اسواء فتره هتعيشها لما تمر بمشاكل نفسيا وحدكك وبالذات لما تكون شخص كتوم .

تجي فترة تحس نفسك عايش بدون روحوتحس إنك تعبان من كل شي، همك الوحيد تكمل يومك لين ترقد وتقول إن ما فيك شي رغم أن فيك كل شي .

لازم نتقبلوا فكرة ان ممكن نعتذروا للطرف الثاني حتي لو مش غلطانين بس طالما الطرف الثاني حاسس انه خذا موقف ف أحياناً تقعد حاجة سمحه ان اللي مش غلطان يعتذر عشان يحافظ علي الشخص اللي يحبه لان كسب القلوب اولي من كسب المواقف .

ماتلومش علي حد عشان مالقيتش جنبك في وقت معين ولا تعاتب حد قريب منك لمجرد أنه طلع مايستاهلش اللي ادير فيه معاه اعرف قيمتك كويس واسحب روحك الحياة مش مستاهله نكملوها في العتاب .

اوقات الضغوطات والتراكمات تحولك لشخص باهت مش قادر يتمسك بأي حاجة حتي لو كنت تحبها ما عندكش نيه تبرر او تتناقش مع حد وتتحول لحد مش لاقي من يفهمه أو يحس بكمية الضغوطات اللي انت عايشها وفي الآخر حينضر ولك انك تغيرت في أعتمد علي نفسك وحافظ عليها .

قعدت نكلم في روحي واجد مواضيع يدورن في راسي ممكن توصل لنقاش طويل كأن نفس شخصين يعاتبوا في بعضهم وبينهم خلاف جوا دماغي ويبقى السؤال الوحيد اللي مايقدرش يجاوب عليه حد أنا كيف وصلت لهكي .

الحاجه الوحيده لـ عرفتها وكل ما يمر الوقت نزيد نتأكد منها أن الناس كلها فترات وكلهم يتغيروا ومحد فيهم بيقعد زي ما عرفناه أول مرة .

ينضج عقل الواحد من لألم والفشل والرفض والخسارة وقلة الاحترام والقيمة وخيبات الأمل مش من العمر ، العمر مجرد عدد لأيامك بس .

المساحة الآمنة في العلاقات هي إنك يبقى عندك حق تتكلم في الموضوع اللي مزعلك مرة واثنين وثلاثة مادام الموضوع مااسكرش عندك منغير ما الطرف الثاني يمل أو يعصب عليك .

الحياه مرات تبي التجاهل، تجاهل احداث تجاهل أشخاص تجاهل أفعال تجاهل اقوال خليك شاطر وعود نفسك ع التجاهل مش كل حاجه تستاهل أن نزعلوا عليها .

في ناس معاك عشان ماتبيش غيرك وفي ناس معاك عشان مش لاقية حد غيرك وناس معاك لعند مايجي غيرك .

من الاخير كل اللي الناس مهتمة بيه هوا الشكل ومحدش ينعجب بشخصيتك وأول مايشوفك الشكل والمظهر يختلف في تقييمنا للبني أدمين لأن نتوقعوا ان الشكل الحلو هذا عمره ماحيقعد مش كويس ونتوهموا بأن الجمال هو الخير .

وجع الاهمال اقسى من وجع البعد البعد علي قسوته اقل حاجه مفهوم لكن الإهمال يخليك تحس إنك قاعد ومش محسوب قريب بس ماحد يشوف فيك وهذا شي يكسر القلب لأنه يحسسك بقلة قيمتك عند اللي تحبه .

انا نعتبر الانعزال علي الناس واللحظات الهادية اللي نقعد فيها بروحي ثاني أفضل نعمة قاعده في الدنيا بعد النوم .

قعدت هادي وساكت أغلب الوقت ومش فارق معايا اي حاجه تصير في حياتي وشغفي تحت الصفر نمل من اي مكان نمشيله ماقعدتش ندير حتي في الحاجات اللي متعود نديرهن .

الفتره هذي اقصى ردة فعل ليا هي إني نسكت معش عندي طاقة للكلام والشرح مانبيش اكثر من أني نرد نفس الشخص متع زمان أنا توا عبارة عن عن جسم بدون روح .

الاصعب من انك تعاني طول الوقت هوا إنك تتفاجئ مره وحده إنك مش قادر تعبر عن اي حاجه انت حاس بيها مكتفي بأنك تسكت وبس .

ليش لحد توا مافيش حد قال أن أصعب حاجة حتواجهها في حياتك هي إنك تقاوم نفسك عشان متتحولش لشخص مش كويس ومؤذي بعد كل اللي صارلك ومازال حيصيرلك .

مافيش حد حيشكرك علي مية حاجة أنت درتها فوق من طاقتك بس كلهم مستعدين يلوموك علي أول حاجه تصير .

وانت في أسوأ ظروفك ركز من اللي مزال شايف الحلو فيك وانت غلطان حتي لو كان غلطك كبير ركز من يلي ح يسامحك وقتها ومن يلي يحاول يردلك شغف الحياة الحب مايجيش في الوقت الحلو الحب يجي في اصعب الظروف والمحن .