#إني_آنست_نورا🎇
🌕 النهاردة 14 رمضان ياترى قمر الإيمان في قلبك نور ولا لسه منورش 💡⁉️

📚﴿ رُّبَمَا یَوَدُّ ٱلَّذِینَ كَفَرُوا۟ لَوۡ كَانُوا۟ مُسۡلِمِینَ ﴾

بعد إيه ⁉️
في ناس هتندم بلاش تندم على عمرك الحقوا وظفوا عمركم في طاعة ربنا ✊

📚﴿ كَذَ ٰ⁠لِكَ نَسۡلُكُهُۥ فِی قُلُوبِ ٱلۡمُجۡرِمِینَ ﴾

العجمة عجمة القلب

اللي ربنا منورلوش قلبه بنور الإيمان مش هيفهم حاجة من القرآن ✋

فهمك للقرآن على حسب حال قلبك 🤍

📚﴿ لَقَالُوۤا۟ إِنَّمَا سُكِّرَتۡ أَبۡصَـٰرُنَا ﴾

هو مش عايز يفهم ❗️ بيقول مين طفى النور مش عايز يفوق

📚﴿ وَلَقَدۡ جَعَلۡنَا فِی ٱلسَّمَاۤءِ بُرُوجࣰا وَزَیَّنَّـٰهَا لِلنَّـٰظِرِینَ ﴾

💫ربنا بيقول أنا زينت السماء عشان تبصوا لفوق☝️، وإبليس بيقول في الصفحة اللي بعدها وأنا هزين الأرض عشان متبصوش لفوق 👎

🤔ياترى هتبص لفوق وتتأمل في قدرة الله ولا هتبص لتحت وتفتن بالأرض ⁉️

📚﴿ وَإِن مِّن شَیۡءٍ إِلَّا عِندَنَا خَزَاۤئِٕنُهُۥ ﴾

مهما كان اللي بتتمناه عند ربنا 🌿

سيب ربنا يختارلك وسلم نفسك لله🥀

يا بخته اللي هيقف على باب ربنا 🌱

📚﴿ وَلَقَدۡ عَلِمۡنَا ٱلۡمُسۡتَقۡدِمِینَ مِنكُمۡ وَلَقَدۡ عَلِمۡنَا ٱلۡمُسۡتَـٔۡخِرِینَ ﴾

ياترى أنتِ بتتقدمي ولا بتتأخري في علاقتك بربنا⁉️

ربنا عالم باللي في الأول واللي في الآخر👌

ومحدش بيقف في النص ✋

اللي واقف مبيتحركش يبقى مستأخر ❌

📚﴿ قَالَ هَـٰذَا صِرَ ٰ⁠طٌ عَلَیَّ مُسۡتَقِیمٌ ﴾

وعد من ربنا لكل واحد عايز يوصله أنه هياخد بإيده ويدخله الطريق ✊

لكل واحد صادق ربنا هيعينك 💪

📚﴿ وَنَزَعۡنَا مَا فِی صُدُورِهِم مِّنۡ غِلٍّ إِخۡوَ ٰ⁠نًا عَلَىٰ سُرُرࣲ مُّتَقَـٰبِلِینَ ﴾

الحاجة الوحيدة اللي موجودة من نعيم الجنة على الارض هي أخوك في الله 🤝

أخوك جزء من الجنة ربنا عجلهولك في الدنيا 🌸

اتمتعوا بالأخوة في الدنيا وبلاش تضيعوا نوع من نعيم الجنة في الخلافات والمشاكل 👊

📚﴿ وَلَا یَلۡتَفِتۡ مِنكُمۡ أَحَدࣱ ﴾

ده 👆شعار لكل واحد عامل لدين الله ☘

🚫اوعى تبص يمين ولا شمال خلاص مش أنت بيعت لربنا معدتش تتذبذب بقى 💪

📚﴿ وَٱمۡضُوا۟ حَیۡثُ تُؤۡمَرُونَ ﴾

✋مفيش حاجة اسمها أنا تعبت يارب

اللي بيقف بين إيدين ربنا في الثلث الأخير مبيتعبش ، مبيجيش وقت يقول أنا خلاص خلصت 👍

دة أنت في مهمة تانية طالعها، أنت على الدعوة حتى تموت ✊

📚﴿ وَجَاۤءَ أَهۡلُ ٱلۡمَدِینَةِ یَسۡتَبۡشِرُونَ ﴾

هي الغفلة ممكن توصل للدرجة دي ⁉️

هو الإنسان ممكن يُطمس على بصيرته وقلبه يختم عليه للدرجة دي ⁉️

يبقى مبسوط وفرحان ومش عارف أن جهنم خلاص والملائكة جاية تقبض روحه عشان يترمي في قبر ويترمي في جهنم 🔥‼️‼️

🚫اوعى تكون بتضحك وأنت ربنا مش راضي عنك !!

🚫اوعى تكون غافل وتستبشر بالدنيا وفرح الدنيا وأنت مش عارف أنت عند ربنا إيه 👎

📚﴿ لَعَمۡرُكَ إِنَّهُمۡ لَفِی سَكۡرَتِهِمۡ یَعۡمَهُونَ ﴾

💎ربنا بيقسم بعُمر النبي عليه الصلاة والسلام

🌟أنت عمرك غالي يا محمد ، ربنا العظيم لا يقسم إلا بعظيم ✨

ياترى أنت عمرك غالي عن ربنا ولا لأ ⁉️

📚﴿ إِنَّ فِی ذَ ٰ⁠لِكَ لَـَٔایَـٰتࣲ لِّلۡمُتَوَسِّمِینَ ﴾

المتوسم اللي بيلقطها وهي طايرة✔️

🔦المؤمن قلبه وفطرته بينوروا له حاجات مش باينة لغيره 🔆

👌أكتر حاجة بتطمس البصيرة النظر للحرام 👀

🚫 اوعى تطمس النور اللي ربنا اداهولك جواك

متبقاش من الناس اللي بتوصل متأخر ✖️

📚﴿ وَلَقَدۡ ءَاتَیۡنَـٰكَ سَبۡعࣰا مِّنَ ٱلۡمَثَانِی وَٱلۡقُرۡءَانَ ٱلۡعَظِیمَ ﴾

📖سبع مثاني يعني القرآن مليان بالثناء على الله

وقيل سبع المثاني هي سورة الفاتحة 📝

📚{لَا تَمُدَّنَّ عَیۡنَیۡكَ }

لما يكون معاك المصحف خلاص متبصش ع الدنيا بقى ركز مع القرآن 👊

📚﴿ وَٱخۡفِضۡ جَنَاحَكَ لِلۡمُؤۡمِنِینَ ﴾

📩دي رسالة لكل مُربي وكل داعية خد الناس في حضنك 🤗

كل الناس اللي ماشية في طريق ربنا عايزة حنان

📚﴿ فَٱصۡدَعۡ بِمَا تُؤۡمَرُ وَأَعۡرِضۡ عَنِ ٱلۡمُشۡرِكِینَ ﴾

طب أنا أهدم بنيان الباطل ازاي ❓

👈اصدع بما تؤمر بالكلام عن الله 🗣

الدعوة إلى الله هي اللي هتهدم بنيان الباطل✊

✍اللي هيشتغل في الدعوة هو اللي ربنا هيكفيه هو اللي ربنا هيحفظه 🌸

📚﴿ وَلَقَدۡ نَعۡلَمُ أَنَّكَ یَضِیقُ صَدۡرُكَ بِمَا یَقُولُونَ ﴾

ربنا بيقول أنا عالم باللي جواك 💯💯

طب اعمل إيه⁉️

👈العبادة هي الحل ✔️

لما يزيد قدر ربنا في قلبك ربنا بيقلل قدر المشركين وأي هم يصيبك 🍃

🔅اليقين هو الموت وكل أمور ربنا يقين ⤵️

الجنة والنار، حسن الخاتمة للمؤمنين ، والعقاب للمشركين ✔️

لو عايز قلبك يملأ باليقين اعبد ربك 💪

⛳️شعارنا في رمضان السنة دي ختمة صح بإذن الله ✅


#شعارات_الجزء_الرابع_عشر
#برنامج_إني_آنست_نورا
#الشيخ_حازم_شومان
🌺 إتبع_سنته_ﷺ _تسعد_بصحبته 🌺
ـ╗═ೋ 🌳  @q_erk 🌴 ೋ═╔
      🌙 رمًضـ🌙يِّجّـمًعٌنِأّ ًٌــأّنِ🏆
ـ╝═ೋ🌴    • 🌳   •🌴   ೋ═╚

#إني_آنست_نورا🎇
🛎 معاً مع شعارات الجزء السابع عشر 👇

☘ ﴿ ٱقۡتَرَبَ لِلنَّاسِ حِسَابُهُمۡ وَهُمۡ فِی غَفۡلَةࣲ مُّعۡرِضُونَ ﴾

🌀من ١٤٠٠ سنة ربنا بيقول الحساب قرب أومال دلوقتي الحساب قرب أد إيه ⁉️

الله بيمهد الأرض لأحداث رهيبة هل أنت جاهز أنتِ جاهزة للأحداث اللي جاية ⁉️

☘﴿ مَا یَأۡتِیهِم مِّن ذِكۡرࣲ مِّن رَّبِّهِم مُّحۡدَثٍ إِلَّا ٱسۡتَمَعُوهُ وَهُمۡ یَلۡعَبُونَ ﴾

مش مجرد أنك بتسمع قرآن🎧 هتتغير ✋

لازم تسمع وأنت مركز 👍

الناس اللي{لَاهِيَةً قُلُوبُهُمْ} مش هيوصلوا لحاجة

☘ ﴿ فَسۡـَٔلُوۤا۟ أَهۡلَ ٱلذِّكۡرِ إِن كُنتُمۡ لَا تَعۡلَمُونَ ﴾

📚العلم لوحده ميوصلش لربنا

لكن العلماء العاملين بعلمهم اللي دايما ذاكرين لله بألسنتهم وجوارحهم وأعمالهم هما دول اللي تسألوهم في الدين👍

☘ ﴿ فَلَمَّاۤ أَحَسُّوا۟ بَأۡسَنَاۤ إِذَا هُم مِّنۡهَا یَرۡكُضُونَ ﴾

في ناس بتفهم متأخر أوي في ناس بتحس متأخر👊

حسيت ولا لسه❓
قلبك لقط مع القرآن ولا لسه❓
مؤشر قلبك اتولف على موجات البث القرآنية ولا لسه❓
فهمت ونورت ولا لسه ❓

☘ ﴿ بَلۡ نَقۡذِفُ بِٱلۡحَقِّ عَلَى ٱلۡبَـٰطِلِ فَیَدۡمَغُهُۥ فَإِذَا هُوَ زَاهِقࣱۚ وَلَكُمُ ٱلۡوَیۡلُ مِمَّا تَصِفُونَ ﴾

☄ قذائف .. لازم تبقى قلوبنا مولعة على أي معصية في الحياة، مش على العاصي بل على المعصية نفسها 👌

فيدمغه .. ربنا لما بيضرب الباطل بيضربه في مقتل تلاقي الباطل في كامل قوته وينهار 👊

☘ ﴿ وَلَا یَسۡتَحۡسِرُونَ ﴾

وصف لعبادة الملائكة 💫

الخطوة اللي تاخديها في علاقتك بالله مترجعيش فيها تاني مترجعيش 👊

متندمش على خطوة أخدتها لله، متعرفش إيه العمل اللي هيدخلك الجنة 🌸

☘ ﴿ وَهُمۡ عَنۡ ءَایَـٰتِهَا مُعۡرِضُونَ ﴾

لازم تبص للسماء ⛅️

متبقاش السماء مزينة والقمر منازل أو الشمس عظيمة طلعت والدنيا منورة وأنت معرض 👎

☘ ﴿ وَكُنَّا بِهِۦ عَـٰلِمِینَ ﴾

ربنا مش هيسيبك

اوعي تفتكري أن ربنا سايبك 👎

أنت بِسمع ربنا وبصره عشان كدا أبشر ده اسم ربنا اللطيف 🤍🌸

☘ ﴿ فَكَشَفۡنَا مَا بِهِۦ مِن ضُرࣲّۖ ﴾

كشفنا دي يعني في لحظة، ربنا قادر أن أي مرض في حياتك يتكشف في لحظة✊

🌿 لما الفرج بييجي بييجي مرة واحدة أبشروا ربنا قادر أنه يفرج كل مشاكلك في لحظة 🤍

☘{وَذِكْرَىٰ لِلْعَابِدِينَ}

ربنا بيقول مش هسيب الكرب في حياتك، اثبت أنت بس على العبادة 🥀

اللي هي أعظم سبب لانفراج الكربات ولتنزُل العطاءات وللغمر بالرحمات 🌱

☘ ﴿ فَظَنَّ أَن لَّن نَّقۡدِرَ عَلَیۡهِ فَنَادَىٰ فِی ٱلظُّلُمَـٰتِ أَن لَّاۤ إِلَـٰهَ إِلَّاۤ أَنتَ سُبۡحَـٰنَكَ إِنِّی كُنتُ مِنَ ٱلظَّـٰلِمِینَ﴾

👈نقدر عليه.. أي نضيق عليه

أنك تبقى في أزمة وتقول يارب مش هتسبني يارب 🤲

حسن الظن بالله سبب لتفريج الكربات 🍃

☘ ﴿ وَتَقَطَّعُوۤا۟ أَمۡرَهُم بَیۡنَهُمۡۖ كُلٌّ إِلَیۡنَا رَ ٰ⁠جِعُونَ ﴾

في رجال دين هم أول من ستصعر بهم جهنم يوم القيامة هيترموا في جهنم قبل ما فرعون يترمى فيها 🔥

خراب الواقع بسبب بعض رجال الدين اللي مبيتقوش الله ويطبقوا الدين 👊

مصيبتكم من بينكم متروحوش تدوروا برة 👀

☘ {وَتَتَلَقَّاهُمُ الْمَلَائِكَةُ }

مش هتدوقوا ولا لحظة خوف يوم القيامة أبشروا🌿

مش هيتأخر الفرح والبشرى متخافوش طول ما أنتم مع ربنا سبحانه وتعالى 💪🤍

☘{يَوْمَ نَطْوِي السَّمَاءَ}

هو ربنا كبير كده ‼️

مشكلة إيه اللي ربنا ميقدرش يحلهالك⁉️

إيه اللي ربنا ميقدرش يديهولك⁉️

اطلبوا من ربنا كل واحد يطلب اللي عايز دين يطلب واللي عايز دنيا يطلب 🤲

☘ {إِنَّ فِي هَٰذَا لَبَلَاغًا لِّقَوْمٍ عَابِدِينَ}

العبادة مش دروشة يا شباب ✋

متصدقوش اللي يقول لكم سيبوكم من الدراوشة اللي بيوعظوا للعبادة

☘ {فَقُلْ آذَنتُكُمْ عَلَىٰ سَوَاءٍ}

هي دي مهمتنا في الدعوة💯💯

📝وظيفة الداعية (آذنتكم) يعني أعلمتكم بالحلال والحرام

لو شباب بلدك يا أيها الداعية مش عارفين الحلال من الحرام بسبب أنك قصرت في النزول لهم أنت المتهم فيها 👌

#خاف_من_المساءلة أمام الله سبحانه وتعالى

☘ ﴿ وَمِنَ ٱلنَّاسِ مَن یَعۡبُدُ ٱللَّهَ عَلَىٰ حَرۡفࣲۖ﴾

الحرف .. يعني واقف على الطرف مش راضي يدخل في جوا الدين فكانت النهاية خسر الدنيا والآخرة 👎

☘{مَن كَانَ يَظُنُّ أَن لَّن يَنصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاءِ ثُمَّ لْيَقْطَعْ فَلْيَنظُرْ هَلْ يُذْهِبَنَّ كَيْدُهُ مَا يَغِيظُ}

اللي فاكر أن ربنا مش قادر ينصر المتدينين كل كلامكم وترويعكم للمؤمنين كلام فارغ ❌

احنا سر نصرنا هو القرآن يبقى اتصالنا بالقرآن هو سر العزيمة 💪

طول ما احنا متصلين بيه لن يكسرنا أهل الباطل ✊


#شعارات_الجزء_السابع_عشر
#برنامج_إني_آنست_نورا
#الشيخ_حازم_شومان
🌺 إتبع_سنته_ﷺ _تسعد_بصحبته 🌺
ـ╗═ೋ 🌳  @q_erk 🌴 ೋ═╔
      🌙 رمًضـ🌙يِّجّـمًعٌنِأّ ًٌــأّنِ🏆
ـ╝═ೋ🌴    • 🌳   •🌴   ೋ═╚