أنت وياها قوموا لقلكن 😐
وك ليش عم تبكوا وليش زعلانين 😒...؟!
قوموا وقولوا للي عم يكسروكن ويزعلوكن :
لكل يلي تمنو كسرنا 🖤
طول ما الله معنا بعمركن مارح تشوفونا مكسورين 😍❤️
وبعدا شغلوا شي غنية وارقصوا ع هيك دنيا كذابة وارجعوا #اضحكوا والله يخليلنا ياكن #طلاب_سوريا 😌💚

#أبو_الجود 👨‍💻

#أبو_الجود عبر صفحته الشخصية :

بداية سنة 2020...❤
بدنا ننسى 2019 شو ما كانت ونتعلم من أخطاءها ونصلح كلشي ب 2020 👌
انخذلنا كتير واتحطمنا كتير وفي ناس كتير وقفوا بوشنا و بوش حلمنا وفي ناس كتير كشفتن ع حقيقتن وفي ناس صاروا قطعة من روحي 💙
أول شي بدي اتوجه بتحية حب وحنان لكل أم ولكل طالب سوري وأكيد لكل أب عظيم كافح وناضل وتعب كرمال ولاده يكملوا تعليمن ويدرسوا ببلد صار التعليم فيه كتير صعب وشبه مستحيل بسبب ما نمر فيه من ظروف صعبة 🥺
وأكيد تحية حب واحترام لسيادة الرئيس والله ينصره #يارب ويخلصنا من هالحرب اللعينة لترجع الضحكة لقلوبنا 🇸🇾
بدي اشكر كل حدا وقف جنبي وبدي قلكن كل عام وأنتوا الخير لكل عام وبرجع قلكن شغلة مهمة تحطوها ببالكن :
#أبو_الجود مو مسؤول ولا حدا كبير بالعمر أبو الجود قصة انخلقت لترسم الضحكة بقلوبكن وليكون سند الكن وبنفس الوقت تكونوا سند اله أنا من عمركن وأنا منكن وفيكن وموجود معكن بكل مكان وعم ساعدكن ع الأرض وعم داوم معكن بالجامعات ومرافق ضحكتكن ع طول ❤

#ضلوا_بخير و #ضلوا_اضحكوا أنتوا أملي بحرب اخسرت فيها كتير وأنتوا صرتوا راس مالي بهي البلد ☃️💛
#صالح_الشاهين ✔

رسالة شكر ونجاح لجميع طلاب سوريا مني وبمناسبة دخولي إلى فرع جديد 😍...:

https://m.facebook.com/story.php?story_fbid=640537596702140&id=100022377163013

#أبو_الجود ✅

تعال معي أنت وياها لشوف 🤦‍♂️

عاجل #وزارة_التربية : نتائج امتحانات الشهادة الثانوية العامة غداً في تمام الساعة 6 مساء ⛔
كل أقاربك وأهلك وأصدقائك واحتمال كبير حتى الميتين بقوموا من قبرن كرمال يقلولك بكرا النتائج 🙂
الكل ناطرك ع نكشة وأنت خايف من كلشي وقلبك عم يدق بسرعة 😥👌
أمك بتضل سهرانة للصبح كرمال تدعيلك وتصلي لرب العالمين لترفع راسا وتشوفك بأحلى مكان 😍
أبوك ما عم يجيه النوم وهو عم يقلك شو يا بش مهندس شو يا دكتور يا محامي العيلة يا اعلامي يا يا يا....👨‍🔬
تعب 18 سنة واقف ع نكشة وساعات قليلة بتفصلك عن الحلم 😰❄
تاني يوم المسا بتصير الساعة 4 وبتطلع النتائج متل كالعادة قبل موعدها بتطلع 😥😥🥺
أختك الصغيرة أم شبر ونص بتجي تركض لعندك لك ياااااا دب عطيني 1000 ليرة كرمال اشتري فيها بسكوتة حلوانك 🥺😍
وأنت بدون ما تنتبه تشوطا برجلك من فرحتك 😂❤
أبوك بيجي يقلك لك طالع عليي ذكي والله وبيضت وشنا وبتجي الماما وتقله هلق لا تعمل حالك ذكي أكيد يقبر قلبي طالع عليي وعلى خواله 😌💚
ويبلشوا يشلفوا الكراسي على بعض ويتخانقوا 😂🤯
وأنت فرحان ومو شايف حدا قدامك وبتطلع بالشارع وتركض تصرخ لك انجحححححت لك قلعت عين الكل 😍
وبتروح ع الفيس ع صفحة سوريانا التعليمية بتبلش تصرعنا : أنا انجحت ومجموعي 239.9 بيطلعلي تحضيرية 🥺...؟!
وبعدا بتبلش تصرعنا بموعد المفاضلة وقبل ما تطلع المفاضلة بتنزل ع الفيس بدأ دراسة الطب البشري قبل ما تطلع المفاضلة حتى 🙂 لك حتى تحضيرية ما دخلت 😂
وهيك عيونك بتصير 😍 وتشعر بطعمة النجاح وفجأة.....
بتقطع الكهربا وبتصير الغرفة ظلاااام 😰
وبيجي العووو يلي هو (أختك الصغيرة) وترجع تشوطا مرة تانية 😂❤
أي وهيك رح تضل فرحان ومبسوط 😍😍💚
#اتعبوا لك #ادرسوا و #قاوموا كرمال هي اللحظة الحلوة لما تشوف فيها دموع أمك من الفرح وعيون أبوك كمان 😍❤
يصبح الخير عليكن ورح نضل معكن لتحقيق هي اللحظة يا عمري أنتوا وهلق اتغطوا منيح وشاركوا هاد البوست خلوه يوصل لكل طلاب البكالوريا 😁💚

#أبو_الجود : صالح الشاهين ☃️
#سوريانا_التعليمية ✔

اقروه للأخير #ضروري كتير ❤

بأي محاضرة أو دعم نفسي بحكيه مع الطلاب والأهل ببدأ بصفة اسما #الحنية 💚 طيب ليش هي الصفة ؟!
- معروف عني لما بفوت ع صف معين سواء بمدرسة أو معهد وسلم ع الطلاب بنزل لعندن وبوس راسن واحضنن .
هي الحركة #مقصودة وبتعطي ألف حنية أم لقلب الطالب، أنا ما بهمني أنه انصح الطالب كيف يدرس وكيف ينجح اذا ما اكسبت قلب الطالب 😌
شو بفيدني ضل انصحه خمس ساعات عن الدراسة والمستقبل وهو معتبر كلامي متلي متل غيري لهيك دائمآ ببدأ معن بالحنية وأول سؤال بكون هو : كيفكن طمنوني بردانين ؟! أمانة بتنزلوا نفطر سوا أو مننزل نلعب بيس سوا ؟!
ولما بحسوا أنه صرت قريب منن !! بلش معن بالدراسة وحتى بسألن عن أهلن كيفن ومرة ما بنسى وقت قلي هداك الشب : أنا أبي ميت والفرق بيني وبينه بالعمر صغير بس قلتله يمكن ما بقدر كون أبوك لأن حنية الأب ما بتعادلا حنية بس واثق أنه أنا وقت الجد بقدر كون جنبك وكمل الي ناقصك ❤
لمجرد اني رسمت ضحكة ع وشه أنا اضحكت 💚
اهتموا بالنفسية لأولادكن ولطلابكن والله هني حنونين وحبابين بس بدن مين يهتم فيهن حدا يكون صادق بدون ما يبيعن وطنيات وكلام فاضي ورسميات 🥺
ع العموم #أنا رح ضل معكن وما رح اضعف كرمالكن أنتوا وكرمال ضحكتكن يا #ضحكتي بهالعمر والله هدفي واحد فقط يكون الكن أخ اسمه #أبو_الجود مرافقكن كل حياتكن ودعوة أمكن الي هي أمي وأبوكن الي هو أبي بتسوا الدنيا وما فيها 💙💙
ياريتني فيني قدم أكتر من الي عم قدمه ❤
يصبح الخير عليكن واتغطوا منيح 💚

#صالح_الشاهين ✍

بعد قليل وحسب طلبات النسبة الأكبر من الطلاب :
كيف بتصير حرامي وتمسح المنهاج وتصير البكالوريا لعبتك 😎😍💚
كيف رح تخلص المنهاج وكيف رح تسرق العلامات هي بعد شوي رح جاوبكن عليها وانطروا 😇..
#أبو_الجود 👨‍💻

#الأوراق_الامتحانية في مادة القومية 😍
بكالوريا ولجميع الأفرع ❤️
#نسخة_2020 🌟
#أبو_الجود 👨‍💻
#سوريانا_التعليمية ✅

الأوراق الامتحانية النهائية لطلاب الصف التاسع بمادة الاجتماعيات (منهاج قديم) 2020 💚

#أبو_الجود
#سوريانا_التعليمية

#الأوراق_الامتحانية في مادة القومية 😍
بكالوريا ولجميع الأفرع ❤️
#نسخة_2020 🌟
#أبو_الجود 👨‍💻
#سوريانا_التعليمية ✅

🔴 #توجيهات أخيرة بمادة #القومية || طريق ال 200 كامل وحلول اسعافية.

شباب الي بكرا متوقعه يجيب 200 هو شخص واحد ، درس الملف كامل ومن ثم (حل أسئلة الدورات مو ضروري) ومن ثم أهمهم شي يكون درس الورقة الي نزلتا العصر (نفسا هي)

#شو هي الأسئلة يا #أبو_الجود المحددة ...؟!
هلق هي الورقة تعادل 20 ل 25 بالمية من المنهاج المطلوب يعني في حذف كبير كرمال محدا يقلي كتاب كامل 👌
الورقة أنا حطيتا برأيي وبإجماع أساتذة كبار ساعدوني ❤
الي تحتن خط هني أهمهم شي (#برأيي المتواضع) 👉

#شو_جابت هي الورقة بالسنين الماضية ...؟!
الله وكيلكن 200 (بتوفيق الله مو بفضلي) واسألوا طلاب 2019 بالأخص ، بس بشرط الصح والخطأ هني أسئلة فهمية لازم تكون فهمان الدروس يعني 👉

#أنا_فارش بدي حد نجاح بس #شو_اعمل ..؟!
( بتعمل شاي 😂❤) بعرف بايخة بس حبيت ضحكن ، هلق أنا #برأيي_المتواضع أنه تدرس الدروس التالية (من ملفي حصراً) الدروس (1 + 2 + 3 + 4 + 14) يعني خمس دروس برأيي هدول بجيبوا حد النجاح وحبة مسك، وأنت إذا مو دارس شي ادرس هدول مو خسران شي إن جابوا حد النجاح أو لا 🤷‍♂️

⚠️⚠️ #نصيحة_وتحذير : حط بكرا كلمة صح وكلمة خطأ مو إشارات أفضل وأحسن، ليك وكمان بكرا مثلاً اجتك مقارنة روسو مع شي حدا مثلا فارابي ارسطو خيالية أو مثلاً قارن بين ايجابيات وسلبيات الثورة المعلوماتية أو سمات عالم الشمال والجنوب ....الخ بتحط جدول مقارنة ، اجاك تعداد اكتب كلشي بتعرفه ، مثلا أهمية الشعب اكتبه كامل أو قلك العولمة الاقتصادية اكتبه كامل أو الأنماط التي استخدمتها أمريكا في هيمنتها على الأمم المتحدة اسردها كاملة ولو طويلة (مو توقعات افهموا هي عم أعطيكن أمثلة ما تفهموا أنه هدول جايين 😂🤦‍♂️)

(( #شاركوا البوست وارفعوه بالتعليقات كرمال يصل وبعتذرع التأخير و #موفقين يارب )) ❤
#دعواتكن ل #قديستي وأخي بالامتحان بكرا ❤❤
#صالح_الشاهين أبو الجود ...✍