‏إن كان حبك عوق أنا راضي العوق
دامي عجزت ألقى لي محبوب يسواك

المحبّة والغلا ، شيء من رب الأنام
ماتجي بـ القوّة الضاربة والصاملة

والمعاتب له ضريبة فعل ولاّ كلام
شاملة للدمعة .. وللمفارق شاملة

لا تعاتب من تحبه على قلّ إهتمام
العتب مابعده إلا إهتمام مجاملة .

‏يا دربي الوحيد شلون أهدك و أنا ما دل
‏سوى وجهك اللي يهدي الرشد و اتبعه

‏على دربك تفّل الخطاوي و ينبت فُل
‏هذا الدرب و هذي زحمة أهله و ذا طبعه

‏عليك البشر تفتح شبابيكها و تطّل
‏من يشوف وجهك شاف روحه على ربعه

لا تضحك لغيري ترا القلب يرتاع
‏اغار حتى رد غيري لسلامك

‏اي والله اني فيك حيل طماع
‏ابيك كلك لي حتى كلامك !

اللي يحبّك.. تحس بحبّه و حرصه
‏يخاف يجرح شعورك لأنه يحبّك ،

‏لمواصلك يستميت ويصنع الفرصة
‏ما يعترف بالسعادة إلا في قربك

‏من عرفنا حضرة جنابك ماعاد نردّد إلا
‏ " عزّ الله إني للمخاليق عيّاف ".

أطغوك بأنواع الفخامة وبالذوق
‏لين اعتبرتي كل حاجة .. حلالك

‏تمشين في حشدٍ مبرّحهم الشوق
‏اللي وراك يعلم اللي قبالك

‏وشلون ما اكون بمحبتك مرموق ؟
‏والناس يطغيها مرورٍ ببالك ؟

ياللي وجودك حوَّل العيد عيدين
‏معاك احس إنّ الدقايق تشابه

‏كلّ عام وأنت أقرب من الرمش للعين
‏وكلّ عام عيدك ممتلي بالرحابه .

‏هات كفّك — والله إني باسطٍ لأجلك كفوفي
‏جعل تفداك الكفوف الطيّبة قبل الوضيعة

العيد عيد الله ومعايد الاحباب
‏ وعزي لعينً ما تعايد حبايبها .