‏الوكاد

‏وشلون ديرةٍ تجيها ما يجيها مطر؟
‏وأنت السحاب الحقيقي وأنهمار الحياة

‏من جيدك لعنقك المنتوق لـ الشفّه
‏متعه و أنا نازل ! ومتعه و أنا راقي!

لا وقفت بين المعزّة والإذلال
كبرك مباح وكبريائك فضيله

ارحل لو تضيع السنوات ترحال
ثلثين عز الادمي في رحيله!

‏لا تسأل الليل هذا يبتدي من متى ؟
‏الليل هذا طويل و ظلمته فاضحه

‏مو بس الأصوات تطلع واضحه فالشتا
‏حتى الأحاسيس تطلع فالشتا واضحه

‏صوتك قبل لا تنام يغريني
‏وصوتك بعد ما تقوم بحة ناي
‏ㅤ
‏عاند نعاسك .. وأتصل فيني
‏دفى شعورك سالفة دنياي
‏ㅤ
‏مابي تسولف .. بس يرضيّني
‏ألو صباحي أنت ، أحبك .. باي

يسعد صباحك قلت: أحبّك و حسّيت
‏إن الصباح أجمل كثير بوجودك

الجو برد ، و من شعورك تدفّيت
‏كن الدفا ما ألقاه غير بحدودك

‏اخذني مني
و من حريتي
‏ و بلادي
‏و اخذ قلبي
‏و اخذ كل اللي وراه و دونه

‏إن حكيتي زمزم أطهر مايراق من العذوبة
‏وإن سكّتي صوتك أغلى مايصان من الجواهر

على أطراف الديار اللي بأهلها ما جمعني عِرق
عليها الشوق يثني خاطري والريح تامر بي

عسى دارٍ تضمك يا حبيبي للمطر والبرق
ثلاث .. أربع ليالي لين يثّر بك ويثّر بي

‏يجودك الغيث يا ذيك المداهيل
‏والمترف اللي على حرفي وسومه

‏سلبت من شفّته بسمه وتبجيل
‏وسلبت من خدره كحله ونومه

‏لا مره اسمي وسلهم بالمظاليل
‏يقول يا جعل يومي قبل يومه

‏مطلق بن شويه

‏من كثر ما اشتاق لسواليفه غديت
‏اشتاق حتى لخرفشة .. سماعته :(

‏"ودّع البرد كفٍ ضمّ يمناك "

و يقول:

‏سولفي و يربّع القاف السناوي
‏و أتركي كفك ، كفوفي ماسكتها
‏
و أدخلي في دقلة البشت الحساوي
‏عن طواري لحظةٍ عينك بكتها

‏أنتي أحلام الفقير من الغناوي
‏والله أعلم بـ الليالي و بركتها .

‏تعالي و اجلسي عندي ترى الاعمار محدوده
‏اخاف اموت و تموتين محد ٍحصل الثاني

‏معك ربّيت المحبة على قد الطموح
‏والنصيب يحدها والجفى يوميلها

‏اثري الغيبه حقيقة وأنا احسبها مزوح
‏قامت الدنيا علينا وشدّت حيلها

‏ياحبيبي انشد الوقت والحظ الشحوح
‏من جدار البال صورتك كيف أشيلها ؟

‏وشلون فيك الصبح مايكمل ؟
‏يالفارق بقلبي ويا الاغلى ،

‏يغيضني جاكيتك : المخمل
‏لا ضمّك مْن البرد .. وانا اولى :)

‏ياليت الأنسام لا هبت علي من شمال
‏يمر ذعذاعها البارد طرف شالها

‏محمد الكريدي

‏ضيعتي معك لا سرقه ولا هي ظليمه
‏وش عشانه ندل؟ أنا سعيد بضياعي
‏- بندر الدويش