Вазир ва ёшлар учрашуви

ЁШЛАР БИЛАН ФАХРЛАНАМИЗ

Ёшлик – умрнинг энг бебаҳо даври.
Ёшлик – ўз сўзини айтиш, истеъдод ва қобилиятларни руёбга чиқариш орқали ўзини дунёга намоён қилиш имконияти.

Жорий йил 24 февраль куни «Кўксарой» қароргоҳида ёшлар билан мулоқоти чоғида Президентимиз «Юртимиздаги 22 миллиондан зиёд ёшларимиз тимсолида биз жуда катта иқтисодий, ижтимоий ва сиёсий кучни кўрамиз», – дея таъкидладилар.

Мамлакатда ҳар ҳафтанинг пайшанба куни вазирлик, идора ва ҳокимликларда «Ёшлар куни» ўтказилиши белгиланди.

Бугун Сув хўжалиги вазири Шавкат Хамраев соҳа ёшлари билан учрашиб, улар билан мулоқот қилди.

9 апрель – Буюк саркарда, йирик давлат арбоби, марказлашган давлат асосчиси, илм-фан ва маданият ҳомийси, соҳибқирон Амир Темур туғилган кун. Бугун мамлакатимизда Амир Темур таваллудининг 690 йиллиги муносабати билан маънавий-маърифий тадбирлар ўтказилмоқда.

Вазир учрашув аввалида Темур бобомизнинг қатъият, адолатпарварлик, илмга ҳурмат, интизом ва масъулият каби фазилатлари ҳар бир ёш учун ўзига хос ибрат мактаби эканлигини таъкидлади.

Шахмат бўйича 2026 йилги Номзодлар турнирида муваффақиятли қатнашаётган 20 ёшли Жавоҳир Синдоров, Жаҳон чемпионати йўлланмасини қўлга киритган ўзбекистонлик футболчилар, фан олимпиадаларида совриндор бўлаётган ёшларимиз намуна сифатида кўрсатилди.

Вазир сув хўжалиги ёшлари орасидан машҳур спортчилар, буюк ижодкорлар, олимпиадачилар, Нобел мукофоти совриндорлари етишиб чиқишини ният қилишини, буни чин юракдан исташини айтиб ўтди.

Ўз бизнесини бошламоқчи бўлган, илмга интилган, стартап лойиҳаларни илгари сураётган, касбий маҳоратини оширишга ҳаракат қилган, спорт турлари билан шуғулланмоқчи бўлган ёшларни қўллаб-қувватлаб, барча шароитларни яратишга тайёр эканлигини билдирди.

Ёшларнинг таклифлари, ташаббуслари тингланди.

Учрашув якунида Вазир ёшларга қарата шундай фикрларни билдирди:

Сизлар билан фахрланамиз, ғурурланамиз. Барчангиздан катта-катта натижаларни кутиб қоламиз.

Ахборот хизмати

Расмий саҳифалар👇
📱Веб-сайт | 📱Tелеграм | 📱Фейсбук |📱 Инстаграм

Andijon viloyati Shahrixon tumani “Suv yetkazib berish xizmati” davlat muassasasi tomonidan “O‘rta Shahrixon” gidrouchastkasida gidrometriya yo‘nalishi bo‘yicha o‘quv-amaliy seminari o‘tkazildi.

Unda viloyatdagi suv xo‘jaligi tizimida faoliyat yuritayotgan tashkilotlar rahbarlari, sohaviy mutaxassislar hamda muhandis-gidrometrlar ishtirok etdi.

Seminarning asosiy maqsadi suv resurslaridan oqilona foydalanish, suv sarfi hisobini aniq va samarali yuritish, gidrometriya sohasidagi zamonaviy yondashuvlarni amaliyotga tatbiq etish, suvdan foydalanish madaniyatini yuksaltirish uchun targ‘ibot tadbirlarini kuchaytirishdan iborat bo‘ldi.

Dastur doirasida suvdan foydalanish rejalarini tuzish, suv taqsimotini optimallashtirish, suv o‘lchash jarayonlarida aniqlikni oshirish, uy xo‘jaligida suvdan va tomorqadan samarali foydalanish kabi muhim masalalar muhokama etildi.

✅Agentlikning ijtimoiy tarmoqlardagi sahifalariga obuna bo‘ling!
📱Telegram |📱 Facebook | 📱Instagram 📱YouTube

Siyosiy-ma’rifat soati o‘tkazildi

Quyi Zarafshon irrigatsiya tizimlari havza boshqarmasida xodimlar ishtirokida navbatdagi “Siyosiy-ma’rifat soati” tashkil etildi.

Mazkur o‘quv soatida ishtirokchilarga o‘tayotgan hafta davomida mamlakatimizda amalga oshirilayotgan islohotlar, ijtimoiy-iqtisodiy jarayonlar, shuningdek, bugungi kunda dolzarb bo‘lgan muhim mavzular yuzasidan atroflicha ma’lumotlar taqdim etildi.

Tadbir davomida xodimlarning siyosiy-huquqiy bilimlarini oshirish, ularning jamiyatdagi jarayonlarga munosabatini mustahkamlash hamda kasbiy faoliyatda mas’uliyatni yanada kuchaytirish masalalariga alohida e’tibor qaratildi.

Quyi Zarafshon ITHB matbuot xizmati

Расмий саҳифалар👇
📱Веб-сайт | 📱Tелеграм | 📱Фейсбук |📱 Инстаграм

Xalq tashabbusi va qo‘llab-quvvatlovi bilan “Oqtepa” kanali betonlashtirilmoqda

Samarqand viloyati Bulung‘ur tumanidagi “Oqtepa” kanalida betonlashtirish ishlari izchil davom etmoqda. Mas’ullar qurilish jarayonlarini joyiga chiqib o‘rganib, mahalla faollari bilan suhbatlar o‘tkazdilar.

Amir Temur mahallasida istiqomat qiluvchi M.Achilov 42-yildan buyon ushbu hududda yashab kelayotganini ta’kidlab, kanalni betonlashtirish ishlari olib borilayotganidan juda mamnun ekanini bildirdi. U amalga oshirilayotgan ishlar uchun Prezidentimiz hamda Suv xo‘jaligi vazirligiga minnatdorlik bildirdi.

Ma’lum qilinishicha, kanalni 23,5 kilometr masofada betonlashtirish ishlari rejalashtirilgan bo‘lib, hozirgi kunda uning 21 kilometrida qurilish ishlari to‘liq bajarilgan.

Suhbat davomida qurilish ishlarini amalga oshirishda daraxtlarga ziyon yetkazmaslik, tabiiy muhitni asrash va ekologik talablarga qat’iy rioya etish masalalariga alohida e’tibor qaratildi.

Zero, tabiatni asrash har birimizning ustuvor vazifamiz ekani ta’kidlandi.

✅Agentlikning ijtimoiy tarmoqlardagi sahifalariga obuna bo‘ling!
📱Telegram |📱 Facebook | 📱Instagram 📱YouTube