TEZKOR GIDROMETEOROLOGIK AXBOROT!

Joriy yilning 14-18-fevral kunlari O‘zbekiston hududi bo‘yicha yomg‘ir yog‘adi, tog‘li hududlarda yog‘ingarchilik (yomg‘ir, qor) bo‘ladi, 14-16-fevralda shamol tezligi 15-20 m/s gacha kuchayadi.

14-18-fevral kunlari kutilayotgan kuchli yog‘ingarchilik sababli, respublikaning tog‘ oldi va tog‘li hududlarida, jumladan:

Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor tumanlarida;

Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobod tumanlarida;

Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Poyariq, Jomboy, Ishtixon tumanlarida;

Navoiy viloyati: Xatirchi, Navbahor, Nurota, Konimex, Karmana tumanlarida;

Jizzax viloyati: Zomin, Baxmal, G‘allaorol, Sharof Rashidov, Forish, Yangiobod tumanlarida;

Toshkent viloyati: Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlarida va Angren, Olmaliq shaharlarida;

Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;

Farg‘ona viloyati: So‘x, Shohimardon, Farg‘ona, Beshariq tumanlarida;

Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlarida va Xonabod shahrida sel-suv toshqin hodisalari yuzaga kelishi mumkin.

Maxsus reportaj | Yovvoyi hayvonlar uchun ozuqa manbalari yaratilmoqda (“Surxon” davlat qoʻriqxonasi misolida)
#13feb #uzbekiston24

Tabiat resurslari vazirligi Surxondaryo viloyati boshqarmasi matbuot xizmati

Kanalga ulanish :https://t.me/surxoneko

Qiziriq tumanida 2,6 gektar maydonda “Yashil bog‘” tashkil etilmoqda.

Davlatimiz rahbarining 2021 yil 30 dekabrdagi “Respublikada ko‘kalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari to‘g‘risida” Farmoniga muvofiq joylardagi qarovsiz yer maydonlarida yashil qalqonlarni tashkil qilish, u yerga daraxtlar ekish va parvarish qilish hamda «yashil bog‘lar» va «yashil jamoat parklari»ni yaratish ishlariga ishsiz shaxslarni, birinchi navbatda, «Temir daftar», «Ayollar daftari» va «Yoshlar daftari»ga kiritilgan yurtdoshlarmizni faol jalb qilish belgilangan.

Prizidentimiz farmoni ijrosini ta’minlash maqsadida bugun viloyatimizda bir qator ishlar amalga oshirilmoqda.
Ana shunday xayrli ishlarning natijasi o‘laroq Qiziriq tumani “Shodlik” mahallasida 2,6 gektar maydonda “Yashil bog‘” tashkil etish loyihasi boshlab yuborildi. Yangi bog‘ hududida daraxt ko‘chatlari ekish aksiyasi o‘tkazildi.

Viloyat hokimi Ulug‘bek Qosimov hamda Tabiat resurslari vazirligi Surxondaryo viloyati yuoshqarmasi boshlig‘i Ro‘zigul Safarova boshchiligida o‘tgan tadbirda bog‘ hududidagi mingdan ortiq mevali va manzarali daraxt ko‘chatlari ekildi. Tadbirda davlat va jamoat tashkilot vakillari, nuroniylar, yoshlar va keng jamoatchilik faollari ishtirok etishdi. Qiziriq tumanida tashkil etilayotgan ushbu “Yashil bog‘” hududiga daraxt ko‘chatlari ekish tadbirlari davom etmoqda.

Tabiat resurslari vazirligi Surxondaryo viloyati boshqarmasi matbuot xizmati

Kanalga ulanish :https://t.me/surxoneko