كل شي بوقتو حلو .. ما تستعجل على شي .. لو اجا قبل بثانية أو بعد بثانية ما الو قيمة .. حلاته بوقتو ..
أبسط مثال حتى الفواكه وقت تاكلها بغير فصلها مابتكون طعمتها طيبة متل لما تاكلها بفصلها ..

والأشيا الي بتجي فجأة هي مانها صدفة منوب هي ترتيب ربنا ، لأنو بيكون هاد وقتها الصح 🪶🪶
#غزول

ما تتزوج .. ما تتزوجي ..
مشان تجيبوا ولاد وبس لأنو عدد البشر عم يزيد كل ثانية ..

مشان تكملوا نص دينكن متل مابيقولوا .. ممكن تكملوه بأشيا تانية ..

مشان مايقولوا عانس .. ألف كلمة عانس ولا حياة تعيسة واولاد معقدين ..

مشان القطار ممكن يفوتك متل مابيقولوا لأنو في قطار تاني ممكن بطريقه لعندك ..

تزوج .. تزوجي لأنو بدكن شريك حياة ... وأمان واستقرار وحياة تنبنى ع قناعة ..

المحاكم ملت قضايا طلاق ..

المجتمع موناقصو ولاد معقدين نفسيا من مشاكل الاهل بسبب الزواج الي مبني ع غلط ..

هلأ رح ينط حدا يقلي قولي #لاتتزوجوا .. بقله : لا .. أنا اول وحدة بقول تزوجوا والزواج مو كمالية بالعكس #ضرورة للبنت والشب بس عم قول ..
#اختاروا_صح ولا تخلوا أي سبب تاني يخليكن تتزوجوا لمجرد الزواج ..
لانو كل شي بالحياة بس يتأسس صح بيدوم .. والي بيتأسس ع غلط بيزول وبيدمر صاحبو ..🪶🪶
#غزول