#بكالوريات
أنو ما صار عندكم عطلة وما تأجلت امتحاناتكم هالشي ما بيعني أنو أنتوا بمأزق أو ماعاد تلحقوا، لا أبداً....
لسا حتى هي اللحظة الوقت لصالحكم وأكتر من 80 بالمية من الطلاب لسا ما خلصوا شي هي يمكن ما بلشوا بشي بالأصل😪
طيب هلق شو لازم نعمل؟
أول شي لازم يكون عندكم الإرادة الكاملة لتستمروا وتتحملوا التعب وكلشي بسبيل نهاية ال 12 سنة بأفضل علامة ممكنة، وأنتوا أكيد قادرين عهالشي 💪
ولازم ما تردوا ع حدا وما تسألوا حدا شو درست لأنو إذا قلكن ما درس شي رح تهملوا دراستكن أكتر وأكتر وإذا قلكن درس كلشي رح تنقهروا وتنحبطوا أكتر💔
لهيك عليكم بحالكم حطوا برنامج لحالكم وبلشوا شغل فيه معليش اضغطوا حالكم واتعبوا كلها هالفترة ورح تخلص ووقتها بتعملوا شو ما بدكم😍
وأكيد هيك رح تحققوا الحلم اللي ببالكم ونحن دائماً معكم💖💖
#ضياء_ناصيف
#سوريانا_التعليمية©

#ملاحظات_عامة_بشأن_تمديد_العطلة
1️⃣العطلة كالعادة ما رح تكون على حساب الامتحانات

2️⃣العطلة تشمل جميع الجامعات والتعليم المفتوح والخاص والمعاهد التقانية والمعهد العالي للغات

3️⃣رح يتم تمديد التقويم الجامعي 3 أسابيع غالباً

4️⃣العطلة رح تكون على حساب العطلة الصيفية

5️⃣في حال تم تمديد العطلة 3 أسابيع من المتوقع أن تبدأ امتحانات الفصل التاني 25 /7 بسبب وجود عطلة عيد الأضحى يعني رح تكون بعد عطلة عيد الأضحى تماما لأنو الامتحانات حسب التقويم الجامعي كانت بتبلش 27/6 وهي عطلنا 3 أسابيع (مع هي العطلة)✅

6️⃣بشأن موضوع إمكانية تمديد العطلة لبعد العيد هالموضوع بيرجع ع حسب تقييم الوزارة للوضع الأسبوع الجاي

7️⃣رح تشوفوا قريباً محاضرات إلكترونية على جروبات الدفعة وطبعا رح يتم تعويضها بعد عودة الدوام

8️⃣حتى هي اللحظة مافي اي حذف من المنهاج لا من السنة التحضيرية ولا غيرها لأنو حت هاللحظة عطلة ٣ أسابيع ورح يتمدد الدوام ٣ أسابيع يعني ما تغير شي

9️⃣آخر شي والأهم منتمى أنو تستغوا العطلة بشي بفيدكم وطبعا أي شي جديد بصير رح ننشرو عالصفحة💖

#ضياء_ناصيف
#سوريانا_التعليمية

💥وقت يسألوك رفقاتك كيف قدمت عادي إذا قلتلهم برفعها 90 مافي تكذب داعي تقلهن مخوطرة أو بحملها بمعدل
💥وقت يسألوك رفقاتك كيف درست عادي جداً أنك تقلهن درست كلشي الحمدلله لعل وعسى يتشجعوا منك، مافي تكذب داعي تقلهن حنى الدورات ما قربت عليها
💥وقت يسألوك رفقاتك عن شي مسألة أو سؤال عادي أنك تشرحلن ياهن وتسألهن إذا في أسئلة غيرها، مافي داعي تكذب وتقلهن لسا ماقربت عالمادة
💥عادي جداً أنك تبعت الأسئلة اللي ركز عليهن الدكتور وتبعت شوف شغلات وأوراق مهمة
💥عادي جداً لقب النيرد وخاصة إذا كنت النيرد المحبوب اللي بساعد الكل
المسيرة الجامعية لا سنة ولا سنتين هي أربع أو خمس سنين رح تقضيها مع ناس متل أخواتك ويمكن تقعد معهن أكتر
فخليك إيجابي وأترك أثر حلو💛
خلال دراستي بالجامعة ما بتذكر أنو كنت أبخل ع حدا من رفقاتي بأي سؤال أو مساعدة أو أوراق، وحتى أحيانا حدا يسألني سؤال كون مو دارسو قلو تكة لاقرأ السؤال وأفهمو وجاوبو، ووقت كنت احضر شي محاضرة ورفقاتي يغيبوا عنها كنت أرجع من حالي وبالي قلهن شو حكى الدكتور...
ما خسرت شي بس كسبت محبة كتير أشخاص لهلأ بعد التخرج بسنتين لسا عم يحكوني، وكسبت كمان التوفيق من رب العالمين بفرعي💛
يمكن وقت تحتاج أنت شي حدا كلو بيختفي، بس اشتغل بأصلك، اشتغل بإنسانيتك❤️
كونوا إيجابيين وكونوا إنسانيين💛💛
#ضياء_ناصيف
#سوريانا_التعليمية✅

🔴#هام_جدا || المفاضلات الجامعية وتفاصيل هامة جداً✅

شو هي المفاضلات الجامعية ومين بيحسن يقدملها وأيمت بتطلع...

المفاضلة الأولى للعامة: بيتقدملها أي شخص حصل على شهادة البكالوريا 2021 بشرط ما تكون تقدم لمفاضلة البكالوريا العامة السنة الماضية (إذا كان عم يعيد البكالوريا) و بتطلع خلال فترة 10 أيام تقريباً....
الأدبي بتطلع المفاضلة النهائية ومفاضلة الموازي مع المفاضلة الأولى للعلمي

مفاضلة الموازي: بيتقدملها أي شخص حصل على شهادة البكالوريا 2021 سواء قدم على المفاضلة العامة أو ماقدم وسواء قبلوه بالعامة أو ما قبلوه بس بالآخر لازم يدرس اما عام أو موازي وبتطلع الأدبي مع العام، أما العلمي بتطلع بعد مفاضلة العام التانية....

مفاضلة المعهد العالي للعلوم التطبيقية والتكنولوجيا هي بياخدوا ال 15% الأوائل مفاضلتها رح تطلع بهالكم يوم

مفاضلة ذوي الشهداء: بيتقدملها أخ أو ابن أو زوجة الشهيد العسكري أو الجريح بنسبة عجز مدري قدي
أما الشهيد المدني مافيه يتقدملها
ولازم يجيب وثيقة استشهاد باسمو من مكتب شؤون الشهداء خاصة بالمفاضلة ولازم تكون شهادة البكالوريا 2021 وبتطلع هالمفاضلة خلال 10 أيام تقريباً....

مفاضلة ابناء الهيئة التدريسية: بيتقدمولها ابناء الدكاترة بالجامعات حصرا ولازم تكون شهادة البكالوريا 2021 وبتطلع خلالف فترة 10 ايام ...

مفاضلة ذوي الاحتياجات الخاصة: بيتقدمولها الأشخاص اللي بعانوا من مشاكل سواء بالنظر أو السمع او الحركة وما شابه ولازم تكون شهادة البكالوريا 2021 وبتطلع خلال فترة 10 أيام...

مفاضلة الجامعة الافتراضية: بيتقدملها الشخص اللي معو بكالوريا بأي تاريخ كان بتطلع بالشهر العاشر...

مفاضلة التعليم المفتوح: بيتقدملها الشخص اللي معو بكالوريا بس يكون آخدها من أكتر من سنتين وبتطلع باخر الشهر العاشر
وبحق للشخص اللي اخد بكالوريا هديك السنة او هي السنة يقدم للتعليم المفتوح إذا ما طلعلو شي عالعام أو الموازي...

مفاضلة الجامعات الخاصة :أي واحد معو بكالوريا ببلش التقديم عليها ب 29/8/2021

مفاضلة منح الجامعات الخاصة: منح الكليات الطبية هي رح تطلع مع المفاضلة العامة وتقدموا عليها وباقي منح الجامعة الخاصة بتطلع بنص الشهر 11 تقريباً

مفاضلة السوري غير المقيم: السوري اللي اخد شهادة من دولة غير سورية كمان خلال 10أيام
#يتبع...
عند النسخ يرجى ذكر المصدر
#ضياء_ناصيف
#سوريانا_التعليمية✅

🔴#هام_جدا || شو الفرق بين التعليم العام والتعليم الموازي والتعليم الخاص والتعليم الافتراضي والتعليم المفتوح؟
1️⃣ #التعليم_العام:
بتطلع مفاضلتو بعد نتائج التكميلي بحق لكل الطلاب تسجل فيه ومن شروط التسجيل انو لازم تكون شهادتك 2021 ومو مسجل من قبل عالمفاضلة العامة ولو كنت مسجل ومو طالعلك شي
2️⃣ #التعليم_الموازي:
هو نفسو التعليم العام تماما ونفس الشهادة والامتحانات والمحاضرات وكلشي وما بيتميزوا عن العام أبدا غير انو بيدفعوا رسوم كل سنة.
بتطلع مفاضلة الموازي العلمي بعد ما تطلع مفاضلة العام التانية للعلمي مباشرة ومن شروط التسجيل فيها أنو تكون شهادتك 2021
أما مفاضلة الموازي للأدبي بتطلع مع العامة بمفاضلة وحدة.
3️⃣ #التعليم_الخاص:
هي مفاضلتو تقريبا طلعت لكل الجامعات والرسوم صارت معروفة بس التسجيل ب 29/8/2021 ولغاية 16/9/2021 ....
تكاليفو عالية جدا مقارنة مع الموازي والافتراضي والمفتوح
وفي جامعات خاصة بتقبل شهادات قديمة لتسجل فيها
4️⃣ #التعليم_الافتراضي
هو تعليم عالنت فيه أفرع كتير متل الهندسة المعلوماتية وتقانة الاتصالات وتقانة المعلومات وحقوق واقتصاد وإدارة واعلام ومعهد ادارة اعمال ومعهد حاسوب
مفاضلتو ورسومو قليلة نوعا ما مثلا أعلى شي كان هندسة معلوماتية طلوا فيها 1920 والرسوم 17500 لكل مادة وفي تقريبا 14 مادة بكل سنة
الشروط لتسجلوا فيها بس تحققوا المعدل المطلوب وطبعا بدها لابتوب ومو ضروري مواصفاتو تكون خارقة وبتقبل شهادة كل السنين ولو كنت مسجل فرع عالعام او المفتوخ او الخاص
5️⃣ #التعليم_المفتوح
الدوام فيه بكون يوم جمعة او سبت أو جمعة وسبت والمعدلات المطلوبة فيه قليلة للتسجيل بالأفرع مثلا من 1100 ل 1600 كل سنة بتكون شكل وفي احيانا بيطلبوا معدلات فوق ال 2000💔 والامتحانات بتكون بعد امتحانات التعليم النظامي
والأفرع الموجودة بالمفتوح دراسات قانونية وإدارة مشاريع صغيرة ومتوسطة ومحاسبة وعلوم سياسية وإعلام ورياض أطفال ، وفي مصارف وترجمة وسياحة، بس في جامعات مافيها إلا كم فرع من هدول...
الشروط للتسجيل فيه: لازم تكون شهادتك البكلوريا ألك سنتين آخذها لتسجل فيه وفيك تسجل بنفس السنة بحالتين:
1-إذا ما طلعلك شي عالعام والموازي
2- إذا عمرك فوق 24

عند النسخ يرجى ذكر المصدر✅
#ضياء_ناصيف
#سوريانا_التعليمية✅

🔴#مهم_جدا|| تفاصيل المنحة الروسية
شو هي المنحة الروسية وشو شروطها الأساسية ومعلومات عنها؟
أول شي رح أحكيلكم عن الشغلات الأساسية والشروط المهمة بالمنحة
1️⃣لازم تكون شهادة البكالوريا 2021 حصرا والعمر أقل من 22
2️⃣المعدل 70% أقل شي من غير الديانة فقط
3️⃣القبول من الجامعات الروسية مو من عنا وبيقبلوا عأساس المعدل يعني من الأعلى (كل ما كان معدلك عالي كل مازادت فرصة قبول)
4️⃣ المنحة إذا قبلوك بيعطوك راتب شهري حوالي 25 دولار وسنة تحضيرية لتتعلم اللغة وبيعفوك من رسوم الدراسة
ولازم أنت كل سنة تدفع تأمين صحي 250 دولار ونفقات السفر عليك والمعيشة عليك 🥺💔
التقديم من 7/9/2021 ل 2/11/2021
وأول شي لازم تقدم بشكل الكتروني بعدين تقدم من خلال وزارة التعليم
ولتقدم لازم يكون معك جواز سفر صالح ل 31/1/2022 على الأقل
هي الشغلات الأساسية إذا موافقين عليها وأموركن تماما رح حطلكن الأوراق المطلوية وكيفية التقديم بالتفصيل والشروط كاملة بالرابط🚶‍♂️
https://www.syr-edu.com/2021/08/Russian%20Scholarship.html?m=1
#ضياء_ناصيف
#سوريانا_التعليمية

🔴#أسئلة_واستفسارات_هامة_بكالوريا_الجزء_الثاني

1️⃣ مفاضلة الموازي الأولى العلمي بتطلع وقت تطلع المفاضلة التانية العلمي أو بعدها بكم يوم

2️⃣ الأفرع العلمية متل الكيمياء والفيزياء ورياضيات وعلم أحياء هدول فيكن تدخلوهن عالمجموع وفيكن ع علامة الاختصاص وإذا بدكن تسجلوه بالمفاضلة بس بتكتبوا مثلا كيمياء ما بتكتبوا إذا عالمجموع أو الاختصاص وهو بالمفاضلة التانية إذا طلعلكن عالمجموع أو الاختصاص بيقبلوكن

3️⃣التحضيري والأدبي إذا بدكن تسجلوا موازي لازم قبل ما تنزلوا تسجلوا تروحوا عالمصرف العقاري وتقولولو بدكن تسجلوا موازي وتدفعوا 25 الف إذا ما طلعلكن تحضيري برجعولكن المبلغ وإذا طلعلكن بيخصموه من المبلغ كلو

4️⃣مافي شي اسمو كسر رغبة أو تنتقل لرغبة تانية خلص الفرع اللي طلعلك عالعام لازم تلتزم فيه باستثناء إذا بدك تسجل موازي وقتها بتخار أما عام أو موازي

5️⃣ مفاضلة المفتوح بتطلع بالشهر العاشر بآخرو تقريبا وهي كمان مفاضلتين وأحيانا بيطلبوا معدلات عالية متل العام، والافتراضي كمان مفاضلتها بالشهر العاشر

6️⃣مافيك تنقل من جامعة درعا أو القنيطرة أو السوريداء أو أدلب أو تدمر او الحسكة أو الرقة لجامعة دمشق أو حلب أو تشرين أو طرطوس أو الفرات أو حماة حتى لو نجحت بكل موادك وبمعدل

7️⃣ أبناء أدلب وأبناء الرقة (يعني اللي شهادتهم من هالمحافظات حصرا) هنن الوحيدين اللي وين ما سجلت بتداوم بأي جامعة، أما باقي الجامعات وين ما سجلت بدك تروح تداوم بالجامعة اللي سجلت فيها

8️⃣ مفاضلة منح الجامعات الخاصة لباقي الكليات(غير الطبية) بتطلع باخر الشهر 11

9️⃣ الأوراق المطلوبة للتسجيل بس ورقة الرغبات اللي بدك تسجلها والطوابع وصورة هوية وصورة شهادة ثانوية

🔟 طلاب العلمي لازم تحطوا رغباتكن بالترتيب يعني الرغبة اللي بدكم ياها تحطوها أول شي وهيك
#ضياء_ناصيف
#سوريانا_التعليمية✅

🔴#منشور_هام_جداً
معدلي قليل وما طلعلي الفرع اللي بدي ياه عالعام أو نقصني كم علامة أو نقصني كتير علامات شو لازم أعمل؟؟
وأنا بدي فرع محدد بدي ياه شو ما صار 💔

رح خبركم شو لازم تعملوا بالتفصيل

🔴أول شي إذا مو ناقصكم علامات كتيرة عن الفرع اللي بدكم ياه او اللي رح يطلعلكم🔴

1️⃣ أول خيار بتسجلوا بمنح الجامعات الخاصة لأنو بتجي أقل من العامة
2️⃣تاني خيار إذا طلعت المفاضلة ناقصكم علامات أكتر بتسجلوا موازي

🔴 طيب ناقصنا كتير علامات شو بدنا نعمل وبدنا طب أو صيدلة أو هندسة معلوماتية أو هندسة كهرباء أو اقتصاد أو حقوق أو أعلام أو تربية وهيك؟؟؟🔴
في عندكم كتير خيارات

بتسجلوا تعليم مفتوح وعلاماتو أقل من العام بكتير وفيه أفرع إدارة مشاريع صغيرة ومتوسطة ورياض اطفال وترجمة وحقوق واعلام وبعض الجامعات فيها مصارف وعلوم سياسية وهيك

💫💫طيب مافيني سجل مفتوح لبعد سنتين 💔
أي مو مشكلة بتسجلوا شي فرع عالعام وبتدرسوه وبعد سنتين بتسجلوا مفتوح وبصير معكن شهادتين😍

💫💫طيب بدي هندسات والتعليم المفتوح مافي هندسات شلون بدي سجل هندسة؟
أي هون بتجوا للجامعة الافتراضية اللي فيها شوية هندسات متل هندسة معلوماتية وتقانة معلومات واتصالات وهيك...

💫💫هلأ شيلنا من كل الحكي معدلي قليل وبدي الفرع اللي بدي ياه بدون ما ادفع مصاري وبدي ياه عالتعليم النظامي😒😒
أي هون منجي لآخر خيار واللي هو عنجد للي طامحين لشي معين وعم يقاتلوا مشانو مثلا طب أو صيدلة أو هندسة معينة وأفرع كتير وهالخيار هو:

أنو سجل معهد تقني بالشي اللي بدي ياه ورغبانو ..
مثلا بدي صيدلة أو طب بشري هون بسجل معهد طبي صحي وعحسب اختصاصي فيه بترفع للطب أو الصيدلة إذا طلعت من 3 بالمية الأوائل
ونفس الشي كتير هندسات ونفس الشي طب أسنان وإدارة أعمال ومصارف وحقوق وهيك
أي معهد بتطلع من 3بالمية الأوائل بتترفع للكلية المشابهة لاختصاصك

🔴سؤال مهم🔴
طيب سؤال اللي بيسألوه الأغلبية :بلكي ما طلعت من ٣ بالمية الأوائل؟؟
هون أنت قدام خيارين أما تاني سنة بتغير فرعك عشي بيطلعلك عالمفاضلة مثلا مجمع ٢٣٠٠ أجيت أنت هالسنة سجلت معهد طبي وأول سنة يعني ما طلعت بين الأوائل أبداً هون فيك تاني سنة تقلب ع هندسة معلوماتية بشرط تطلعلك بالسنتين

أو فيك تكفي بفرعك المعهد وتسجل فرع تاني عالمفتوح أو الافتراضي💫💫

بتمنى تكون وصلتكن الفكرة منيح وياريت وقت بدكم تنسخوا البوست تذكروا المصدر👇

#ضياء_ناصيف
#سوريانا_التعليمية✅

🔴#هام_جداً || كيفية التسجيل بالمفاضلة بالتفصيل، والأوراق المطلوبة وشرح عن التسجيل بالموازي والتسوية

#ملاحظات_إضافية: فيك تسجل رغبة وفيك تسجل ٣٥ رغبة أنت مو مجبور بعدد محدد، والرموز بتشتروها مع ورقة الرغبات والطوابع بتجي كاملة من قدام الجامعة وهي نازلة عالنت كمان، والموازي خاص للأدبي أو التحضيري، وفيه أخوك أو أبوك أو أمك يسجلولك بتفويض خطي بس.
https://www.facebook.com/461408940877736/posts/1512986532386633/?app=fbl
#ضياء_ناصيف

🔴#هام_جدا|| هي دفعة نصائح ومعلومات مهمة بتفيدكن #جامعات و #بكالوريات

1️⃣المفاضلة التانية للفرع العلمي بتطلع تقريباً ب 10/10 (موعد تقريبي) وبعدين فورا بتطلع مفاضلة الموازي الأولى وبعدين بتطلع الموازي التانية والمفتوح والافتراضية والمنح الداخلية بالجامعات الخاصة (غير الطبية)

2️⃣الدوام ببلش لطلاب السنة الأولى الأدبي ب 26/9/2021 ورح يبلشوا بمحاضرات تعريفية وخفيفة عن الفرع ومقدمات وهيك لتطلع المفاضلة العلمي بتبلش المحاضرات تمام..

طلاب العلمي اللي رح يسجلوا أفرع أدبية رح تسألوني كيف رح نعرف وين نداوم رح قلكن داوموا بالفرع اللي بتتوقعوا أنو بيطلعلكن وهو بالأصل ما رح يصير في محاضرات مهمة لبعد المفاضلة التانية...

3️⃣ التسجيل عالسكن فيكن أول ما يبلش الدوام فيكن تسجلوا عالسكن وبنفس اليوم اللي بتسجلو بالسكن بيطلعلكن غرفة (مع عشرة آخرون أو أقل ع حسب) وبخصوص العلمي فيك تسجل بسكن مؤقت مثلا إذا بدك موازي او هيك

4️⃣اللي شهادتهن البكالوريا هديك السنة أو قبل مافيهن يسجلوا ع مفاضلة هي السنة ولا بأي شكل من الأشكال💔

5️⃣اذا سجلتوا فرع وما عجبكن فيكن تغيروه السنة الجاي بس بشرط انو يطلعلكن عمفاضلة هي السنة والسنة الجاي، ونفس الشي اللي مسجل فرع السنة الماضية وبدو يغيرو هالسنة لازم يستنى المفاضلة التانية ليطلع ويشوف إذا الفرع بيطلعلو بالسنتين بغير فرعو عادي💫

6️⃣مافي تكميلي إلا لطلاب التخرج ومافي ترفع إداري💔

7️⃣شروط النقل ع دمشق رح تطبق هي السنة اللي بدهن ينقلوا ما منعرف إذا بصير استثناءات أو بيطلع شي قرار وخاصة مع ظروف السكن والسير وكتير شغلات

#ضياء_ناصيف
Deaa Naseef