Swift Proxy Service /ስዊፍት የግል ጉዳይ አስፈፃሚ

የእንኳን ደስ አላችሁ መልእክት ከባህር ዳር
ዩኒቨርሲቲ የተማሪዎች ህብረት ጽሕፈት ቤት

ባህር ዳር (መጋቢት 2018) —

በመጀመሪያ፣ የባህር ዳር ዩኒቨርሲቲ የተማሪዎች ህብረት ጽሕፈት ቤት ለጤና ሳይንስ ኮሌጅ ተማሪዎች፣ ለተመራቂዎችና ለቤተሰቦቻቸው በሙሉ እንኳን ለታላቁ የምረቃ በዓል በሰላም አደረሳችሁ እያለ ልባዊ መልካም ምኞቱን ይገልጻል። ዛሬ የምታከብሩት ድል የዓመታት የልፋታችሁና የጥንካሬያችሁ ውጤት በመሆኑ ኩራታችን ላቅ ያለ ነው።

ይህ የምረቃ መርሃ-ግብር ከመደበኛው የትምህርት ስኬት ባለፈ፣ የተማሪዎች ህብረት አመራሮች በአካዳሚክ ዘርፍም ጭምር ያላቸውን ቁርጠኝነትና ብቃት በተግባር ያስመሰከሩበት ልዩ አጋጣሚ ሆኖ ውሏል።

በዚህ በዓል ላይ የተገኙት የባህር ዳር ዩኒቨርሲቲ የተማሪዎች ህብረት ፕሬዝዳንት አማረ ደጉ፣ በምረቃው ላይ የላቀ ውጤት ላስመዘገቡት አራት የተማሪዎች ህብረት ተወካዮች ያላቸውን ኩራት ገልጸዋል።

እነዚህ ተወካዮች፦

1️⃣አንተነህ ኑርልኝ

2️⃣ስለአባት ፈንታ

3️⃣ታምራት ታደለ

4️⃣ጥጋቡ ጫኔ

የተጣለባቸውን ከፍተኛ የተማሪዎች አገልግሎት ሃላፊነት እየተወጡ፣ በተመሳሳይ ሰዓት በትምህርታቸው እጅግ ከፍተኛ ውጤትና ማዕረግ (Great Distinction) ማስመዝገባቸውን ፕሬዝዳንቱ በደስታ ተናግረዋል።

"ዛሬ የተመረቁት የህብረታችን ተወካዮች፣ የተማሪዎች ህብረት በአገልግሎት ብቻ ሳይሆን በአካዳሚክ ደረጃም ቢሆን የተሻለና አርአያነት ያለው ስራ እንደሚሰራ ህያው ምስክሮች ናቸው፤" ሲሉ ፕሬዝዳንት አማረ ደጉ ገልጸዋል።

ፕሬዝዳንቱ አክለውም፣ እነዚህ ወጣቶች "አመራርነት በትምህርት ላይ ጫና ይፈጥራል" የሚለውን የተሳሳተ አመለካከት በመስበር ለሌሎች ተማሪዎች ትልቅ ተምሳሌት መሆናቸውን ጠቁመዋል።

በመጨረሻም፣ የተማሪዎች ህብረቱ ይህንን ድርብ ድል በማክበር ለተመራቂዎቹና ለቤተሰቦቻቸው መልካም ምኞቱን የገለጸ ሲሆን፣ በቀጣይም ህብረቱ በአካዳሚክና በአገልግሎት ዘርፍ ያለውን ጠንካራ ተሳትፎ አጠናክሮ እንደሚቀጥል አረጋግጧል።

ዘጋቢ፦ ቃለአብ ሰሙንጉስ
የባህር ዳር ዩኒቨርሲቲ የተማሪዎች ህብረት የህዝብ ግንኙነት ስራ አስፈጻሚ

❤7👍1🔥1🏆1

2.15K viewsቃለአብ, edited 13:32