{ ‏فَرِحِينَ بِمَا آتَاهُمُ اللَّهُ من فضله }

{ وَكَانَ فَضْلُ اللَّهِ عَلَيْكَ عَظِيمًا }

الحمد نجحت

واللهِ ما وُفِّقتِ لخيرٍ إلا بفضل الله،وما يُسِّرتِ لنفعٍ إلا بفضل الله، فاللهم لك الحمد حتي ترضي ولك الحمد اذا رضيت ولك الحمد دائما وابدا

نجحت وبقيت خريجة إلا سنة💚😂

الله يرقق قلبي (عليَّ وعلى غيري) مهما قست الدُنيا ويجعل أثري حنيِّن وخطوتي خفيفة وكلمتي طيبة على الناس سواء

‏ياربّ، إهديني رحمة ودُنيا رَحبَة 💚🥰

ربنا بيعوض ومش بس بيعوض عن ناس مشيت مِن حياتنا، ربنا بيعوضنا عن كل حُزن‏، بيعوضنا عن كل تعب، بيعوضنا عن كل حاجة اتمنيناها ومتحققتش، ربنا هيعوضك ما دمت مؤمن بيه وما دمت قريب منه

من يثق في عوض الله يأتيه جميلا، خليك دايمًا واثق في ده 💚🥰

‏يسألونك عن أهل القرآن؟

قل إنهم في النعيم يتقلبون بين حفظ ومراجعة وتدبر، ويعيشون في جنة الدنيا متنعمون وبكلام ربهم يتغنون، صدورهم منشرحة بذكر ربهم ، يارب زدهم نعيمًا وسرورًا فإن غاية مرادهم حُبك ورضاك وأسعدهم في الآخرة ببشارة اقرأ وارتق ورتل فإن منزلتك عند آخر آية تقرؤها 💚🥰

سورة الكهف ، الجرعة الأسبوعية لتثبيت القلوب في مُواجهة رياح الفتن القوية

عنِ النبيِّ صلَّى اللهُ عليه وسلَّم أنَّه قال : ( مَن قَرَأَ سورةَ الكَهفِ يومَ الجُمُعةِ أضاءَ له من النورِ ما بَينَ الجُمُعتينِ ) 💚🥰

في وسط الحر المُرهق اللي عايشينه اليومين دول، ما تنساش ترفع إيدك وتدعي دعاء بسيط لكن عظيم :

اللَّهُمَّ أَجِرْنَا مِنَ النَّار

اللَّهُمَّ أَظِلْنَا تَحْتَ ظِلَّ عَرْشِكَ يَوْمَ لَا ظِلَّ إِلَّا ظِلُّكَ

كل مره بقرأ فيها القرآن بستشعر آيه بحسها رساله ليه

يأيها الذين امنو استعينوا بالصبر والصلاه إن الله مع الصابرين

بيكلمني انا والله هو عالم بكل اللغبطه دي 💚

‏في ناس مش بلاقي تفسير لتصرفاتهم غير الآيه دي : في قلوبهم مرض فزادهم الله مرضا 💚

يَبختك لابسة نقاب مش بتحسي بالشمس والحر زينا

=وشي تحت النقاب💚😂🥺

كُل مرة أردد فيها ياربّ اختر لي ولاتُخيرني اتأكد أن كُل اختياراتك ستكون هي عين النجاة، وأن جميع خططي لا معنىٰ لها إذا كانت عكس مشيئتك

وكُل أمنيتي أن تتفق مشيئتك مع مشيئتي، عسىٰ أن تؤتىٰ قلوبنا مرادها وتستقر ياربّ💚🥰

مهما حسيت إنك بعيد ارجع، ربنا دايمًا فاتحلك بابه، عمره ما بيقفل في وشك الطريق

قال الله تعالى:
قل يا عباديَ الذين أسرفوا على أنفسهم لا تقنطوا من رحمة الله الزمر: 53

حتى لو وقعت مليون مرة، ارجع تاني، التوبة تمحي كل حاجة، وربنا بيحب التوابين 💚🥰

أسرع عبادة هتلاقي لها تأثير في حياتك وفرج وفتح من اللَّه، العبادة اللي هتخلي حياتك تتملي كرامات وعطاءات من اللَّه بسببها هي قيام الليل ، لا تغفلوا عني وأهلي من دعواتكم بظهر الغيب 💚🥰

أي حد يسألك عامل ايه رد عليه وقوله: الحمد لله في زحام من النعم وفي أجمل أيامي، شوية بشوية هتبدأ أيامك تحلوّ بفضل ربنا، طبعاً لا تخلو الحياة من كدر، لكن الواحد بيشد ناحيته أقداره الجميلة بحسن ظنه في الله💚🥰

أنا جايه أفكرك إن أقدارنا مكتوبة من قبل ما نشوف نور الدنيا أصلًا، فأي قلق، أو توتر، أو تفكير بخصوص اللي جاي ما هو إلا هلك وحرق للأعصاب على الفاضي اشتغل بالمتاح، واستغل الممكن، وسلِّم أمورك لله

ما عليك إلا حُسن السعي، والنتائج على الله💚🥰

اليقين ده جميل أوي تخيل قاعد مكانك وأنت واثق إن كل حاجة من نصيبك مُهيأة ليك مهما ظهرلك عكس كده وهتكون ليك وبين ايديك في الوقت المناسب، وأي حاجة شر ليك ربنا بلطفه وحكمته، هيبعدك عنها ويحميك شرورها مهما قلقت وخوفت

الحمد لله إن لينا رب كبير ولطيف ورحيم 💚🥰

لو ركزت شوية هتلاقي إن عمرك في حياتك ما كنت جاهز لأي حاجة بتحصل لك بس سبحان الله أول ما بتبقى في الموقف و تقول يارب، بتعمل حاجات مكنتش تتخيل أبدًا إنك بتعرف تعملها ، التوكل والتسليم الكامل لله مبهر ومش ببالغ إن بسببه بتحصل معجزات 💚🥰

وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا

مَن أفلَح في القُرآن لا يهمُّه ما فاتَه من الدُّنيا 💚🥰

لما تلاقي الناس بتحبك وبتستريحلك حتي لو لسه عارفينك متستغربش ، ولما تشوف حد وتحبُه من غير سبب برضه متستغربش

ربنا ف سورة مريم قال " إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا "

يعني هيزرع حبهم ف قلوب الناس من حبه ليهم ، او زي مبيقولو من حبُه ربه حبب فيه خلقُه 💚🥰

بنوصل للسلام النفسي لما نقتنع إن الدنيا فانيه عمومًا ومحدش دايم فيها، بنتغاضى عن حاجات كتير وبنعدي ، وبنكون أهدى وأعقل تجاه كل حاجة، وقلوبنا خالية من الحقد والكره تجاه أي حد، مش عايزين أكتر من إننا نعيش في سلام وهدوء و بس 💚🥰

ماتنسوش قيام الليل و سورة الملك، تشفع لصاحبها وتنجيه من عذاب القبر 💚🥰