سوارە › خەوە بەردینە › ئاسۆ
ڕێگای دوور لەبەر چاوی ڕاخراوە
بانگم ئەکا بەرەو ئاسۆ پێم وەستاوە
من هەروا بووم تا دێتە بیرم
تا ڕۆژی مردن شارەوشارم
ڕێبوارم بێ هەوارە
بەڵام ئەمڕۆ چاوێکی گەش
باڵای بەرزی بە داوی ڕەش
پێی پیاسەی لێ شل کردم
کۆتی دیلی لە مل کردم
ڕێبوارم بێ هەوارە
✍#سوارە_ئیلخانیزادە
@Suwara_Ilkhanizada
ڕێگای دوور لەبەر چاوی ڕاخراوە
بانگم ئەکا بەرەو ئاسۆ پێم وەستاوە
من هەروا بووم تا دێتە بیرم
تا ڕۆژی مردن شارەوشارم
ڕێبوارم بێ هەوارە
بەڵام ئەمڕۆ چاوێکی گەش
باڵای بەرزی بە داوی ڕەش
پێی پیاسەی لێ شل کردم
کۆتی دیلی لە مل کردم
ڕێبوارم بێ هەوارە
✍#سوارە_ئیلخانیزادە
@Suwara_Ilkhanizada
سوارە › خەوە بەردینە › بانگەوازی پەنجەرە
تەوژم و تین ئەگەڕا
ئەگەڕا نوتفەدانی پەنجەرەکان
وەماڵی بێ زگ و زا
پڕ ئەبوو
لە تۆوی بەهار
شنە هەمیشە وەکوو
ویردی زاری پەنجەرە بوو
ئەبوو بەسەربەندێ
لە قاپی سەوزی زەمەندا
دووپات ئەکراوە
منیش دڵم پشکووت
بەڵێنی دەعوەتی ڕەنگینی پەنجەرەی تاکی
بەرەو بەهارم دا
لەبەر بەیانی وەها
خۆشەویست و متفەڕکا
کە کۆلکەزێڕینە
ئەبوو بە مەقتەعی شیعری
درێژی بارانە
وە پڕ بە پێستی لەشم
حولوولی گیانی
تەبیعەت بوو
دەسم
لە چەشنی شینکە لە خاکی
بەهاری پاک ئەڕوا
وە عەتری زاری کچی پێوە
خاکی ماجوومی
منیش بە سەجع و هەوای
شەپۆلی چۆمە ئەڵێم
شیعر و با و بالۆرەم
وە با بە سۆزە بە نەرمی
خەریکە لاوژە ئەگێڕێ
بە شیعری پاراوم
وە ئیمانم
پتەو ئەبێ بە سەفای
گەورە ماڵی پەنجەرەکان
لە هەرچی ئینسانە
ئەگێڕمەوە
بە هەموو بانگەوازی دەستی بڵاوم
دەمێکی بوو دڵی من
پڕ بە پێستی تەنیایی
شەپۆڕ و شینی ئەگێڕا
دەمێکی وا دادێ
بە هەرچی وا لە وزەی سەوزی پەنجەرەدا
دڵی بەتاسەی من
خەریکە پێ ئەکەنێ.
✍#سوارە_ئیلخانیزادە
@Suwara_Ilkhanizada
تەوژم و تین ئەگەڕا
ئەگەڕا نوتفەدانی پەنجەرەکان
وەماڵی بێ زگ و زا
پڕ ئەبوو
لە تۆوی بەهار
شنە هەمیشە وەکوو
ویردی زاری پەنجەرە بوو
ئەبوو بەسەربەندێ
لە قاپی سەوزی زەمەندا
دووپات ئەکراوە
منیش دڵم پشکووت
بەڵێنی دەعوەتی ڕەنگینی پەنجەرەی تاکی
بەرەو بەهارم دا
لەبەر بەیانی وەها
خۆشەویست و متفەڕکا
کە کۆلکەزێڕینە
ئەبوو بە مەقتەعی شیعری
درێژی بارانە
وە پڕ بە پێستی لەشم
حولوولی گیانی
تەبیعەت بوو
دەسم
لە چەشنی شینکە لە خاکی
بەهاری پاک ئەڕوا
وە عەتری زاری کچی پێوە
خاکی ماجوومی
منیش بە سەجع و هەوای
شەپۆلی چۆمە ئەڵێم
شیعر و با و بالۆرەم
وە با بە سۆزە بە نەرمی
خەریکە لاوژە ئەگێڕێ
بە شیعری پاراوم
وە ئیمانم
پتەو ئەبێ بە سەفای
گەورە ماڵی پەنجەرەکان
لە هەرچی ئینسانە
ئەگێڕمەوە
بە هەموو بانگەوازی دەستی بڵاوم
دەمێکی بوو دڵی من
پڕ بە پێستی تەنیایی
شەپۆڕ و شینی ئەگێڕا
دەمێکی وا دادێ
بە هەرچی وا لە وزەی سەوزی پەنجەرەدا
دڵی بەتاسەی من
خەریکە پێ ئەکەنێ.
✍#سوارە_ئیلخانیزادە
@Suwara_Ilkhanizada
سوارە › خەوە بەردینە › بۆ کچە کوردێ
دزەی نیگای ژێر تارای شەرم و ناز
سەرنجی کێشام کیژی کرچ و کاڵ
ئەی پەریزادەی ئەو پەڕی جوانی
لەو ساوە کە تۆ
بازی نازی تۆ
بۆ منی کڵۆڵ ئەنێریتە ڕاو
دڵ وەک دوو تەپڵەی
سوارەی کوردی
جوانووی نەگیراو
مەیل ئەخاتە باڵ
خەرمانەی بۆنی زولفت لە سار شان
بۆی کێوی شەوبۆ فەسڵی درەنگان
تێریتە بیرم
چاوە کاڵەکەت
هەسارەکەی ڕۆژ بۆ ڕێبواری شەو
یا خۆ قاسپەی کەو لەدەم بەیانا
بۆ هەوارنشین، هەوارگەی شاهۆ
تێریتە بیرم
کە ڕووی وتارت ئەکەیتە لای من
سروەی بەیانی، ئازیز شنە شن
تێریتە بیرم
✍#سوارە_ئیلخانیزادە
@Suwara_Ilkhanizada
دزەی نیگای ژێر تارای شەرم و ناز
سەرنجی کێشام کیژی کرچ و کاڵ
ئەی پەریزادەی ئەو پەڕی جوانی
لەو ساوە کە تۆ
بازی نازی تۆ
بۆ منی کڵۆڵ ئەنێریتە ڕاو
دڵ وەک دوو تەپڵەی
سوارەی کوردی
جوانووی نەگیراو
مەیل ئەخاتە باڵ
خەرمانەی بۆنی زولفت لە سار شان
بۆی کێوی شەوبۆ فەسڵی درەنگان
تێریتە بیرم
چاوە کاڵەکەت
هەسارەکەی ڕۆژ بۆ ڕێبواری شەو
یا خۆ قاسپەی کەو لەدەم بەیانا
بۆ هەوارنشین، هەوارگەی شاهۆ
تێریتە بیرم
کە ڕووی وتارت ئەکەیتە لای من
سروەی بەیانی، ئازیز شنە شن
تێریتە بیرم
✍#سوارە_ئیلخانیزادە
@Suwara_Ilkhanizada