𝟏𝟏:𝟏𝟏

تكلهُم غلط جانت عشرتي ويا
وتحطني بقائمة سوء اختيارك ،
لذلك انسحب مِن النقاشات
شفت دموعي متغير قرارك ..
واعوفك للزمن ، تلويك الايام
بضلك باجر يبين انكسارك
تظن الذكريات تعرفك بخير ؟
محطة تمُرها يوميه بقطارك
وتذكُرني بشكو شلونك بالوجوه
ويُصفه الندم عنوان بشِعارك
وتتمنى ولو واحد يحس بيك
وتحن لعنادي من جنه نتعارك
ويشب گلبك ، لحَد مايصبح رماد
وتجي معتذر ، واقبل بأعتذارك ..

اسخت
واشوف احلامي تنهار
واهس ماكو بس كلمة هضيمة
اقنع نفسي اكولن باجر ادرس
اريد انجح اذا ارسب جريمه
وصار اسبوع اكولن ابدي
لادارس ولا رايح عزيمه
كتب عندي وقلم بالبيت موجود
اسخت بعد فكرة قديمه

طول الليل متمرمر
لا أني الخذاني الموت
ولافَك ياخه عني المُر
ويضل مختنك صَدري
ومحد يعرف بگدري
وافكر وانقلق وحَدي
وبگلبي الوجع ماراح
كُل ليله الحرگ يبدي
ومثل لوعة طفل متروك
يصرخ صرخه مال كبار
عبالك صَراخ الموت ،
وچويات الحلم مثل الحقيقة
وافز والگي الزمن عابر دقيقة
بطيء الليل إذا ظليت گاعد
وإذا نايم عليه الضيم يشتد
خرب حظ الوكت عيشني ذله
روحي تريد اموت واخلص بساع
ولا اعيش المهانه والمذله !