#الخطة_الدراسية فرنسي :
🌟 ادرس الجلسة الامتحانية للاستاذ محمد ريحان ابصما افرما احرقا ما بعرف المهم بدي تبصما متل اسمك وموجودة ع القناة 🙄
🌟 المسا او بكرا الصبح بنزللكن جلسة الاستاذ عامر حداد مشروحة ومحلولة ومفصلة ع طريقة أسئلة الامتحان كمان افرموها وادرسوا قد ما فيكن منها 😎😍
🌟 حلوا دورات 2015 و 2014 ثم 2017 على هاد الترتيب 😌..👌
#أبو_الجود 👨‍💻
#سوريانا_التعليمية 🔥

#الخطة_الدراسية لمادة التربية الوطنية 🌟
ما بدا شي مادة خفيفة نظيفة وال 200 فيها مو صعبة انشالله 😍
- يلي بده يدرس من الكتاب او النوطة يلي درس منها بقلب السنة بحب قلك كمل من مكان دراستك مشان تضمن 200 ولا تخاطر وتدرس جلسات 🤷‍♂
⭕️ #الجلسة_الامتحانية مصدرين :
- #علاء_داوود جلسته حلوة ومنيحة بشرط دراستها #كاملة 👉
- #مالك_درباس كمان منيحة وحلوة ومرتبة بشرط دراستها #كاملة 👉
التنين رح ينزلوا ع القناة وآخر شي حلوا دورتين او تلاتة وزيادة عليها 😅🙄

#أبو_الجود 👨‍💻
#سوريانا_التعليمية 🔥

#الخطة_الدراسية لمادتي التربية الدينية الاسلامية والمسيحية 🌟
😒 أي والله ما بدا خطة بس أنتوا عم تدللوا زيادة 🤷‍♂ بس يلا معلش بتستاهلوا يا أكابر 😌💚

👈 هني جلسة وحدة لكل مادة افي غيرا 🙄..:
- #الجلسة_الامتحانية للطلاب المسلمين للاستاذ محمد سعيد ال رشي 😍
- #الجلسة_الامتحانية لأخواتي المسيحيين للانسة يولند سالم (يقال انها تضمن النجاح) 😍

منهون لبكرا بتكونوا خالصين الجلسة وبنزللكن دورات نتدرب عليها سوا واخر شي متل العادة منركز ع الآيات والأحاديث الهامة ونسكرا ❤️
❗️❗️ #انتبه ؛ لا تستخف بالمادة ياما ناس رسبت بكل السنة بسبب الديانة 🙂
#أبو_الجود 👨‍💻
#سوريانا_التعليمية 🔥

#الخطة_الدراسية لمادة الكيمياء 🌟
👈 اليوم بتخلصوا العضوية أهم شي النظري أما المسائل مرقوا المسالة الأولى بأول درش ابصموها (للاحتياط) فقط..
👈 بكرا بتخلصوا النووية والحرارية والسرعة والتوازن
👈 بعد بكرا حموض وأسس والأملاح والمعايرة
- آخر شي حلوا دورات للتدريب فقط ❤️
#ملاحظة : حسب الضمانات والأخبار التربوية لهلق الأسئلة رح يكون ختامها مسك وانا كتير متفائل بهاد الشي لأن الكيمياء كل سنة بتخلص ع خير ومسائلها ونكشاتا معروفة 🤷‍♂
#نصيحة : ركزوا الكيمياء منيح لحتى اذا ما طلعلكن شي بتفوتوا كيمياء على علامة الاختصاص مو ع المجموع والكيمياء تقريباً أفضل اختصاصات العلوم وفيكن تكملوا صيدلة بجامعة خاصة 😍
#نصيحة و #طلب : ادرسوا جلسة الاستاذ #عمار_الخياط لأنها شاملة وبعيدة عن التوقعات ومختصرة نوعاً ما وبتساعد ع الدراسة وحاليا ادرسوا اوراق الاستاذ فارس جقل وجلسة المتفوقين لبين ما تتوفر 👌
#سوريانا_التعليمية 🔥

#الخطة_الدراسية للتكميلي 👌..
- بعد ما تخلصوا مراجعة من دراستكن سواء مكثفات أو نوط أو مصدر دراستكن.....الخ
⭕️ بتدرسوا مكثفة أو جلسة امتحانية لاستاذ واحد وبالقناة في عنا جلسات امتحانية ومكثفات بحررر اختار أي جلسة لاستاذ معين حملها وخلصها 😁
⭕️ بالنسبة لجماعة #الفيزياء انشالله يوم الأربعاء رح بلش معكن مشان #الأسئلة_الهامة_الشاملة مشان تلحقوا تدرسوهن برياحة 👉
⭕️ كل المواد تقريباَ رح نزل كلشي الها قبل ب أربع أيام على الأقل باذن الله 👌

🌟 شاركوا رابط القناة وهاد البوست لأن ساعة الصفر قررررربت وبدنا نوصل لكل الطلاب 😌❤️
T.me/Bac_sy 👈...😉
#أبو_الجود 👨‍💻
#سوريانا_التعليمية ✅

#الخطة_الدراسية لمادة اللغة العربية علمي وأدبي قديم وحديث 👇

شباب ركزوا معي شوي لأن حسب وضع كل طالب بدك تمشي وأنت اختر الشي الي بناسبك.
أنا قلتلكن بإذن الله بدنا نسكر العربي ما بدي علامة عادية بدي تامة بإذن الله لحتى نرتاح نفسياً ونجهز حالنا للمادة الأقوى والأصعب نوعاً ما الي هيي الجغرافية والرياضيات وهديك في الها خطة مرتبة بوقتا بإذن الله.
حالياً رح نمشي كالتالي :
1)- نوطة قواعد عربي : إذا في عندك ضعف حملها واخلص من القواعد 👇
https://www.syr-edu.com/2020/02/grammar-arabic.html

2)- مكثفة العلمي : إذا ما بدك تدرس جلسة امتحانية وبدك الشي الأشمل ف أنا رح اعطيك المكثفة الأفضل برأيي للاستاذ رامي تكريتي ادرسها وركزها إذا ناقصك شي بالمنهاج 👇
https://www.syr-edu.com/2020/03/arabic-3lmee-arabic.html

3)- مكثفة الأدبي : نفس الحكي فوق اذا ناقصك شي بالمنهاج حمل مكثفة الأدبي للاستاذ رامي تكريتي 👇
https://www.syr-edu.com/2020/03/arabic-takriti-2020.html

4)- أنت ما بتحب المكثفات وهالقصص ...؟!
طيب خلصت المنهاج بس في عندك مشاكل بنقاط معينة وحابب تعيدا وما بدك تحط خصوصي وتشتري وراق ..؟! أي مو تكرم عيونك ، هي رابط فيه فيديوهات الاستاذ رامي تكريتي كاملة شارح فيها قواعد المنهاج الي بتلزمكن فوت شوف القاعدة الي بتحبا 👇
https://www.syr-edu.com/2020/02/study-arabic.html

5)- أخي أنا طالب خالص المنهاج وبدي أوراق امتحانية منيحة وشاملة للمنهاج بعيدة عن التوقعات اختبر حالي فيها وركز العربي بوقت قصير ، أي مو تكرم عيناك 😌❤️
وهي جلسة امتحانية للأدبي والعلمي برضوو للاستاذ رامي تكريتي ( يا أخي شو بدكن بالحكي والله استاذ سكرة ودهب 😅❤️ ) وهاد الرابط 👇
https://www.syr-edu.com/2020/06/final-arabic-rami.html

6)- خلصت المادة وبدك أسئلة دورات كرمال تدرب فيهن ...؟! أي شو كم طالب بكالوريا عندي أنتوا كلكن شي نص مليون طالب عادي بتحملكن 😂❤️ وهاد رابط الأسئلة يا ولاد الأكابر 😎👇
https://www.syr-edu.com/2020/01/arabic-exam.html

7)- أبو الجود أنت بتعرف أنه أخطر شي المواضيع وبدنا علامتها شو بعمل ...؟!
أي اتفضل اتفضل أي اتفضل اتفضل 😂❤️
وهاد رابط ملف اخي حمله وانسى هم المواضيع 👇
https://www.syr-edu.com/2020/03/Subject-full.html

8)- أخي أنا خلصت المادة وبدي استاذ اسأله شي شغلة يجاوبني عليها فقرة صغيرة وهكذا يعني شو اعمل ...؟!
أي مو تكرم عيونك تعال عندي بكرا الساعة 12 بالليل سخن إبريق زهورات (المتة غالية 💔) واحضر البث المباشر ع صفحة سوريانا واحزروا لمين 😌...؟!
ما بدا تنين يتناقشوا فيها ، ليش مين عنا غير الاستاذ رامي نتسائل عليه ونعذبه معنا 😅❤️

9)- طيب وأنت شو مشااانك ...؟!
والله يا غالي أنا ما بدي قرب ع التوقعات الله وكيلكن وزارة التربية حاطة ببالا كلشبي توقعات تضربا وهاد حقا ، بس نحن لها بالمرصاد لهيك عطيتكن فوق كلشي #شامل 😍😎
ممكن نزل شي مثلاً أسئلة ثابتة بتسرقوا العلامة منها 😉 و #ممكن بليلة المادة المسا هيك أنا وانتوا منشوف شو الأساتذة اتوقعوا ونحذف المتوقع ونركز ع الغير هام لعل وعسى تزبط معنا 😂❤️

المهم ما تنسوا #تابعوا_الحساب بأي لحظة بنشر لأي مادة حسب شو بيتوفر معي وكيف الله بقويني وأكيد معكن للموت واطمنوا بإذن الله سهلة كتير وهلق ارفعوا البوست و #شاركوه ليصلك لكل الطلاب 😌❤️

#بحبكن كتير وانشالله كلكن تااامات 👌
#سوريانا_التعليمية☑️
#صالح_الشاهين أبو الجود ...✍

🔴 #الخطة_الدراسية لمادة العلوم #منهاج_قديم 2020 👇
- ملاحظات وتركيز على أهم الفقرات والأسئلة
- تقسيم دراسة المادة على الأيام المتبقية
- موعد تنزيل الأوراق الامتحانية
- موعد تنزيل أهم الأسئلة للمراجعة

#الأوراق سيتم نشرها كما هو موضح في الخطة عندما ننتهي من تعديلها لنقدم لكم أفضل عمل بإذن الله ❤
#بعد_قليل : المنهاج #الحديث 👉
#صالح_الشاهين أبو الجود ...✍

🔴 #الخطة_الدراسية الكاملة لمادة اللغة الانكليزية || لطلاب الأدبي والعلمي

مادة اللغة الانكليزية اللي كتير طلاب بتستصعبها بالرغم من أنها مادة سهلة دراسياً يعني برأيي حرام الطالب يهملها ويقول يلا بكرا بدرس كم سؤال وتوقعات وانجح فيها ومشي أموري .
#دراسة هي المادة بالذات مختلفة شوي ، أكيد أنت بهاليومين ما بعتقد رح ترجع تعيد النصوص نص نص وترجع تحفظ المواضيع موضوع موضوع .
أنا رح اعطيك ملف فيه قواعد اللغة الانكليزية للأستاذ فراس رشدان وهو ملف شامل وفيه القواعد بطريقة مرتبة وحلوة .
👈 طيب يا أبو الجود شو أهم النصوص والمواضيع ..؟!
يا جماعة مافي شي اسمه أهم النصوص والمواضيع، في شي اسمه دراسة ذكية بتقدر تدرس فيهن المواضيع والنصوص 😌..:
مثلاً: أنت فيك تدمج موضوعين مع بعض بموضوع واحد (الصحة والرياضة) يعني هدول التنين بس إذا ضفت كم كلمة من الأول ع التاني صار موضوع كامل وبتاخد عليه علامة 🤷‍♂
وأكيد كل استاذ دامج المواضيع لطلابه لهيك أنا ما رح قلكن تدرسوا هيك وتدرسوا هيك، وصدقوني يا جماعة اذا لغتكن الانكليزية منيحة وكتبتوا موضوع من عندكن وكان ترجمته زابطة والقواعد فيه تمام ولو 80% رح تاخدوا علامة 👌
#النصوص : متل ما بتعرفوا النصوص عنا بالكتاب كتيرة ف مستحيل تقدر تحصر النصوص وتقول هاد مطلوب وهاد لا لأن هيك بكون عم ضرك، بس في مفتاح سحري لكل نص وهو انك تقرأه قراءة فهم وليس بصم وتفهم الكلمات المفتاحية من النص والمغزى منه وأكيد رح تقدر تحله بسهولة لما تقرأ السؤال الامتحاني بفهم 😍

#حل_أسئلة_الدورات : هي أفضل شي لتختبر حالك بالانكليزي ورح تكتشف وين أخطاءك قواعدياً 👌
بالنسبة لجمل الترجمة شو ما اعرفت من الجملة اكتب وترجم، اطمن طالما ترجمتك صح ولو ما كانت حرفية بس صحيحة وبالمعنى المطلوب رح تاخد علامة عليها 😍👌

#رابط_ملف القواعد للتحميل بدقة عالية 👇
https://www.syr-edu.com/2019/08/2019_69.html

و اللي ما فتح معه الرابط هاد رابط تيلغرام 👇
https://t.me/Syr_edu/4107

بعد شوي ان شالله رح ننشر رابط أسئلة الدورات لتجربوا فيهن وتشوفوا أنها مادة سهلة وحلوة وأهم شي ركزوا ع القواعد وما تبقى من النصوص والمواضيع ف بتعتمد ع الفهم أكتر من البصم 👍
وشدوا همتكن فيها كتير منيح خاصة الي حلمه أدب إنكليزي 😍
لأنو إذا جبتوا علامة منيحة بغض النظر عن مجموعكن شو ما كان بتقدروا تدخلوا أدب إنكليزي بعد ما تنجحوا بالاختبار اللي بتعمله الجامعة 💪
#موفقين يارب وأكيد بإذن الله بس ادرسوا منيح رح تلاقوها سهلة وأهم شي ما تحذفوا مواضيع أو نصوص من حالكن 🙏
#دعواتكن لقديستي وأخي بالنجاح ❤️

#صالح_الشاهين أبو الجود ...✍
#سوريانا_التعليمية