳудудидан ташқарига чиққан бўлмайдилар. Валлоҳу аълам.

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 05 МАЙ (1446ҳ - 07 ЗУЛҚАЪДА) ДУШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 05:07
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:37 |   | 04:22
☪️ Пешин       ⏰ 12:40 |   | 12:50
☪️ Аср             ⏰ 17:09 |   | 17:19
☪️ Шом           ⏰ 19:16 |   | 19:16
☪️ Хуфтон     ⏰ 20:42 |  | 20:52

@Tahmid_uz

#БИР ОЯТ...

وَسَارِعُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ

Оли Имрон сураси 133-оят.

Яъни, "Роббингиздан бўлган мағфиратга ва кенглиги осмонлару ерча бўлган, тақводорлар учун тайёрлаб қўйилган жаннатга шошилинг!".

#Шошилинг! Чунки ўлим кутиб ўтирмайди.
"Эртага тавба қиламан"...
"Эртага ўқишни тартибга соламан"...
"Эртадан парҳезни бошлайман"...
"Эртадан қуръон ёдлашни бошлайман"...
"Эртага фалон беморни бориб кўраман"...

#Эрта келади, аммо биз бирорта ҳам мақсадимиз сари ҳаракат қилмаган бўламиз.
Узун орзулар ҳақида эса асло сўраманг. Худди ўлмайдигандек орзулар, режалар қилаверамиз...

#Ўрни келганида шуни айтай, бир неча дақиқа олдин вафот этганларнинг ҳам юқоридаги каби режалари, орзу-умидлари бор эди.
#Шошилинг, чунки беғам бўлиш сизга жуда қимматга тушиши мумкин.
#Санобуҳий айтади:
"Ямандан Набий саллоллоҳу алайҳи ва салламни кўриш учун сафарга чиқдик. Мадинага етиб келганимизда бизга Набий саллоллоҳу алайҳи ва салламнинг вафот этганларига беш кун бўлганини айтишди!".

#Беш кун кечикиш уларни саҳобалик бахтидан жудо қилди.
#Шошилинг! Кечикиш бизни жаннатдан маҳрум қилиб қўйиши мумкин...

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 06 МАЙ (1446ҳ - 08 ЗУЛҚАЪДА) CEШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 05:06
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:35 |   | 04:20
☪️ Пешин       ⏰ 12:40 |   | 12:50
☪️ Аср             ⏰ 17:09 |   | 17:19
☪️ Шом           ⏰ 19:17 |   | 19:17
☪️ Хуфтон     ⏰ 20:44 |  | 20:54

@Tahmid_uz

#МУҲСИН БАНДА...

Қуръондан ўқиркансиз ва ўрганар экансиз ундаги қиссаларнинг ажиб эканини кўрасиз. Доим Юсуф алайҳис саломнинг яхши инсон, муҳсин банда бўлгани ҳақида ўйлайсиз. У ёшлигидан умрини бешафқат ҳаёт билан курашда ўтказди.
Аммо таажжуб, шунча қийин вазиятларда ҳам муҳсинлардан бўлиб қолаверди.
Юсуф алайҳис саломнинг қиссаси келмиш сура охиридан бунинг сирини англагандек бўласиз. Сура охирида Юсуф алайҳис салом: "Дарҳақиқат У (Аллоҳ) менга яхшилик қилди!", дейди.
У бу қийинчилик ва синовларда ҳам фақат Аллоҳнинг эҳсонини, яхшилигини, лутфини кўради.
#Зиндонга ташланганида "Мен мазлум бўлдим" демади. Аксинча қамоқдан чиққанида: "У менга яхшилик қилди, мени қамоқдан чиқарди!", деди.
#Акалари унга зулм қилишганда "Нега акаларим менга зулм қилишди?", деб акаларини айбламади, балки отасига: "Шайтон мен билан акаларим ўртасига низо солгач, биёбондан сизларини (бу ерга) жамлади!", деди.
#Ҳатто Миср азизининг хотини билан фитналанганда ҳам унинг яхшилигини унутмаган эди: "Аллоҳ сақласин, ахир у(Миср азизи) жойимни яхшилаб берган хўжам-ку!", деган эди. Яъни, менга шунча яхшилик қилган инсоннинг хотини билан бузуқлик қиламанми, деган эди.
#Юсуф алайҳис салом бошига тушган ҳар балода Аллоҳнинг яхшилигини, лутфини кўра олган эди. Умрининг ҳар бир тафсилотида Аллоҳнинг фазли ва карамини идрок қила олган эди. Табиийки, унинг қалби шукрга, нурга тўлиб атрофидагиларга ҳам тошар эди.
#Аллоҳ унга доимий эҳсон қилар экан, қандай қилиб у ҳам муҳсин банда бўлмасин?!

#Агар тадаббур қилсак, ҳаммамиз Аллоҳнинг эҳсони ичидамиз...

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 07 МАЙ (1446ҳ - 09 ЗУЛҚАЪДА) ЧОРШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 05:05
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:34 |   | 04:19
☪️ Пешин       ⏰ 12:40 |   | 12:50
☪️ Аср             ⏰ 17:10 |   | 17:20
☪️ Шом           ⏰ 19:19 |   | 19:19
☪️ Хуфтон     ⏰ 20:46 |  | 20:56

@Tahmid_uz

#АБУ БАКР ЎЗИБ КЕТДИ...

Бир куни Набий саллоллоҳу алайҳи ва саллам кечаси Абу Бакр ва Умар розияллоҳу анҳумо билан масжидга кирдилар. Масжидда бир киши қуръон ўқиётган эди. Набий саллоллоҳу алаҳи ва саллам уни тинглаб тўхтаб қолдилар ва кейин дедилар:
“Ким қуръонни янги нозил бўлгандек ўқишни истаса Умму Абднинг ўғли каби ўқисин!”.
Абу Бакр ва Умар розияллоҳу анҳумо билдиларки, қуръон ўқиган киши ибн Масъуд розияллоҳу анҳу экан!
Тонг отгач, Умар розияллоҳу анҳу бу хушхабарни айтиш учун ибн Масъуд розияллоҳу анҳунинг уйига борди. Ибн Масъуд розияллоҳу анҳу унга деди:
-Сендан олдин Абу Бакр келиб айтган эди!

#Инсонларнинг муваффақият қозониши сизнинг мағлубиятингиз эмас. Уларнинг бой бўлиб кетиши сизнинг фақир бўлишингиз эвазига бўлмайди. Қалбингизни тозаланг. Қалбингизни кишиларга муҳаббат қилишга одатлантиринг. Уларга яхшиликни истанг. Ёдингиздан чиқмасин, жаннатга олиб борадиган энг қисқа йўл қалб саломатлигидир!
#Сулаймон алайҳис саломнинг ҳидоят ташиган Ҳудҳуди каби яхшилик элчиси бўлайлик.
#Тўфоннинг тугаши ҳақида хушхабар берган Нуҳ алайҳис саломнинг кабутари каби бўлайлик.
#Кишилар орасида яхшилик билан юрайлик. Кишиларнинг ортидан айтилган яхши хабарларни уларга етказайлик. Улар ҳақида эшитган ёмон гапларни ташиманг, уларни яширайлик.
#Чақимчилик қилиб Иблисга элчи бўлмайлик...

@Tahmid_uz

“Эй иймон келтирганлар! Сабр ва намоз ила мадад сўранглар.”
(Бақара сураси 153-оят)

2025 ЙИЛ 08 МАЙ (1446ҳ - 10 ЗУЛҚАЪДА) ПАЙШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

🌇 Қуёш вақти   ⏰ 05:05
🌆 Қиём вақти   ⏰ 12:14

                                Азон       Такбир
☪️ Бомдод     ⏰ 03:33 |   | 04:18
☪️ Пешин       ⏰ 12:40 |   | 12:50
☪️ Аср             ⏰ 17:11 |   | 17:21
☪️ Шом           ⏰ 19:20 |   | 19:20
☪️ Хуфтон     ⏰ 20:47 |  | 20:57

@Tahmid_uz

#ЙИҒИНИНГ САБАБИ...

Бир куни Умар ибн Хаттоб розияллоҳу анҳу халифалиги даврида Масжидун Набавийга чиқди. У ерда Муоз ибн Жабал розияллоҳу анҳунинг йиғлаб ўтирганини кўрди. У жуда ҳам ўксиниб йиғлар эди. Умар розияллоҳу анҳу ундан сўради:
-Нега йиғлаяпсан эй Муоз?
Муоз розияллоҳу анҳу деди:
-Расулуллоҳ саллоллоҳу алайҳи ва салламдан эшитган бир ҳадисим сабабли йиғлаяпман. Набий саллоллоҳу алайҳи ва саллам шундай деган эдилар: “Риёнинг озгинаси ҳам ширкдир. Ким Аллоҳнинг дўстларини душман тутса Аллоҳга қарши уруш очибди. Аллоҳ таоло тақводор, махфий, йўқолганида биров сўрамайдиган, келганида биров танимайдиган, қалблари худди ҳидоят чироғи каби бўлган аброрларни севади...!”.

#Набий саллоллоҳу алайҳи ва саллам бизни риёдан огоҳлантираяптилар. Риё бу инсонларга амалини кўрсатиб мазза қилиш. Бундан мақсад Аллоҳнинг розилиги бўлмайди, балки фақат инсонларни хурсанд қилиш, уларга мақтаниш ва уларнинг розилигини олиш бўлади.
#Бу ҳадисда Набий саллоллоҳу алайҳи ва саллам бизга Аллоҳга энг суюкли банда ихлосли банда эканлигини айтмоқдалар...

@Tahmid_uz