شايلك حِقد بالدَرب لو الاگيك
و أشوفك تحترگ و تأشَر
أفزَعلك
صَح أركضلك وكُل هَمي
أوصلك
ما طَفيك و صوغَه حطب
جَايبلك.

شِجاك و ضَيعتني شگد أناني
أهَم شَغلة بِحياتك چانت أني
ما تِلگاني بيهُم جَرب و شوف
تِحَب عِشرين ما ينسَد مكاني

راسه بحضن غيري
ودزلي مرسال
متغير يكلي وانت عايل!
اني عايل؟

ما ظلي أهلي ما ظلوا أحباب
و أعز الناس ناموا جوىٰ التراب.

لا تضل كل ساعه تِسأل
جاي أرمم بالخراب البيه عفته
ولا تگلي شيوجعَك
توجعني انتَ.

ليش هواي تِبچي؟
عِراقي.

شَفتك لحظه بَس بعيونيّ عِشت سِنين.

ولكَيتك
ولكَيتك والدي ودكتوري ودواي
وطَريقي الأمن
ليوم القيامة
دخيلك هَاك گلبي
التالف المتعوب
الملطخ سواد
ترجَعة جامه
أجيتك تارس عَيوني الحسافات
وأرد مَنك ترس
وجَهي أبتسامه.

باچر يجينه العَيد
شلون أهنيك؟
تِسمَحلي أشيل العين
و بنُصهَا أخَليك
عِيد الله هنهَ عيدين
بَس أحلاهِن أنتَ
عيد الله هَذا الجاي
بس أنتَ يمتى؟.

عيدك مُبارك يبعد رموشي هاي
الطَاحن گبالك كثر نَضراتي بيك
مو فقط بالعيد أحبك عيدي بيك
انا كُل عام واضل ميت عليك.

وكون تلگيني بطريقچ
لميّني بيدَچ
باردَة الدنيا بدونچ
و أحَر مِن تَموز الحرورة بوريدَچ
أنتِ بَس أنتِ الصَدك
مِن الله أريدچ .

أمِس ما رِحت عَن بالي
أمِس وَي كُلشي گِمت ألگاك
بضِحگتي، بدَمعي، بخياليّ
أمِس لو جايّني چَتال
أصيحَن هَلا بچَتالي.

عَنك أذا سألوني، تِفضَحني بيك عيوني

المَايندّل خَيالي
بُروحي ماخَلّي.

أجيك بلهَفتي التچوي
و أرد بردان!
و أدفه بندم جيتي.

انتَ ما يحتاجلك عيد الغَدير
چانت مبينة تصير انتَ لأمير
لو محمد ما رفع چفك نكول!
و نفترض ترشيح عالمنصب تصير
الناس فقرة بوكتك ونعرفها زين
انتَ ينتَخبك شكو واحد فقير.

يهَل بغَداد مَحد عِنده حِنيه
يَجيب أخَبار عَن ولفَي الگطَع بيَه .